الشــــمعة

((الشمعة))

ذلك المثال الذي يضرب للتضحية


هناك من يرى أن الشخص صاحب الكرم الطائي في العطاء

كالشمعة

فهي كمـا علمنـا مثـالاً للتضحيـة والبذل
وللأم والمدرسة النصيب الأكبر من هذا التشبيه
وكل شخص يبذل ويعطي بلا حدود


ولكن ما شغلني كثيراً هو
منظر الشــــــمعة


1
تحترق
فتؤذي نفسها بتلبية حاجات الآخرين اللامنتهية
وكل ذلك في سبيل اسعادهم

2
تذوب
من الألم والمعاناة والتعب
بل لا تكاد تلتف إلى مدى حاجتها للراحه
كل ذلك في سبيل ارضاءهم

3
تنتهي
فيبحث الناس عن شمعة أخرى !؟
أو أي طريقة أخرى لجلب النور
والإضاءة التي يحتاجون إليها


.

.

.


وثم ما هي أطول فترة ممكنة حتى ينتهي بها المطاف إلى أن تنطفء ويختفي نورها ؟

مردها بتمل وتطفي أو انها تكمل مشوار الاحتراق ويستغلونها إلى آخر رمق .. عفواً إلى آخر الفتلة ويشوفون شمعة تحترق مثلها أو أزيد





رأيكم بالشمعة ؟
وما هي البدائل من وجهة نظركم ؟

يابخت عينهم ... والله يردهم بالسلامة

بما ان خالاتي راحو وعيالهم اسمالله عليهم محارمهم العمره والخميس الياي بيصير مليق بدونهم

ومقاريد ماطارت طيارتهم إلا على التسع إلا بسبب الاضراااااااااااب اللي بالمطار والمقاريد كلوها
وبننطر طرائف نونو لأن اسمالله عليها أول مره تروح .. وعبالها الكعبة صغيرة كانت تسألنا شكبرها؟
ووو بعد شنو ياربي .. صار لي مدة بس اجابل التلفزيون واتخنقني العبرة والله ولهانه على الكعبة
لاتضحكون على التعبير بس كناية عن مدى اشتياقي للمكان ، فتكون جملتي : ولهانه على الكعبة وإذا شفتها قلت ودي ألمها شلون مادري !؟
تذكرت قصة صار لها يمكن سنتين

ووجدت صهيباً !؟


أثناء تجولنا وبعد الانتهاء من شراء ( الصوايغ ) بمركز مكه .. بالتحديد قرب بن داوود ..وجدت صهيب !؟
و دار بيننا هذا الحوار
.

.


ريلاكس : أنت صهيب صح ؟ صهيب يهز رأسه ايجاباً
ريلاكس : شلونك زين ؟ صهيب : الحمدلله
ريلاكس : تذكر العام بمركز مكة كنا عند الشرقية ووصلت الأغراض لما المريديان

أذكر ماكان فيه حجز إلا بمريديان وبالنسبة للتوحيد يعتبر المريديان بعيد و مقرود وصل لي الأغراض لي الفندق .. عموما كانت الاغراض ملافع يعني مو ثقال آنه اللي كنت شاقلة المياها على قلبي اخاف يتعب الطريج اشطوله حسب تقديري يعني

طبعاً قلت قصة حياتي وقلت له عن البسكوت احم في ذيج المره كان معاي بسكوت وماكليته وعطيته اياه مع جم ريالات ماني مصرفتها جود تنفعه

شكله تذكرني ... عموماً تذكرني وإلا لأ المهم إني أذكره واسمه انرسخ خلاص

ريلاكس : هاذي هدية حقك .. --> والله صج كنت خاشتله هدية إذا شفته

( مادري ليش كان عندي احساس ان بنلقاه وامي كانت تقول وين تلقينه مع كل هالامة )
اخنقتني العبره جابلته وتميت فترة بو جم دقيقه يالله قدرت اتكلم : يالله مع السلامة انشوفك اذا ربي كتب لنا عمرة


( عسى ربي يفتح عليك ياصهيب ويوفقك ويرزقك من حيث لا تحتسب )

.

.

من هو صهيب ؟

طفل لم يتجاوز عمره الـ 9سنوات
رأيته بمركز مكه عمرة 2005
وظيفته : حمــّالي


- ماكان يجول بخاطري -
واخنقتني العبرة عشانه

أ / اسمالله عليهم اللي عندنا مجابلين هالبلي ستيشن إذا ضايقه خلوقهم .. ولا بيت يدهم مايعتبر طلعه عندهم .. غير الطلعات والروحات والييات.. والمدارس تنبح أصواتنا عشان يحلون واجباتهم .. وينشلعون شلاع الصبح عشان يداومون .. والجمعية عندهم شي أساسي شنو يعني يمر جم يوم مايروحون فيه الجمعية وروحة الجمعية يبيلها فلوس .. وفيج خير تعطينهم اقل من نص دينار = 5 ريال تقريبا .. اللي غيرهم يعيشون وياكلون منها

ب/ صهيب بعمرهم ! بس ماعنده مثل اللي عندهم .. لعبه يشوف اللي بسنه بنفس المكان .. دوامه بمركز مكه من الصبح لي الليل .. يشوقل بهالجياس على شنو 5 ريال ؟ وإذا اهوا محظوظ بيعطونه 10 ريال .. ويكون مسؤول عن نفسه إذا مو مسؤول عن عايلة كاملة .. مايقدر يتذمر لأن ماراح يلقى أحد يكد عليه غير نفسه وإلا بتروح عليه .. غالباً يكون مقطوع من شيره مثل مانقول ومااتوقع اهله يدرون عنه إذا ماخلوه بموسم الحج وراحو عنه .. أياً كانت ظروفهم او ظروفه .. اللي أبي أوصل له وضعه بين ديرة يمكن عاش فيها بس ماعنده لا سند ولا أهل ولا معارف إلا جان هاللي مثل حالته


أدري إني عاطفية .. وشفتي الموضوع من جانب واحد .. بس كل مااتذكر هالموقف يعورني قلبي
وأحمد ربي على النعمة اللي احنا فيها .. لا واقول حق اللي يتذمرون قصته جود يحسون على دمهم شوي

.

.


وعسى الله يرزقني وياكم عمرة

ويرد معتمرينا بالسلامة

TaaaaaaaaaaG .. about me ....!

ماقصر أخوي
Q80MINI
ووهقني بهالتاق ;p
وقلت أشد حيلي وأصير قوية

.

.

بسم الله الرحمن الرحيم
نبدي بالفضايح الخفيفة الظريفة


- اسئلة عامة -

1

ماهو مشروبك المفضل؟

بجميع أنواعها

2

ماهو طبقك المفضل؟

ماعندي مشكلة أكل لي جم قطعة وقهوة بدال الغدا أو العشا أيباااااااااااااا !؟
^_^

3

كم ساعه تشاهد التلفاز؟
امممم صج 24 ساعه شغال بس الوقت اللي اجابله وقت مسلسل او فلم وموكل يوم :))))

4
ماهي اجمل هدية حصلت عليها في حياتك؟ وممن كانت الهدية؟

هدايا تخرج الجامعة اللي صج صج حسيت بطعمها :>
أحلى الهدايا من أهلي وصديقتي الصدوقة .. وهم باجي الهدايا حلوة
ماقصرو والله كلهم
^_^

5
اتحب ان تهدي اصدقائك هدية من اختيارك ام تعطيهم المال ليختاروا هديتهم؟

ماأفضل كلش تكون هديتي كاش لأنها مردها بتنصرف ومااحس ان بيبقى لي أثر ^_^ وقناعتني بإن الهدية حلاتها يكون منها فايدةواذا اضطريت اسلمهم كاش يكون بعلبة او صندوق المهم شي ينتفعون منه

6
أتكذب؟
الله مايحب الجذابين ، وبعدين حتى لو جذبت بيبين علي واقعد اضحك ;p

7
اترتدي الزي الرسمي لبلدك باستمرار؟
يعني مثلا مثلا دشداشه مثلا ؟ ;p

8
تدخن؟


لأ طبعاً !؟

9
تتابع كرة القدم واحداثها؟


10
جسمك طبيعي من الناحية الرياضية ام تعاني من الضعف او السمنة؟
الحمدلله عال العال - الله يتمم - وراضيه عن نفسي .. بس مشكلتي وسواسيه من هالناحية





- اسئلة عن العادات الغذائية -
11
تحب شرب الماء الساخن؟
لأ لازم بااااااااارد حتى لو بلشتى

12
اتحب اكل المثلجات ذائبة؟

لااااااااء ! عيل ليش اشتريها

13
اتأكل الوجبات السريعة؟


لأ إلا في حالة الضرورة القصوىىى ! ومااحب اطلب وجبه كاملة .. وإذا كانت صمونة فبدون مايونيز ومع جبن






- أسئلة عن السياحة والسفر -
14
متى اخر مرة زرت فيها شاطئ البحر؟


امممم من عطلة الربيع تقريباً

15
كم دولة غير دولتك زرت في حياتك؟


8
:)بس مشكله لما يعلقون على جم وحده فيهم





- سؤال شخصي نوعاً ما -
16
من هو اعز اصدقائك؟

شوشو ومي مي وسوسو عسى الله لايحرمني منهم ولايغير علينا
^_^

- اسئلة اسلامية -

17
ماهو دينك؟
الإسلام

18
ماهو احتمال تركك لدينك في يوم من الأيام؟
عسى الله يثبتني وياكم
يامقلب القلوب ثبت قلوبنا على دينك

19
اتقرأ القرآن الكريم؟
الحمدلله

20
اتتابع برامج دينية؟
يعني على حسب المواضيع

- اسئلة عن الوقت -

21
كم ساعة تستخدم الأنترنت في اليوم؟
اممم ماحسبتهم بس على حسب وإذا كنت فاضيه والا لأ يعني باختصار مالي وقت معين

22
كم ساعة تستخدم حاسبك الآلي في اليوم؟
إذا عندي شغل مرات اليوم كله تقريبا يتخلله وقت الصلاة والأكل

23
اتفتح بريدك الألكتروني أولا ام تزور مواقعك المفضلة اولا؟
المواقع المفضلة
والايميل اجيكه مع المسنجر مره وحده





- سؤال داش عرض ;p -
24
اتعمل؟
نعم

- أسئلة عن الدراسة -


25
أتحب او احببت المدرسة؟
شر لابد منه ;p

26
أأحبك المدرسين؟
إيــــه الحمدلله وكان لي شعبية :))

27
هل انت او كنت من الطلاب المزعجين ام الهادئين في الفصل او القاعة؟
هادية وعاجلة شحليلي

28
تعتبر من الطلاب المتفوقين؟
الحمدلله بس مو بكل المراحل

29
احصل ان اعدت سنة دراسية في حياتك؟
تأخرت كورسين بالجامعة :)

- اسئلة عن الحيوانات والنباتات -
30
اتربي حيوان في بيتك؟
حالياً لأ ..اخاف منهم

بس يوم كنا يهال كان عندنا قطوه رمادية وعيونها خضر

وفي بيت يدي كان عندهم ارانب وكتاكيت صارو دياي عقب يحليلهم
ولما كبرنا صار عندنا كاسكو ومات الله يرحمه
وعقبه سمج هم الله يرحمهم;p

31
اتزرع اي نوع من النباتات في بيتك؟ وماهو؟
مااعرف اساميهم :))) يمكن تصير عندي هالهواية بس الشتى الياي




- أسئلة الغرض منها الشماته أدري .. بس بجاوب بكل صراحة -

32
اتخاف من المرتفعات؟
إيه ^_^

33
اتخاف من الحشرات؟
هم إيه :( وتضاف إليها القوارض بعد

34
اتخاف من الظلمة؟
نص ونص ;p

35
اتخاف من رجال الشرطة؟
لأ

- سؤال عن الهوايات -
36
ماهي هوايتك؟
أحب اتقرا شعر .. روايات .. الكتب اللي عن الادارة والتنظيم
ومرات استانس على اللي يكون فيها تطوير للذات .. اممم يعني القراءة عموماً

واسمع سلسلة كاملة واسجل اهم شي فيها هم عن نفس المواضيع اللي ذكرتها عن القراءة

ووو احب التنظيم والترتيب :) والله اعتبره هواية اممم المشي بس مو على كل حزة يعني السالفة يبيلها مود

أحب أصمم ولو إن التصاميم على أدي .. والتصميم ترى يشمل الملابس بعد والدراريع
أحب سوالف التزيين وتغليف الهدايا .. أحب ابتكر ديكورات من مخي الجميل ^_^

أحب أشتري دلاقات - يكرم القاري - ملونه وغريبه .. يمكن البسهم بس بالبيت بس احب ايمعهم

نفس الشي الـ MuGzZ

وذكرت إنها هواية العايلة ;p

أحب اشتري الأشيا التقليدية - إن صحت التسمية - للدول اللي نزورها .. وأحيانا المناطق ;)

أقدّس الذكرى

- سؤال طفولي -

37
ماهي الشخصية الكارتونية المفضلة لديك؟

ميني ماوس



لين



سنفورة






-أخيـــــــراً -
38
مامستوى غرابة وغموض هذه الأسئلة؟
مافيها غموض ولا غرابة بس شوية فضايح بس ;p


39
ماتقييمك للأسئلة؟
زينة


40
لمن تحب ان تمرر هذه الأسئلة؟
- اللي قبلي مرر الاسئلة لـ 4 أشخاص من جذي عدد المقاريد اللي بينسألون 4 -

فراولة

The Voice Within

charisma

أم بخنق زري



واللي بلشناهم المره اللي طافت نعفيهم هالمره ;p

.
.


- تم بحمد الله -

مشكلة لما تعتبر شخص قريييب ( إما بقرابة نسب أو قرابة صداقة ) ومستحيل يضرك بيوم
وتكتشف إن نفس هالشخص اللي وثقت فيه اصدمك بتصرف غبي منه .. وكان متوقع إنك مغفل
أو مستحيل تعرف ان اهوا صاحب هالتصرف الاهبل





!

أدري محد فاهم لأني ماابي اسهب وايد بالموضوع بس حبيت افضفض شوي

خطاكــــم اللاش

أول شــــــــي يزاكم الله خير على دعواتكم
وإن شالله أصير أحسن لأن لحد الحين ماخلصت مشاويري

;p

امس قريت رد الاستاذ أيوب الايوب على الشيخ مهلهل الياسين
لأن الشيخ كان كاتب بالصفحة الاخيرة قبل جم يوم وترك سؤال للأستاذ الأيوب

مفاد السؤال : ما معنى اللاش .. ؟
بقولنا
خطاك اللاش !!؟
يعني خطاك السو = خطاك السوء .. أما اللاش !!؟

من اللا شيء .. فيكون المعنى

1
لا شــــــــيء ينالك

2
وقريت التعليقات - اللي بسايت الجريده - أن اللاش هو الشخص الردي اللي مامنه فايده



ووو ممكن الجمع بين الرايين ان اللاشيء هو الشخص اللي مايساوي شي + ويشمل كل لا شيء شخص كان او جماد او مرض ...ألخ

--> اسمالله علي مو فلته زماني ؟ ;)

المصدر حق اللي يبي يستزيد باستخدامات الـ شــي
http://www.alwatan.com.kw/Default.aspx?MgDid=508662&pageId=43





--



وهم احط لكم خبر عجبني بس ماله شغل بالمرض

.

.


تسعينية تتخرج من الثانوية




أنهت سيدة أميركية في ال 91 من عمرها دراستها الثانوية، بعد انقطاع طويل عن الدراسة بسبب اضطرارها للعمل إبان "الانهيار الكبير" الذي طال اقتصاد الولايات المتحدة الأميركية في مرحلة الثلاثينات.
وقالت مارتا جورغنسن لصحيفة "ديزت مورنينغ نيوز"، "إنه أمر أردت تحقيقه طوال عمري. كان يجب أن أحصل على شهادتي منذ 74عاماً. تأخرت، ولكن لم أتأخر كثيراً".
وتعتبر جورغنسن، الشخص الأكبر سناً الذي حصل على شهادة ثانوية، من خلال برنامج تدريس الراشدين في منطقة "غرانايت بيكس".
وعلى الرغم من أن جورغنسن لم تكن أنهت دراستها الثانوية، إلا أن زوجها كان يحمل شهادة الدكتورة، وحصل أولادها السبعة جميعهم على شهادات جامعية.ولم تستطع جورغنسن التسجيل في المدرسة من جديد، قبل دفعها مبلغاً قيمته 35سنتاً أميركياً، تعويضاً عن كسرها أنبوب مختبر في مدرسة "ساوث كاش" الثانوية عام 1931.



ماشالله عليها .. هذي الارادة والا بلاش
يالله عؤبال الجامعة ان شالله والدكتوراه


ووو بس

=)

مطرقة

update








- مسمار لحم -


قبل يومين رحت دار الشفا بشوف علاجهم اللي يمدحونه - تجديد خلايا البشره - المهم قلت دامها شاطره
خل اوريها ريولي عشان ارتاح لأن موضوع مسمار اللحم وايد مأزمني .. وجربت قبل لا اروح أدوية الصيدلية
وماكو فايدة للأسف


قعدت وشافتها وطلعت بخاخ جنه بف باف .. وبخت على ريولي .. قلت الحمدلله بس جذي؟ سهالة
شوي جان احس ان هالشي اللي ترشه حفر ريولي !!!؟ اطالعها مخترعه شفيها ؟ والاخت عادي مكملة
- اهيا ترش شوي وتوقف شوي تطالع تعابير ويهي وتضحك والا اتعلق-


الظاهر كسرت خاطرها قامت اتشجعني : اكسلنت .. برافو .. ممتازه !؟
وطبعاً فاصلي الاعلاني اني اوخر ريولي .. وصراحه يعني كنت افكر إني اشوتها


بس تعوذت من ابليس
:)


تقولي : تبين بنج ؟ بس بإبره !؟
ابره لااااااااااء .. ياحيل الله كملي شغلج بس متى تخلصين ؟
قالت : خلاص آخر شي
طبعاً عفست لها ويهي .. والله التعابير صراحة الاخت نسكافيه عزيزتي اللي قالت لي عنها
قاعده احاول قد مااقدر إني اكون ريلاكس احم احم .. بس شسوي هذي حفرت ريولي

مشكلتي

.



إن مكان مسمار اللحم عقبها انتفخ !!!؟ اهيا قالت لي راح ينتفخ لاتخافين

بس ماتوقعت جـــــــــــذي !!!؟

والمشكلة إني أعري = عرج يعرج عرجاً

وووو عندي مشاوير مهمه هالايام لازم اخلصها .. يو نو يعني بزنز وومن !!!!!!!؟






ماعندكم حل يخفف من هالتتفخ ؟







محتاجة دعواتكم .. لا أراكم الله مكروهاً
=)

===





تطرق أخونا الفاضل / الفيصل .. إلى موضوع مهم جداً

http://alfaisal2007.blogspot.com/2007/05/blog-post_24.html


وذكر لنا صنف من الاصناف التي تواجهنا بحياتنا اليومية ..
وهم أصحاب النظرة السوداوية
- الســـــــلبية -





نذكر مقتطفات مهمة

.

.


المراقب لأنماط سلوك بعض السلبيين لا تفوته ملاحظة ما يتمتعون به
من (طاقة كامنة) ذات مواصفات خاصة
تجعلهم دائما على أهبة الإستعداد وفي قمة التحفز للانقضاض السريع
على أي مبادرة إيجابية قبل أن (يستفحل) أمرها


بل إن الكثير منهم جعل (همه) نشر (رسالة السلبية) بين الناس
وحمل على عاتقه مسئولية الدعوة لها والتبشير بها
فتراه في تفكير مستمر وسعي دائم وعمل دؤوب
لملاحقة أي عمل إيجابي وتطويق (آثاره) والإجهاز عليه في مهده قبل أن (يتفشى) بالمجتمع




أعجبني انتقاء الكلمات في العبارة السابقة ، فأطلق عبارة ( طاقة كامنة ) على

تحلطم
انتقاد
تعيب
تطنز
تحطيم
تعليق
حجي فاضي
...
إلخ


من المصاخه والملاقه .. أهم شي عندهم الذم والانتقاااااااد الداااااااائم
سواء شي زين والا موزين أصلا ماكو شي يعجبهم الحمدلله والشكر !؟












قبل فترة كنت ناوية أكتب عن نفس الموضوع .. بس مالقيت الكلمات اللي تفي بالغرض

^_^




ماراح أزيد وايد على التعليق اللي ذكرته لأن الموضوع وايد اختصر علي الكلام اللي بقوله



أفضل لقب ممكن يطلق على أسلوبهم وطبعهم .. وقد يصل أحياناً إلى مرحلة المرض خصوصاً
إذا زاد الشي عن حده !؟






(( اسلوب التقزيم ))

أهم مايميز هذه الشخصية


استخدامها المتكرر للمطرقة


ومحاولة استخدامها مع جميع الناس






(( الحل من وجهة نظري ))


طبعاً تعتمد على حسب شخصية اللي جدامنا

.


.


وماننسى ان السن يحكمنا أحياناً


^_^



يعني مثلاً العيايز والشياب الله يحفظهم .. مانقدر نرد عليهم مثل ردنا على اللي بسنا !؟

الحل الأمثل لهم : بيان وجهة نظرنا بالموضوع .. والاستماع لهم مع العلم أن كلامهم للفضفضة ليس إلا
بدووون أي شد أو جدال بالموضوع لأن أغلب كبار السن مايحبون النقاش والجدال .. دايماً في بالهم الصغار مايعرفون
والصغار ماعندهم خبره مثلهم .. والصج والواقع إنهم للأسف مايحبون ولا يتقبلون النصيحة من اللي اصغر منهم




أما البقية فما اشوف إن فيها شي لو بيننا وجهة نظرنا بالموضوع ولو شفنا ان النقاش يفيد معاهم نناقش ونبين راينا ونحترم رايهم



بس



فيه ناس تناقش لأجل النقاااااااااش فقط لا غير .. هذول اتوقع معروفين
مايحتاي أصلا ان نفتح موضوع او حتى مناقشتهم فيه
وحلهم بيكون بيان وجهة النظر مع محاولة اغلاق الموضوع
أو مناقشه أي موضوع ثاني لأن الحجي معاهم ماينفع

- باختصار ضيعو السالفة لأن مامنهم رجا -

.




.





.

أخيراً

أتمنى كلامي يكون واضح لأني اكتشفت إن عندي صعوبة بتوصيل المعلومة ليش؟مادري
^_^



اللي موفاهم ماعندي مانع إني ارد اشرح واوضح النقطة الغير مفهومه

أنــــــــا الــفقير إلــــى رب الـــسمـــــــوات أنا المسيــكـــين فـــــي مجموع حالاتي
أنــــــــا الــظلوم لــــنفسي وهي ظالمتي والخير إن جاءنا من عــنــــده يـــــــــــاتي
لا أستطــــيع لــنـــفسي جلــــب منــفعة ولا عن النفس في دفع الـــمـــضــــــــرات
ولـــيــــس لـــي دونـــه مـــولـــى يدبرني ولا شـــفـــــيـــــع إلــــــى رب البـــــــــــريات
إلا بإذن من الرحمن خـــــــــالــــقـــــــــنا رب السماء كما قد جا في الآيــــــــــات
ولســــت أمـــلــــك شـــيــــئـــا دونه أبدا ولا شريك أنــــــــــا فـــــــي بـعــض ذراتي
***
انا العبيد الذي ما زلـــــــت مفتـــقــــــرا إليك يا سيدي فارحم مناجـــــــاتــــــي
أنا الذليل أنــــا الـمــسكيـــن ذو شجن قد جيـــــت مــــــــرتـــــجيا تفريج أزماتي
أنت المغيث وأنت المستعــــــــــــــــان ولا تخفى عليك إراداتــــــي وغــــايـــــاتـــي
أنت القدير على جبري بوصلــــك لي أنـــــــت العـــلــيــم بــــــــأســــرار الخفيات
أنا الكسير أنـــــــا المـــحتاج يــــا أملي جد لي بفضلك و اصفح عن خطيئاتي
أنا الغريب فـــــــلا أهــــل ولا وطـــــــــــن أنا الوحيد فكن لي في ملـــمـــــــــاتــــي
أدعوك يا سيدي يا مشتكى حزني يا منقذي يا مغيثــي فــــــي الــمــــلــــمات
فانظر إلى غربتي وارحم ضنا جسدي يا راحم الخلق حقق فـــيـــــك رغباتـي
أنت الــــرحيــــم وملجــــــا مـــن يلوذ به الكاشف الغم القاضي لحــــــاجـــــــاتي
وعبدك المشتكي والمرتــجي فرجا يا سامع الصوت فاسمع شكايــــــــــاتــــي
وليس إلا إلـــــــى الرحمــــــــــن ملتجئي فهو العليم بأحـــــــــــــزاني وآهـــــــــــاتــي
وأنت يا سيــــــدي يــــــــــــــا منتهي أملي تدري وتعلم مقصـــــــــودي ونــــيــــــــــات

----
P.S
القسم الأول : الكلمات لشيخ الاسلام بن تيمية
والقسم الثاني إضافة من الشيخ صلاح الهاشم

LiNK
http://up.9q9q.net/up/index.php?f=UVRvwrLjH

الله

ترى الموضوع طويل بس ان شالله افيدكم وتفيدوني



موضوع صراحة مستغربة منه .. اش سالفة الفيديوات العجيبة اللي منتشرة؟ .. يمكن صار لها فترة يعني مو وايد يديدة ،، بس كل يوم والثاني يطلعون لنا بفنتق !!!!؟ السيادة اللي تصلي والأسد اللي يقول الله ومو بس الفيديو حتى الصور !؟






بالنسبة للأسد
سؤاااااااال

اشمعنى يقول لفظ الجلالة ( الله ) بدون اضافة شي لها !!!.. اللي أقصده ليش تنقال مجردة ؟
اي نوع من الذكر هذا ؟

لو كانت للتسبيح جان قلنا سبحان الله
ولو كانت للاستغفار قلنا استغفرالله
ولو كانت للحمد قلنا الحمدلله

؟

بس كلمة الله بروحها .. مع احترامي لهم بس مافيها أدب مع الله عز وجل

الحين اشوف لا صارت عند الناس شغلة ويبون يقضونها عند أي شخص له سلطة

الشيوخ نسميهم الشيخ الفلاني والشيخ الفلنتاني والوزير والمدير والدكتور ..الخ وكل واحد ومسماه

ولله المثل الأعلى

الله سبحانه ربنا وخالقنا ومالكنا ورازقنا
فهل من الأدب مناجاته باسمه المجرد !؟

شغلة ثانية .. هل يلزمنا معرفة طرق تسبيح كل مخلوق لله عز وجل ؟
لأن احنا ندي ان كل مخلوق يسبح بحمده
بدليل الاية : وإن من شي الا يسبح بحمده ولكن لاتفقهون تسبيحهم


.


.




أما عاد السيادة العجيبة .. فلقيت جواب من احد المشايخ .. يزاه الله خير


السؤال : السلام عليكم شيخنا الكريم عبدالرحمن السحيم حفظكم الله
انتشر هذا الموضوع عن سجادة تصلي، فما تعليقكم على الموضوعقبل فتره بسيطـه انتشرت مقـاطع فيديـو لسجاده تصـلي
يقـال إن المشهد التقط لها في مـدينة الفلوجة لما جو الناس يصـلون الفجر ( وجدوها تصلي ) البعض قالوا تركيب
والبعض الآخـر يقولون سبحـان الله؟؟


الـجـواب : وعليكم السلام ورحمة الله وبركاته، وأسعد الله جميع أوقاتك بكل خير
ووفقك لكل خير كُنت رأيت هذه الصورة الْمُتَحَرِّكَة قبل شهر ، أي في أواخِر شهر ذي الحجة من عام 1427 هـ
وعلّقتُ بتعليق طريف قلت فيه : تعال إلى عالم الخرافة .. وصدق كل شيء كان
يُقال : حَــدِّث العاقِل بما لا يُعقَل ، فإن صَـدَّق فلا عَــقْـل له

وهو هل السجادة مُكلَّفَة حتى تُصلِّي ؟ والصلاة مِن شأن الْمُكلَّفِين

ومن جهة ثالثة رأيت أمام السجادة يقِف أكثر من شخص
فلو كانت الصورة حقيقة وليست ألعوبة .. هل كان هؤلاء سيقِفُون أم يَهْرُبُون !؟



والْمُؤسِف أن مثل هذه الخرافات تُنسَب أحيانا إلى قُدْرَة الله ! فتجد من يُكثر التسبيح
ويقول : الله قادِر ! ونحو ذلك من العِبارَات .. ويجب أن يُفرَّق بين الكرامة وبين الْخُرافة

فالْكَرَامَة يُنَزِّلُها الله لِحُجَّـة أو لِحاجَة ، كما قرَّرَه أهل العِلْم

فالْحُجَّـة تُقام على أعداء الله
والْحاجة لِتَثْبِيت أولياء الله
وقد يَجْتَمِع الأمْرَان في الكرامة .

ومثل ما يُزعَم أنه سُجادة تُصلي ليس فيه إقامة حُجّة ، وليس فيه حاجة







وتطرق الشيخ للمواضيع المشابهة

( منها : لفظ الجلالة على التفاحة .. او كلمة لا إله إلا الله على الشجرة ...الخ)

فقال




وبالمناسبة فقد رأيت مِن هذا القَبِيل تُفاحة كُتِب عليها اسم الله
فعقّبتُ على الموضوع بِقولي : أحيانا تبلغ بنا الغـفْـلة أن نُصدِّق كل شيء

1
شجرة راكعة
2
بطيخة كُتب عليها
( لا إله إلا الله )
3
السُّحُب تَشَكّلت على
شكل صورة الشيخ

- تذكرت الموضوع اللي فيه صورة الشيخ جابر الله يرحمه بالفنيال !؟ -
4
اسم فلان على التمر
5
لفظ الجلالة على تُفاحة


إلى غير ذلك مما تُسْتَـغْـفل به العقول .. أو يُراد أن يُضحك بنا مِن خلالها
والْمُتَقَرِّر عند أهل السنة والجماعة أن الله يُجري الكَرَامة لِحُجَّة أو لِحاجة

لِحُجَّة : لإقامة الْحُجّة على أعدائه
لِحَاجَة : لِتَثْبِيت أوليائه

فأي حُجّة أو حاجَة في تُفاحة أو بطيخة أو تمرة تُؤكَل ثم تذهب ؟؟

وهذه التفاحة يُقال إنها مِن الصِّين
ثم رَدّ أحد الإخوة

– وهو يعيش في الصِّين –
فقال :كفاكم يا إخوان إطلاق عنان خيالكم
الله الخالق غني عن كتابة إسمه على تفاحة

عموما ... أخوكم أسامة مقيم في الصين منذ مايقرب 5 سنوات وقد أسترعى إنتباهي هذا الموضوع
وبحكم معرفتي بالخضار والفواكه الصينية حيث يقوم المزارعون بإلصاق لصقة سوداء مكتوب عليها باللون الشفاق
بالكلمات التي يريدون طباعتها على الفاكهة قبل أن تنضج


وهذا ماحصل ياإخوان وأردت تأكيد ذلك فقمت فورا بمخاطبة صديق صيني أعرفه وأرسلت له الصورة وطلبت منه أن يكتب لي المعنى لتلك الكلمة والتي هي بتدخل الإنسان أي بوضع اللصقة على الفاكهة قبل أن تنضج فرد على بهذا الرد

Dear Mr.Shaban,The words on that apple means" SELENIUM". Selenium is a trace mineral needed in small amounts for good health, but exposure to much higher levels can result in neurological effects. Best wishes!

أي أنه حسب المذكور أن هذه التفاحة تحتوي على نسبة كافية صحيا من معدن السيلينيوم
وهي بالطبع مظافة للفاكهة بطريقة ما... في السماد أم جينيا

المهم هذا ليس هو موضوعنا وإنما الموضوع هو أن الكلمات الصينية متشابكة جدا

ولو أردنا إطلاق عنان خيالنا لوجدنا الكثير والكثير من هذه الأشياء التي تؤدي إلى مفاهيم خاطئة


والله يحفظك










والله يحفظنا وياكم ويكملنا بعقولنا



أنتو شرايكم بالموضوع ؟



هل ديننا يحتاج حق هالاشيا عشان نثبت كماله وانه خاتم الأديان ؟
هل الشغلات هذي تزيد او تنقص من حسناتنا إذا عرفناها او جهلناها ؟



لــــــــو .. بعد فترة اثبتت الدراسات عكس مانراه من هالصور او الفيديو
شبتكون ردة فعلنا ؟ .. امممم لا مو شرط احنا .. الناس اللي تبي الزله على الاسلام
بتقول كاهو دينكم شوفوه فيه تناقضات !

اترك لكم التعليق ..!

والله فقدنااااااكم

الحمدلله على سلامتكم :)
وقرت عين البلوقر
^__^

.

.

.





و








و










-----------

وفقدنا بعد

و








.



.



فاقدينكم !!؟ وفاقدين تعلقياتكم وطلتكم علينا

:(

-----------

update

HeMaM



مبروووك للنيو لوووك وعوووداً جميلاً مادري حميداً ;p

-----------

HaM uPDaTe =))


MiSs You ... SHNo Mu NaWaiN TeRJ3oON !!?






سئلي نسكافيه شكثر اسأل عنج ويا هالويه











عيزت وآنه البح ردي يابنيه ردي معطيتني بو لباس










الله يهديج عقب السلطه ماشفنا شي .. !؟










فقدناااااااااااج .. شهالغطه .. حسبي الله على ابليسكم










ليش يعني ليش ؟ اوكي منتي ناويه تكتبين بس خلي البلوق للذكرى فقط لاغير ;)










يعني ندري دراسه وكراف .. بس كل مره تتحفنا بآخر الطرائف اللي تصير !؟













آخر بوست كان متميز .. بس ماشفنا عقبه شي .. ليــش؟









.


.


.

وينكم ؟

شسالفة موضة التخطب ...!؟

إليكم بعض من المواقف الطريفة
من عصر الســــــررررعة

.


.




1


شفت (فلانه) بالمكان الفلاني .. !؟

--> مسج وصلني من رفيجتي

قريته على خواتي وقلت لهم هذا ويهي ان مادقت باجر اسألتني عن رفيجتي ..!؟


وفعلاً قمت الصبح اشوف مس كوووووووول !!!!؟ من فلاااااااااانه!!!؟
شوي الا مسج :


ريلاكس السلام عليكم
شفت وحدة من بنات( عايلتهم ) بالمكان الفلاني
فلنتانه اصيله ؟

وحبيت ألطّف الجو .. ورديت عليها بالاضافة إلى

ليش من بتزوجينها ؟



شفت البنيه اللي تسأل عنها فلانه عقب جم يوم .. وسألتها شلون عرفتي فلانه ؟
وقلت يمكن جذي تحب تتعرف على الناس وبطلت سوالفها
واكتشفت ان فلانه موبس متعرفه عليها سائلتها عن عمرها ووين بيتهم
(واللزي مينوه)



يعني كلامي صح ..!؟
وام طبيع مايازات عن طبعها

.


.

الملاحظات:

أولاً :
لم يتم الافصاح عن اسم فلانه صاحبة المسج او من وين اعرفها
لأن وصلني فيه ناس تراقب البلوق بدون تعليق !!!!

فبلاش فضايح ;p



ثانياً :
هالمره بالذااااااات كل ماشافت احد بتخطبه !؟
يعني اتوقع بنيتها مأمنه مستقبلها من الحين;)


صراحه .. وحده من الثنتين
يــا
انها تعرض خدماتها على الاوادم !
او
انها انسانه باااالغة شف لدرجة فظيعة




بس شكو العمر والعايلة والبيت والدوام وامها من بنته ...الخ ؟





2


وحده من اول ماتزوجت مادري عنها !؟

وفي يوم من الأياااااام



اصبّح بمسجها اللطيف والظريف


ريلاكس شلونج ؟
فيه واحد كيت وكيت
وساطرتلي - سيرته الذاتيه-


المراد


إني حقرتها ولا رديت على مسجها

صراحه منصدمه !


وبعد فترة أشوفها بالمسنجر



- يالا حظي السعيد -

على فكره دزت المسج قبل لا تولد بيومين او ثلاث .. وشفتها بالمسنجر عقب مااولدت
قلت بقلبي أكيد ناسية الموضوع أو افهمت اني حقرتها !؟



سولفت وياها عن بنيتها .. وتقولي : مااوصلج المسج!؟
آنه انصعقت .. فقلت اكيد دزت مسج غيره مستحيل قصدها هالمسج !؟
فسألت أي مسج وقالت لي ..!

قلت لها يافلانه ترى مارديت عليج لأني انصدمت منج
( اي صج الشخصية الظريفه اللي كاتبة سيرتها الذاتيه من ربع ريلها
باختصاااار تبي تطلع اهيا السنعه واللي تمشي ربع ريلها )





وصكيتها ذاك البلوك اللي برّد جبدي .. ياليت فيه بلوك صجي حق الاوادم

وحتى بموبايلي موناوية ارد لا عليها ولا على المسجات




لا تلوموني بالذات هالشخصية كل ماطوفت لها شي اييني
منها اخس من اللي اشوفه قبل المره اللي قبلها --> مفهومه العباره ؟ :)







3


عاد المسج اللطيف الاخير ..!


كان استفسااار من وحده هل ليلحين الوالد الله يحفظه مصر على شرطه !؟



آنه اللي استغربت منه اكثر من المسج نفسه .. كلمة ليلحين !!!!!!!؟



اللي حرني بموضوعها إنها أكثر وحده تفهم بالعادات والتقاليد اهيا .. مع بيتهم مو من اللي تهمهم العادات والتقاليد .. بس في يوم من الايام كانت تتفهم معنى التمسك بهالاشيا .. وكانت تأيد كلامي !


شاللي فر راسها ؟ الـلـه أعلـم !






ســــــؤالي


من شكى لهم الحال ؟


ومن قالهم ان يتكفلون بأرزاق خلق الله ؟


مادري اخاف يبون يفجون لهم مكاتب من ورانا .. وينوعون مصادر دخلهم ;p





.

.

يقول الله عز وجل :


‏قل لو أنتم تملكون خزائن رحمة ربي إذاً لأمسكتم خشية الإنفاق وكان الإنسان قتوراً



هذا نص صريح من الله عز وجل ... فلا يتفلسفون ويسوون روحهم موول

خطابات العازه


هذه بعض من تحلطماتي واحتجت اني افضفض شوي
و الاحداث فررريش والمضحك المبكي انها متتالية






دمتم بود