مشكلة لما تعتبر شخص قريييب ( إما بقرابة نسب أو قرابة صداقة ) ومستحيل يضرك بيوم
وتكتشف إن نفس هالشخص اللي وثقت فيه اصدمك بتصرف غبي منه .. وكان متوقع إنك مغفل
أو مستحيل تعرف ان اهوا صاحب هالتصرف الاهبل
!
أدري محد فاهم لأني ماابي اسهب وايد بالموضوع بس حبيت افضفض شوي
36 التعليقات:
مرحبا و سهلا
الصراحة انا فاهم باللي حاصل لج
لاني مريت بهذا الظرف
الله يعينا عليهم
hal 3 4 as6ir kafaw o wafaw bel maw'6o3 ..
na9i7a 3alashan ma tit3ibeen wayid eb hal dinya .. : twaga3 '3ayr el motawaga3 men ka2in mn kan !
bs ! twaga3ai ai shai men ai a7ad .. wala tiz3eleen wala tshileen eb '7a6rich .. li2ana at least 3araftai shino mayat'hom .. saga6at el agni3a mithil maygolon !
intai 3arfa entai shino oo mino .. who cares what other ppl think of u ? they think ur dumb ? ok ? u know ur not ? '7alehom yi67ison oo eventually ra7 ey3arfon ina ma7ad moron ila ohma :d
o even if they stapped u on the back .. rest assure ina they're gonna pay for it .. itha mo al7een ba3den
cheer up oo galoha min gbl > 6anish ta3ish tanta3ish
elli ba3doooooo
انا وحدة من الناس
اللي انصدمت بانسانه قريبة
ادت الى قطع علاقتي معاها نهائيا
بس السوط اللي ما يكسر
الظهر يقويه
مع الوقت وايد نستفيد
من هالكبوات
ماعليه لا تضايقين نفسج
صار أمر عادي
واللي يعيش ياما يشوف
وكل متوقع بهالزمن حتى من أقرب الناس
والله المستعان
ودمتم بحب وود وطمأنينة
اول شي
وين هالغيبة الطويلة
وثانيا عاادي
توقعي كل شي من اي احد
للأسف
آنا عشت هالشي وعلشان جذيه أفهمه عدل
ما يحتاي تفصلين أكثر
مو مهمه التفاصيل
كثر النتيجه
..
:/
ما يشوف شر قلبج
يا بعد قلبي قلبج
اسم الله عليج الرحمن الرحيم
!!
يا بعد قلبي قلبج
لا تضيقين خلقج ومع هذا لا تكتمين شي بخاطرج..فضفضي
وقولي شنو قاعده تحسين فيه
الألم ياخذ له وقت ويروح
والاهم تبقى هالروح الطيبه
الشفافه
اللي كل من يحبها بخير
:)
طمنينا عليج باقرب وقت
يقول الشاعر
و ظلم ذوي القربى أشد مظاظة
على النفس من وقع السهام المهند
التسامح شئ طيب والواحد يحط العذر علشان يرتاح
المسألة مو مسألة مثالية ولكن نحتاج بهالزمن ان ما نخسر احد
:)
صباح الخير حبوبة :)ا
ابنيتي ريلاكس انصدمتي لأن هالشخص ايا كان خالف توقعاتج ... فيالغالية اخذيها نصيحة مني ولااتبالغين في توقعاتج مع ايا كان لأن مثل ما يقول المثل الحي يقلب .. وبعدين لا تعدينها مشكلة لأن المشكلة فيهم اهم مو فيج .. ولا اتضايقين عمرج ولا اتزعلين صدقيني مافي شي يستاهل الزعل .. رفعي راسج فووووق وخلج قوية ولا يهزج شي ولا اتحطين شي في قلبج على احد خاصة ومثل ما قال اخوي مشاري خلج متسامحة
حافظج الله
عسى خير إن شاء الله ..
بعد عمري ري ري
انا حاسة فيج وااااايد مو شوية
تخيلي ناس عايشة معاهم نمنا و قعدنا و بجينا و كل شي
و انتي الغالية و انتي غير و و و
سماعة التلفون ماارفعوهاااا
مسج حتى بو عشرين فلس
يقولون لي مبروك و على شنو ؟ ماكو سالفة اصلا
!
دشيت بسالفتي ادري .. بس عشان اقولج ترى اللي ربج يكشفه الحين .. حافظج من شر اكبر ياي من هالانسان
لا تحطين لي صورة
broken heart !!
سم الله عليج من التكسر
:*
لا تحملين نفسج وزر غيرها
اذا انتي صادقة و قلبج طيب و معطاء
و هالشي مبين من كلامج و مواضيعج
فااا مو غلطج اللي حواليج ما يقدرون
و لا تخلين احد ياخذ من حيز تفكيرج شي كبير خاصة اذا اللي ياج منه يجرح و يكسر
ارد و اقول سم الله عليج من التكسر
كلن يعمل بأصله و اخلاقه
و الله يعطينا على نياتناااا يا رب
:** relaaaaax
أولا: الحمد لله على السلامة بعد هالغيبة الطويلة
.
ثانيا: كلنا مر بتجربة من هذا النوع... ولكن المهم أن نستفيد من تجاربنا
.
ثالثا: التسامح وفتح الصفحات الجديدة أمر مهم ولا غنا عنه، ولكن مع من يستحق التسامح والصفح
.
لا تزعلين ولا يضيق خلقج... في النهاية الصج يبقا والتصنف جهالة... وكما قال عز وجل:(أما الزبد فيذهب جفاء)ا
.
:)
الأستاذ بلاليط
شكراً استاذ بلاليط :)
وفعلاً الله يعين
The Voice Within
صح هذا اللي المفروض أسويه !؟ بس مشكلتي بطبعي ماامدح نفسي بس أقدر أصنف نفسي إني من الناس الطيبة
ودايماً تراعي الناس وتحسب حساب كلامها عشان ماتجرح اللي جدامها
فتلاقيني انصدم من ردة فعلهم .. مابي يردون لي اللي سويته لهم بس ابي على الاقل يبين بعينهم
intai 3arfa entai shino oo mino .. who cares what other ppl think of u ? they think ur dumb ? ok ? u know ur not ? '7alehom yi67ison oo eventually ra7 ey3arfon ina ma7ad moron ila ohma :d
حبيت هالجمله
:))) بحاااااااااااااول اتوقع الغير متوقع
عسى الله يقدرني
اسعدتني زيارتج وتعليقج =)
Vancouver
بس السوط اللي ما يكسر
الظهر يقويه
صاااااجه
المشكله ياحبيبتي إني اعاني منهم حتى عقب ماصارت علاقتي رسمية وياهم
sologa-bologa
صار أمر عادي
أتمنىىىىىىىىى يكون عادي أتمنى
مشكلتي حساسيتي واني اتأثر من هالمواقف
TReSTeN
اول شي .. والله لاهين ماشالله بدت العطلة وبلشنا بهالمناسبات اللي لاإله الا الله ماتخلص
ثاني شي بحاول ان شالله آخذ بهالنصيحة :)
78o8eYa
هلا بحبيبتي هلا .. هلا بالغاليه
:)
الحمدلله كلامكم عدل نفسيتي شوي .. بس يوم حطيت البوست كنت متأثره
الشر ماييج
estekana
يابعد قلبي والله يااستكااااااانه
ان شالله ماراح اطول وجاري تنسيق الموضوع اليديد :)
والله لأن قلبج شفاف تشوفين الناس كلها مثلج ^_^
مشكوره حبيبتي
mtfa2el
مابي أبجي ترى صايره قوية .. عموماً ربي يعلم بحالي وضعفي وقلة حيلتي وهواني على الناس
وربي اللي بيهون ويخفف علي اللي فيني
والدنيا تدوووور :)
Mishari
والله يامشاري إني أطوف وأدري ان عقب هاللي يصير برد عادي معاهم !؟
بس الشعور نفسه يعور القلب
وقلتها قبل مابيهم يعاملوني بالمثل بس ابي على الاقل يبين بعينهم اللي اسويه لهم
عموماً ماعندي مشاكل إني أرد بس بسطحية ورسمية يعني بكون حذرة بالمرات الياية :)
om-bukhnag-zare
صباح الورد والنوير :) هلا والله بأم بخنق
شوفي من مساع وآنه ماسكة نفسي مابي ابجي بس والله عقب ماقريت كلامج اخنقتني العبرة
والحمدلله قلبي نظيف ومااعرف ارد لهم اللي سووه ولا اعرف اعاملهم بطريقتهم
وهذي نعمة من ربي عسى الله لايغير علي
والله يقدرنا وياكم انصير من المحسنين
لأن العفو صفة من صفات المحسنين :>
حافظج الرحمن ويسر امورج وسهل دربج يالغاليه
Kuw_Son
الحمـــدلله على كل حال
a7La eNG
لا بالعكس مثالج حي وواقعي :)
يابعد قلبي انتي
مااااااااعليج ربج يغنينا عنهم
والحمدلله على كل حال
لا ماعليج اول مااخلص كومنتاتي بغيره عشانج ;)
جم انجي عندي آنه ؟
والله إني بشر وحالي حال الباجي .. ومثل مااهما اغلطو اكيد اغلط
بس على قولتج اللي حوالي مايقدرون
آآآآآآآآآآآآآآمين وياج وجميع المسلمين والمسلمات
بوغازي
1
الله يسلمكم من الشر
2
كلنا مر بتجربة من هذا النوع... ولكن المهم أن نستفيد من تجاربنا
صح وهذي قناعتي :)
3
أكيييييد لازم الواحد يقط ورا ظهره .. والشعور كان بوقته بس الحمدلله الحين وايد احسن
وإن شالله باخذ بنصايحكم كلكم .. والدنيا ماتسوى أصلا ان نتضايق عشانها
مشكووور اخوي
مساالعسل
للعسل
واللي أحلي من العسل وزياده
حبيبتي
والله فاهمينج وحاسين فيج
لأن مافي احد مامر عليه بهالزمن ناس
بهالصورة البشعه هذي
بس عشان تقدرين تتجاوزين المحنة اللي مريتي فيها
لازم تفتحين صفحة يديده من قلبج ومع الناس الطيبين
أمثالج
عشان تقدرين تكملين الطريج اللي رسمتيه بالدنيا
اللي نعيش فيها
وأخيرا...الله يطمن قلبج ويليج لأهلج ولنا لأنج تري غاليه
حييييييييييل علي قلوبنا
دمت بدفء
:))))))))))))))
يعين الله
اصعب شي اننا
ننصدم من اشخاص
مقربين منا
بس الدنيا ماشية
ولازم نمشي معاها
وكل صدمة نتعلم منها
علشان نتفادى
المزيد من
الصدماااات
اي والله صاجه مشكله
لا ومتوقعين اللي جدامهم مغفل ومايدري شالطبخه والسبب انج تعطين الأمان والثقه لناس ما يستحقونها
بس مرات الاهل يصدمونج بتصرفات لكن بدافع الحب ترى وهذا اتمنى اللي صارلج يكون بدافع الحب
انشالله ما تتعرضين لهالموقف مره ثانيه ولا تخلين هالشي يغير ثقتج بالناس لو منوو
وانتي عليج تبدين الثقه بأول أي علاقه ليمن اللي جدامج يتصرف تصرف يهز هالثقه مثل ماصارلج
عسى الله يحفظج منهم
وسكري عين وبطلي عين :)
ادرى شتكلمين عناا
حسيت بهالاحساس
حبيبتى ريلاكس
:(
مريت بنفس الموقف
ان اقرب ناسى الى ربيت معاها
اخذلتنى
وسوت شى صدمنى حيييييييييل
الى قلت يستحييل اهى
فضلت اوخر ولا انحط بموقف معاها الى اخسرها للابد
تضل من اهلى وتضل اختى
بس وخرت
وخرت حييل
واهى لانها تدرى انها خلطت وغلطه لا تغتفر مو قادرا اتوواجهنى
من 24 ساعه مع بعض
تلفون وطلعه
وسفر
وهيله
الى ولالالا شى بس اشوفها بالزواره سلام سلام واهى بعيد وانا عيد
:(
ادرى الى تمرين فيه يعور القلب ويحز بالنفس
بس ان شاءالله موقفج اهون من الى انا مريت فيه
مسكى البنت وواجهيها
لا تتضايقين
كلش ولا ريلاكس عاد انت من يقدر يزعلج
اشلوون تجرأة هالبنت
:))
:*
احساس بشع فعلا
فراوله
مسا الفراولة كله :)
والله كلامج ريحني وايد عسى الله يريح ويطمن قلبج قولي آمين
الوجد
فعلااااااااا الدنيا ماشية
:)
شعورعور قلبي شوي وطبت الحين الحمدلله
Q8DOLL
والله يادول إني اعامل الناس الحمدلله بأخلاقي مو بأخلاقهم جان علوم :)
والحمدلله ماني متحسفه على تصرفي معاهم .. بس كنت متضايقه منهم ومن ردة فعلهم !؟
يعني هذا يزاي ؟
شاكرتلج مرورج
charisma
موقفج مريت بموقف قريب منه وااايد بس من سنين
ونسيته
المشكله لما تحاولين تكونين سطحية ورسمية معاهم !؟ وفوق كل هذا يحوشج منهم شي
الا أشياء
يابعد قلبي ماينفع معاهم الكلام بس خليها على الله ربي بيحاسبنا كلنا :)
وكلامج ريحني عسى الله يريح قلبج قولي امين
Sharm
^_^
مساالهدوووووووووووووء
بلا حدود
الله يطمن قلبج
وريح بالج
ويجعل ايامج كلها
سعاده وفرح
واشراقه مثل شمس يوم جميل
باذن الله تعالي
:))))))
إرسال تعليق