انجازات وأحداث شهر 3
1
ذبحت عنكبوته
مخططه تخرع قطيعه تقطعها ..
شفتها قبل جم يوم بالحمام تكرمون رشيت عليها ماي وما ماتت!؟
والظاهر الباب كان مبطل فالاخت اطلعت .. وشفتها بالصاله !!!؟
اعترف إني كنت خايفة أول شي .. بس بمراجعة سريعة مع نفسي
ليمتى أخااااااف !؟ ومن شنو حشره !؟ ... فقررت إني اواجه هالخوف
وقلت لازم افك الناس من شرها .. يبت المضرابه .. جان اشوفها اتناقز
طمرتني حسبي الله عليها .. بس تعوذت من ابليس
طق
وماتت
:D
كشرة الانتصااااااااااااار
ومابقى أحد مابشرته بالبيت
وكنت مصره إنها سامة
صراحة الببايات وايد مأثرة علي
:p
----
2
مات الماوس :(
بعد معاناااااااة معاي
وبعد تشوّت وتكرفس من الدري
وبعد اصابات وجروح
واصراري على استخدامه
قرر إن ينتحر
مع ان طيحة الاصابات والجروح كانت اجيد لأن طاح من اول درية لي آخر درية
وطيحته الانتحاريه كانت من القنفة لما الارض .. بس اكتشفت اني كنت ملوعه جبده
شكراً كلمة من القلب أقولها لك يا ماوسي العزيز
ومن حبي له شريت نفس الماوس
او بالاحرى ولا نوع صمد معاي من الماواسات
إلا هالنوع وبالذات رووكوو
.
.
اثبت جدارته على الاقل معاي
----
3
المطارة !؟
يقولووون ان المطاطير الالمانية إهيا اللي زينه
وآنه أقول إن السالفة سالفة حظ
+ شغل قبل غير
احم كان اختياري لمطارة الحليبة
ملاحظة : الحليبة = حليب ابيض وجاي فله مع شويه هيل
المهم حرصت انها تكون المانية
لأن المطاطير الالمانية اهيا اللي زينه!؟
على حد علمي يعني .. خبركم تولعت بالماعيين
ووو شحليلها ماشالله على قولتهم بطن جنّه
وفي يوم من الايااااااااااام
اسمع صوت تكسّر .. شي جزاز مادري زجاج
اول شي شفته الليتات رفعت راسي اجيكهم !؟
ماكو شي !!!؟
فجيت المطاره لأن صوبها كان الصوت
الا متفلّشه داخل ... بس حسافة ماصورتها
----
4
واخيراً .. سويت قهوه عربية
احم احم .. خلاص بس لحد يحاجيني
صراحه كنت اتوقع ان الموضوع صعب
مادري ان برابيس ;p
بس الحمدلله محد ذم اشربوها واهما ساكتين
ويقال : الســـكوت علامة الرضى ;)
----
5
فله دانه
محد كاسر خاطري غير هالفله
الاخت دانه مو عاجبتها ليش شعرها يعد!؟
واختي الكبيره طاوعتها وشرت لها وحده شعرها ناعم
هم موعااااجبها شمعنى بالدعاية ناعم؟
وفي يوم من الايام قررت الاخت داااانه ان تسوي لها نيو لووك
شوي والا الاخت خااامره .. وين رااااحت ؟ تكوي شعر فله !
ليش ؟؟؟
.
.
.
عشان يصيرشعرها ناعم
واطلعت معاها هالتسريحة العجييييبة
مايندرى جان باجر يهبوووووون فيها ؟
الا انتو عندكم خبر;p
16 التعليقات:
looool
انتحار الماوس عجبني وايد لانه ماوسي صار فيه نفس الشي قبل كم يوم
الظاهر موسمهم
LOL
i loved dana!
ilgahwa il3arabiya birbis bil tisiwi bas ta3aly sawway ilgahwa nafs-ha
il6a7an wil shesma wil ingredients :P hathe ilshi6araaaa
ahaaaam shay 3ankabot sam o thiba7teeh LOL
العنكبوتة ..
صراااااحة .. انجاااااز .. علقي بوستر بالصالة لهذا الانجاز الرائع
:P
أهم شي انه الماوس انتحر .. أعوذ بالله من المعاملة السيئة حتى مع الجمادات
:P
القهوة العربية .. والله أخاف سحنت جبودهم و يابت لهم حارج و سكرت زلاعيمهم وما قدروا يتكلمون
:P
متولعة بالمواعين !! والله هواية !!!
فلة !!
صار شعرها مثل الليف !! أنا عبالي صلعت !!
ههههههه
يا خف طينتج وخف طينة البوست
لا والله طلعتي بطلة وذبحتي العنكبوت السام
وبطلي تشوفين بابيات لو سمحتي
مسكين الماوس
المطارة بطن الجنة لا تقلينها هناك قطع غيار لها وهذا ميزة المطاطير الالمانية
ههههه
اسالي مجرب ولا تسالين خبير
اما القهوة العربية ففعلا انجاز انج قدرتي تضبطينها
اما فلة وايد مواكبة للموضة
احم احم
نحنو هنا
^_^
الصراحه الانجازات عجيييبه
كل واحد أحلى من الثاني
ما شاء الله عليج
عجبتني الشجاعة في مواجهة العنكبوته المخططه
كفو و الله ، أحب اللي ما يخافون
;)
بالنسة للمطاره ، عدل
الألمانية أحسن شي
بس ما أقدر أفسر سبب الحادث العرضي
أهم شي إن ماكو اصابات بشريه
وخطاكم السو
;Pp~
معاناة فله مع الأخت
دانه ، ابداع
LOOL ;p
ويسلم البنات و الله
ما أقول غير : الله يحفظها و يخليها لكم
:)
nEo
اييي الظاااااهر
تفللللش مسكين
المشكله اني مااتعمد اطيحه !؟
بس هم ماقصر
Cr8ivia
حبتج العافيه ;))
يعني ليش تحبطيني ليييييييييييش ;p
والله ياوخيتي حسيت اني قويه يوم ذبحته :))) لأن العادة اخليه واقوم .. وافتن عليه واهما يذبحونه :p~
Kuw_Son
لا مايحتاي .. بس السنة اليايه اكتبها مع حدث في مثل هذا اليوم .. اذا الله احيانا :P
لا والله مو معاملة سيئة .. بس مادري شفيه الماوس علي !؟ مابي اذكر تاريخي المأساوي مع الماوسات :))
ليش يعني شاكين بقدراتي وابداعاتي بالله ؟ ماكو الا احط كورنر بالبلوق تيستر عشان تصدقوني
والماعيين والمطاطير هواية مكتسبة من قعدة البيت :)
فله
لا مسكينه بس شعرها ماع وصار جنه شمس الشموسه
Mamloo7a Q8ia
انتي عمرج شفتي عنكبوته اتناقز !؟
والببايات احاول اتجنبهم ;)
والله الماوس مشكلته !؟ واهوا الخسران مو آنه -->ثقه
والمطاره قطييييتهاااا .. خلاص المره اليايه اسأل وين قطع الغيار ;)
والقهوه : يابعد قلبي والله .. الله يجبر بخااااطرج ;p
مسكينه حبيبتي شعرها يخرع !؟ حتى الشباصه ماهبطته ^_^
78o8eYa
هلا والله وغلا .. هلا بالطش والرش .. هلا بمحاميتنا :)))
وبالانجازات اعجبج افا عليج ;p
والله العنكبوته شي فظييييع!؟ صج انها بحجم النمل دبل اكس لارج ;p
بس هم تخررررع !؟
والمطاره ياوخيتي ماتوفقت فيها .. ان شالله المره اليايه احرص ماتكون نفسها
لا الحمدلله ماكو حواااادث ولا اصابات
ااااااااااميييييييييييين ياربي ياحبيبي
عاد مشتهية قهوة
:)
عاشت سووبر ريلاكس
الفكرة مو انه ماااات لالالا
انج قدرتي ادافعين عن نفسج و ترفضين احساس الخوف اللي يعطيج اياااااااه
هههههه تفلسف عاد تحمليني ما عليه
;P
قهوة عربية تخصصي و مااااااايقة عليهم ما ادري ليش
!!
ترى صج والله مو اي احد يضبطها عدل
فااااا السالفة فيها حرفنة
غصب طيب بسويه شي عجيب
;D
المطارة انكسرت من داخل اكيد حاطين فيها شي شديد السخووونة فوق احتمالها وعليه .. فاااا انتحرت حالها حال المااااوس
شوية شوي على الحاجات يا بنت
;*
miss u
بوست القتل هذا؟؟؟
ماوس انتحر
وذابحة عنكبوت :))
بس القهوة العربية سكتو ما يبون يكسرون بخاطرج :P
نبى قهوة وتمر الله يخليج :)
لووووووووول
واعليه على الفلة مسكينة
وأهم شي العنكبوتة .. حده انجااز
أما الماوس .. قال الانتحار أفضل فـ انتحر لووول
والقهوة العربية لول ماحبها : )
هههههههه
اهم شي فله بالموضوع
بعدين ليش انا ماادري انج ذبحتي عنكبوت شنو البيت كله درا الا انا
والقهوه ياجماعه ترى صج كانت خوش قهوه .. انا اول ماقلتيلي جربي اول شي خفت :P
بس لما شربتها والله شحلوها.. تسلم ايدج ياريلاكس
اما المااااااااوس.. علاقتج وياه وايد سيئه ماادري ليش ياانتي تكرهين الماوس يااهو يكرهج
بس لاتحاتين انا بشتريلج 20 ماوس احطهم احتياط ولا يهمج :>
إرسال تعليق