RSS

قصاصاتي بالصور


1
قصاصة مطبخية
cookies



المقادير
كوب ونص طحين
صبعين زبدة
نص كوب شكر أبيض
نص كوب شكر أسمر
ملعقة شاي بيكنغ سودا
ملعقة شاي فانيلا
بيضة
كاكاو هيرشي الصغار


الطريقة
نخلط الطحين مع فانيلا و بيكنغ سودا
نخلط البيضة مع الفانيلا ثم نضيف الزبدة والشكر والكاكاو
ندخل الخليط الفرن ..
( عفواً الطريقة ناقصة ماادري جم راح تكون بالفرن ولا أدري نخلي الفرن على جم .. بس من خلال خبرتي البسكوت مايحتاج حراره وايد + مايحتاج وقت وايد يعني مو اكثر من ربع ساعه وكل حاجة حتكون تمام إذا درجة الحراره متوسطه وطبقة الكوكي تكون متوسطة )



2
قصاصة شعرية
ماعليه داشه عرض ;p


ياكثر احس ان بك مني وبي منك
روح قسمها على شخصين باريها

.
.
طلال الرشيد
- رحمة الله عليه -





3
قصاصة عناية

ما أدري من وين شريته صراحة نسيت
ماشفت نتيجة واضحة .. مع ان المفروض النتيجة تطلع بعد اسبوع من الاستعمال
للعلم : يكون فيه طبقة شفافة ( عازلة ) تمنع وصول الماء أثناء الوضوء

كريم من بدي شوب من شجرة الشيا .. خصيصاً لليد
النتيجة : وااايد حلوة وتبين من اول استعمال .. أهم شي إن مو ودج

أيضاً منتج من بدي شوب قديم بس أثبت جدارته صراحة
الأول عبارة عن زيت لوز لتقوية الاظافر .. الحلو فيه يروح مع الوضوء
النتيجة : روووعة بس لاااازم استمرار وإذا خلص راح اشتري منه ثاني
مشكلته بس ريحته حزورة لأن زيت :/

الثاني : كريم هم من زيت اللوز ولليد والاظافر .. خفيف
النتيجة : زوينة وإذا خلص موناوية اشتري منه صراحه ;p






4
قصاصة تذكيرية

بما إن رمضان على الأبواب
واحنا بشهر فضيل بعد
فحبيت أذكركم بأن
(( مانقص مال من صدقه ))
وفرصة نحس بأخواننا ونساعدهم
عسى الله يتقبل منا ومنكم يارب صالح الاعمال

للتبرع بوجبة يومية للفقراء

قيمة الوجبة 15 فلس لليوم
أو 450 فلس بالشهر
أو 5,400 د.ك بالسنة
جمعية العون المباشر
(د. عبدالرحمن السميط)

1866888 – 99744123

خنفروش


- خنفروش -
هو اصدار لأخينا أحمد الحيدر
.
.
.
خفيف كخفة طينة الخنفروش ;)


1
بالنسبة للطباعة فاخرة .. والخط واضح

أما نص الويه اللي على يسار الغلاف فمسبب لي رعب لدرجة إني أفج الرواية
وإذا ودي أوقف شوي احط البوك مارك واقلبها عشان مااشوفه !
فــحبذا لو اكتفيتو برسمة الخنفروش مع الشوكه والسجين ( لازم يكون فيه مراعاة لأصحاب القلوب الرهيفة )



2
أعجبتني عبارة بالمقدمة
( نحن من يختار أي الوجبات يأكل .. لا سيما إن كانت فكرية )



3
لغة المؤلف العربية السهلة بل إن إدخال بعض الكلمات العامية القديمة
جعلتها ممتعة وخفيفة على القارئ



4
اهتمام المؤلف بالمصطلحات الكويتية القديمة وشرحها لمن لا يفهمها
تساعد الكويتيين بالتمسك بلهجتهم أما الجيل الجديد فيسهل عليه التعرف على بعض المصطلحات
التي قد تمر عليه ولايفهمها أو أنه بالأساس لايعرفها



5
المواقف المذكورة أغلبها إن لم تكن جميعها واقعية ، والذي لطف وقعها على نفوسنا
خصوصاً قسم النفانيف التطرق للموضوع بأسلوب فكاهي :)
--> يعني لو ما الطرافة جان علوم



6
معلومة
جمع أهل البحرين : بحرينيين .. أو أهل البحرين
كما نقول سعوديين وأهل السعودية ، إمارتيين وأهل الامارات ، قطريين وأهل قطر ، عمانيين وأهل عمان



7
فيه شغله بس نسيتها صراحة
عموماً قواه الله .. وصراحة وجبة فكرية خفيفة وظريفة
شكراً جزيلاً




.
.
.
.
سؤالي : هل المقادير ( صجية ) ومضبوطة ؟ أم أنها افتراضية ؟
ودي أجرب أسوي خنفروش شغل إيديا

صورة ومعنى


لكل صورة من الصور التي سأعرضها عليكم معنى أو مناسبة


1
صج صبيااااان!
ترى البلاستك كنا حاطين فيه اماعين ومغطينه
بقدرة قادر صار لعبة :p




2
الدنيا ربيع والجو بديع !
والمود ريلاكس .. وقعدت أصلي بالسطح
طبعاً هالحجي قبل شهرين أو ثلاث مو الحين !




3
أنا ودودو !
طبعاً آنا يايه مع امها كشت بأمها
وقعدنا نبني عمارتها :p





4
يقولون الطباخ صعب !
ماااااااااااعندهم سالفة .. تقصص وتقلي وتقشر وقلاي .. دقايق وكل شي جاهز
كله بجم لمسة حانية على شاشة الآيفون اللطيف :)





5
آنا شاطره صح ؟
أيضاً مع دودو .. عقب مالعبنا شرت لي استيكرز
وحطت لي واهيا حطت حق روحها لأن احنا شطار




6
Kite بالسيارة !
فعلاً ترى الياهل قاعد يطيرها من جامة السيارة !!!!





7
تجربة مولتن !
خليته زيادة بالفرن وصار كب كيك :p