مواقف مستوصفية :p

فاااااااااااااااقده هالمكاااااااااان .. من زمان ماتحلطمت :p

1
تحاليل ياقلب العنا ! .
.
رحت مستوصفنا اللطيف بشوف شسالفتي لأني هالايام أحس بدووخه وهم أحس بخمول وماني عارفه شمنه :/
فيزاها الله خير بنت الحلال الطبيبة عطتني كذا نوع تحليل من كثرهم ماادري حق شنو بس كانت يايبه من ضمن الكلام ان فيه تحليل عشان تشوف فيني سكر والا لأ !
هم حلو الواحد يتطمن على صحته :)

طبعاً لازم يحولوننا على الصقر !

خلصت المهمة الأولى :p
وقعدت انطر دوري عشان تحليل الدم
وأثناء الانتظار .. قلت استغل وقتي بشي مفيد يالله من فضلك
كتاب صار لي قرون أقرى منه جم فصل واخليه مع ان مو كبير وخفيف
اطالع هاللي يمي إلا تتبع وياي @@ ؟
اصفح الصفحة عينها بكتابي ؟
صار دوري عشان اروح احلل .. جان تطالع ويهي وتطالع الرقم وتقولي : إييييه !!! [يعني ايي طلع دورج :)) ]

صراحة كانت طريفة
حسافه ماعطيتها الكتاب تقراه على مااخلص :p










2
والله مرييييييييضه!

في يوم من الأيام عقب ماقعدت حسيت بتكسر بجسمي وثقل يعني بداية انفلونزا .. وهم مقص :/
المهم يوم شفت نفسي تعبانه قلت ارتااااح دام لي مرضيات .. ماقدرت اروح مستوصفنا الصبح
فرحت مستوصف الـمرض اللي عساني ماادشه مره ثانية ( الفيحا ) ! وكنت طابعة المرضية من الصبح
اخذت رقم العيادة ودوري .. وقعدت اشوف الرقم رقمي بس بالغرفه في شخصين ( الطبيب ومعاه واحد ! )
والباب مشرع ! .. اطالعهم يعني ابي حضرة المحترم يطلع ! أأأأأأأأأأببببببببببببد حالف إن مايطلع
( طبعاً الطبيب من احدى الجنسيات العربية وقاعد يسولف مع رفيجه ) تعوذت من ابليس وقعدت
والدكتور المحترم ينادي اسمي دشيت سلمت طبعاً مارد السلام !
ريلاكس : آنا أدري إن هذا دوري .. بس شفت اللي معاك عبالي مريض مو ياي يسولف وياك !!!
عبالكم استحى وطلع ؟ قاااااااااااااااااااعد !
قالي الطبيب : خير يا ريلاكس فييكي إيه ..
ريلاكس : قلت له اللي فيني
الطبيب طبعاً شاف الملف مالي جان يلاقي المرضيه .. قالي : عاوزه مرضية اليوم ؟
قلت له : إيه
الطبيب : انتي بتشتغلي فين ؟
(( راح عن بالي إن الوزاره تنكتب داخل الملف بس الحركة عشان يسمع صاحبه جاوبت وماسكه أعصابي أبي أيود المرضية بعدين يصير خير ))
رفيجه دش بالموضوع : بتشغلي هناك ؟ اصلي عاوزه اوظف مراتي !!!!!!!!!!!!!!
ريلاكس @@ !!!! من كثر ماني منبهرة ماقدرت اعلق صراحه

طبع لي الدكتور المرضية وعطاني إياها !!!
ريلاكس : دكتور وشنو الأدوية ؟
الطبيب : إنتي عاوزة أدوية ؟
ريلاكس : عيل ليش يايه ؟
الطبيب : عاوزه دوا لأنو حاجة فيهم ؟ الانفلونزا والا المقص ؟
ريلاكس : أكيد اثنينهم حق الانفلونزا والمقص (( بعصبية طبعاً وتعكف حواجب ))
طبع لي كذا دوا وقالي استلمهم من الصيدلية
.
.
.
طلعت في في بالي كذا سؤال
ليش ياترى كان مستكثر علي الدوا ؟
عشان طالبه مرضية وآنا كنت فعلاً مريضه ؟
وليش الكويتي غريب بديرته ؟



آنا صراحة ناوية اشتكي على الدكتور نفسه وعلى المستوصف بكبره الفترة المسائية خايسة والدكاتره اللي بهالوقت مآسي بس إن شالله الله لايعوزني لهم ولا اطب بهالمكان مره ثانية !!!
أدري إني بفلوسي اشتري راحتي وأروح أي عيادة أو أي مستشفى خاص
وحتى التحاليل ماتسوى العنوه جك بم اطلعت النتيجة اطول مده ممكن اقعدها بالمختبر نص ساعه !
بس ليش يخلونا نلجأ للخاص والحكومة فيها دكاترة زينين بس ينعدون على الأصابع ؟
ليش أصلاً تتوظف مثل هالاشكال وماتنجحت ؟ عووووووووووووووع مانبيهم !
الحمدلله فيه عندنا اطبا يدد قاعدين يتخرجون .. متى ايي الوقت اللي يصير عندنا اكتفاء بخريجينا ؟