أمة اقرأ !
فعلاً أمة اقرأ تقرأ .. إذا اهي تبي راح تقرا :)
بكل بساطة
1
موضوع يهمنا
2
اختيار الكتاب المناسب
3
همة ومواصلة القراءة
فيه أسهل من كده ؟
50 كتاب !
دراسة قريتها ماأذكر وين :)
لو قرأ الانسان (( نصف ساعة يومياً )) كتاب من الحجم المتوسط راح ينهي50 كتاب في السنة !
1
موضوع يهمنا
2
اختيار الكتاب المناسب
3
همة ومواصلة القراءة
فيه أسهل من كده ؟
50 كتاب !
دراسة قريتها ماأذكر وين :)
لو قرأ الانسان (( نصف ساعة يومياً )) كتاب من الحجم المتوسط راح ينهي50 كتاب في السنة !
.
.
.
شي جميل صراحة .. يعني خلال ثلاث سنين او أربع ماراح احتاج أقرا شي لأني بجذي أكون قارية المكتبة :p
فرصة !
معرض الكتاب الدولي بلش اليوم .. فاللي حاب إن يختار له مجموعة الكتب اللي بيخلصها هالسنة لايطوف هالفرصة
شورو علي ..
أبي اقتراحاتكم ومشاركتكم لي بمجموعتي لسنة 2010
شرايكم شاخذ .. بنوع هالمره وماني مقتصره على الكتب اللي دايماً اقراها :))
فـ شورو علي لو سمحتو وقولولي شاخذ :)
.
.
شي جميل صراحة .. يعني خلال ثلاث سنين او أربع ماراح احتاج أقرا شي لأني بجذي أكون قارية المكتبة :p
فرصة !
معرض الكتاب الدولي بلش اليوم .. فاللي حاب إن يختار له مجموعة الكتب اللي بيخلصها هالسنة لايطوف هالفرصة
شورو علي ..
أبي اقتراحاتكم ومشاركتكم لي بمجموعتي لسنة 2010
شرايكم شاخذ .. بنوع هالمره وماني مقتصره على الكتب اللي دايماً اقراها :))
فـ شورو علي لو سمحتو وقولولي شاخذ :)
19 التعليقات:
مهم جداً ان يختار الانسان كتبه بعنايه
في كثير ناس تقرأ بس شنو تقرأ عاد
كتب لا تفيد ولا تزيد
ماقدر انصج بالكتب لاني مادري شنو تحبين
وشنو بيفيدج ويستهويج
عن نفسي ببعد عن جماعة
البرمجة العصبية اللغوية
وبالتاكيد كتب علم النفس علي راس قائمتي
وادور كتاب حق هيلين كيلر مو لاقيه
بس ماتوقع باخذهم من المعرض
بالتوفيق في الاختيار
شكراً
كتاب حقبه من التاريخ للشيخ عثمان الخميس
سلسلة المغني للشيخ ابن قدامه
متن كشف الشبهات للامام المجدد محمد عبد الوهاب رحمه الله
منهاج اهل السنه لشيخ الاسلام بن تيميه رحمه الله
كتاب الجهاد في سبيل الله للعلامه ابو اعلى الموذودي
في كتاب شاريه من سنين ..
يمكن من أيام الغوص ..
ما عجبني .. بس الكل يمدحه
جربيه يمكن يفيدج ..
"النظرات" للمنفلوطي ..
و
"العبرات" للمنفلوطي بعد
وبعد كتب "العبقريات" كلها لمصطفى العقاد ..
و "صراع الحضارات" لـ جفري لانج
وسلامتج .. وتعيشين : )
انا أنصحج بقراءة الروايات حيث انها تحمل أدب ومخزون ثقافه وحضارة تاريخية عجيبة
اليوم رحت المعرض مافي زحمة وايد مثل كل سنة..
يمكن لأن اول يوم..
اقترح لج كتاب استمتع بحياتك للشيخ محمد العريفي فيه منه اكثر من طبعه افضلها لقيتها بمكتبة البخاري بمعرض الكتاب..
وروايات هيثم بودي جميلة, موجودة برابطة الادباء بس بسرعة تخلص
اوووووه من وين ابلش !!
:)
على سبيل المثال لا الحصر :
1. العقاد " الديمقراطية في الاسلام - التفكير فريضة اسلامية "
2. عبدالوهاب المسيري " العلمانية الجزئية و العلمانية الشاملة "
3. جلال امين " العولمة ".
4. القرضاوي " تاريخنا المفترى عليه "
5. الرافعي " كلها :)
6. كتب الفلسفة بلا منازع .. ومن اجملها " قصة الفلسفة - ول ديورانت "
7. محمد عمارة " الاسلام هو الحل "
وعاد بلغينه شيصير معاج .. وشنو الكتب الي اعجبتج وشريتيها :)
وتحياتي ..
ويسلموااااااااااااااااا :)
نمــول
......
بالضبط :))
كتب الـNLP حلاته ناخذها دورة مو بكتاب لأن كل من يألف لنا تأليف خاص فيه وطريقته الخاصه .. فليش ماناخذه من مدرب معتمد ؟ عشان يكون مرجعنا حتى بالاسئلة والمنهج اللي يمشي عليه
بالنسبة للكتب : والله عادي هالمره مغيره المجالات اللي اقراها دايماً شوي ببتعد عن فنون الاسترخاء والتناغم مع الطبيعة والعيش بسلام لأن لحد الحين صارو 6 كتب ومافجيت ولا واحد منهم ! فعندي حصيلة بهالجانب
وكتب السيرة خلاص احس صار عندي اكتفاء
فبشوف واتقرا شوي منهم هناك اذا عجبني الاسلوب اخذته ماعجبني خليته ومشيت ;p
شكراً نمول على اضافتك
احيي فيج هالروح
زين ما تسوين :>
انا حايشني احباط من كعرض الكتاب باخر جم سنه كله كتب طبخ وتلوين وتفسير الاحلام :(
عذريني مرح اعرف اجاوب على سؤالج لاني مادري شنو ميولج :>
بس اذا انتي حابه تقرين عن مجال معين شوفي مؤلف او مؤلفه المفضلين لدى العموم وشوفي شنو اخر الكتب اللي نزلوها واذا محتاره بكتاب سوي سيرج عن الريفيو ماله وان شاء الله تحصلين اللي تبينه :>
بو عبدالملك
عندي اياه بس شكلي راح احطه ضمن الخطه :)
المغني درست منه أبواب متفرقة بأكثر من دورة
كشف الشبهات عندي المتن وعندي الشرح
منهاج أهل السنه موعندي صراحه
أما عاد كتاب الجهاد .. جهادنا الحج ليش اقرا عن الجهاد ;p
اجتماعي
...........
حلووه أيام الغوص مقاريد وينهم وين الكتب ياقليبي
بالعكس أسلوب المنفلوطي روووعه وقريت واحد منهم يا النظرات يالعبرات وفعلاً من زمان
العبقريات ان شالله راح احطه من ضمن المجموعة لأني من زمان احب اسلوب العقاد بس كله انسى اشتري له
مممم صراع الحضارات !؟ مادري صراحه
عين بغزي
........
عندي روايات بس مو كل رواية اتوفق فيها :))
شكراً أخوي
بوحســين
........
ماشالله عليك :) زين سويت
استمتع بحياتك خلصته :)))
والروايات نشوف ان شالله
مشكوور اخوي
كويت الخير
...............
العقاد ضروري اخذ له شي إذا مو كل شي :))
امممم مادري .. يمكن ولو ان مايستهويني الحجي عن العلمانية بس مايمنع ان نتثقف ;p
شكله وايد حلو تاريخنا كتاب القرضاوي
الرافعي عندي بس بشوف اللي ماعندي
اووكي اشوف كتب الفلسفة شورانا انتفلسف ;p
بنت الديرة
...........
وآنا أحييج أكثر ;**
أكيييد لازم المعارض ماتخلى من هالاشياء .. بيني وبينج لهم زباينهم أصلا والا جان مااستمرو بهالبيع
بالعكس فيديني باللي عندج او ودج تقرينه عشان انتشجع ;)
حياج الله اخيتي
ريلاكس ..
ماقدر أرشح لج كتب، لاني مادري شنو ميولج ، لكن نصيحة : نوعي في الكتب ، اختاري مجال اول مرة تقرين فيه ، حتى يكون عندج ثقافة متجددة متنوعة..
أتمنى لج كل المتعة والفايدة..
تحياتي..
(القرآن و كفى مصدرا للتشريع الإسلامي)
للدكتور أحمد صبحي منصور
اذا حصلتيه
:)
جزاك الله خيرا ..
لكن لدي قناعة .. بأننا أمة لا تقرأ واذا قرأنا لا نفهم واذا فهمنا لا نعمل ..
كما قال الؤرخ الليبي علي محمد الصلابي :-
"أمة لا تعرف تاريخها لا تحسن صياغة مستقبلها"
صباح النور
الله يذكرج بالشهادة
وبالنسبة للقراءة فأعتقد أنها أجمل شيء للأسف لا نتقنه أو معضمنا لا يفعله
أنا عن نفسي قراءتي مد وجزر فتارة لا أترك الكتب وغالبا أهجرها
دمتي بخير
:)
السلام عليكم اختي
مادري ليش عقب ماقريت موضوعج هذا ولي قبله ولي قبل قبله .. الي طلعتي فيه عرافه وساحره P:
طرت على بالي هذي الأبيات للشافعي :)
تعلم فليس المرء يولد عالمـاً
وليس أخو علم كمن هو جاهل
وإن كبير القوم لا علم عنـده
صغير إذا التفت عليه الجحافل
وإن صغير القوم إن كان عالماً
كبير إذا ردت إليـه المحافـل
تحياتي لج وعساج على القوه :)
إرسال تعليق