RSS

صوتنا وغدا الشر

الحمدلله خلصنا عقب
الوقفه بالشمس المشرقه :p
خالتي العزيزة قايلة حق امي
روحو ماكو احد
وكانت فترة
الضحى تقريباً قمت مخترعة
وغسلت والحمدلله مانسيت
السن بلوك حاسبة حساب
الجو العليل ^_^


رحنا طبعاً حضرتي منفسه

يالله ضحى خير

أختي ماوصيج

فلان الفلاني

من بتصوتين له ؟

(( افحمتها بردي ))
أتوقع إن صوتي
وآنه حره فيه
LoooL

وخرت عني
مسيجينه
اسمعها تقول
حق وحده
سلمت عليها

واي هذي
تبعكم ..!
ماتعطي ويه

عطيتها نظره
وقعدت اضحك

المكان
النزهه

مدرسة
عمير بن سعد
ق
1

رقم اللجنة
8

رقم القيد
8

مجيكته بالنت

الظاهر يدرون
إن تاريخ ميلادي
متروس ثمانيات
;p

ياحلوي وياحلو رقم قيدي
ورديت جيكت بالكشف أوخ كاهو اسمي
-->مومصدقه انها بتصوت

صفيت المفروض دور المفروض
فجأه أوقفت مره وساحبة رفيجتها
ووراها رفيجتها بعد ياسلااااام
طبعاً بما إني منفسه فوقفت بينها وبين
الاخت الثالثه يعني صارو 2 جدامي
ووحده وراي HeHeHe
-نحيسه كيفي-

لا وفوق شينها قوات عينها تقولها
تعالي شفيج واقفه ورا ؟؟؟

قلت لها حبيبتي احنا صافين دور
وكانت جدامي ام الاحمر
فجأه صرتي جدامي !!!

المهم ماحبيت أخلي النقاش حاد
والحمدلله ربي سخر لي وحده كانت
واقفه معاي وقالت إني وياها صافين قبل

واي صج حرييييييم
مالهم خلق يصفون
دور مثل خلق الله !!!!!
طفارتي بالدنيا الفوضىىىىى
والله كنت قاعدة على اعصابي

المهم رديت نطرت على مايي دوري
الا الحريم كل وحده تقترح اقتراح

وحده ....
المفروض يسوون الانتخابات بالشتا


الثانية ....
والله المفروض يحطونا بدار وأرقام


الثالثة ....
وااااي نبي ماي بعد مايصير ندخل معانا
امياها !!! ليش عليها ستيكرز :p


آنه .. مجابلتهم بطرف عين ولسان حالي
يقول : سكتووو رحم الله والديكم سكتو

.
.

ويه الحمدلله يه دوري لولولولوولييييييييش

قالي عمي الشرطي أدش :p
ويه يعل
عمرك طويل
.

دشيت عطيتهم جنسيتي
قام يلعلع باسمي
فديتني وفديت اسمي



اخذت الورقه
فجأه ماشوف فيها شي
امبيه وين الاسامي
كا الحمدلله لقيتهم
لووول أعترف
إني كنت مخترعة
وخايفه أصوت حق
أحد غلط ......

قريت الأسامي
مليون تعش مره
الحمدلله صح وصح
صفطت الورقة
قطيتها بالصندوق
أخذت جنسيتي

وطلعت بالسلامة :>
الحين الواحد يسلم
واهوا مرتااااح
هم .. اللهم ياكافي


*****

%ومضة
%

أبوي الغالي


دخلت

و

وقفت

وجابلت
الورقة

وقريت
الأسامي

واحترت

مع انك
قايلي صوتج
وانتي حره
فيه

.


وكنت أقدر أحط حق
شخص أنته ماتبيه
ومع إني اعرف ناس
حنو واطحسو ولجوني
واقدر أعطيهم واسكتهم
بس ماني مقتنعة فيه

.

اخترت اللي انته
تشوفهم أكفأ وأنفع

.

لأن نظرتك أوسع
لأني أثق باختيارك
لأني افتخر انك أبوي



لأني تذكرت كويتنا
وان ضيعت هالصوت
اكون سبب بضياعها


.
.
.
.
.

اخترت اللي اخترتهم

احتسبت بهالصحين

الــبـــــــــر

الحمدلله الذي بنعمته تتم الصالحات
واستخرت ربي ويسر لي التصويت
وعسى ربي ييسر اللي يستاهل الكرسي


ماهي للبيع الكويت



ماهي للبيع الكويت

فيديو كليب للعفاسي


باختصار


>>تأثرت<<


بالكلمات

بالتصوير

ولا عاد الجناط عجبة

:p




مادري ليش اخنقتني العبره
ماتوقعت ان الموضوع هالكبر
آنه كنت أعيب على الدول العربيه
إن عندهم هالســــــــوالف
واكتشف ان هالشي يصير في ديرتنا

!!!!!

طبعاً بتقولون الرشوة من سنة الطفحة
بس والله ماكنت متوقعة أو متخيلة أبد
إن صججج

بديت أشك إني من سكان كوكب
الأرض

مجتمع مستواه المعيشي أكثر من الممتاز
محد يقدر ينكر الرفاهية اللي نعيشها
وماكو شي اسمه مستحيل بالكويت
حتى اللي مفلسين يتسلفون
والله يعافي الاقساط اللي صارت بكل شي
....
...
..
.

حاولت
إني أشوف السبب
اللي يخليهم يسوون هالشي
مالقيت صراحة

مهما كانت الحاجة
يظل الإنسان
فيه عزة نفس
تظل ديرته
بيته
مكانه
أرضه
!



خفت على كويتنا

وخفت من هالناس الاستغلاليين
وخفت من الناس اللي بس تهمهم
الفلوووس..

وااااااي ليش جذيـــه !

مااحب السياسه
ولا احب الكلام عنها
بس هم ماحب احد يبيع ديرته :(

ارد واقول أثر فيني الفيديو كليب
صاج يالعفاسي يوم قلت :
.
.
.
.

ماهي للبيع الكويت
http://www.alafasy.com/audio/files/mp3/628.mp3

عشنا وشفنا...!؟

بسم الله الرحمن الرحيم
سيداتي الفضليات .. سادتي الافاضل ..
السلام عليكم ورحمة الله وبركاته ،،
اسعد الله اوقاتكم بكل خير ، نبدأ برامجنا مع الذكر الحكيم ---> تذكرت ايام الصبى ^_^
موضوع فاقع مرارتي وباط جبدي وحبيت اتشاركوني بطة الجبد وفقعة المراره .. لااااا اسمالله عليكم بس جد احتاج ارائكم النيرة
توه قبل 10 دقايق تقريبا دزت لي اخت عزيزه على قلبي وعلى قولتهم اخت دنيا وخوش بنيه وامون عليها مو هذا موضوعي
مسيجينه دازة لي مسج اتحلطم على سوالف الخطابات .. توقعت صراحه شي تافه او بسيط
فسألتها عن اخر طرائفها ...



1. دقت وحده على امها يعني بتخطبها ... لحد الحين تمام ... المهم الاخت عقب ماسلمت
قالت لها ولدي قايلين له الشباب عن بنتج !!! أي شباب ؟!!!!؟ (( البنيه متطوعه في لجنة خيرية )) بس سالفة الشباب أول مره أسمع فيها إن يمدحون البنيه ويقولون اسمها ويخطبونها حق الصبي !!!! السالفة فيها ان
المهم جان تقول آنه مالي شغل ولدي اهوا اللي يقول !!!! شنو يعني مالج شغل وولدج يقول يعني انتي ماتبين البنيه
اوكي ماعلينا يمكن توهقت وماتعرف اتحجى ، تقول ترى الولد عنده مهله اسبوعين وبياخذها ويسافر !!!!
متى تملج متى اتزوج متى اتجهز!!!!
مسيجينه ام البنيه ياقليبي قالت لها هذا قسمة ونصيب
جان تقول لها المره : شنو يعني قسمه ونصيب انتي يعني موموافقه !!يالله مع السلامه وسدته
أسلووووب شنيييييع ... @@!


2. مره دقت خطابة تقول : قبل لا اقولج العايله أبي 500 دينار لاصار نصيب !!!!!!!!!!!!!!!!!!
الأم : آنه ماقلت لج خطبيلي !!
قالت : شنو انبيع طماط ؟ اصلا الناس يعطون ويستانسون ان احد يخطب بناتهم !!!!!!!!!!!!!!؟
( صراحه حاولت اعرب كلمة طماط مالقيت لها محل من الاعراب .. مسكينه يمكن تبيع بالفرضه )
الأم بعد جبدي : بنتي مهيا بايره !!! جك .. سدته ابويهها والله زين اتسوي فيها



أخيراً ... تونا قبل اسبوعين كنا معزومين على عرس وحده من البنات ... المهم رحنا مع اميمتنا ويوم طلعنا الا كروت على السياير الخطابة أم طلال .. يامال الخلال اللي يبط عيونج !!!!؟
مادري صراحه يانين وقاعدين ... يعني حتى لو الناس مايدقون اهما يروحون لين عندهم
ماقول الا مالت ولا عدّلت ..

حسبي الله على اللي المصلح

اكتب وكلي أسى على حالنا بدون سنتراااااااااااااااااااااااااااااااااااااااااال
وحضرة المصلح دقينا عليه اليوم الصبح موفاضي!!!!! يقول يا أيي العصر او بالليل !!!!! واحنا شنو بنقعد على مراوح على ماحضرتك تيي ---> المراوح دعاية من الغانم مادري امي شكانت شاريه
لااااااااااء جد الوضع مأساوي
طبعاً حضرتي امشي واتحلطم حسبي الله على المصلح والا وااااااااي جنه بافريقيا -->اللي يقول مجربه السياحه بافريقيا
وعقب ماقلت افريقيا تذكرت امي .. لي بغت اتهون علينا قالت شوفو افريقيا مساكين شلون عايشين !!!!!والله صج الله يعييينهم
يعني الحين الدور اللي قاعده فيه بس خربان واللي فوق زين .... بس الدعاله شلون صايره
صج صج صج الله يعين الفقاره المساكين
ولواهيب الدنيا ولا شي مع الاخره يالله الجنه ... ياربي حرم اويوهنا عن النار

همه لن ترضى بدون القمة

عيزت وانا افكر شبدي فيه بهالبلوق فكرت بشي مفيد ...
بالنسبة لي ..
انسانه طمووووحه درجة أولى
عندي أهداااااف وايده
وانجزت عدد كبير منها
رب لك الحمد
وزدت اهداف يديده
بس حالياً احس اني مزحومه
وبنفس الوقت ماني عارفه ابدي من وين باختصار افكاري تحتاج لإعادة ترتيب
وتذكرت بيت قالت لي اياه وحده الله يذكرها بالخير
لما اقارن نفسي معاها احس اني مع انجازاتي نمله مقارنة معاها
سوف تأتيك المعالي إن أتيتا .. لا تقل سوف عسى أين وليتا
هالاخت اللي قلت عنها خاتمه كتاب الله عز وجل حفظاً .. اللهم بارك
عسى ربي يثبتها ويثبت حفظها
ودايماً دعاءها لي ... عسى ربي يبلغني فيج خاتمه
أحبج يالغاليه
وجد احس اني انسانه تافهه لأني ماعرفت ارتب اهدافي

ختاماً

أ) بالنسبة لكم شنو ترتيب اهدافكم ... وعلى اي أساس ترتبونها
ب) وشنو طريقتكم في وضع الاهداف ... بالنسبة لي اكتبهم بورقه واعلقها بداري وكل ماخلصت اشطب
جـ) بالنسبة للأهداف اللي تحتاج وقت شلون تجزؤونها
د) تأثير البيت عليكم

لولولوولييييييييييييييش
واخيراً :)
نقص شريط افتتاح البلوق المقرود
خوشو بريجلوكو اليمين

والله لاعت جبدي وانا اكتب

MY MoooooooooooD iS BaaaaD

when you need some one know you , but you didn't find madry found that person!!!!! this is my moooooood today
:(
mmmm twahhagt galabt el language w al7een ma yegra 3arabi w shakli e6'a77ek wana adawwer el 2a7rof in english ...
9ich e3leameya