عيزت وانا افكر شبدي فيه بهالبلوق فكرت بشي مفيد ...
بالنسبة لي ..
انسانه طمووووحه درجة أولى
عندي أهداااااف وايده
وانجزت عدد كبير منها
رب لك الحمد
وزدت اهداف يديده
بس حالياً احس اني مزحومه
وبنفس الوقت ماني عارفه ابدي من وين باختصار افكاري تحتاج لإعادة ترتيب
وتذكرت بيت قالت لي اياه وحده الله يذكرها بالخير
لما اقارن نفسي معاها احس اني مع انجازاتي نمله مقارنة معاها
سوف تأتيك المعالي إن أتيتا .. لا تقل سوف عسى أين وليتا
هالاخت اللي قلت عنها خاتمه كتاب الله عز وجل حفظاً .. اللهم بارك
عسى ربي يثبتها ويثبت حفظها
ودايماً دعاءها لي ... عسى ربي يبلغني فيج خاتمه
أحبج يالغاليه
وجد احس اني انسانه تافهه لأني ماعرفت ارتب اهدافي
ختاماً
أ) بالنسبة لكم شنو ترتيب اهدافكم ... وعلى اي أساس ترتبونها
ب) وشنو طريقتكم في وضع الاهداف ... بالنسبة لي اكتبهم بورقه واعلقها بداري وكل ماخلصت اشطب
جـ) بالنسبة للأهداف اللي تحتاج وقت شلون تجزؤونها
د) تأثير البيت عليكم
13 التعليقات:
انا بقمة سعادتي اني مسيرة على بلوقج
بصراحة تعليقاتج المميزة الحلوه في بلوقي خلتني اتشوق اقرا لج
:))
انا اهدافي كثيرة مالها حد
ولكل مرحله بحياتي اكثر من هدف
في اهداف قصيرة المدى مرتبطة بيوم او بمرحله معينه
وعندي اهداف بعيده امدى اسعى لها كل يوم
اكيد البيت له تأثير،مثال اذا شفتي البيت كله يحفظ قرأن راح يكون من اهم اهدافج حفظ القرأن
الموضوووع طويل يبيلي بوست كامل
:))
بلمبارك
نصيحتي لج اقري كتاب كيف تخطط لحياتك للدكتور صلاح الراشد :)وانتي اتنظمين :)
استكانه ...
ياااابعد قلبي -اخجلتم تواضعنا - ^_^ والله مواضيعج يستمتع الواحد لما يقراها
بالعكس اخذي راحتج ومنكم نستفيد .. ولو عندج اضافات اترقبها ماعندي اشكال ;)
بالنسبة لبيتا .. يعني عندي جم فرد بالعايله متحمس حق هالشغله ... وقاعده افكر صراحه اييب محفظه بس مادري من وين عيزت وانا اسأل :(
شكلنا بنسوي قروب انا وقروب افراد العايله المتحمسين ونسمع حق بعض على ماحصل محفظه ... مو حلو الواحد يأجل وايد
عتيجه
الله يبارك بحياتج ^_^
ايييييييييييه هالكتاب شفته بمكتبة امي :) شكلي بزرقه :p
وان شالله بقولج رايي بالكتاب خو د. صلاح الراشد غني عن التعريف :)
سارونه :)
الحمدلله شي جميل ..
حلو الانسان ينجز .. واذا انجز اغلب اهدافه يحط له اهداف يديده بعد :)
اسعدني مرورج :)
تنظيم اهدافي ما يتعدى سنتين..وباجي الاهداف احطها براسي بس بدون تنظيم
بالنسبة لطريقة ترتيب الأهداف بالنسبة لي يكون على حسب الاولوية .. يعني مثلا انا عندي اهداف منها التخرج من الجامعة و الحصول على عمل و الزواج والاستقرار و تكوين عائلة
اشوف من الاهداف السابقة اهما بالنسبة لي .. و في هذي الحالة هي الحصول على شهادة الجامعة .. و بعد ذلك الحصول على عمل و بعدها الزواج .. و هكذا
وطبعا في اهداف تكون ثانوية بالنسبة لي لا اهمية في ترتيبها
bo9ali7
شلون الاهداف اللي بسنتين ؟
المشكله انا اهدافي بمخي بس اللهم بارك من كثرهم انسى .. او ااجلهم !!! فمشكلتي ان ليمتى التأجيل أو النسيان؟
بالتوفيق اخوي
Environmental...
ممتاز .. هالشي يدل انك انسان منظم
عؤبالي ياااارب
نصيحة عتووجه واايد حلوه...^___^
ولو تتابعين البرنامج مال صلاح الراشد راح تستفيدين...:)
بدايه حلوه حبيبتي والله يخليلج صديقتج..^__*
Q8YA
الحمدلله بلشت بقراءه الكتاب بس صراحه اوله ممل لأن شلون تسوين رسالة لج بالحياة والحمدلله انا عندي رساله
الللي ابيه شلون انظم اهدافي وهالشي موجود بالفصل اللي عقبه :):)
مشكوره حبيبتي على تعقيبج
الأهداف .. متى ما حددها الانسان راح يقدر ينجز منها الكثير ..؟
تيينا حالات يتشوش فيها مخنا .. نحس ان مو عارفين بالضبط شنسوي ..؟
اول شي و اهم شي التدوين ..؟ يعني اكتب اهدافي و ارتبها من الاهم لي المهم لي الاقل اهمية ..؟
هذي طريقتي .. احس تفيدج .. جربيها
و في مذكرة تساعد وايد .. اسمها مفكرة النجاح او شي جذي ..؟ اتوقع تباع بكل المكتبات الاسلامية .. حتى مكتبة ستار بوكس تبيعها ..
ان شاءالله تحققين كل اهدافج .. و ربي يوفقج دنيا و آخرة ..
*blog 7lo 7ail :D
همم
بعد قلبي والله كلج ذوق ;)
ومشكلة تحديد الاهداف الحمدلله بفضل ربي ثم ردودكم قدرت انظمها .. ينقصني الحين التنفيذ ;P
إرسال تعليق