لا شك رزق الخلق من عند وهاب

.
.
.
لو الهـوى منكـم منعتـم هبوبـه لا شك رزاق الملا رب الأربـاب
ولو المطر منكـم منعتـم صبوبـه لا شك رزق الخلق من عند وهاب


الأبيات للشاعر / خالـد الفيـصـل

آية تهز أمــة !

‏{‏وَمَنْ يَتَوَكَّلْ عَلَى اللَّهِ‏}‏
أي‏:‏ في أمر دينه ودنياه، بأن يعتمد على الله في جلب ما ينفعه ودفع ما يضره، ويثق به في تسهيل ذلك ‏

{‏فَهُوَ حَسْبُهُ‏}‏
أي‏:‏ كافيه الأمر الذي توكل عليه به، وإذا كان الأمر في كفالة الغني القوي ‏[‏العزيز‏]‏ الرحيم، فهو أقرب إلى العبد من كل شيء، ولكن ربما أن الحكمة الإلهية اقتضت تأخيره إلى الوقت المناسب له؛ فلهذا قال تعالى‏:‏

‏{‏إِنَّ اللَّهَ بَالِغُ أَمْرِهِ‏}‏
أي‏:‏ لا بد من نفوذ قضائه وقدره، ولكنه

‏{‏قَدْ جَعَلَ اللَّهُ لِكُلِّ شَيْءٍ قَدْرًا‏}‏
أي‏:‏ وقتًا ومقدارًا، لا يتعداه ولا يقصر

إليكم بعض من الفوائد من هذه الآية :

1. اليقين بأن كل مايحصل لنا إن كان فيه خير ربي يقربه منا وإن كان فيه شر يبعده عنا .
2. واللي بيصير بيصير مافيه مفر .. فلمَ التذمر والضجر ؟
3. كل مايصيبنا مقدر ومكتوب .
4. البحث عن الخير في المشكلة ( الابتلاء )
5. حمد الله في كل حال .. والاحتساب في الابتلاءات .
6. الموضوع كله يتطلب ثواني فقط للتأمل والتفكر بأن هناك جانب مشرق .
7. إن الله لايختار لنا إلا الخير .


---
** بعض الفوائد مأخوذة من الدكتور الجبير محاضرة أسباب منسية .. جزاه الله عنا وعن المسلمين خير الجزاء

أنــت

من قال إن الظفر مايطلع من اللحم ؟

ممكن جداً يطلع العظم من اللحم !
.
.
.

آنا أقولكم متى

لما يطيح شي ثقيل على ريولكم وتحسون انها تندح عليكم وودكم تبجون من الألم اللي حسيتو فيه
بعدها بفتره سبحانك ياربي يوقف نمو الظفر اللي طاح عليه هالثقل .. مسبباً لوناً بنفسجياً على وردياً وربما مزورقاً
ويبدي يطلع ظفر يديد تحت هالظفر اللي تنح ومو راضي يطول
بعد فتره بيطول الظفر اليديد والظفر المطقوق صامد مع تنحيه قليلاً عن مكانه القديم
( يعني نقدر نقول إنهم راح يكونون عباره عن طابقين من الأظافر )
وأيضاً بعد فترة راح تلاحظون ان الظفر اليديد يبدي يدز الظفر القديم
بعدها راح تلوع جبد الظفر القديم من كثر مايترفس فيه الظفر اليديد وبينشلع بروحه

الحمدلله على سلامتي :p

وجت سليمة الحامدولله



فالمثل مافيه أي دليل على صحته ! ويحتاج لتعديل أو حذف
:p

بما إن الحديث يدور حول الأظافر حبيت أضيف تجربتي مع منتج الـ almond oil
من Body Shop




طبعاً هذي الصورة اللي لقيتها له ..
اهوا عباره عن ريشه ونصبغ فيها الظفر --> الشرح متعوب عليه


اللي لاحظته إن خله أظافري أقوى من قبل .. بس طبعاً لازم استمر عليه
لأني الحين موقفته وصايره تنكسر بكل طلعه !؟


مشكلته إن ( ريحته حزوره )
فالحــــــــــل : إن تتحملونه 10 دقايق يومياً تالي تغسلونه والا تمشونه عادي .. المهم إن ينحط كل يوم


بالنسبة للوضوء : ماراح يكون مثل الصبغ لأن بمجرد مسحه راح يروح فمامنه خوف بس المهم ينمسح :))

المجموعة الثانية ..

1
اغلبنا قرى ذي سيكرت .. وبالنسبة لي كنت شايفه إن فيه شي ناقص
يعني مولاقيه السيكرت اللي يقولون عنه ؟ أغلبه قصص !؟ زين وعقب هالقصص وين السيكرت ؟

وعقبه طلعو جم كتاب هم مااعجبوني .. وماحبيت لا الاسلوب وهم مالقيت اللي أبيه فوصلت لي النص وخليتهم يولون


يوم تصفحت هالكتاب تفاءلت ان يكون احسن منهم :))
بيكون ان شالله كتابي القادم وأكتب نبذه عنه .. وأهم النقاط اللي اعجبتني فيه

2
لأني هاليومين أحس إني اكتسب صفة الصبر !؟
صبوره صح ! بس مو بكل المواقف !
فودي أكتسب هالصفه .. ( إنما العلم بالتعلم :) )

3
عجبني بهالكتاب التنوع بجذور الكتاب يعني مو بس اللغة العربية :)

أما المجموعة القصصية فهي :


1
مجموعة قصصية للأخ أحمد الحيدر
الطبعة الثانية من النساء من الوفرة والرجال من الاحمدي تخرع مع هذا اللي مبحلق عيونه ! ؟
حياتنا عجيب وغريب صراحه ;p
أما خنفروش فليلحين ماتصفحته

2
حبي .. حبري .. وكلماتي .. مجموعة قصصية لـ حمد الزمامي

3
مجموعة لـ هيثم بودي .. الفنار .. الصالحية .. الدروازة
هذا اللي قدرت أحصله صراحة الباجي مخلصين :/

أعرفكم على عيالي ;p

هذي طبعاً بعض اللقطات للمجموعة اللي أخذتها من المعرض ( عيـالي اللي راح ينضمون حق اخوانهم بالمكتبة ) و أحس إني ماحجلت المعرض لأني ناوية آخذ لي جم رواية حق الشاليه والسفرات وإذا الله رزقنا امطيره حليوه جذي واجابلها واتقرا لي جم كلمة :))

** مجال التطوير وتنمية الذات أخذت :

1
كتب لويز هاي louis hay
لقيتهم عند دار الفارووق - مصر

وفيه بعد عند علاء الدين -سوريا
مترجمين وخالصين .. بس دار الفارووق وايد حبيت طبعتهم وترجمتهم
أما شغل سوريا استغفرالله ! لو ما إني ناطرتهم جان مااخذتهم أصلاً

كتب سوريا ماصورتهم .. واحد منهم عن الاستشفاء الذاتي
راح اخصص له بوست كامل عقب مااخلص من الكتاب ان شالله

2
الاستراتيجيات الذكية للتأقلم مع التغييرات الحياتية
وايد حبيت اسمه .. والطباعة جيدة والاسلوب واضح وفيه خطط اعجبتني داخله

** مجال العلوم الإنسانية ( إن صحت التسمية ) أخذت :

الفراسة
أدري الموضوع وايد منتشر .. وبالنسبة لي عندي أكثر من كتاب عن الفراسة .. بس مادري ليش اخذته ;p
يمكن الأسلوب أحلى من أسلوب الباجي .. وفيه بعض التطبيقات العملية !

** مجال الأدب أخذت :

( الفترة اللي طافت حسيت إن الأسلوب الأدبي عندي يبيله تطوير وخصوصاً إني ما أستخدمته من أيام الثنوية ! فتقريباً انمحى .. قلت اقرا بهالمجال وأستفيد وأبدي تطبيق .. عاد شجعوني إذا كتبت شي بأسلوب أدبي ;p )




1
تاريخ اداب العرب للرافعي
( أحط النبذة باجر فيني النوم )







2
تاريخ الأدب العربي للزيات






3
جواهر الأدب للهاشمي
( انصحتني فيه وحده يزاها الله خير )







4
شرح المعلقات العشر للشنقيطي
من زمااااان كان ودي أقرا عن المعلقات العشر
حبيت طريقة المؤلف .. حاط نبذة عن كل شاعر ومقسم الأبيات والشرح عليها







ماخلصت .. واتمنى صج صج أتمنى إن يمديني أروح قبل لا يخلص المعرض :/