وقفنا ورتبنا أولوياتنا :)))
وهالطريقة واااااااايد انفعتني
ووااااايد رتبت وقتي .. على الاقل
صارت أهدافي واضحة جدامي
وإذا خلصت شي أعرف شبقى لي
أرتب لي وأرتب حق مخي المقرود
شيلحق وشيخلي ؟
ومن هذا المنطلق
ومن تحت قبة هذا البرلمان
:p
أحتاج اقتراحاتكم لخطتي
لسنة 2008
إذا الله أحياني وياكم
إذا ممكن يعني ^_^
---
1
أسامي كتب مقترحة لقراءتها
( في أي مجال إلا السياسي )
2
سلسلة أشرطة
( أيضاً لأي مجال ماعندي مشكلة يفضل سيرة وتاريخ أو الاشيا اللي متعلقة بتطوير الشخصية ممكن )
3
دورات حسيتو انكم استفدتو منها
ووين ومتى وتفاصيل الدورة لو سمحتو
4
الخطة قيد الإنشاء فأي إضافة يرجى التكرم بوضعه لإدراجه ضمن الخطة المقترحة وشكراً --> واي جني اشتطيت
---
بالنسبة للـ
السلسلة
حالياً حاطة في بالي بخلص سلسلة حق ش.عدنان عبدالقادر
:)) إذا خلصتها حطيت لكم نبذة عنها واحتمال ابلش فيها مبجر لأنها طويلة شوي
و
الكتب
عندي كتاب علمي متأدب --> واي تذكرت أيام الثنوية العامة
واااع الله لايعيدها من أيام
المهم الكتاب في مجال الحديث ودي اقرا عنه
والشي اللي يميز الكتاب إن
مختصر .. ومرتب .. وملون :)
من خلال تصفحي له
أكرر احتاج التنويع في مجال القراءة .. رايكم يهمني
---
(( P.S ))
طبعاً الخطة لازم تكون منوعة لكسر الملل والروتين
ولأن الإنسان مو آلة ومو بس مطلوب منه إنجاز المهام فقط
الجانب الترفيهي
مرن بالنسبة لي فما أحب إني أحدد وين أماكن الترفيه بالنسبة لي لأني عارفتها
ولكم حرية الإختيار في تحديد الأماكن أو تركها حسب ماتتيح لكم الفرص
و الجانب الصحي والعناية
تم الإنتهاء من تحديده
( يشمل طبعاً مراجعة طبيب الأسنااااان اسمه بس يسبب لي أزمة )
والجانب الاجتماعي
تم الإنتهاء من تحديده
( يشمل الزيارات العائلية بمافيها من المواجيب )
بس غالباً المواجيب تكون خلال الأشهر لأن مايكون الاستعداد لها قبل فترة طويلة
اللهم الغبقات واستقبالات الحجاج عموماً الأمور اللي ثابته تقريباً
فمايمكن ان نحددها بالخطة السنوية العامة وممكن تكون ضمن الخطة الشهرية
والجانب الإيماني
يحتاج تعديل وبعض الإضافات
( يشمل جانب الأذكار والسنن سواء بالصلاة أو الصيام ... الخ)
كخطة مقترحة بالنسبة لي ودي احدد حق كل شهر مقدار معين من الأذكار عشان احفظها وأحافظ عليها
ونفس الشي صيام بعض السنن
وحفظ القرآن يندرج تحت الجانب الإيماني
للمرة المليوووووون
اقترااااااحاااااااااتكم تهمني
15 التعليقات:
في كتاب مفيد ويبسط العقيدة اسمه
تهذيب تسهيل العقيدة الاسلامية
للشيخ عبدالله بن عبدالعزيز الجبرين
وايضا في رواية جميلة اسمها حكومة الظل للدكتور منذر القباني
في سلسلة جميلة اسمها اصول الالتزام للشيخ محمد حسين يعقوب على الرابط التالي:
http://www.islamway.com/?iw_s=Scholar&iw_a=series&series_id=2459
بانتظار النبذة عن سلسلة عبقرية الرسول.
صباح الورد
:(ماأقدر أنصحك بشي
:)لأن حياتي اليومية سمك لبن تمر هندي
وأترك أخواني يقدمونلج نصايحهم الذهبية
تمتعت بمروري بمدونتج الراقية
وتسلمين لنا
وبس
بابل
اتمنى لج التوفيق في السنة الجديدة
2008
شي جميل ان تخطط للسنة المستقبلية
احسنتي الصنع ..
ولنا عودة باذن الله بمجموعة من الاقتراحات بعد ترتيبها والنظر بامرها
اتمنى لج التوفيق في السنة الجديدة
2008
شي جميل ان تخطط للسنة المستقبلية
احسنتي الصنع ..
ولنا عودة باذن الله بمجموعة من الاقتراحات بعد ترتيبها والنظر بامرها
السلام عليكم
صبحج الله بالخير اختي
اهم واول شي لازم تحرصين عليه قرائة القرآن الكريم وحفظه إن تيسر لو كل يوم بعد الشفع والوتر من2-4صفحات
وبعدين في كتاب رياض الصالحين
للإمام النووي
هذا الكتاب شامل تقريبا
تقريب التهذيب
ابن حجر العسقلاني
زاد المعاد
ابن القيم الجوزيه
والله يوفقج ويسهل دربج ويسر امرج اختي
:)تحياتي وعساج على القوة
انا بتطمش كما يتطمش المتطمشون
دااااااااااااائما مبدعه
كل ماغطيت عن مدونتج اجد فيها الجديد
مو بالي شي لكن في كتاب للاذكار اسمه اوراد خفيف خصصي منه ذكر او اكثر حفظي السنه الجايه ..
في كتاب اسمه المستخلص في تزكية الانفس سعيد حوى
اما الدورات فاذا ماسمعتي دورات ابراهيم الفقي فانصحج فيها ودورة د. موسى المزيدي الثقه بالنفس ..وكتيبت عبد الله العثمان جميله وحلوه
بعددددددددددد
امممممم سلسلة اليوم الاخر عمر عبالكافي لذيذه جدا ..
كتاب اكسب ذاتك .. وروايه امواج د. بشير الرشيدي
حتى سلسلته السمعيه مره حلوه
اظن ما تحتاجين في تربية الابناء او الحياة الزوجيه (:
اذا تذكرت شي اقولج
ودمتي مبدعه
يختى والله يحلاتج
:**
بغش منج
ناطره الاقتراحات وبستفيد منها
اما عن نفسى ما افيدج ما اعرف احط خط سير
الى ايى من الله حياه الله
على البركه
اتنرفز اذا رتبت وحطيت جدامى اهداف امشى عليها
:)))
الى احس ابيى اسويه اسويه
والى يصادفنى وشدنى امشى له
من كتب او اهتمامات
هوايات
كل شى
واطلع بنهايه السنه بحصيله حلوه من هالطريقه
تفيد يعنى
:))
ناطره الكومنت وبستفيد منكم
واذا فى بالى شى بقولج عنه الحين ما يحضرنى شى
:*
أنصحج بهذي المدونة في مجال القراءة ..
http://www.rclub.ws/
اول شى الاولويات يا عزيزتى
:)
شنو الاهم عندج
الشغل والا الدراسة والا شنو؟
وبعدين انتقلى حق الشى الثاني
التوقيت جدا مهم
ثالث شى الاستشارة بتحديد الاولويات صحيحة او تحتاج تغيير
والانطلاق بقوة دون توقف او التأجيل
:)
تحياتى لج
سلسلة: رتب حياتك
للدكتور طارق السويدان
عملية جدا
و مفيدة للغاية
استفدت منها شخصيا
و مطبقها في حياتي الخاصة
بالتوفيق
:)
itha 5ala9tai kitab " ata3amul ma3a al-lathina la tu6igohom 3a6ini 5abar "
:p
Fi gi9a mtarjima tilgeinha bjarir isimha "al i5wa al-a3da2" HIGHLY RECOMMENDED!
7adha 3ajiba, go get it now!
G'luck with ur new year resolutions :p
حياج الله معانا في منارة :)
ودي ودي اسوي جذي وطابق صج
بس هالايام امتحانات وبحوث وواجبات
ودي اقرا ودي اسوي وايد اشياء بس الوقت يطير
من ناحية الكتب ادرلج ان شاء الله بعد ما اطل على مكتبتي :")
إرسال تعليق