تحلطمي اليوم عن شخصية مأرقتني
لا مو لدرجة الأرق بس ملوعة جبدي ;p
أحتاج منكم نصايح لكيفية (( التعاااااايش )) مع
إنسانة معاي بنفس القسم
ومجابلتني فترة الدوام
عن الحلال والحرام مو طول وقت الدوام بس اغلبه :/
لحد الحين الوضع طبيعي صح ؟
بس لما تقلللللللد بكل شي والله العظيم والله حتى الكلام والسالفة اقولها الحين
دقايق بس عشان المخ يبدي بتأليف القصة اليديدة وتنقال بصيغة ثانية !!!!!؟
أييب مق حقي مااشتهي اشرب من اللي موجودين .. ياربي كيفي كيفي
ثاني يوم رازة المق على مكتبها
اطبع اوراق حق وحده وياي .. قومي وطلبي هالاوراق من اللي وياي
واخذيهم وصوريهم وحطيهم عندج
.
.
.
إلهي ماهذا ؟
هذا الطبع الماصخ الأول
أما عاد الطبع الماصخ الثاني
إن هالانسانة ماتحبني !؟
مااجبرها تحبني بس مابيها تضرني
مثال بسيط .. صار فيه ميتنغ يوم من الأيام بناس معينين وكان اسمي من ضمن اللي بيحضرون هالميتنغ طبعاً تم تحديد هالشي قبل اسبوعين .. وفي الأيام اللي عقبها انشغلت وكلمت اللي عندها اسامي اللي بيحضرون وقلت لها يافلانه ترى بخلص شغلي وايي ماكان عندها اي مانع
وصار اليوم المشهود .. وصار الميتنغ .. وخلصت شغلي .. ودشيتي بالممر شفت هالشخصية العجيبة قالت لي : ريلاكس ترى عندنا اكتفاء روحي ارتاحي يعني انتو بس لو تشوفون ويهها اني وايد كاسرة خاطرها وتبي لي إني ارتاح .. طليت وشفت الحمدلله العدد زين يعني فيه احد مع الاوادم قلت لها مشكورة ورحت !
خلص الميتنغ او ان صحت التسمية القعدة وشافتني بعد فترة هاللي كلمتها .. وكان بكلامها نوع من العتب إني ماحضرت .. قلت لها ان والله فلانه قالت لي ان عندكم اكتفاء .. قالت لي فعلاً كان فيه بس اسمج كان مكتوب من اللي بيتواجدون بهاليوم !؟
آنه مادري امجع شعر اللي قالت لي ؟
مادري اقولها ترى عندكم شخصية معقدة ؟
ينيت والله مادري شسوي قلت لها خير ان شالله ويوم ثاني ان شالله بتلاقيني اول وحده موجوده ومشيت
بعد اسبوع تقريباً قومي ياللي تشرهت علي وعطي اللي احضرو سواء اسمهم موجود والا لأ .. وعطيهم هدية وكرت كنوع من التقدير للي احضرو .. واختنا الجميلة اللي قالت لي روحي تبي راحتي واهيا احضرت مع ان اسمها موجود بس كنوع من التطوع منها يزاها الله خير راحت واوقفت معاهم مع انها مو من اللي يبونهم .. وآنه طبعاً ماكنت موجودة في اليوم المجيد !؟
أبي حل للتعامل مع هالشخصية تكفووون مأزمتني والله مع اني جدامها قمة البرووود
بس ما أحب يكون فيه شي بقلب الأوادم علي ولا يكون بقلبي شي عليهم
يعني لو اني غلطت عليها أو غثيتها بشي ممكن اتحمل نتيجتهم
بس تكرهني من اهنيه والطريج ؟
لا ياليت بس تكرهني .. تبي تطلعني إنسانه كيرلس ومااحس وعادي اطنش بخلق الله !؟
يســـــــــلمكم شووورو علي
أبي ارتاح واتكيف معاها بدون لا أتعب ولا يتعب قلبي
على فكرة .. هالشخصية على حسبتي يطلع عمرها مابين 35 إلى الـ 40 سنة
بس جد يعني اهيا كبيرة يعني ام عيال وعيالها كبار .. يعني المفروض عقلها يكون اكبر من جذي
39 التعليقات:
الغيره يا بنتى
هذى البنت تغار منج
لسبب او لآخر
مافي سبب ثانى
طنشى من امه
ترى انتى ذابحتها
:*
وبعدين ما تقذف الا الشجرة المثمرة
الغيرة سبايب :)))
انا اقول طنشيه ما بقالها شى على التقاعد ورزي ويهج بكل مكان
لا وضغطيها
وبينج وبينها قوليلها سوالف خبال وان هذى الموضة عند البنات وخليها تستهبل جدام الحريم
:)))
طنشيها وخليج قامضه معاها وعلي قولة القايل القافله تسير والكلاب تنبح
واااي
الله يعينج على هالمغثة :/
من ناحية انها تقلدج
ومن ناحية ثانية إنها قاعده تحاول
تخرب عليج
تبين نصيحتي
دايما يقولون
عدوج صافحه
حاولى تكسبينها
حاولى تتعايشين معاها
حبيها عشان تحبج
مثلا الصبح
ييبي لها معاج قهوة
حسسيها إنج كاسبه ودها
وصدقيني
إن شاءالله بتتغير
وبتكون أحسن
وقوموي بهالشي مو عشانها
عشانج
عشان نفسيتج
:>
عندج حلين ..
يا إما الصبر وتكبرين عقلج ..
ويا إما ترمينها ببازوكة آر بي جي وتفتتكين من حنتها :)
_________
رحلة العمر كفاح في كفاح في كفاح ..
دربنا المأمول في عمق الليالي والجراح
واااضحه وضووح الشمسسسسسسسسس
تغاار منج
والغيره سبايييب
جنها مو موجووده
هواا يمج
فتحت موضوع ردى ما افتحت الهاى بشى ثانى
طنش تعش تنتعش
وانا ابييييج تنتعشييين يا حبيبت قلبى من جوا انتى
:***
:))
عندى وحده نفسها عله بحياتى
بس انا مو بس تغاار لالا ابتندقققققققققق
بتمووووووووت
جنى بايقه حلال ابوهااا
ههههههههه
وانا كنت اتعب لانى ما سوييت شى
بس ما ادانينى
وبعدييين اكتشفت انها تغااار
الشكوه لله
الله يشافيهم ويهديهم
مساكين
اهم شى التقليييد بالمق
ههههههههه
ضحكتينى
خل تسترييح
وخل تحمد ربها اجابل هالويح السمح كل يوم
يحصلها
:*
حبيبتي رورو
بكل مكان ودوام في مشاكل تكون بالقمة خلال السنة الاولى للعمل
لج حدا الشايتين
إذا من النوع اللي ما يحب يواجه ولا يخلق عداءات وحساس وايد ومايعرف يرد حزت الحزة زي حلاتي طنشي وعديها مو موجودة ليم ايي يوم اتيرعين وتعرفين اشلون تعطينها نقزة توقفين عند حدها
اذا انتي يرعة نوعا ما فكلمي تستحين منها بديها ولكن مو بشكل جدي وايد يعني واجهيها بدون خلاف عشان اتعرف حدودها مثلا : اتقولين لها فلانة ليش قلتيلي ما اروح الاجتماع مع انهم كانوا ينريوني !؟ في أحد قالج قولي جذي والا إنتي تطوعتي ؟ لأنهم اشرهوا علي
أو فلانة ترى انا نوعي ما أحب هالاسلوب أو ما أتقبل كذا فياريت ما تسوينه مرة ثانية
هذي انسانه مريضه الله يعينك عليها
السلاااااااااااااااااااااام
عليكم
:*
انتي طيبة ما راح تعرفين تتعاملين معاها اذا حطيتي فبالج سالفة غيرة و الا حرة ووو
لو انا مكانج ما راح اتعب نفسي
و ادور لها اسباب ليش تشغلني بالله ؟؟؟
في ناس تحب المداحر سواء علني او مثل صاحبتج الكريمة
تلاقينها فارة على القسم كله
وانتي الوجه الجديد بتختبر اقصى طاقة صبر عندج عشان تعرف حدها
;)
الحين سالفة الاوراق
المفروض يوم دريتي انها خذتهم من غيرج تقولين لها شدعوة ام فلان جان طلبتيهم مني
و سالفة الاجتماع
اجتهاد شخصي منها ما تشكر عليه صراحة
;p
عموما انا سهل علي اتكلم
ههههه ادري حزة الحزة بفهي
بس خلاص يزاها الله خير اللي بينت بسرعة
لا تاخذين منه حجوة كلش
و لا رأي و لا نصيحة
و اكيد فيها شي طيب ركزي عليه دام بينكم شغل و ايام
كافي احنا انحبج شتبين فيها
:*
سلمي على نسكافيه
زوزو حبيبتي
والله يعني لحد الحين هذا السبب الوحيد اللي لقيته
بس يعني اشسويت لها :/
مشاري
اي والله مابقى لها شي على التقاعد ;p
looool
لاااااااااا مقروده حرااااام العب بحسبتها
غريب
موووو المشكلة آنه كل شي اقوله والمشكلة اللي اكبر من جذي حتى لو ماتحجيت ملامحي تفضحني ;p
اول شي ياااااحبي لك بس
ضحكت على بوستك :)
بجد هذا اللي قاعد يصير حاليا
ممم
مرت علي كثير من هالنماذ
للأسف حتى في محيط الاقارب
افضل
حل
انك تحسسينها انها مو موجودة بهالكون
نهاااائيا
بجد
سويتها ونفعت بس بعد سنتين :/
الحل الثاني تواجهينها
وانا ماافضل هالحل
:)
عجبني رد استاذ مشاري =D
ربي يوفئك :)
و قلبي معك علمينا شيصير :)
ps:
كيفها نسكافيه الحين؟عساها احسن؟
الدنيــا
اي والله مغثثثثثثه
اممممم
ودي بس مااقدر .. يمكن لأني الحين كاشه منها
عموماً آنه طبعي مسالمه
والحمدلله لما امر عليها اسلم ومع ابتسامه شقاقية مني
وبحاااااااااااااااااااول ان شالله اجرب طريقتج :)
من صجج
هذي اسمها غيرة شافتج موظفة يديدة و شي اكيد تبين تبرزين في شغلج و هذا معناته راح تخربين عليها
ودي اذبحج الحين اسمج موجود من اسبوعييين و لما تقولج عندنا اكتفاء تردين مكانج و الله ادخل و اكلم المسؤولة عن الميتنج و اتأكد شكو الاخت تفتى من عندها
و نصيحة شغلج سويه بسكات ماله داعي اوزع شغلي للكل باجر تاخذ شغلج و تقول انا الي سويته وينج عاد انتي عندج شي يثبت انه هذا شغلج و اوراقج
حطي رمز لج في اخر الورقة مثل لما نرقم الأوراق جذي افضل لج و احسن
و هذي الاخت سوي مثل المثل الي يقول الحقران يقطع المصران
الحارث
ياسلام على الحلول المنطقية جدا جدا
تصدق عاد عجبني حل البازوكة ;p
--
اضطريت اشغل النشيدة خمس مرات باليوم عشان اطخ :)))
ياقلبي
من غير ما تسوين
just being ur self is killing her
أنا أقولج ..
عطيها اللنك مال الموضوع و خليها تنصدم في اللي قلتيه عنها !!
أما تبين الواقع .. أنا الحين عايش مثل هالأوضاع .. بس مو في الدوام .. في النادي ..
و أحس اللي معاي ما يبوني !! جني دخيل عليهم .. لكن لأني مشترك في الندي و دافع اشتراك و عندي عضوية .. ففي أمه خير أي واحد يفتح حلجه و يتكلم يقول ما نبيك !!
بس أنا واحد أطنش .. و أحضر النادي و برامجه و مشارك و كاف شري و مسوي نفسي باارد و أسلم على الكل .. كنوع من كسرة العين لهم ... و خالطي الناس بخلق حسن
مساالورد والجوري
الغالية
والله ماتستاهلين هللي قاعد يصيرلج
انا اقول
حاولي اتطنشينها...او تتكلمين معاها بشكل ودي وتحاولين تبينين وجهة نظرج
عشان ترتاحين
والله يعينج علي الغيره...تراها تدوخ الراس
دمت بدفء وعذوبه
ابدا
:)
charisma
والله ياكريزما هذا اللي حارني اكثر من مواقفها
بس على قولتج الشكوى لله
ووالله اخجلتيني بكلامج الحلو يااحلى كريزما
توتو هلا والله وغلا
إي والله صاجه آنه قلت حق نفسي لأني يديدة لازم اواجه هالبلاوي :))
بس ماعليج الله يسخرها لي ان شالله
والله العظيم والله إني ابي القلوب صافيه ومابي يكون لا بقلبي ولا بقلبها شي
بس هذا اللي احاتيه وهذا اللي معور قلبي والله والله والله :/
يالله جود الله ورحمته تطخ وتفكني من قشارتها :)
محمد بن سالم
اللهم آمين وياكم كلكم ياربي
انجي حبيبجي
وعليكم السلام ورحمة الله وبركاته
هلا بالطش والرش هلا والله وغلا
كلاااااااااااااااامج عين العأل واللهي ;p
والله الحين وايد احسن والله
بس شسوي مخترعه شلون فيه ناس جذي؟
ولييييييييييييييش؟
شمسويتلها بفهم ؟
خليها على الله وربج يفرجها :)
روح
والله العظيم حتى احنا انحبج :))
خلينا من المواجهة لأنها تجرح احياناً والجرح صعب ان ينسي
وابيها تذكرني بالخير
والله مو خوفاً من المواجهه كثر ما اني خايفه من أثر المواجهة
لأني جربتها للأسف أيام الجامعة وتحسسسسفت على قد شعر راسي !؟
مع ان اسلوبي كان لبق مع الشخصية اللي واجهتها بس مادري ليش جذي كانت ردت فعلها
عموماً
على قولتكم تطنيش .. مع محاولة التكيف مع الوضع
وربج يعييييييييين :)
دندش
والله صاجه والله العظيم
وسالفة السكات بحاااااااااااااااول والله العظيم قاعدة اتدرب ان اسوي شغلي بسكات
بس شسوي يختج المشكله اني على ويهي وكل شي اقوله من باب المساعده والله العظيم
ايييييييييييييييييييه خليها على الله
وربج يعين وييسر ياااااااااااكريم
زوزو
كلامج سليم واقتنعت والله :)
الله يعييييييين وتتصافى القلوب
kuw_son
عاد جنك سامعنا واحنا انتاقش ان يمكن تكون هالشخصية معانا بهالعالم ;p
إيه الحمدلله وآنه كاني أدوام شزيني جني البخت .. وبعدين يعني دوام مو بس نادي يعني غصب طيب بجابلهم
:)
والحمدلله إني اعامل الناس بأخلاقي مو اخلاقهم
فراولة الحب بسميج ;)
هلا بالطش والرش وماي الورد بالغرش ووووكلشي فيه شش :p
حبيبتي والله صاجه .. وهذا الحاصل .. بس ربج يعين ويعديها على خير ويصفي قلوبنا
دمتي برومانسيه وقلب حنون
الحقراااااااان
و التطنيشششششششش
احسسسسسسسسسسسسسسن شي لهاااااا
صصصصصصصدقيني
لوير
مادري اشفيه اكاونتي علق !!
ماتقلدج بكل شي الا من غيرتها
انا انها تكرهج وتحاول تضرج فالعلة فيها مو فيج
لا تهتمين لها ولا تعطينها اي بال
عليج من نفسج والباجي اللي حولج
ودام انج واثقة بنفسج ماراح تأثر عليج ان شاء الله
ماتشوف شر الله يعينها =\
فقدتج من غير شر وقلت أطل
:*
حياتي انتي
اسم الله عليج من المغثه
حبيبتي ريلاكسيشون
واثق الخطوه يمشي ملكاً
^_^
خلج على برودج معاها
ترا مو قاهرها إلا برودج
وانتي عقلج أكبر منها
واخذي المسأله بضحك
وأهم شي
تبينين لها إنج تضحكين من السالفه
ولا تتعبين روحج بالتفكير عن سبب الكراهية
في ناس- الله يكافينا شرهم
يكرهون من كل قلبهم من غير لا يكون عندهم سبب
://
ربي يوفقج يا الغالية
ويكافيج شرها
:*
والمَرْءُ بِالأَخْـلاقِ يَسْمُـوا ذِكْـرُهُ
وبِهَا يُفَضَّـلُ فِي الـوَرَى وَيُوَقَّـرُ
( محمود الأيوبي )
>>>>>>>>>>>>>>
إِذَا نَطَـقَ السَّفِيـهُ فَـلا تُجِبْـهُ
فَخَيـرٌ مِنْ إِجَـابَتِهِ السُكُـوتُ
فَـإِنْ كَلَّمْتَـهُ فـَرَّجْـتَ عَنْـهُ
وَإِنْ خَـلَّيْتَـهُ كَمَـداً يَـمُـوتُ
الشافعـــي
وقالوها الحقران يقطع المصران
اختي صدقيني افضل حل اهو الحقران ولاجنج اتشوفينها
وفي حكمه تقول
طنش تنتعش تعش
ومثل هذي الأشكال خايفة لاتخذين مكانها او تاكلين الجو عليها
وكل على طبعه يفكر وانا اخوج
تحياتي لج وعساج على القوه :)
لوير
والله شكلي حالياً بتبع معاها هالنظام ... وعقب عاد لما تتأدب وتتسنع يصير خير
:)
نجمة
حبيبتي انتي والله .. كافي احساسج فيني :)
يابعد قلبي الحين الوضع وايد احسن من اول ماكتبت البوست الحمدلله على كل حال
ولازم فيه بلاوي :))) وكلشي بأجره بعد شنسوي ;)
حقوقية
هلا بالزين كله هلا وغلا
ماتفقدين غالي
والله هذي جملتي :)))
والحمدلله إن الحين صرت احسن بوايد واستوعبت ان اكيد فيها شي
بس ياربي شسوي والله مااعرف جذي ناس ماتحبني والا شايله علي
وآنه مومسوية لها شي أصلاً !
فارس
والله صراحة الأبيات يبيلهم كوبي وبيست
ولا بعد تصميم وياهم وأعلقه بالدوام :p
لا لا بعلقه بداري ان شالله عشان اتذكر
وصاج ياخوي بكل كلمة قلتها
والله يعييييييييينا
مسكينة الله يعينها على ما بلاها
وكلما حسيتي أنها تغثج وتبحثين عن السبب في عداوتها ، ضعي سبب حبنا وحب هالناس الطيبة لك
وقولي يكفيني
:)
ريلاكس لا تاخذين منها كلام
والحمدلله حالتج النفسية تحسنت
;)
قصه
اي والله الحمدلله .. والمشكله الحمدلله تقريباً انحلت بفضل الله ثم نصايحكم :)
اقتلي الفضاضه باللطافه :)
إرسال تعليق