RSS

في جعبتي حكاية :p قصدي صورة











صورة تم ادراجها تحت عنوان
.
.
" وإن من شيء إلا يسبح بحمده ولكن لا تفقهون تسبيحهم "
وبحثت عن تفسير هذه الآية فوجدت :




قال ابن كثير
لا تفقهون تسبيحهم، لأنها بخلاف لغاتكم .



ويقول سيد قطب في تفسير الظلال
لا تفقهون تسبيحهم لأنكم محجوبون بصفاقة الطين، ولأنكم لم تستمعوا بقلوبكم
ولم تتوجهوا إلى أسرار الوجود الخفية ، وإلى النواميس التي تنجذب إليها كل ذرة في هذا الكون الكبير
وتتوجه بها إلى خالق النواميس ومدبر هذا الكون

وحين تشف الروح وتصفو فتتسمع لكل متحرك أو ساكن وهو ينبض بالروح ويتوجه بالتسبيح
فإنها تتهيأ للاتصال بالملأ الأعلى، وتدرك من أسرار هذا الوجود ما لا يدركه الغافلون
الذين تحول صفاقة الطين بين قلوبهم وبين الحياة الخفية السارية في ضمير هذا الوجود
النابضة في كل متحرك وساكن وفي كل شيء في هذا الوجود.




ويقول الألوسي في تفسير روح المعاني
وقد ذكروا أن الذكر (ذكر الله تعالى)، إذا تمكن في العبد سرى في جميع أجزاء البدن،
فيسمع الذاكر كل جزء منه ذاكراً، فإذا ترقى حاله سمع كل ما في عالم الملك كذلك،
فإذا ترقى يسمع كل ما في الوجود كذلك




(وإن من شيء إلا يسبح بحمده ولكن لا تفقهون تسبيحهم)

والآية تشمل كلللللللللل مخلوووووق لله عز وجل
الشمس
القمر
السحاب
حتى النملة :)))

CHeeeeeeeeeeez









للأمانة يعني مصدر الصورة من منتدى عدسات عربية
http://www.arabiclenses.com/forums.php





تبادلوني الشعور (الاحساس) وإلا لأ؟
سرحت بصورة من الصور اللي ورتني اياها نسكافيه قبل جم يوم يزاها الله خير من أيام الطفولة الغابرة
طبعاً بغض النظر عن شريط الذكريات اللي مر بسرعة البرق --> تشبيه بليغ والشعور اللذيذ اللي حسيت فيه
أحس إن الصور تتكلم :)


إي والله تتكلم ! أقصد يعني الأشخاص اللي فيها
مع إن الصورة صامتة ( إن صحت التسمية ) بس والله أحس فيها

أدري شعور مينون
بس هذا اللي أحس فيه ^_^
يمكن لأني أذكر أحداثها !


بس هم باجي الصور
أحس إني أقدر أفهمها
أو أقدر أقراها :)


ونفس الشي بالنسبة للمواقف اللي تصير عقب هالصور
أقول بنفسي يعني هالصورة كانت تبين شنو راح يصير
مو شرط كل شي .. بس يعني كانت تكلمني بس مادري ليش ماسمعتها
سواء موقف حلو والا بايخ

( مينونة صح ؟ )


مثااااال الصورة اللي حاطتها :-
شوفوهم اسمالله عليهــــــــــم اللقطة اتشوق .. وخصوصاً إنها تراثية
والأحلى بعد ابتسامتهم الله يحفظهم ويخليهم لأهلهم
.
.
.
.
ركزو اشوي فيها


أول وحده على اليمين
حددددددها مشتطة وشكلها عقب هاللقطة مابقى أحد ماقالت له من الوناسه انهم صوروها :) واسمالله عليها أحسها حرجه

الثانية
هاااادية جداً واتوقع انها مستحية المهم إنها ناطره تطلع اللقطة حلوة

الثالثة
يمكن كارفينها مقروده عشان جذي طالعة بالصورة جنه مو عاجبها أحسها تعبانه
يمكن من المعرض ويمكن لأن ملوعين جبدها كل ساع مصورين
! الله اعلم

الرابعة
هم مستحية وهم بتصور :p
بالنسبة لطبعها: شيطونه وملسونه

الخامسة
تبي يصورونها بسرعة لأنها بتروح مكان .. وتبي اللقطة تطلع حلوة
وويها يوحي ان فيه ضحكة بس خاشتها



يمكن هالتخمين يكون صح ويمكن يكون غلط
بس أحب أتأمل وأعرف أصحاب الصور شيحسون فيه;)


حالتي طبيعية والا يبيلي طبيب نفسي ؟






جلسة عصف ذهني .. احتاج مساعدتكم






وقفنا ورتبنا أولوياتنا :)))
وهالطريقة واااااااايد انفعتني
ووااااايد رتبت وقتي .. على الاقل
صارت أهدافي واضحة جدامي
وإذا خلصت شي أعرف شبقى لي
أرتب لي وأرتب حق مخي المقرود
شيلحق وشيخلي ؟




ومن هذا المنطلق
ومن تحت قبة هذا البرلمان
:p
أحتاج اقتراحاتكم لخطتي
لسنة 2008
إذا الله أحياني وياكم
إذا ممكن يعني ^_^

---

1
أسامي كتب مقترحة لقراءتها
( في أي مجال إلا السياسي )

2
سلسلة أشرطة
( أيضاً لأي مجال ماعندي مشكلة يفضل سيرة وتاريخ أو الاشيا اللي متعلقة بتطوير الشخصية ممكن )

3
دورات حسيتو انكم استفدتو منها
ووين ومتى وتفاصيل الدورة لو سمحتو

4
الخطة قيد الإنشاء فأي إضافة يرجى التكرم بوضعه لإدراجه ضمن الخطة المقترحة وشكراً --> واي جني اشتطيت


---


بالنسبة للـ
السلسلة

حالياً حاطة في بالي بخلص سلسلة حق ش.عدنان عبدالقادر
:)) إذا خلصتها حطيت لكم نبذة عنها واحتمال ابلش فيها مبجر لأنها طويلة شوي









و
الكتب
عندي كتاب علمي متأدب --> واي تذكرت أيام الثنوية العامة
واااع الله لايعيدها من أيام
المهم الكتاب في مجال الحديث ودي اقرا عنه
والشي اللي يميز الكتاب إن
مختصر .. ومرتب .. وملون :)
من خلال تصفحي له






أكرر احتاج التنويع في مجال القراءة .. رايكم يهمني


---

(( P.S ))

طبعاً الخطة لازم تكون منوعة لكسر الملل والروتين
ولأن الإنسان مو آلة ومو بس مطلوب منه إنجاز المهام فقط

الجانب الترفيهي
مرن بالنسبة لي فما أحب إني أحدد وين أماكن الترفيه بالنسبة لي لأني عارفتها
ولكم حرية الإختيار في تحديد الأماكن أو تركها حسب ماتتيح لكم الفرص

و الجانب الصحي والعناية
تم الإنتهاء من تحديده
( يشمل طبعاً مراجعة طبيب الأسنااااان اسمه بس يسبب لي أزمة )

والجانب الاجتماعي
تم الإنتهاء من تحديده

( يشمل الزيارات العائلية بمافيها من المواجيب )
بس غالباً المواجيب تكون خلال الأشهر لأن مايكون الاستعداد لها قبل فترة طويلة
اللهم الغبقات واستقبالات الحجاج عموماً الأمور اللي ثابته تقريباً
فمايمكن ان نحددها بالخطة السنوية العامة وممكن تكون ضمن الخطة الشهرية

والجانب الإيماني
يحتاج تعديل وبعض الإضافات
( يشمل جانب الأذكار والسنن سواء بالصلاة أو الصيام ... الخ)
كخطة مقترحة بالنسبة لي ودي احدد حق كل شهر مقدار معين من الأذكار عشان احفظها وأحافظ عليها
ونفس الشي صيام بعض السنن
وحفظ القرآن يندرج تحت الجانب الإيماني



للمرة المليوووووون
اقترااااااحاااااااااتكم تهمني


رحلة العمر كفاح في كفاح في كفاااااااااااااح


تحلطمي اليوم عن شخصية مأرقتني


لا مو لدرجة الأرق بس ملوعة جبدي ;p



أحتاج منكم نصايح لكيفية (( التعاااااايش )) مع


إنسانة معاي بنفس القسم
ومجابلتني فترة الدوام


عن الحلال والحرام مو طول وقت الدوام بس اغلبه :/


لحد الحين الوضع طبيعي صح ؟



بس لما تقلللللللد بكل شي والله العظيم والله حتى الكلام والسالفة اقولها الحين
دقايق بس عشان المخ يبدي بتأليف القصة اليديدة وتنقال بصيغة ثانية !!!!!؟

أييب مق حقي مااشتهي اشرب من اللي موجودين .. ياربي كيفي كيفي
ثاني يوم رازة المق على مكتبها

اطبع اوراق حق وحده وياي .. قومي وطلبي هالاوراق من اللي وياي
واخذيهم وصوريهم وحطيهم عندج

.
.
.


إلهي ماهذا ؟




هذا الطبع الماصخ الأول





أما عاد الطبع الماصخ الثاني
إن هالانسانة ماتحبني !؟


مااجبرها تحبني بس مابيها تضرني

مثال بسيط .. صار فيه ميتنغ يوم من الأيام بناس معينين وكان اسمي من ضمن اللي بيحضرون هالميتنغ طبعاً تم تحديد هالشي قبل اسبوعين .. وفي الأيام اللي عقبها انشغلت وكلمت اللي عندها اسامي اللي بيحضرون وقلت لها يافلانه ترى بخلص شغلي وايي ماكان عندها اي مانع



وصار اليوم المشهود .. وصار الميتنغ .. وخلصت شغلي .. ودشيتي بالممر شفت هالشخصية العجيبة قالت لي : ريلاكس ترى عندنا اكتفاء روحي ارتاحي يعني انتو بس لو تشوفون ويهها اني وايد كاسرة خاطرها وتبي لي إني ارتاح .. طليت وشفت الحمدلله العدد زين يعني فيه احد مع الاوادم قلت لها مشكورة ورحت !


خلص الميتنغ او ان صحت التسمية القعدة وشافتني بعد فترة هاللي كلمتها .. وكان بكلامها نوع من العتب إني ماحضرت .. قلت لها ان والله فلانه قالت لي ان عندكم اكتفاء .. قالت لي فعلاً كان فيه بس اسمج كان مكتوب من اللي بيتواجدون بهاليوم !؟


آنه مادري امجع شعر اللي قالت لي ؟

مادري اقولها ترى عندكم شخصية معقدة ؟


ينيت والله مادري شسوي قلت لها خير ان شالله ويوم ثاني ان شالله بتلاقيني اول وحده موجوده ومشيت

بعد اسبوع تقريباً قومي ياللي تشرهت علي وعطي اللي احضرو سواء اسمهم موجود والا لأ .. وعطيهم هدية وكرت كنوع من التقدير للي احضرو .. واختنا الجميلة اللي قالت لي روحي تبي راحتي واهيا احضرت مع ان اسمها موجود بس كنوع من التطوع منها يزاها الله خير راحت واوقفت معاهم مع انها مو من اللي يبونهم .. وآنه طبعاً ماكنت موجودة في اليوم المجيد !؟






أبي حل للتعامل مع هالشخصية تكفووون مأزمتني والله مع اني جدامها قمة البرووود
بس ما أحب يكون فيه شي بقلب الأوادم علي ولا يكون بقلبي شي عليهم

يعني لو اني غلطت عليها أو غثيتها بشي ممكن اتحمل نتيجتهم
بس تكرهني من اهنيه والطريج ؟
لا ياليت بس تكرهني .. تبي تطلعني إنسانه كيرلس ومااحس وعادي اطنش بخلق الله !؟



يســـــــــلمكم شووورو علي
أبي ارتاح واتكيف معاها بدون لا أتعب ولا يتعب قلبي




على فكرة .. هالشخصية على حسبتي يطلع عمرها مابين 35 إلى الـ 40 سنة
بس جد يعني اهيا كبيرة يعني ام عيال وعيالها كبار .. يعني المفروض عقلها يكون اكبر من جذي

البقاء لله

فارقت خلال الأيام اللي طافت









عن عمر يناهز السنتين تقريبا
وتقبل التعازي بسطح بيتنا

.



.



.



واستبدلناه بـ






كل شي فيه تمام لحد الحين .. اللهم المسجات لأني اضطريت أكتب بالانجليزي حق الكل !؟
حتى أمي مقروده أمس دازتلها مسج أسألها عن شي
جان تدق تسألني هالأحرف يعني قصدج جذي ؟


^_^
---------------
P.S
حفاظاً على مشاعركم ماحطيت صور المرحوم :/