RSS

قصاصاتي المبعثرة مرة أخرى :)


1
اللهم بارك لهما وبارك عليهما




هالاسبوع ماشالله كان حافل بالعروس
والشهرين اللي طافو كانو ملييئيين بالأخبار السعيدة
وهالسنة عموماً - تبارك الرحمن - سنة خير لكل اللي أعرفهم
وإن شالله بعد باجيها تكون خير للي أعرفهم واللي مااعرفهم
شي يبشر بالخيــر فيااارب لك الحمد
.
.
.

ورجاءً اللي عنده مناسبة يأجلها لأن الميزانية اختلت شوي :p
وهم بريح بشرتي من هالـ يص اللي ينحط عليها
( اليص كناية وليس حقيقة .. بس لأني ماأحب أحط ميكب فأستثقله )


2
مسألة رياضية


إذا كانت المرأة ذات (خــــلـــــق وديــــــــن) فهي إذاً تســـــــاوي= 1
وإذا كانت المرأة ذات(جمـــــــــــــــــــال) أيضـــــاً فأضف إلى الواحد صفراً=10
وإذا كانت المرأة ذات(مــــــــــــــــــال) أيضاً فأضف صفراً آخــــــــــــر=100
وإذا كانت المرأة ذات(حســـب ونســـــب) أيضاً فأضف صفراً آخــــــر=1000
.
.
.

فإذا ذهب الواحـــــد ( الدين والخلق ) لم يبق إلا الأصفار


3
omega 3




من كثر ماقريت عن فوائد هالزيت حبيته
ورحت شريت لي الحبوب اللي فيها الزيت هذا مركز

بس مادري المشكلة فيني والا بنوعية هالحبوب :/
تقريباً كليتهم لمدة شهر بشكل متواصل
ووقفت ورديت آكلهم يوم وترك يعني حركة :p
.
.
.
سؤال للي مجربين هالحبوب ..
شنو أحسن ماركة ومن أي صيدلية ؟
وتقريباً أشوف النتايج عقب شكثر ؟


4
قصاصة مغبرة :p



يلزم عليّ الشوق تلزوم**وانا يوم لزمّته عصاني
سقيم الهوى ما يسمع اللوم**حنين الجفا سد الاذاني
.
.
كلمات الشاعر / فهد بورسلي

15 التعليقات:

Seema* يقول...

الله يديم الأفراح عليكم! :")

حبيت المسألة الرياضية وأوافقها تمامًا!

كوكتيل يقول...

صباح الخيرات :)

أن شاء الله كل أيامك أفراح يارب :)

مسألة الرياضيات رائعة جدا والمعنى قوي وصادق تماما عجبتني جداجدا :)

Princess Sara يقول...

روعه
المسأله عجيبه :)

الله يديم الأفراح عليكم صار فيني
نفس الشيء السنه اللي طافت عرس و حفله و عزيمه و عرس ووو...

و ما يصير تلبسين البدله جدام الناس مرتين!

:)
تحياتي
مدونة روعه

فارس هوى الكويت يقول...

السلام عليكم

ان شاء الله افراحكم دوم مو يوم اختي

وتكملة الأبيات الأخيره هي

شريف على التكيات مخدوم
لا هو من الطرز الجباني
طريح عن اللذات محروم
صوابه خطير بين المحاني

تحياتي لج وعساج على القوه :)

فيلسوف يقول...

الله يبارك للي تزوجوا واللي بيتزوجون بهالسنه و كل سنه

والله يعينكم يا بنات على العروس
يا زينا احنا يالله طرق الدشادشه و الغتره كبيرك 10 دقايق مخلص

الحمد الله


وبخصوص مسألتك الرياضيه بصراحه عجيبه
هذه المعادله الصحيحه


__ تشرفت بمعرفت هذه المدونه __
__تقبلي مروري__

طموحه يقول...

ان شاء الله تديم الافراح عليج
مساله الرياضيات بالفعل لها مغزى كبير
سلمت اناملك *_^

عــــــابره يقول...

الله يديم الافراح لي ولك وجميع المسلمين يارب

أحمد الحيدر يقول...

جدا أعجبتني المعادلة أختي ..

والله يديم الأفراح ..

aL-NooR . يقول...

يا حلو سوالفج :*
الله يسعد ايامج
و يديم كل الفرح

بو سعد يقول...

مثال الواحد و الاصفار عجبني حيل و اشكرج عليه

زيت اوميجا 3 ما بقى شي ما قالوه عنه .. لدرجة بديت اشك بمصداقية الكلام

تحياتي

fatto يقول...

بالنسبه للخلق والدين .. عاد اتصدقين ان في بعض الشباب همهم الجمال .. والمشكله ماتوقف على جذي .. المشكله الاكبر انهم يحبون يستعرضون حريمهم جدام ربعهم ( يعني يتشيحطون ) ابجمالها .. انا الصراحه انصدمت من جم واحد سمعت عنه جذي .. وذا بيطلع مع ربعه وحريمهم على عشا يقولها ابيج اتزهلقين على سنقه 10 !!!

ReLaaaX يقول...

seema
كوكتيل
princess sara
فارس
فيلسوف
طموحة
عابرة
أحمد الحيدر
alNoor
بوسعد
fatto




شكراً من صميم قلبي --> متعوب عليها :))

وكل ايامكم ان شالله فرح بفرح .. وان شالله ماتعلنون افلاسكم مثلي وتكونون مستعدين لهالمناسبات ;)


والمسألة الرياضية صادقة جداً


والاوميغا 3 لازلت مستمرة بأكلها وبنشوف :) اذا شفت نتيجة حقول إن شاااءا الله :p

روميـه فهد يقول...
أزال المؤلف هذا التعليق.
قطرة وفا يقول...

أكثر شي عجبتني المعادلة الرياضية تحححححفة

تسلمين

الوتيــــــــــن يقول...

حبيت المسألة الرياضية جدا

وحبيت مدونتك بكبرها :)


صباح الخير