اترك لكم التعليق ..!

والله فقدنااااااكم

الحمدلله على سلامتكم :)
وقرت عين البلوقر
^__^

.

.

.





و








و










-----------

وفقدنا بعد

و








.



.



فاقدينكم !!؟ وفاقدين تعلقياتكم وطلتكم علينا

:(

-----------

update

HeMaM



مبروووك للنيو لوووك وعوووداً جميلاً مادري حميداً ;p

-----------

HaM uPDaTe =))


MiSs You ... SHNo Mu NaWaiN TeRJ3oON !!?






سئلي نسكافيه شكثر اسأل عنج ويا هالويه











عيزت وآنه البح ردي يابنيه ردي معطيتني بو لباس










الله يهديج عقب السلطه ماشفنا شي .. !؟










فقدناااااااااااج .. شهالغطه .. حسبي الله على ابليسكم










ليش يعني ليش ؟ اوكي منتي ناويه تكتبين بس خلي البلوق للذكرى فقط لاغير ;)










يعني ندري دراسه وكراف .. بس كل مره تتحفنا بآخر الطرائف اللي تصير !؟













آخر بوست كان متميز .. بس ماشفنا عقبه شي .. ليــش؟









.


.


.

وينكم ؟

شسالفة موضة التخطب ...!؟

إليكم بعض من المواقف الطريفة
من عصر الســــــررررعة

.


.




1


شفت (فلانه) بالمكان الفلاني .. !؟

--> مسج وصلني من رفيجتي

قريته على خواتي وقلت لهم هذا ويهي ان مادقت باجر اسألتني عن رفيجتي ..!؟


وفعلاً قمت الصبح اشوف مس كوووووووول !!!!؟ من فلاااااااااانه!!!؟
شوي الا مسج :


ريلاكس السلام عليكم
شفت وحدة من بنات( عايلتهم ) بالمكان الفلاني
فلنتانه اصيله ؟

وحبيت ألطّف الجو .. ورديت عليها بالاضافة إلى

ليش من بتزوجينها ؟



شفت البنيه اللي تسأل عنها فلانه عقب جم يوم .. وسألتها شلون عرفتي فلانه ؟
وقلت يمكن جذي تحب تتعرف على الناس وبطلت سوالفها
واكتشفت ان فلانه موبس متعرفه عليها سائلتها عن عمرها ووين بيتهم
(واللزي مينوه)



يعني كلامي صح ..!؟
وام طبيع مايازات عن طبعها

.


.

الملاحظات:

أولاً :
لم يتم الافصاح عن اسم فلانه صاحبة المسج او من وين اعرفها
لأن وصلني فيه ناس تراقب البلوق بدون تعليق !!!!

فبلاش فضايح ;p



ثانياً :
هالمره بالذااااااات كل ماشافت احد بتخطبه !؟
يعني اتوقع بنيتها مأمنه مستقبلها من الحين;)


صراحه .. وحده من الثنتين
يــا
انها تعرض خدماتها على الاوادم !
او
انها انسانه باااالغة شف لدرجة فظيعة




بس شكو العمر والعايلة والبيت والدوام وامها من بنته ...الخ ؟





2


وحده من اول ماتزوجت مادري عنها !؟

وفي يوم من الأياااااام



اصبّح بمسجها اللطيف والظريف


ريلاكس شلونج ؟
فيه واحد كيت وكيت
وساطرتلي - سيرته الذاتيه-


المراد


إني حقرتها ولا رديت على مسجها

صراحه منصدمه !


وبعد فترة أشوفها بالمسنجر



- يالا حظي السعيد -

على فكره دزت المسج قبل لا تولد بيومين او ثلاث .. وشفتها بالمسنجر عقب مااولدت
قلت بقلبي أكيد ناسية الموضوع أو افهمت اني حقرتها !؟



سولفت وياها عن بنيتها .. وتقولي : مااوصلج المسج!؟
آنه انصعقت .. فقلت اكيد دزت مسج غيره مستحيل قصدها هالمسج !؟
فسألت أي مسج وقالت لي ..!

قلت لها يافلانه ترى مارديت عليج لأني انصدمت منج
( اي صج الشخصية الظريفه اللي كاتبة سيرتها الذاتيه من ربع ريلها
باختصاااار تبي تطلع اهيا السنعه واللي تمشي ربع ريلها )





وصكيتها ذاك البلوك اللي برّد جبدي .. ياليت فيه بلوك صجي حق الاوادم

وحتى بموبايلي موناوية ارد لا عليها ولا على المسجات




لا تلوموني بالذات هالشخصية كل ماطوفت لها شي اييني
منها اخس من اللي اشوفه قبل المره اللي قبلها --> مفهومه العباره ؟ :)







3


عاد المسج اللطيف الاخير ..!


كان استفسااار من وحده هل ليلحين الوالد الله يحفظه مصر على شرطه !؟



آنه اللي استغربت منه اكثر من المسج نفسه .. كلمة ليلحين !!!!!!!؟



اللي حرني بموضوعها إنها أكثر وحده تفهم بالعادات والتقاليد اهيا .. مع بيتهم مو من اللي تهمهم العادات والتقاليد .. بس في يوم من الايام كانت تتفهم معنى التمسك بهالاشيا .. وكانت تأيد كلامي !


شاللي فر راسها ؟ الـلـه أعلـم !






ســــــؤالي


من شكى لهم الحال ؟


ومن قالهم ان يتكفلون بأرزاق خلق الله ؟


مادري اخاف يبون يفجون لهم مكاتب من ورانا .. وينوعون مصادر دخلهم ;p





.

.

يقول الله عز وجل :


‏قل لو أنتم تملكون خزائن رحمة ربي إذاً لأمسكتم خشية الإنفاق وكان الإنسان قتوراً



هذا نص صريح من الله عز وجل ... فلا يتفلسفون ويسوون روحهم موول

خطابات العازه


هذه بعض من تحلطماتي واحتجت اني افضفض شوي
و الاحداث فررريش والمضحك المبكي انها متتالية






دمتم بود

ReLaaaX .. !

انجازات وأحداث شهر 3


1
ذبحت عنكبوته



مخططه تخرع قطيعه تقطعها ..
شفتها قبل جم يوم بالحمام تكرمون رشيت عليها ماي وما ماتت!؟
والظاهر الباب كان مبطل فالاخت اطلعت .. وشفتها بالصاله !!!؟
اعترف إني كنت خايفة أول شي .. بس بمراجعة سريعة مع نفسي
ليمتى أخااااااف !؟ ومن شنو حشره !؟ ... فقررت إني اواجه هالخوف
وقلت لازم افك الناس من شرها .. يبت المضرابه .. جان اشوفها اتناقز
طمرتني حسبي الله عليها .. بس تعوذت من ابليس
طق
وماتت

:D

كشرة الانتصااااااااااااار

ومابقى أحد مابشرته بالبيت

وكنت مصره إنها سامة

صراحة الببايات وايد مأثرة علي
:p



----

2
مات الماوس :(

بعد معاناااااااة معاي
وبعد تشوّت وتكرفس من الدري
وبعد اصابات وجروح
واصراري على استخدامه

قرر إن ينتحر

مع ان طيحة الاصابات والجروح كانت اجيد لأن طاح من اول درية لي آخر درية
وطيحته الانتحاريه كانت من القنفة لما الارض .. بس اكتشفت اني كنت ملوعه جبده







شكراً كلمة من القلب أقولها لك يا ماوسي العزيز
ومن حبي له شريت نفس الماوس

او بالاحرى ولا نوع صمد معاي من الماواسات
إلا هالنوع وبالذات رووكوو
.
.
اثبت جدارته على الاقل معاي



----

3
المطارة !؟


يقولووون ان المطاطير الالمانية إهيا اللي زينه
وآنه أقول إن السالفة سالفة حظ
+ شغل قبل غير

احم كان اختياري لمطارة الحليبة
ملاحظة : الحليبة = حليب ابيض وجاي فله مع شويه هيل

المهم حرصت انها تكون المانية
لأن المطاطير الالمانية اهيا اللي زينه!؟
على حد علمي يعني .. خبركم تولعت بالماعيين

ووو شحليلها ماشالله على قولتهم بطن جنّه
وفي يوم من الايااااااااااام

اسمع صوت تكسّر .. شي جزاز مادري زجاج
اول شي شفته الليتات رفعت راسي اجيكهم !؟

ماكو شي !!!؟


فجيت المطاره لأن صوبها كان الصوت
الا متفلّشه داخل ... بس حسافة ماصورتها



----


4
واخيراً .. سويت قهوه عربية



احم احم .. خلاص بس لحد يحاجيني
صراحه كنت اتوقع ان الموضوع صعب

مادري ان برابيس ;p

بس الحمدلله محد ذم اشربوها واهما ساكتين

ويقال : الســـكوت علامة الرضى ;)


----


5
فله دانه

محد كاسر خاطري غير هالفله
الاخت دانه مو عاجبتها ليش شعرها يعد!؟
واختي الكبيره طاوعتها وشرت لها وحده شعرها ناعم
هم موعااااجبها شمعنى بالدعاية ناعم؟

وفي يوم من الايام قررت الاخت داااانه ان تسوي لها نيو لووك
شوي والا الاخت خااامره .. وين رااااحت ؟ تكوي شعر فله !

ليش ؟؟؟

.


.


.



عشان يصيرشعرها ناعم
واطلعت معاها هالتسريحة العجييييبة
مايندرى جان باجر يهبوووووون فيها ؟

الا انتو عندكم خبر;p