كلولولولييش

الحمدلله الذي بنعمته تتم الصالحات ،،

.

.

.

ألحين أقدر اسمي روحي خريجة رسمي ;)
تكرمت على جامعتنا ورحت خلصت متطلبات التخرج على قولتهم
بتاريخ 28 / 10 استلمت الشهادة .. ومومصدقه وبحفر هالتاريخ في ذاكرة الزمن
مادري من وين يبت هالتعبير .. المهم اني حبيت هالتاريخ وايد .. وشكلي باحتفل فيه
^_^


المشاورير خلصتها على فترتين .. ياتني الصحوة المفاجأة بتاريخ 26 رمضان .. 18 / 10
فكالمعتااااد .. قاعدة اترقب الشمس تشرفنا بطلتها البهية .. عشان اخلص شغلي

الفترة الأولى

مريت مكان يرفع ضغطي ألا وهو الشويخ - المدينة الجامعية --> كشخناهم
تكرمت علي الموظفه وعطتني .. تخيلو إنها كانت بتطرشني حق وحده والاوراق بزاوية مكتبها يامال الحين اقول .. عيزانه اتمصع وتعطيني اياها .. !!!!؟ تقولي روحي حق فلانه !!!!؟ قلت لها فلانه قايلة لي ايي اهنيه .. خالصين الاوراق اللي عندها .. والحمدلله أرأفت بحالي وعطتني اياها ؟؟

وعطتني ورقة اخلاء الطرف وافتريت



.


.


1

الأمن والسلامة .. لكل من يستخدم الطرييييق قق عطيتهم البطاقة .. طقطق بالكمبيوتر .. وختم خالي الطرف وشخبط شخبوطه على الورقه





وكانت هذي وداعيتي مع البطاقة




2

ثم المكتبة الجميلة

كلللللش ماكان فيه أي شعووور .. لأني متحسفه على باجي اوراق البطاقه .. بس استخدمت منها 4 صفحات حق 4 بحوث :( .. وجنه بعد استعرت فيها حق رفيجتي كانت تبي 10 مراجع وقوانينا الحلوه لازم كل شخص ياخذ اقصى حد 5 ^_^ فماكو الا الطريقة البهلوانية ان كل وحده تاخذ 5





3

وختمتها بالعميد

^_^ نسيت لا اصور مكتبه ;p
أصلا اخنقتني العبرة بس رزيت الورقه ابويهه الحمدلله جك جك وخالية الطرف وشخبوطه بعد


يعني خلاص هالمكان ماراح ادشه مره ثانيه ؟
ماكو انتخابات ماكو نجره ؟
ماكو محاضرات ؟
ماكو ريوق بالوقت الضايع ؟
ماكو فراغ دائم وأبدي على مقرر معين ؟
ماكو FAzZzZ?
ماكو حائط المبكى - الطوفة اللي يعلقون عليها القريدات ؟!!!؟
خلااااااااااص ؟

.

ذكريات سريعة تركض بذاكرتي .. ومواقف حلوه وسخيفة .. وهم التجارب ماقصرت .. تعلمت إني أكون مسؤولة عن نفسي .. لأن محد بيهمه جم أييب ولا أحد بيركض والا بيهمه سقطت والا نجحت
توني أدري إني حبيت هالمرحله من بد باجي المراحل اللي درستها :)))

انتهى المشهد الأول وللحديث بقية ،،

=)

*****

الفترة الثانية

رحت كملت باجي اوراقي .. واحس اني بطير ليش مادري .. توني اتلذذ صج بلقب خريجة ^_^

وكان شكلي تحفة وآنه امشي ويا السهم لما وصلت بسلام إلى مكتب شؤون الخريج .. احم احم
طقيت الباب الأخت تقرق بالتليفون نطرتها تخلص عشان بس تقولي روحي قبل حق فلانه
رحت حق فلانه إلا حضرتها واتحاجيني بالاشاره تأشر لي المكتب اللي جبالها حتى قلت يمكن طرمه مسكينه !!؟ رحت المكتب اللي جبالها قلت لها هاذي اوراقي .. وو اتقولي روحي حق المكتب اللي جبالي عطيها هالورقه !!!!؟ قلت لها توها مأشرتلي ايي لج .. المهم يوم رحت والا اتصوت عليها بس تدخلين البيانات .. الا الاخت مالها خلقي لأنها قاعده تدخل درجات المتفوقين !!؟ امبيه اطلعت مو طرمه !!!؟

استفدت إن الانسان يحسن الظن ويكتشف عكس اللي توقعه .. احسن بوايد من يسيئ الظن ويندم عقب
.
فقعدت اضحك على حركتها !!!؟

المهم لقو الشهادات على مكتب وحده وطلعت اسمي وخلصت .. وطقيتها سوالف ويا المره يحليلي مادري ليش استهليت وايد .. وو عطتني شهادتي وقالت لي هذي أوراقج من أول مادشيتي عندنا
سعادتي بهاللحظة لا توصف




قلت لها : يعني الحين سلمت شغلي كله صح ؟
اهيا : إيه
آنه : خلاص بس ماتبون شي
اهيا : إيه
آنه : مااييكم مره ثانيه
اقعدت تضحك علي --> عشان تصدقون ان ربي مسخرها لي لو وحده مثل اللي شفتها بالفترة الاولى اللي منفسه علي !!!؟ مادري شمسويتلها .. بس صج الناس أجناس


المهم ختمت اللقاء بيعطيج العافيه ومشكووووووووووره ومع السلامة بعد =)



والله لو ما الحيا جان قعدت ايبب




بس ماخليت شي في خاطري كل ماشفت شهادتي بالبيت يببت .. شالوها عني ;p

أبي أنااااااااااااااااام مثل خلق الله

باختصار نومتي معفوسه من نص الكورس الثاني اللي طاف لي يومكم ، وكل يوم في تردي مستمر .. وصلت مرحله ماانام الا الساعه 7 الصبح ومرات 10 .. على حسب المود !!!!؟



تعبت




الناس يبدي يومهم الصبح وانا العصر !؟ اذا مو المغرب !!!؟


ومشكلتي مااعرف اسوي شي مفيد عقب المغرب ، يعني الاشيا اللي اسويها ماتحتاج تركيز .. وانا حاطة لي خطة بمشي عليها :((((( بس متى !!؟
الأيام قاعده تركض .. وآنه كل يوم أأجل لأن أصلاً أقوم وباقي لي نص يوم !؟



جربت اكل بندول نايت .. انام بس الساعه 1 او 2 قاعده مافيني النوم



والا اواصل وادوخ مبجر وانام عقب العشا على طول .. وهم نفس الحاله



وهم صار لي فتره موقفه القهوه .. وصدعني راسي وهم ماكو فايده



والله تعبت بعدل نووووومتي ياااااااااابشر .. أبي حل شسوي ؟




المشكله ماكو شي شاغل تفكيري !!!؟ يعني قبل من الانتخابات والشغل النقابي يالله من فضلك !!!؟ بس الحين تخرجت !!!؟ وهم قبل كنت اعاني من مخلوقه مأزمتني .. الحمدلله قدرت احط حدود حق علاقتي معاها وارتحت .. والحمدلله آنه راضيه عن تصرفاتي مع الاوادم ..!!؟ وهم الحمدلله علاقتي زينه من الناس باستثناء الطفيليين فلهم معاملة خاصة .. ترضي الطرفين

.

.

.




وبس .. ابي اناااام مثل خلق الله شسوي بعمري ؟
لاتبخلون علي بنصايحكم النيّرة .. وبشكثر أقدر أعدل نومتي ؟

تقبل الله طاعتكم .. وعيدكم مبارك

عيدكم مبـارك وتقبل الله طاعتكم ^_^

.

.



*****

1

اعجبني

حرص الناس على الصلاة بالمصليات
وحرصهم على صلاة العيــــــــد
مع العلم إن وقتها مثل ما قال
الشيخ عدنان : في غير اوقات الصلاة
--> الشي الوحيداللي سمعته من الخطبة ;p
لأن كان زحمة شـــوي ويالله حصلنا لنا مكان



2

افرحني

عدم اندثار / انقراض الزي التقليدي
الحمــــدلله ياربي الكــويت ليلحين بخير
=)



3

اضحكني

ابتسامة ياهل كتكوت فازع من صباح الله خير
عشان يشوووف العيد على قولته ;)

ويحن ويطحس .. يمه وين العيد ؟ ناوي يقابله شخصياً

وحرص أهله إن اييبونه معاهم ويعلمونه واهوا صغنونو
شكله بعمر الروضه اذا مو أصغر .. بس يالله من فضلك الدشاشه
والمكسر اللي منزله تحت كرشته جنه صج

عسى الله يبلغنا فيه معرس

^_^



4

اسعدني

دعوة سمعتها من وحده من العيايز
حسيتها طالعه من شغاف قلبها
أحبهم وأحبهم شوفتهم
عسى الله لايخلينا منهم
ولا من دعواتهم الحلوه
ويحفظهم حق اهاليهم
ويحفظ اهاليهم لهم



5

أبكاني

ياهل كان ضايع ويدور أمّه
ماني شارهه على الأم
يمكن اهيا بعد تدور عليه
بس عور قلبي وقعدت أتعبّر بالطريج
وأدعي ان يلقى امه
ولما وصلنا السياره طخيت



6

أشجاني وزادني عزاً وفخراً

أشجاني : الطالبات المغتربات
لأني شفت طالبات كانو معاي بالجامعة
وتقطع قلبي عليهم اهما وخواتنا واخواننا
المغتربين بره كويتنا
.

شيحسون فيه الحين ؟ بدون اهاليهم ؟
وبيعايدون منو ؟ وشلون يحسون بطعم العيد ؟

.
.

وبنفس الوقت زادني عزاً وفخراً
ان اللي جمعنا بهالمكان الاسلاااااااااام
فلا فرق بين عربي ولا أعجمي إلا بالتقوى
عسى الله يثبتهم ويعينهم على هالغربة
ويردهم حق اهاليهم ســــالمين
ورافعين روســـهم وروسنا بشهاداتهم



7

أمنيتـي

توسعة للمصليات
وخصوصاً المناطق اللي فيها حدايق وسيعة او حتى ملاعب !؟
كلّه يوم واحـد او بالاحرى نص ساعة من 24 ساعة



8

اعتـراااافي

يمكن مو كل عيد اروح فيه الصلاة
بس توني استوعب سبب النفس الحلوة
بأول يوم عــيــد بالنسبة لي
وتوني ألاحظ إني اكون أكثر راحة واطمئنان
حتى الوقت مبروك لا إله إلا الله
مقارنة مع الأيام اللي اخمد فيها
واقول حق دانه طلعي وصكي الباب وراج
--> مسكينة لما يطرشونها تقعدني


وبما إن نومتي معفوسه اضطريت إني اقعد
وشربت لي قهوه عشان اصحصح
ونطرت الصلاة لا بعد متكحلة
وكاشخة بجنطة وجوتيها - تكرمون

الفراغة وماتســـوي
.
.
.
فنصيحة لاتخلونها .. نساءاً ورجالاً .. صغاراً وكباراً .. شياباً وعيايزاً
;p


خو كلها ركعتين وخطبتين بو 10 دقايق


*****


طبعاً ماني حارقة على نسكافيه
لأني شفتها تجكجك اليوم بعض طقوس العيد

رســـالة من ....؟

هل تذكرونني؟ أم سرعان ما ينسى الأحياء أمواتهم؟ هل تذكرون يوم كنت معكم في رمضان الفائت؟ كنت بين صفوف المصلين راكعاً ساجدا، وفي صلاة التراويح قائماً خاشعا، ومع الصائمين والذاكرين والمنفقين، لم أكن أعرف أنه آخر رمضان أصومه في عمري كله، ولم أدرك أنه آخر رمضان في حياتي أشهده معكم، ولو كنت أعرف ذلك لزدت من خيرات هذا الشهر وبركاته وفضله، ولزدت فيه من الطاعات والقربات والصدقات وأعمال البر، لو كنت أعلم أنه آخر رمضان في عمري لوجدتموني حريصاً كل الحرص ألا تفوتني صلاة الجماعة في المسجد ولا التراويح، ولقرأت القرآن وختمته أكثر مما كان مني في رمضان الماضي ، لوجدتموني حريصاً على الطاعات بعيداً عن المعاصي والمنكرات، ولكن ولات حين مندم .

لعلكم تذكرونني حين كنت أصافحكم بعد صلاة العيد، فلو علمت أنه آخر عيد فطر يعود عليّ لعانقتكم وداعاً وشوقا،
فاذكروني يا أحبابي في دعائكم ، فأنا في حاجة لدعائكم، وادعوا لي بالرحمة والمغفرة ولجميع موتى المسلمين ، فقد فارقناكم من دار عمل ولا حساب إلى دار حساب ولا عمل، واغتنموا الدقائق والثواني في آجالكم فإنها غالية لا يدرك قيمتها إلا من فقدها، وتزودوا للآخرة فإن خير الزاد التقوى، واعتبروا بمن مضى ، وأن الموت الذي تخطاكم سوف يتخطى غيركم إليكم ، وأن الدنيا دار ممر والآخرة دار مقر فخذوا من ممركم لمقركم ، ألا إن سلعة الله غالية ألا إن سلعة الله الجنة.

تخيلوا أحبتي في الله أن هذا هو آخر رمضان في أعماركم، وليحفزكم هذا الشعور على فعل كل ما يحبه الله ويرضاه في رمضان والاستمرار والثبات على ذلك بعد رمضان.
ولا يكن حالكم كمن وصف الله تعالى حالهم بعد الممات فقال :
(( رب ارجعون لعلي أعمل صالحاً فيما تركت ))

- منقول -

اللهم أغفر لحبيبنا وراحلنا

وجميع مواتنا وموتى المسلمين .. و علمائنا و مشايخنا يارب العالمين

.



.

http://up.9q9q.net/up/index.php?f=z2ytqoHjh
دعاء العفاســي

ومضات رمضانية 4

1
من القلب إلـى القلب
لااااااااااا إله إلا الله ..!!!! هذا آخر اسبوع ؟ والله جنه توه نبارك برمضان .. صج الأيام تركض .. وبما إن بالعشر الأواخر أسأل الله أن يبلغنا ليلة القدر خصوصاً ان العمل فيها كما جاء في الآية (( خير من ألف شهر )) يعني 83 سنة تقريبا و3 اشهر!!!! كل هالأجر في ليلة وحدة ؟ يعني قد عمر كامل !!! هذا لو عاش 83 سنة ..

سئل الإمام الضَّحَّاك ـ رحمه الله ـ : أرأيتَ النُّفَسَاءُ والحائض والمسافر والنائم ، هل لهم في ليلة القدر نصيب ؟ قال : نعم ، كلُّ من تقبَّل الله عمله سيعطيه نصيبه من ليلة القدر .





2
الوجيـز


لمعرفة أسماء الله الحسنى ثمرات عديدة منها :

? تذوق حلاوة الإيمان.
? عبادة الله عز وجل.
? زيادة محبة العبد لله والحياء منه.
? الشوق إلى لقاء الله عز وجل.
? زيادة الخشية لله ومراقبته.
? عدم اليأس والقنوط من رحمة الله.
? زيادة تعظيم الله جل وعلا.
? حسن الظن بالله والثقة به.
? هضم النفس وترك التكبر.
? الإحساس بعلوم الله وقهره.



3
فقـط فـي رمضان ..!

1- فيه ليلة القدر والتي هي خير من ألف شهر.
2- يغفر الله للصائمين في آخر ليلة من رمضان .
3- وأن الصيام يشفع للعبد يوم القيامة .




4

عن عائشة أنها قالت يا رسول الله أرأيت إن وافقت ليلة القدر ما أدعو قال تقولين اللهم إنك عفو تحب العفو فاعف عني ، ( صحيح ) _ المشكاة 2091 .

5
نقصـه
[ بالعاميّة = مايتنقصه الانسان لشخص يعزه ;) ]

فوتوتشيني سبّاجه

المقادير:_كيس فوتوتشيني المطاحن<<< احسن نوع جربته صدور دجاج بدون عظم مفيوحه فوح المجبوس ومقطعه شاورما بصل + فلفل اخضر مقطعين شرايح + جزر مبشور<<< الكميه حسب تقديركم_فصين ثوم مدقوقين 3 علب كريمة كي دي دي 2 مربعات ماجي علبة فطر مقصص شرايح (اختياري) علبة ذره (اختياري) البهارات كاري وكركم وكمون الطريقه نفوح الفوتوتشيني بالماء المغلي مع اضافة الملح وشوية دهن بعدين نشخله ونخليه على جنب نبتدي نحمس البصل والفلفل الاخضر لما يذبلون ونضيف لهم شوية ملح<< انتبهي لا تكثري ترى في مكعبين ماجي بالطريج نضيف الدجاج مع الجزر والفطر والذره اذا حبيتي والثوم ومكعبات ماجي والبهارات الي ذكرتهمالكركم خليه راهي شوي علشان يعطي لون اصفر حلو للأكله خلطي الحمسه عدل ليما تذوب مكعبات ماجي وخلي الحمسه على نار هاديه وسكري الجدرلمدة عشر دقايق تقريبا ضيفي الكريمه وخلطيها عدل مدل لما تتجانس مع الحمسه ويصير لونها اصفر اول ما تبدي الكريمه تبقبق (تفوح) شيلي الجدر عن النار وخلطي الي فيه مع الفوتوتشيني المفيوح سابقا خلطيهم عددددددددددل بعدين حطيهم بالبايركس ورشي فوقهم جبن موزوريلا اذا حبيتي مو لازم ترى وحطيها بالفرن ربع او نص ساعه بس على ما تتسبك ملطوووشه

6
ومضتي الأخيرة
.
.



وهذي آخر ومضاتنا بهالشهر الفضيل .. عسى الله يتقبل منا صيامنا وقيامنا .. ويجمعنا على الخير

تسعدني ملاحظاتكم / نقدكم .. اي شي في خاطركم ;)

ومضات رمضانية - 3

1
من القلب إلـى القلب

اليوم لما قعدنا على الفطور ، حسيت بالذنب وآنه آكل .. مو عشان الكيلوات اللي بنزيدهم ! لأني تذكرت العمّال واللي يصلحون بهالشوارع شلون صايره سفرتهم ؟ وشياكلون ؟ ولاقين شي ياكلونه والا لأ؟! واذكر وحده من البنيات يزاها الله خير سوت فكره حلوه =) تقول كنا انيمّع كل واحد والمبلغ اللي يقدر يحطه ، ونيمع مبلغ حلو ونروح حق مطعم من المطاعم ونتفق معاه ان يسوي لنا عدد من الوجبات جاهزه ونمر ناخذها قبل الفطور بنص ساعه ? ساعه المهم سعر الوجبة الكاملة دينار ، وتقول متى ماتيمعت عندنا قيمة حلوة رحنا ومرينا المطعم ووزعنا الوجبات على العمال اللي نشوفهم .. صراحه فكرة اعجبتني ويابختها بالاجر .. وفي خااااطري اطبقها بهالأيام




2
الوجيـز

احترت شختــــــــــــار؟ ... سبحان الله كل ماقريت الاسم وقريت معناه قلت خلاص بحطه ، واقرا الثاني ونفس الحاله ، صراحه كل ماقريت زيادة عن أسماء الله سبحانه وتعالى أحمد ربي على اسلامي ، كفاني فخراً أن تكون لي ربي وكفاني فخراً أن أكون لك عبداً ..

الحفي

قال الله تعالى حكاية عن قال صلى الله عليه وسلم : ( سلام عليك سأستغفر لك ربي إنه كان بي حفياً ) مريم 47
الحفي هو الرؤوف الرحيم كثير البر واللطف المعتني بعبده والمبالغ في إكرامه والطافه ، العالم به المجيب له إذا دعاه.

>> احنا نستخدم لفظة / يحوف .. فلان حايف امه أو فلانة حايفه امها حوف ، شفتو هالحوف اللي بالبشر؟ تخيلو لو كان لنا من رب هالبشر ؟

السميع

قال الله تعالى ( قل أتعبدون من دون الله ما لا يملك لكم ضراً ولا نفعاً والله هو السميع العليم ) المائدة 76
السميع هو الذي أحاط سمعه بجميع المسموعات، فكل ما في العالم العلوي والسفلي من الأصوات يسمعها، سرها وعلانيتها، لا تختلط عليه الأصوات، ولا تغلطه اللغات، وهو الذي يسمع المناجاة من الداعين. ويجيب المضطرين المتضرعين، ويكشف السوء والضر، فعلى العبد أن يراقب الله فيما ينطق به، فلا يتلفظ بقبيح الكلام أو فحش، أو بذاءة، أو سب، أو شتم، أو استهزاء بالصالحين، وعلى العبد أن يخلص في دعائه.

>> بالنسبة لي اخنقتني العبرة عقب ماقريت هالاسم !!!! جم لغه بالعالم ؟ وجم شخص يدعي بنفس اللحظه ؟ وجم صوت بهاللحظه ؟ جم دعوة ؟ !!!!! شوفو الحرم واستشعروا هالمعنى ؟ جم جنسيه اهناك؟ وجم آدمي يدعي بنفس اللحظه ؟ سبحانك ياربي ماأعظمك

اللطيف

قال الله تعالى ( ألا يعلم من خلق وهو اللطيف الخبير) الملك 14
اللطيف هو الذي أحاط علمه بالسرائر والخفايا وأدرك الخبايا والبواطن والأمور الدقيقة اللطيف بعباده المؤمنين، الموصل إليهم مصالحهم بلطفه وإحسانه من طرق لا يشعرون بها. واللطيف الذي يريد بعبادة الخير واليسر، ويقيض لهم أسباب الصلاح والبر.

>> ألحين عرفت ليش بيت من البيوت اعرفها لازم كل عيالهم عندهم : لطيفة وعبداللطيف^_^ إذا اهما مستشعرين هالمعنى فيابختهم





3
فقـط فـي رمضان ..!

1- وأن صيام رمضان يعدل صيام عشرة أشهر . (رواه أحمد 5/280) وصحيح الترغيب(1/421)
2- من صام رمضان إيماناً وإحتساباً غفر له ما تقدم من ذنبه .
3- الصوم وشهر رمضان وسيلة للتقوى والقرب من الله عز وجل .




4
فاسـألوا أهل الذكر

س : يقول الرسول عليه الصلاة والسلام : (( تسحروا فإن في السحور بركة )) ، فما المقصود ببركة السحور ؟
ج : بركة السحور المراد بها البركة الشرعية و البركة البدنية , أما البركة الشرعية منها امتثال أمر الرسول والاقتداء به وأما البركة البدنية فمنها تغذية البدن وتقويته على الصوم .
[ الشيخ محمد بن عثيمين]




5
نقصـه
[ بالعاميّة = مايتنقصه الانسان لشخص يعزه ;) ]

PoTaTo LoVeR

المقادير :

4حبات بطاطا
1كريمه سائلة Kddربع حبة ملفوف أخضر 8حبة بقل بصل مفروم نص زبده فص ثوم ملح وفلفل أسود الطريقه :يتم تقطيع البطاطا للقطع كبيرة ويتم فوحه في ماء مغلي مع الملح وبعد ذلك يتم تقطيع البقل للقطع صغيرة و وتسيح الزبده حمس البصل والثوم والبقل ويضاف عليهم الملح والفلفل الأسود ويقطع الملفوف الأخضر اللى قطع كبيرة ويتم أضافته الى الحمسه ويضاف عليه البطاطا والكريمه السائلةثم تقدم بالهناء والشفاء


مالقيت الصورة حسافة :)



6
ومضـتي الأخيـرة ..!
.
.
.

سالفة + اجوبة

1



وســــــــــــــــــــــام
لكل خادم / خادمة .. طباخ/طباخة

اليوم سبحان الله شفت موقف يمكن يتكرر وايد .. بس اول مره اقعد افوكر فيهم ياقليبي
عقب الكرااااااااااف من تنظيف وترتيب وتكنس وطبخ ونفخ وفزعة من صباح الله خير
غير وقت الاستنفار اللي قبل الفطور وكلشي لازم يكون جاااهز ...؟!!!!؟
وتقعد تتفطر وتصلي وعقبها لازم الجاي والقهوة .. ووو ياقردها إذا تعرف تسوي اللقيمات
فيه ناس تنتهي مهمة خدمهم إلى هالحد .. وفيه ناس لا ماشالله عليهم طلباتهم ماتخلص
الحمدلله بيتنا من النوع الرحومين وننزف احنا عشان هالخدم من كثر مايصفون معاهم :)
يالله الحمدلله .. شنسوي بعد .. بس احسن من نظلمهم وباجر يصيرون برقبتنا

ماعلينا مو هذا موضوعنا .. اليوم صليت يم جالية من الجاليات .. ماشالله عليهم
مـــادري اهما ربع .. مادري اهما من هالبيـــــــوت اللي يم المســـــــــــــيد ؟؟؟؟
قعدت افوكر استغفرالله ياربي بالصـــــلاة وعقب الصلاة بعد .. الله يعينهم ..!!!؟

عقب كل هالكراف مع اختلاف درجات الكراف مثل ماذكرنا .. يايه المســــيد؟؟؟؟


والله عفيا عليها .. وعفيه عليهم كلهم .. وااااااااااااي والله العظيم شعور مادري شنو اهوا
غير اني فرحت بهالدين .. يااااااااااربي اعز الاسلام والمسلمين يارب العالميــــــــــــــــن


شي حاز بخاطري هناك ..!!!؟

ان محد كان صاف يم هالجالية مع ان كان فيه مكان حق شخصين تقريباً .. يعني الصفا ناقص وباجي الصفوف قبلهم وعقبهم تمام !!!!؟ حدي استغربت ؟


يعني بفهم ليش ؟ راح يعادونا بلونهم ؟ مثلا ؟ او يعادونا ونتكلم مثلهم ؟ او يعادونا ونلبس مثلهم ؟ او يفشلونا لما نصف يمهم ؟ والا شنو بالضبط ؟ ودي افهم ليش السطر فاضي .. وخلصت الصلاة وراحت كل وحده فيهم لي بيتها
وليلحين مافهمت ليش المكان كان فاضي .. على فكرة انا توقعت اني بشم شي خصوصاً ان هالجالية تحب تتكلين
- نسبة الى الكلونيا -
بريحة الفل او الياسمين .. وغالباً تخنق الريحة .. وقفت وماشميت شي .. هم توقعت اشم ريحة طباخ او ريحة كريهة !!! وربي اللي خلقني ولا شي ... كانو نظاف يعني !!!!؟

؟

ماقول الا : إن الله لا ينظر إلى أجسادكم ولا إلى صوركم، ولكن ينظر إلى قلوبكم أو كما حبيبي صلى الله عليه وسلم

*****
2

أشكر عزيزتي مولكت جوكا ... واقولها ترى حليت الـ
HoMe WoRK ;p

.

.

about me .. ^_^



إذا مستانسة
أحــب الكل يستانس وياي :)وإذا عاجبني الشـــي : أمبيه عجيييب / حده عجيب



نفسيتي تعبانة
قهوتي ولازم اكل شي في خاطري ومن زمان ماكليته =)
واسمع نشيدة يارجائي 3 مشاري العرادة .. وحنيني حق العفاسي
يتعدل المود شـــوي .. وأرد اكمل حياتي عادي



اذا قامته شي بقلبي وساكته
مااعرف غالباً أفصح عما في قلبي وإذا اضطريت إني اقمت شي بقلبي مثلاً موقف غبي صار مع وحده غبيه .. تلاقيني من اتفه موقف يصير بالبيت أبجي!؟



اذا صمت
اقعد احد وياي مااحب اقعد بروحيوإذا مالقيت احد تلاقيني بسرعه تنسد نفسي وانطر العشى واقعد وياهم



اذا اندقرت
اطــخ .. واطالع اللي دقرني بطرف عين .. توحي بشكلي ان الله يسامحك/ج



اذا حسيت بظغط
اسوي لي قهوة وعلى قولت اخوانا السعوديين (( وأروّق )) .. واييب نوتي العزيزة وأكتب الأشيا اللي تحتاج إنجاز لأن الضغط غالباً يكون من كثرة الشغل اللي لازم أسـويه واحط النوته ، واقعد اريح مخي شوي .. يا أقعد بالصالة أو اجيك إيميلي .. المهم شي مريح



اذا عصبت
احاول اني مااغلط على اللي جدامي .. لأني مابي اقول شي اندم عليه .. واذا الشخص جدامي خليته ومشيت أو اني اتجاهله اذا مثلاً بمكالمة أحاول إني أنهيها بأي طريقة .. واصعد داري إذا منهاره يعني عشان اخذ راحتي وآنه أبجي :)



إذا زعلت --> هذي اضافيه ;p
اسنع داري :D



اذا بنحاش من امر
أحط راســـي وأنام .. وأوصيهم مابي أحد يقعدني



اذا مفلسه
شســوي بعد هذي حال الدنيا يوم لك ويوم عليك :) اقعد مااسوي شي واتكيّف مع الوضع وإذا عندي طلعه كنسلتها ^_^



اذا امي دقت تليفون
- قبل لايتفرمت موبايلي كنت حاطة -
أحبج يابعد نـاســـي .. يامعنى نبضي واحساسي حقيقة أنتي يا أمي .. عظيمة ورافعة راســـــي



إذا دق أبوي
بصراحه كانت من الرنة العادية اللي انا حاطتها



اذا بجذب
اضحـــك .. حـدددي مااصلح حق التأليف



اذا توهقت
أسأل شنو يعني موعيب الواحد مايفهم ^_^
وإذا ماعرفت الجواب اقول مادري :)



اذا استحيت
ليش الفضايح يعني لوووول بعد الواحد لما يستحي شيسوي :)
وووو احاول إني مااحط عيني بعين الشخص المعني -->حلوه الشخص المعني



اذا انظلمت
اوضح حق الشخص إني مظلومة :( وطبعاً مع الحجي راح تخنقني العبرة وابجي :)



اذا احد تقدملي
أشوف راي السلطات العليا ;) واعيش يومي عادي متبلدة المشاعر أصلاً



ليلة العيد
أجهز هدومي والجوتي -تكرمون- والجنطة حتى الميكب ^_^ --> الله والميكب : كحل وماسكرا وقلوس ;p



((اضـافي))
إذا متضايقة
دقيت على وحده من زمان ماادري عنها واكيد بتقرق على راسي أو ادق على وحده ادري انها قراقه واخليها تقرق على راسي عشان انسى :) ...او ادش منتديات معينه قسم المشاكل الاجتماعية واحط لهم حلول احس بالرضى عن نفسي لما اساعد الناس ^_^



اذا حسيت ان احد متضايق مني
يمكن يمر يوم افكر فيه عدل باللي سويته .. وثاني يوم اعتذر طبعاً لو كنت غلطانه



اذا تضايقت من مكان
نفس الاجابة : مااحب اروح له مره ثانية .. وهذا اللي قاعده اعانيه الحين من جامعة الكويت بالتحديد الشويخ املق مكان بالدنيا !!!



اذا ضايقتني امي
اقولها إنها مضايقتني .. طبعاً مع استغلال الوقت المناسب :)



اذا ضايقني ابوي
مادري ليش كلنا نفس هالاجابة : ابتعد .. إيه ابتعد بنفس الوقت .. بس بنهاية اليوم مااسكت ولازم توضح له الصوره اني تضايقت



اذا صادفتني بليغة شف
ادقــــــــــــرها .. خصوصاً إذا تدخلت بمواضيع مالها شغل فيها


*****

وحقوق الاسئلة لجميع البلوقرز ^_^
ونشكر عتوجه عليهــا

إنجازاتي المطبخية

شلون رمضان معاكـــم ؟
وشسويتو وشماسويتو؟
وعسى مشيتو بختمتكم؟

ووين تصلون التراويح؟
ماشالله تناصفنــــا!!!؟
.

.

.

يالله عسى ربي يقدرنا نكمل الباجي بلا كلل ولا ملل --> يعني بكتب بالعربي


*****

إنجازاتي المطبخية

أول اسبوع تمـااااام .. وكل يوم وترك تقريباً من شغل إيدي .. ثاني أسبوع ^_^ كسّلت

وووو اتحفتهم اليوم بحلو الشيف / كيــتــي
مادري ليش طالع شكله عبيط .. يستظرف دمه
:p



يــاسلااااااام مع الكابتشينو ...!!؟





عقبها حســيت في حالة طيشــــــــان :p


******

ننتقل الآن إلى : اليريش وهو طبق كويتي قديم مشهور


احتجت حق : دهن عداني

و حشو عبارة عن : بصل مفروم + بقدونس مطحون + لومي مطحون















.












.











.


ويريش من جمعية الســـــــرة







ورشو دهن العداني على الويه وزينو الماعون بالحشــــــو .. يطلع لكم نفس اللي بالصورة بالضبط ;p




ودزو الماعــــــون حق البيت اللي كانو دازين لكم نقصــة .. وخلصت القصة وملصت

** ملاحظــــة

هالحركة تنفع حق الناس اللي ماعندها وقت والناس تنقصو لها شي بماعون :))) وخصوصاً إذا الماعون نفس اللي بالصورة .. كلش مو مال تسوون فيه حلـــو !!!؟

^_^ هنيئاً مريئاً

ومضات رمضانية - 2

1
من القلب إلـى القلب

مر الأسبوع الأول من رمضان ، ماشالله الأيام تركض ، أتمنى ان انجزنا شي يسوى =)وهم فيه فرصه نستغل وقتنا بطريقة صح ، باقي 23 يوم ! ياربي تعيننا وتييسر لنا صيامنا وقيامنايقول الله في الحديث القدسي : كل عمل ابن آدم له إلا الصوم فإنه لي وأنا أجزي به ...!!!!
[رواه الإمام البخاري في صحيحه ج2 ص226 من حديث أبي هريرة رضي الله عنه. بنحوه ]
سبحان الله! هالاسبوع راجعنا انفسنا شلون صمناه ؟ هل كان صوم بس عن الاكل والشرب ؟ ياربي ما نكون قارضين ( حاشين ) بخلق الله واحنا ماندري .. يبيلنا وقفه نراجع ونحاسب نفسنا ونقيّم صيامنا بينا وبين أنفسنا ، هل فعلاً نعتبر صيّام؟ أسأل الله أن يعفو ويغفر لي ولكم إنه هو الغفور الرحيم ، والحمدلله ليلحين فيه فرصه نعدّل ونسنّع انفسنا بمدرسة الصيام ^_^



2
الوجيـز

اخترت اليوم اسمين من أسماء الله الحسنى ، عشان لما ندعي فيهم نكون مستوعبينهم عدل ، ومستشعرين معانيهم..

الجبّار
قال الله تعالى ( العزيز الجبار المتكبر ) الحشر 23
الجبار هو الذي يقهر الجبابرة، ويغلبهم بجبروته وعظمته، وكل جبار وإن عظم فهو تحت قهر الله وجبروته، والجبار الذي يجبر القلوب المنكسرة والضعفاء العجزة، وكل من لاذبه ولجأ إليه، والجبار العلي على كل شيء، والجبار هو المتكبر عن كل سوء ونقص وأن يكون له ند ومثيل وشريك. فعلى العبد أن يحذر من التجبر ومن طاعة كل جبار عنيد..

~ سبحان الله ! من معاني الجبّار : الذي يجبر القلوب المنكسرة ؟ فيا جبّار اجبر ضعفنا ~


الوهّاب

قال الله تعالى ( أم عندهم خزائن رحمة ربك العزيز الوهاب ) ص 9
الوهاب هو مستمر الإحسان متواتر الفضل لم يزل ولا يزال محسناً متفضلاً، دائم الهبات كثير الخيرات جزيل العطايا، لا يخلو مخلوق عن رحمته وإحسانه طرفة عين. أهل السماوات والأرض لا ينفكون عن جوده وإحسانه.

~ سبحان الله ! من معاني الوهّاب: دائم الهبات ، كثير الخيراااات ..! فما ظننا بالوهّاب ؟!! ~



3
فقـط فـي رمضان ..!

1- يعتق الله من يشاء من عباده كل ليلة من ليالي رمضان .
2- والصدقة في رمضان من أفضل الصدقات .
3- أن الأجور في هذا الشهر الفضيل مضاعفة ، وأن صلاة السنة فيه كالفريضة ، فما بالك بالفريضة نفسها

4
فاسـألوا أهل الذكر

س - هل لقيام رمضان عدد معين أم لا ؟
ج - ليس لقيام رمضان عدد معين على سبيل الوجوب,فلو أن الإنسان قام الليل كله فلا حرج , ولو قام بعشرين ركعة أو خمسين ركعة فلا حرج ,ولكن العدد الأفضل ما كان النبي ,صلى الله عليه وسلم ,يفعله وهو إحدى عشرة ركعة أو ثلاث عشرة ركعة
فإن أم المؤمنين ، عائشة سُئلت :كيف كان النبي يصلي في رمضان ؟ فقالت : لا يزيد في رمضان ولا في غيره على إحدى عشرة ركعة .
ولكن يجب أن تكون هذه الركعات على الوجه المشروع , وينبغي أن يطيل فيها القراءة والركوع والسجود والقيام بعد الركوع والجلوس بين السجدتين , خلاف ما يفعله الناس اليوم , يصليها بسرعة تمنع المأمومين أن يفعلوا ما ينبغي أن يفعلوه , والإمامة ولاية , والوالي يجب عليه أن يفعل ما هو أنفع وأصلح .
وكون الأمام لا يهتم إلا أن يخرج مبكراً هذا خطأ , بل الذي ينبغي أن يفعل ما كان النبي , صلى الله عليه وسلم يفعله , من إطالة القيام والركوع و السجود و القعود حسب الوارد, ونكثر من الدعاء والقراءة و التسبيح وغير ذلك .

[ الشيخ محمد بن عثيمين]

5
نقصـه
[ بالعاميّة = مايتنقصه الانسان لشخص يعزه ;) ]


بيتزا الخبز الإيراني DuMoo3?s PizZa

اليوم طبقنا حلو وسهل وما ياخذ 10 دقايق

المقادير :

خبزة ايرانية جبن مازارولا
مشروم ( فطر )فلفل أخضر باردزيتون مقطع
صلصة البيتزا العلالي

أو صلصة الطماط
( بصل مقطع صغيرونات + ماجي + ثوم + معجون طماط )


الطريقة :

1 / إذا نبي نسوي صلصة الطماط نحمس البصل وبعدين نضيف له الماجي والثوم ومعجون الطماط .
2 / ندهن الخبزة بالصلصة بعدين نضيف المشروم والفلفل البارد والزيتون .
3 / المازارولا على ويه الخبزه وندخلها الفرن لحد ماتتحمر .







6
ومضـتي الأخيـرة ..!
.
.
.






إن شا الله باقي لنا ومضتين ^_^
3
4
وسلامتكم