سبحان الله !؟
أذكر يوم كنت مستجدة
كان المطر لاإله الا الله
شبه يومي ..!؟
وانزل من السياره اتنهوص واتحطلم طول الطريج
ولا اخفيكم اني مرات ابجي .. خصوصاً إن الماي مرات يتلفني
حلو المطر .. بس لما نكون في مكان مظلل .. وماكو رمل تضطر إنك تمشي يمه
اعترف بعسارتي .. وإذا عندي طلعه تتأجل مع المطر .. بس عشتاو ايام الجد والاجتهاد =)
صج استهبل مرات واحب تحوشني لفحات المطر ---> لحد يسألني من وين يبت لفحات
بس هم مو على كل حزة .. ولازم الاستهبال يكون بالبيت عشان اقدر ابدل هدومي
او اكمل استهبالي واستمرض جم يوم .. وعاد شيفكني من تأنيب الضمير ;p
المهم .. إني مره اضطريت ادش متأخره شوي وطبعاً كنت مبوزه ومعفسه ويهي
يعني الحين بيحوشني برد .. وعلى ماتنشف هدووومي .. حدددي متأزمه
فعلقت علي دكتورتي الله يذكرها بالخير
فيه ايه يا .... --> كانت اتسميني باسم ابوي لأن فيه ثانيه بنفس الاسم فيعني عشان اتميزني
طبعاً آنه اطالعها بنظرة ان شرايج يعني ؟ عقب قلت لها معاناتي مع المطر
فقالت لنا قصة المطر
تقولي : تعرفي يا ( ريلاكس) ان فيه ملك بينزل القطرة لمكانها وبيرجع تاني!؟
آنه قعدت اسمع .. اقول يعني كل قطره مقدر مكانها بالضبط وين .. ومتى تنزل !!؟
تشكرت منها وصراحه ريحتني بكلامها
حسيت بشي عجيييييب
سبحانك ياربي مااعظمك ..!؟
كل قطرة ..!؟
مستوعبيييين
الدقه ..!؟
التنظيم ..!؟
كل شي مقدّر ..!؟
كل شي له وقت ..!؟
كل شي محسوووب ..!؟
ماكو شي بهالدنيا عبث أو ماله معنى ..!؟
وكل هالاشياء ربي يعرفها قبل لاتصير
ويعرف وين بالضبط مكانها
ومتى وقتها
سبحااااااااانك ياربي
.
.
.
أذكر بعض مما قرأت في وصف الملائكة
ومنهم الموكل بالقَطْر وتصاريفه
إلى حيث أمره الله عز وجل
وهو ميكائيل عليه السلام
وهو ذو مكانة علية ومنزلة رفيعة
وشرف عند ربه عز وجل
وله أعوان يفعلون ما يأمرهم به بأمر ربه
ويصرِّفون الرياح والسحاب
كما يشاء الله عز وجل
وقد جاء في بعض الآثار
ما من قطرة تنْزل من السماء إلاّ ومعها ملك يقررها في موضعها من الأرض
وفي حديث ابن عباس عند الطبراني
أنه صلى الله عليه وسلم قال لجبريل
((على أي شيء ميكائيل؟ قال: على النبات والقطر))
اترككم مع زخات المطر .. ترى مو ماجدة الرومي .. بس لقيت صوت مطر :)
http://www.ksa-7be.com/up/download21.php?filename=4c04e490c8.wav
****
اضافه
نبهني الاخ
kuw_son
يزاه الله خير
على حديث
.
.
حديث عهد بربه
ولقيت بموقع الشيخ بن عثيمين - رحمه الله - شرح بسيط له نقلته لكم
وهذه السنّة ثابتة في الصحيح، وعليه فيقوم الإِنسان ويخرج شيئاً من بدنه إما من ساقه، أو من ذراعه، أو من رأسه حتى يصيبه المطر اتباعاً لسنّة النبي صلّى الله عليه وسلّم وقوله في الحديث: «إنه كان حديث عهد بربه»، لأن الله خلقه الآن، فهو حديث عهد بخلق الله.
سبحان الله !!!؟
حب الرسول لله عز وجل حب عجيب
نبهني الاخ
kuw_son
يزاه الله خير
على حديث
.
.
حديث عهد بربه
ولقيت بموقع الشيخ بن عثيمين - رحمه الله - شرح بسيط له نقلته لكم
وهذه السنّة ثابتة في الصحيح، وعليه فيقوم الإِنسان ويخرج شيئاً من بدنه إما من ساقه، أو من ذراعه، أو من رأسه حتى يصيبه المطر اتباعاً لسنّة النبي صلّى الله عليه وسلّم وقوله في الحديث: «إنه كان حديث عهد بربه»، لأن الله خلقه الآن، فهو حديث عهد بخلق الله.
سبحان الله !!!؟
حب الرسول لله عز وجل حب عجيب
ان تكلمت عن هالموضوع راح ابجي :)
ماقول الا الله يزيدك من العلم ويبارك لك باللي عندك
