1
قصاصة مطبخية
cookies
المقادير
كوب ونص طحين
صبعين زبدة
نص كوب شكر أبيض
نص كوب شكر أسمر
ملعقة شاي بيكنغ سودا
ملعقة شاي فانيلا
بيضة
كاكاو هيرشي الصغار
الطريقة
نخلط الطحين مع فانيلا و بيكنغ سودا
نخلط البيضة مع الفانيلا ثم نضيف الزبدة والشكر والكاكاو
ندخل الخليط الفرن ..
( عفواً الطريقة ناقصة ماادري جم راح تكون بالفرن ولا أدري نخلي الفرن على جم .. بس من خلال خبرتي البسكوت مايحتاج حراره وايد + مايحتاج وقت وايد يعني مو اكثر من ربع ساعه وكل حاجة حتكون تمام إذا درجة الحراره متوسطه وطبقة الكوكي تكون متوسطة )
2
قصاصة شعرية
ماعليه داشه عرض ;p
روح قسمها على شخصين باريها
.
.
طلال الرشيد
- رحمة الله عليه -
3
قصاصة عناية
ما أدري من وين شريته صراحة نسيت
ماشفت نتيجة واضحة .. مع ان المفروض النتيجة تطلع بعد اسبوع من الاستعمال
للعلم : يكون فيه طبقة شفافة ( عازلة ) تمنع وصول الماء أثناء الوضوء
كريم من بدي شوب من شجرة الشيا .. خصيصاً لليد
النتيجة : وااايد حلوة وتبين من اول استعمال .. أهم شي إن مو ودج
أيضاً منتج من بدي شوب قديم بس أثبت جدارته صراحة
الأول عبارة عن زيت لوز لتقوية الاظافر .. الحلو فيه يروح مع الوضوء
النتيجة : روووعة بس لاااازم استمرار وإذا خلص راح اشتري منه ثاني
مشكلته بس ريحته حزورة لأن زيت :/
الثاني : كريم هم من زيت اللوز ولليد والاظافر .. خفيف
النتيجة : زوينة وإذا خلص موناوية اشتري منه صراحه ;p
4
قصاصة تذكيرية
بما إن رمضان على الأبواب
واحنا بشهر فضيل بعد
فحبيت أذكركم بأن
(( مانقص مال من صدقه ))
وفرصة نحس بأخواننا ونساعدهم
عسى الله يتقبل منا ومنكم يارب صالح الاعمال
للتبرع بوجبة يومية للفقراء
قيمة الوجبة 15 فلس لليوم
أو 450 فلس بالشهر
أو 5,400 د.ك بالسنة
جمعية العون المباشر
(د. عبدالرحمن السميط)
1866888 – 99744123
24 التعليقات:
غرامي الكوكيز بس احبه جاهز خخ..
وبالنسبه للعنايه جربت مال بودي شوب افريكانا حلو وسنفرته حلوه بعد الكريم كنت استخدمه لايدي وريولي واحب ريحته :)
اما مال الاظافر شوقتيني عليه بجربه ان شاءالله ..
وبخصوص التبرع شلون اتصل عليهم وامرهم ولا اهما يمروني..
وجزاج الله خير..
احب الكوكيز بس اللين ..
مرة سويته ماعرفت اضبطه هههههههه
الله ايزاج خير بخصوص التبرع ممكن تشرحينة لنا اكثر ..
^_^
طولت علينا ببوستاتج :)
يم يم شهويتيني كوكيز
=) لوووول يبى ليش التعب
اشتري جاهز وياحلات الراحة
بس هم شغل الإيد يفرق ^^و مال كنتاكي
اللين عجيب ^^
-جربت سنفرة بودي شوب السنة الي طافت
صج روعة :)
-الله يجزاج خير بخصوص التبيرع
:) , سيفت الرقم " الدال على الخير كفاعله "
قصاصة جميلة : )
حلوة تجربة الكوكيز يمكن أجربها
حبيت مال الاظافر ^^ خاطري أجربه !
وبارك الله فيج على الدعوة للتصدق ^_^
في موازين حسناتج بإذن الله
شكراً على التدوينـة اللطيفة الظريفة :*
يا حلوج و ياحلو قصاصاتج
الكوكيز صديقي بي مو الصدوق
لاني مو من ربع الحلو اصلا
يزاح الله خير :*
***************
بما إنك خبيرة بالبسكوت ، معناها لازم أجربها ..
وإذا تحبين منتجات الشيا ، جربي لوكسيتان اللي بالأفنيوز ، وايد وايد حلو..
يا اختي بننبط من الاكل حسبي الله على ابليسج المطبخ بيمشي من الماجله والماعين ياربي ....بسنا اكل شوفولكم صررررفه
الكوكيز -أليم- كما تحب أختي دائما أن تقول عن الأشياء التي تعجبها :)
بقية الأشياء لا ناقة لي فيها ولا جمل وسأكتفي بألم النظر إلى الكوكيز مع الأمل بأن يخترع اليابانيون لنا أمرا ما يمكننا من تذوق هذا الكوكيز أون لاين :)
أحب الكوكيز .. بس ما عندي مقاقة طبخ =/
لي سويتي تنقصي لي ;q
...
اشتقتُ لعالمكِ الورديّ .. شكرًا ;*
روح قسمها على شخصين باريها :**
- - -
قصاصات جميلة , مالت الكوكيز والله ودي أجرب بس مالي خلق خصوصاً إن محد عندي يحب الكوكيز بس آنه ^^"
مبارك عليج الشهر
وعساج تعودينه بالصحه والعافيه
وعسى ربي يتقبل منا ومنج صالح الاعمال
بسكوت صنع منزلي...عجيب !
اختيارج موفق للشعر اهنيج :)
شكراً كلكم :)
وسامحوني مااقدر ارد عليكم نفر نفر بس شكراً مره ثانية
وبالنسبة للتبرع اللي اعرفه إن فيه مندوب :)))
السلام عليكم
مبارك عليج الشهر
تدوينه جميلة و كل مقاطعها مفيدة
أفادك الله وين ما رحتي
موفقة عزيزتي ^_^
hey man I like it. I'm off to write more posts and put your ideas to the test. After all, we always have something new to learn and being humble, I came here to learn. Bookmarked.
- John
thank you
مدير موقع بي اس آي جيرماني
thank you
مدير موقع شاليهات القاضى
thank you
مؤسسة تنظيف
thank you
مؤسسة تنظيف
thank you
مؤسسة تنظيف
thx
مؤسسه تنظيف
أشكرك على هذا الموضوع الجيد فى تميز دائما
أشكرك على هذا الطرح المميز..بالتوفيق ان شاء الله
إرسال تعليق