عندما تحترق اعصاب الادمي .. والبيت كله حايشتهم موجة جمادية !!!؟ لا ياليت بس البيت .. المجتمع بكبره مجتمع جمادات !!!؟
عندما يرن التلفون والكل يتصيمخ لأن مايبي يفز من مكانه واييبه !!؟ المشكله واير لس يعني بس يتزحزح لي القفنة الثانية !!!؟ أو الموبايلات يرن الألارم مالها والمفروض يطفوووووونه خصوصاً اذا كانت النغمة مزعجة نوعاً ما .. ولا احد يتلحلح .. حالفين يصيرون مجتمع جمادات !!!؟
عندما يرتفع ضغطك وتشرح بضمير .. وتكتشف ان اللي سائلك السؤال يا ان شقح حق موضوع ثاني .. أو ان شكله يوحي ان مومنتبه لك !!!؟ عيل ليش تسأل !!!؟ لأن مايهمه رايك .. يهمه بس ان اهوا اللي يتكلم .. مجتمع جمادات .. !!!؟
عندما تركض بإيديك وريولك لأجل غيرك .. وماتحب ترد لهم طلب لأنهم أهلك .. في المقابل ماراح يبين أي شي سويته في عينهم لأنهم يشوفون ان هالاشيا انته لازم تسويها واهما مو ملزومين بهالشي ..زين شالفرق؟ لأنهم من مجتمع جمادات ..!!!؟
عندما تنصدم إن مايحك ظهيرك الا ظفيرك .. ليش ؟ لأنك عايش في مجتمع جمادات !!!؟ وكل واحد عايش لمصلحته .. او كما يقال : أنا ومن بعدي الطوفان !!!؟ جمادااااات
عندما تصعق بطلب خدمة من شخص .. وردك فيها بسبب المشاغل .. وفي المقابل .. بيت سين من الناس تتحقق مطالبهم بل كما يقال طلباتهم اوامر .. مع العلم ان نفس الطلب مع اختلاف الاشخاص .. لأننا بمجتمع جمادات !!!؟
عندما يكون فيه تقصير في جانب معين في الحياة أياً كان هذا الجانب ، وفوق هاذا كله تتحمل إنته تقصير الشخص .. ليش ؟ لأن مجتمع جمادات !!!؟
عندما يستخف بك أو بمعنى آخر يكون عندك حصيلة لابأس بها في الموضوع المراد مناقشته .. ولو ناقشت صاحب الرأي الآخر وأبديت رايك تقبل الرد الهجومي بصدر رحب ، والمشكلة ماتقدر تاخذ وتعطي وايد بالسالفة لأن باختصار انته قاعد تكلم شايب .. فلو شنو ماراح تقدر تاخذ راحتك بالتعبير عن رايك .. لأن مجتمع جمادات !!!؟
عندما تنطر مثل مايقول المثل انطر ياحلو لين اييك الربيع ^_^ وبعد فترة يتم التذكير لأنك تقدر للشخص انشغاله الداااااائم .. وبعد فترة يقولك شغلك اللي تبيه موموجود !!!؟ زين عيل ليش ناطر كل هالمده .. مجتمع جمادات ..!!!؟
.
.
مع احترامي لكم مالقيت أبلغ من كلمة جماد وممكن تنوب كلمة قلوب متجمدة :) والأفكار من كل بستان - شوكه - وليس بالضروره انها عني .. لأن فيه اشيا سمعتها بس احتريت يوم سمعتها
*****
سؤال يدور في مخي
يامعشر شباب وشياب الكويت
هل ميزة للكويتي : إن يكون مسّوف بمعنى ان يأجل إلى ماله نهاية / ودايماً وأبداً مشغول ؟ - عشان ماأظلمه - مودايماً يهمه نفسه .. بس هم مودايماً يهمه غيره ..؟ أبي اجابة كافية ووافية عشان انام قريرة العين .. إذا مو أنتو أكيد شفتو / سمعتو من النماين المذكورة آنفاً .. حلوة آنفاً
كــــــــــــيفــــــــــي منغثـــــــــــه والبوست اليوم كئيب .. ولازم اشوف لي صرفة .. عشان يتغير مودي الجميل .. وين تقترحون علي اماكن اروح لها واقدر اقعد مع نفسي فيها قعدة حلوة .. والا حتى لو مكان اتمشى فيه ماعندي مشاكل .. طبعاً مو اليوم بس ابي اسوي رفرش حق نفسي
.
.
ولو سمحتو لحد يسأل عن شي كتبته بالكلام اللي فوق لأني ماذكر شكتبت بس تساؤولات وايد ومزحوومه في بالي وحبيت تشاركوني فيها
.
.
1. الموضوع
2. تساؤلي اللي بالأحمر
3. اقتراح مكان اروح له
27 التعليقات:
عالم الجمادات ..
موضوعج معاج حق فيه ..
بس اعتقد مو كل كويتي عشان لا نبخس حق الاقلية الباقية ..
وهذا عن تساؤلج كذلك
بالنسبة للي ما يهمه نفسه فبالتالي ما يهمه الناس
اعتقد يهمه نفسه ولا يهمه الناس
وين تروحين!
البحر
كافيه هاجن داز شرق لما تخلين داخل وتقعدين بريحاتج بوقت مايكون فيه احد
امم
المسيد لو كنا برمضان : (
والله يبعد عنج الغثا
امممم .. لا مو كلهم .. توني اقرا البوست مره ثانيه ووضحت اللي اقصده :)
وممكن اقتراحج يطبق ^_^
وحتى المسيد اتصدقين مرات يزيد حنيني حق ايام رمضان اروح المصلى وعقب مااصلي فرضي اقعد بو نص ساعه تقريبا وعقب اطلع .. حلوه بعد الفكره :)
يابعد قلبي الله يجبر بخاطرج --> والله الحين انا كاسره خاطر نفسي
جمادات ونص ومال طراقات بعد
عتييييجة يابعد جبدي انتي والله
ايييي والله صاجه حاسه فيج ياوخيتي
ريلاكسه شخبارج شمسويه ..
كل الي ذكرتيه انفا مريت فيه ..
بس اطنشه وجني ماشوف لانه يطفرني وينرفزني ,,
افضل مكان انصحج فيه مركز العلمي على البحر ويا كوفي ونوفل ,, وماعليج من احد..
هاف فن :*
بالنسبة لـ ..
عندما تركض بإيدك وريولك ..
فصراحة مالها الا تفسير واحد وهو >> قل ســــنع
---------------
بالنسبة للسؤال الموجه لمعشر شباب وشياب الكويت
انا باخذ الشق الثاني >> معشر الشياب -بعد اذنهم-
اصابع ايدج مو سوا ..
ففي من يسوف الى ماله نهاية
وفي بالمقابل من .. يغسسسل الجبد
تعتمد اهي على الشخص نفسه
ان كان قد المسؤلية ولا العكس
والله في شباب صغار بو 17 تشوفينهم جنهم
بو 40 من سنعهم وتحملهم للمسؤلة
وفي سبحان الله العكس
بو 40 .. امجابل بلي ستيشن !!
مادري شقولج
الحمدلله ما شفت عالم الجمادات في بيتنا الا اللهم فزت التلفون خخخ
اقتراح .. طقيلج محرم وروحي العمره :/
او روحي كتز وطلعي حرتج باللحم :/ كتز هذا مطعم في المنطقة التجارية الحره في شويخ .. بالميناء خمس نجوم داخل فندق موفنبك يم الأيطالي
انا اذا حسيت اني منغث اروح اغث نفسي لحم :/
^
^
^
^
^
عبدالله غلطان تغث عمرك ابلحم
;PpPp
اهم نقطه حرتني ..!!
عندما تركض بايدك وريولك لاجل غيرك بلا بلا بلا بلا...@@
اوف والله صارت لي ووقتها احتريت حررررررررررررره مو طبيعيه ..:(((((
واهم نقطه انا دايما اسويها خخخخ
عندما يرتفع ضغطك وتشرح بضمير بلا بلا بلا....@@
ههههههههههههههه استغفر الله اعترف اني وايد اسويها في الشخص اللي جدامي ادش بالف سالفه وسالفه خخخخخخخخخ
روحي قعديلج على البحر والله ترتاحين...واهم شيء تغنين...
;PpPp
عندما تركض بإيديك وريولك لأجل غيرك .. وماتحب ترد لهم طلب لأنهم أهلك .. في المقابل ماراح يبين أي شي سويته في عينهم لأنهم يشوفون ان هالاشيا انته لازم تسويها واهما مو ملزومين بهالشي
...
في هذي صدقتي بس في النهاية هم اهلنا
:\
..
ابتسمي ووسعي صدرك عادي الله كلنا عندنا ضغوطات بس احنا اقوى من كل قوي
:)
تحياتي لج
و ما كنتِ تتوقعين من هذا العالم غير ذلك ؟
أعترف أن الكثير منا نائمون لا يريدون من يكدر عليهم صفو عيشهم العبيط !
أعلم أن عقارب الساعات ملت من الدوران و طال إنتظارها على أمل أن تصحو الأمة من سباتها العميق..فعلاً عالم بليد .. يلتحف بوشاح محشو بالـ.... ما يسعني أن أقول شيئاً ما دامت الإجابة معرفوة لكن غير معترف فيها .. خليها على الله =P
* IF yOu're still lOoking fOr sOmeplace tO gO .. hOw aBout SHaleeH ?! =D =D =D.. el.JaW eyaNiin =)))
kitty
ماااادري علمي علمج :(
الحمدلله طلعت وتعدلت نفسيتي شوي .. بس يبيله اسبوع نقاااااهه
تلووومييني؟؟ تلوميني لي رحت وراكضت واسوي كل شغلي بروحي حتى لو مكان كله ريايل
لان الوضع بالبيت مأسااااااااة
!مووقلت لج نتبنى اخو ثاني مارضيتي
واهم شي اهم شي بيت سين من الناس لوووووول .. عيل مادريتي ببطاقات العرس اللي وصلت بيتنا اليوم وعلى طول لي الزباله؟
;PPPP~
نسكافيه
انتييييييييي شتبييييييييين داشه عرض .. لووووول بكمل ردودي لو سمحتي نطري دورج
;p
بعدين انا ويني ؟ صار لي يومين مانزلت ولهت على الصالة لوووول من بطاقته منو منو منو ؟ اي زباله بروح اشوووف
R7eeq
الحمدلله بما اني صرت احسن .. بعزم نسكافيه الحلوه تروح وياي وتاخذ معاها كاميرتها :)
LonDonY
اي والله قل السنع ..
ويه اذا انته بتاخذ الشق الثاني يعني آنه عقب 7 سنين أصير عيوز .. ياحسرتي على شبابي :)
ايه اسمالله عليهم مثل مسكين ولد اخت رفيجتي .. يحليله امودي خالته اللي اهيا رفيجتي وامها يعني يدته وهم جنه خالاته ثنتين غيرهم .. ويشوقل بهالجناط مسيجين ولا نطق بكلمة ..مع ان بالتعش مثل ماقلت
شقووول وشحجـــي صار فيني حارج من هالموضوع
عقب ما قريت الموضوع
حسيت ودي أطق أحد
:?
ليييش ؟
ما أدري
البوست عجيب ومعبر
صج الناس الحين صايرين شي غريب
ماكو احساس كلش
ماكو تعابير
كل واحد يالله نفسي
كل واحد بس يبي مزاجه ولا يراعي غيره
بوستج صج كئيب بس واقعي
والواقع كئيب
بس عشان تفتكين من حالة الكآبة طلعي بره
الجو خيال
ما ودج تقعدين اصلا وعلى طول مزاجج راح يتعدل
i_live_in_Q8
ماحب اللحم استغفرالله ,,
وفكرة العمرة حلوة عسى الله يسخر محارمنا
Q8ya
شفتي ياختج .. واللهي دنا غلباااانه
والنقطة الثانيه طلعتي منهم هاااا؟ :)
والله عادي انا ماعندي مانع اني اطنش السؤال الملقوف اللي بين الكلام ، او اني اقطع سالفتي واقعد .. مافيش مشاكل بس اطفر من هالطبع
اممممم خلاص الحمدلله المود تعدل
sarah
الحمدلله على كل حال ياوخيتي الواحد شيقول :)
خليها على الله .. المهم
ان اسعدني تواجدج ^_^
KeChie-ChaN
شاليهنا سلااااااطه يعدلونه الحين !!!؟
:)
moklet-choka
لااااااااااايسلمج لاااااااا
خلاص انتي بس هدي وكل شي بيصير تمام ان شالله ;)
شعور يخالج نفسي .. افصحت لكم عنه .. فقط ليس إلا .. وحبذا لو كانت هكذا =)--> ياشين التفلسف
PearL
الحمدلله :))) طلعنا واستانسنا ^_^
وهذي الدنيا يااوخيتي
walaah zadaw alnaas el jamadat 3alaa goltch
fee nas mateste7ee bs ta6lb oo ta6lb oo maa tabee ta36ee 7etaa loo tegdar y3nee 9araw alnaas matfaker elaa fee nafs'haa 6ooma3 aldenyaa zaid hal yoomain
alaah kaream
Hi relax, if you want to change your mode, I brought you a song that I dedcate it to you and all bloggers. =) Enjoy
Tesafer
حياتي إنتي
اسم الله عليج من المغثه و ضيقة الخلق
الظاهر بلوقج متضامن معاج صار له يومين مو راضي يفتح لي الباب
:/
ماكو أحلى من مجابل الحوض الرئيسي بالأكواريوم
يعيشج بعالم ثاااااني
أو تمشي على البحر صوب المركز العلمي لي المارينا
قعدي مع شخص ترتاحين له و سولفي عن كل اللي بخاطرج
شوفي أفلام أو مسرحيات كوميدية و ضحكي من كل قلبج
اذا تحبين القراءة ، روحي مكتبتج المفضلة وحوسي بين الكتب و اشتري لج رواية سنعه تنشغلين فيها عن العالم
وأخيراً
ربي يشرح صدرج
ويحفظج
:*
إرسال تعليق