باختصار صعدت داري كنت ناوية أنام
ولازلت في صراع من نومتـــــــــي
قلت دامها طايره خلتطمش على شي
على ماتييني النومه وافخ :)
فجيت صندوق الذكريات
طبعــــــــاً قسم الصور ..
لأن صناديق الذكريات شكثرها
تقريباً جميع المراحل الدراسيه
وايد أقدس ذكرياتي
طالعت الصوره اللي فوق .. حاولت اتذكر جم اسم
التوينز اللي بلايزهم فيهم فيونكه مادري شسمها
واحد قاعد يم أم العجايف والثاني واقف على اليسار
شيااااااااطين وماحبهم :)))
ووو باجي اليهال علاقتي وياهم زينه
طبعاً البدي قارد مالي اسمه فهد
بس مادري ياربي أي واحد فيهم
نسيييت ;P
وحده منهم صديقـة الطفولـــة
جميع مراحلي العمرية معاي ..
روضه
ابتدائي
متوسط
ثنوي
جامعة
الحمدلله مو نفس التخصص
جان اشوفها بعد مكملة معاي :p
وتذكرت جم اسم .. المشكله اذكر اساميهم بدون عوايلهم
وسرحت
.
.
.
.
شلون صارت اشكالهم الحين ؟
تغيرت ملامحهم والا نفسها بس على اكبر ؟
شلووووووون صارو ؟
والشياطين منهم اعقلو والا ليلحين ؟
كملو دراستهم والا بعد؟
تخرجو ؟
توظفو؟
تزوجو؟
ماتو ؟--->مادري ليش ماتو.. بس الموت حق ^_^
وبس (( وآمت وخالصت ))على قولت : دنيا اسعد سعيد - أمل عرفة
.
.
.
امممم .. تذكرون أصدقاء الطفولة - بمرحلة الروضه؟
وبأي روضـــــــــــــــة كنتو ؟
شياطين وملاسين والا عجّال ؟
.
.
.
امممم .. تذكرون أصدقاء الطفولة - بمرحلة الروضه؟
وبأي روضـــــــــــــــة كنتو ؟
شياطين وملاسين والا عجّال ؟
34 التعليقات:
روضة أحد
الله ذكريات حلوة بالفرصه انغني خروف
مسلسل هدوه وفتحي ياورده
وكتكات بوقصدير يوزعونه علينا بالصف
وشوربة العدس والموز والبيض المفيوح
ايام عز وطفولة حلوة..اما الصداقات اذكر مشاري كان شيطان ويعقوب كان قثيث وفضه كله اتحرني بشعرها لانه كان حرير امكتكت
تحياتي ومبروك على التغيير الحلو
يا حسرتي هذا الكبر وما يسوي
البنيه قامت تقولب بالصور وتطالع
:pP~
اول شي كل العمر وانتي بخير
وعساه بدايخ احلى عمر يارب
ادري متأخره بس اشوه ميخالف للحين ما خلص الشهر
:))
انا الله يسلمج كنت بروضه النزهه وبعدين انتقلت روضه السره
احب اشوف الصور ملوت الروضه
اكشتفت اني على حطة ايدج مع بعض التغيرات للاحسن،واشوف بعض البنات اللي اعرفهم الحين اقول سبحانك يا مغير الاحوال تغير ولا تتغير
مو يقولون البنت ام سبع ويوه
بزمنا صارت ام عشرتعش ويه
:pP~
خووووووش بوست كالعاده
:)
الله روضة وناسة
عاد انا ما دشيت روضة
ايام الطفولة كنت ايمه عيال خالتي ونقعد بكارتون بامبرز ونبحر يعني سفينه ;P
بس كانت ايام حلوة ^_^
والله بوستج يونس بصراحه وفي ذكريات حلوه
بس تدرين ضيق خلقي لانه ذكرني بالدوامات يوم السبت هههههههه
بوست حلو
ايه على ايام الروضة ايه
للحين اتذكر منها احداث وايدة
و عطلة الصيف هاذي
طالعت شريط تخرجي من الثانوية
و شريط تخرجي من الروضة
و شفت الفرق الكبير طبعا
يوم طالعت شريط الروضة صار في حديث ذو شجون لي مع اللي كانوا يطالعون وياي
كل شوي ااشر لهم على احد
هاذي كانت فتانة و لسانها طويل ما احبها و هذا ما كان يلفظ الحروف عدل
و هاذي كانت عقب ما تاكل سندويجة الجبن حلجها يصير كله جبن
و هذول اصدقائي الخ
من ذكريات
تدوينة حلوة
اشكرج
بصراحة الصورة تحفففه
انا من كثر مااحب طفولتي عندي فولدر بجهازي فيه صوري بالروضه وصور ثانيه وانا صغيره
انتي تعرفينها عدددل :"))
انا بعد صديقاتي معاي من الروضه
بس من بعد الثنويه كل وحده راحت مكان
الا وحده معاي ليلحين ونفس التخصص وناوين نتوظف مع بعض ان شالله :>
تدرين عاد ان اغلبهم نفس اشباهم ما تغيرو
والمشكلة اني انا الوحيده اللي عندي صورة الروضه الجماعية من رفيجاتي، الباجي مولاقينها
فـ تخيلي لما اراويهم الصورة شنو شعورهم لووول
اللي تضحك واللي تعصب على شكلها واللي ودها تشق الصورة
اذكر اصدقاء الطفولة بس موكلهم
واذكر الموقف الكسيف اللي صارلي بالروضه لما كنت انطر امي تاخذني
واكل تفاحه وانكسر ضرسي ^_^
واذكر بدر الشيطان، وعبدالعزيز وعبدالله اللي امهم ابله وكله يطلعون مبجر
واذكر شيخه الطويله الهبيله، ولولو الدلوعه اللي كله تبجي
واذكر دلال المغروره، ورفيجي يوسف، واذكر هند ام عجايف اللي محد يحبها
!واذكر ابلتي خلود اللي شفتها قبل جم يوم وصارت ناظره
اياااااام، على فكرة ترى انا مجابله الصورة الجماعية مالتي واتذكر واكتب :>
بس اللي محيرني ان ليييييش قبل الامهات يظلموووونه ويسوون شعورنا عنقوصين
لييييييش
وانا كنت بروضه النزهه
arwa
ياحلوج ياأروى :) عكسي عيل .. لووول كنت رئيسة عصابة
بالعكس اخذي راحتج .. وحياج الله
----
سالفة قلب
ايي الكتكات بوقصدير اذكره
بس شوربة العدس مالحقت عليها حسافه :(
الله يبارك بحياتج
سنعود بعد قليل .. ويمكن باجر
والله عيشة المشردين قشره :(
الله يعينهم
ويييييييييييييييييييييييييييه
انا جنه كنت بروضة أحد وبعدها رحت البشاير وأتذكر في البشاير كنت أحب واحد اسمه خالد حده مؤدب وكان في واحد ما تحبني وكله اتكفخني مع اني احبها ليش تشبه بنت عمتي لوووول
على فكرة صورتج اتينن
يا حلو أيام الطفولة والبراءه
EsTeKaNa
حق الشماته يااستكانه;)
نشوف لي كبرتي شبتسوين :)))
والبنيات اسمالله عليهم اي والله يتغيرون
وووو شكراً على طلتج البهية
----
Manooya
لا احنا بكراتين وعلى الدري:)))
sarah
خلاص المره اليايه اكتب ذكرياتكم بالابتدائي;)
----
MiSs-ToFa7a
واي الله يعينج
ان شالله ماكو الا العافيه اهم شي مايطلع لج حسون ثاني
بحرينية
loooool
والله كنتي موهينه
وحيالله اهل البحرين كلهم .. ياحلو رطوبتكم ولهت عليها
Nescaf?
ماتذكرين انولوه لما تاخذج من الروضه لووووول
اي والله ايااااااام
والتوست اللي ناكله من النص ونشوف فيه اليهال يعني حركه لوول .. لا والزحلاقيه كنت احتكرها حقي مادري ليش
تصدقين اذكر كان عندى صور الابتدائى والروضة بس صار الغزو وباقوا بيتنا:( وانباقت الصور وراحت الذكريات
بس عادى:) الذكرى موجود فى القلب
tweety
لووووول
ياقليبي والله ... ليش اتكفخج .. حسافه ماكنت وياج .. انا ماطق بس اخلي عصابتي اترد لي حقي ;)
-----
Chai-7aleeb
اييي والله كااااانت اياااام
----
mishari
هذي من اللي قدرنا ناخذه معانا ... والا باجي الصور راحت عليه العوض ومنو العوض :)
خوش بوست :).....بس ليش الوجوه كئيييييبة؟
اشفيه الياهيل الي على اليسار حافي؟
اما ام عجايف الصراحة ستااااايل
شفي ثلالث واحد من اليمين تحت...هذا مو جنة كبير عليكم؟
والا الي بالنص ليش مستانس وايد؟
اهم شي بو علاق الي يمه
ما اقدر على الي لابسين شورتات...احلة ركب بالدنيا
في وحدة شقرة بينكم...شالسالفة؟
يه يه اشهالبلوق الكشخة
حدا عجيب
والصورة اتشوووووووووووووووووووووق
ياربي خل يخلونا انتزوج امريكان عشان انييب بنات جذي
:p
hehheheheheeh :D:D
ضحكت ضحك تذكرت عندي صورة نفس هذه .. هههه وناسة بدورها ببيتنا يمكن القاها الصراحة انا ما اتذكر غير عمر ولد خالي و عزوز ولد جيراننا
انا كنت بروضة اليرموك .. و من البنات اتذكر وحده اسمها دلال حتى ليلحين اتذكر ويهها
:D:D
استكانه لحقت على ايام شوربة العدس ..!!
انا ما كانوا يعطونا جذي سوالف بس اتذكر توست ..؟
:P
Nice post :D
ايبب ولا شسوي..
اخيرا قدرت افتح صفحة الرد واقدر ارد ..
صارلي يومين احاول..
اذكر صوري ملوت الروضة وتخرجي.. كنت حدي برائة كاسرة خاطر نفسي..
وماذكر عند\ي جذيه صورة جماعية
وبعد ماذكر الا جم وحدة واهم نفسهم صاحبوني بالابتدائي والمتوسط ولا جان ماذكرتهم :s
على فكرة بعترف .. احم يتلي الجرأة ..
ترى مماحب الروضة .. كنت أكرهه .. كله مظلومة
وللحين لما امر عليها بالشارع يضيق خلقي مع اني المفروض استانس واقول اتشيحط ايي هذي كانت روضتي شزينها مرسوم عليها وملونة..
وفي وحدة شفتها اعرف ويهها .. يا ربي هذي اسمها فيه حرف الشين.. يمكن شريفة.. بعد مدة نادوا عليها وقالو بشاير .. انا اذكر حروف ماذكر اسامي :D
بس مو متأكدة هذي باي مرحلة كانت معاي اعتقد متوسط ..
وااي ضاق خخلقي سنين تركض
kitty
اي والله الحمدلله نمت قريرة العين :)
ووناسه يحليلكم .. ياحلو هالايام
-----
Q8-eye
ماكو وجوه كئيبة .. لوووول احلى ابتسامة كانت ابتسامتي
ماكو ياهل حافي هذول جوتيه تكرم جذيه
اكو 2 مادري 3 مسوين عجايف لووول موقوي ملاحظه
شدراني هذا توزيع التربيه :)
بعد مستانسين ليش مستنانسين
والشورتات لووول نو كومنت
ولا تعيب على بوعلاق هاذا البدي قارد اذا ماني غلطانه
الشقرا عيميه :) بس كنت ابي اصير مثلها
kitty
اي والله الحمدلله نمت قريرة العين :)
ووناسه يحليلكم .. ياحلو هالايام
-----
Q8-eye
ماكو وجوه كئيبة .. لوووول احلى ابتسامة كانت ابتسامتي
ماكو ياهل حافي هذول جوتيه تكرم جذيه
اكو 2 مادري 3 مسوين عجايف لووول موقوي ملاحظه
شدراني هذا توزيع التربيه :)
بعد مستانسين ليش مستنانسين
والشورتات لووول نو كومنت
ولا تعيب على بوعلاق هاذا البدي قارد اذا ماني غلطانه
الشقرا عيميه :) بس كنت ابي اصير مثلها
tweety
تهقين يعني ؟
خلاص متى ماعزمتي اخذيني وياج ;)
-----
H e M a M
والمشكله انسوي من التوست اشكال :) يعني حركااات
الله والله ذكرتينا بأيام الروضه انا كنت في روضه صقر رشود اول كان وناسه
لووول
امبيييه وناسه
تصدقين ماذكر
بس قعدت احاول اعصر مخي عشان اتذكر
لين قدرت اتذكر جم شغله
:D
كنت وقتها بأمريكا
لاني اصلا مولوده هناك
فالروضه اللي كنت فيها كنت ماحبها
مادري ليش
:/
وكانوا في بنات يستغلوني
كله ياخذون اكلي
ولمن ارد البيت امي تزفني
:/
وفي واحد مسكين مادري ليش كنت اخاف منه
بس على آخر الايام حبيته
لوول
وبس هذا اللي اذكره
:D
تسلمين حبيبتي على هالبوست الحلو
:)
.. تحياتي ..
Alather
وناااااااااااااااسه .. ذكريات اصلا
لوووول انا تذكرت وحده مليقه اذكر اسم عايلتهم بس خليني ساكته;p
:) وعندي مشروع تجميع الصور والوريقات القديمه
------
ابوعبيد
لا زين الحمدلله .. فيه صبيان عجّال :))
kuwaitia
حياج الله حبيبتي:))))
صقر الرشود بالروضه اذا ماني غلطانه ^_^
زين يمنا ...حياج مره ثانيه
------
Si7LeYa
لووووول ياقليبي والله حسافه ماكنت بروضتج جان انضميتي حق عصابتي ;)
mulan
اهم شي انج كنتي مستانسه لو ان شالله بروضة القمر ;p
انا بدون صور كل افكر وينهم و شصار عليهم
!
انتي البنت اللي حاطتها ام عنقوصين
هذي شنووو ؟؟ تنوكل تنعض
و على خدي احط ايدي بعد يااااي عسل
---
انا اولى روضة ما داومتها تقول امي تكسرين خاطري نايمة ليش اقعدج
!
ثانية روضة .. قمة الابداع
كل مسرحية كل رقصة كل شعر
كانت عندي اصلا " دوبليرا " يعني
انا فيفي عبده و اهيا دينا ههههه
يدربوني و تطلع عينهم و اغيب اغيب
يوم الحفلة احضر
والله يفصخونها اللبس و البسه وامثل
!
اذكر صباح فقط .. لانه يحي العلم معاي
و كان طوييييييييييييييل
ريلاكس اموووت بالحجارة اللي فيج
مغطية البنات يا عيني عليج
سنع و منع هههههه
;***
من نزلتي الموضوع و انا اروح و ارد عليه و مابي ارد !!!
حدي محتره !
ماعندي صور :(((((((((
بس عندي صور حق اول يوم بالروضه ابوي مصورني من قمت لين ما نزلت من السياره و دخل صفي , غيره ولا شي !!!
ليش انا ماعندي صوره جماعيه ؟ ابي ابييييي
ودي اعرف منو كان وياي شصار عليهم !
بس مافي امل للأسف !
فتحتي الجرح :p
s 9ij 9ij zooqa elflowers :p
aham shay enich khayfa 3ala som3at elbanat ;** loool
تعليق بسيط ..
اشدعوة شاخطه على ويوه البنات ؟
متأثرة من " يعجبني حيائك؟ "
قلنا دينين بس مو طالبان
بتقولين بالله واحدة من هالبنات متحجبة الحين؟ بقولج لووول
زين انا واحد من هل شباب اللي بالصورة وما أرضى صورتي تنحط بالإنترنت شلون بالله؟
ليش حاطه الصورة اصلاً :/
لا تعصبين وتتنرفزين علي! وانت شكو وهالسوالف الإستفزازية.. انا ما اقصد اني استفز بس الصراحة احس اللي سويتيه
too much ya3ni :/
عجب عجاب :/
انا الوحيده اللي اذكرها الحمد لله اخبارها توصلني اول باول لانها صديقه وحتى اذكر يوم كنا بالروضه كانت لابسه نفنوفها الاحمر وقلبها الذهبي وشعرها القصير الاسود وااااي كل شيء اذكره والاحلى انها كانت معاي في مرحلة الثانويه وكانت معانا بالشله وعقبها صارت معاي بالجامعه والله يهنيها تزوجت ورحت عرسها وتذكرتها بالنفنوف الاحمر لوووول واخر مرة شفتها بطنها اشكبره لوووول الله يهنيها ...^___^
ريلاااااااكس موضوووعج اينن يحلي الواحد يتذكر ايام حلوووه...^___*
a7La eNG
لوووووول خوفج تطلع وحده بنت خالتها والا بنت عمها ويسوون لي سالفه :p
------
uTMoST
لأن فيه ناس صج نفس اشابيهم لووول مو ناقصين بعد يصيرون فتيات الانترنت:p
i_live_in_Q8
والله صراحه عجب العجاب ردك..!
لاتنرفزت ولا حمقت :)
ومو ضروري كل آدمي نفسك .. ليش مايكون عندك تقبّل للرأي الآخر ؟
وبالأخير كل واحد ووجهة نظرة
-----
Q8ya
يحليلها عسى ربي يخليها ويوفقها ويعينها على مسؤولياتها :)
-----
7saweya
خلف الله علينا روضتنا ماكانت متطوره بذاك الوقت :)
إرسال تعليق