مرات أشم ريحة مميزة
.
.
.
اتذكر موقف صار .. او شخص اعرفه ..او ديرة أو مكان معين .. او وقت او يوم معين ...الخ
شنو الروائح المميزة اللي اتذكركم بناس او مواقف معينة ؟
بالنسبة لي مثلا :
ريحة المطر مع الطين احس اني ودي اشفطها ---> بلاغة في انتقاء الالفاظ ، عسى ربي يحفظني .. تذكرني بأيام الطفوله ليش مادري ^_^ بس احب ريحة المطر .. هم أحس برااااحه لي شميتها
اممممم وريحة مثلا الحليبة مع الهيل تذكرني بقومة الفير مع امي عواشه الله يرحمها
(( ملاحظه : مصطلح حليبه عندنا = حليب وجاي فله .. أما الحليب = الحليب الأبيض))
امممم ومدموزيل اتذكرني بأختي العودة
اما استيلا فتذكرني بنسكافيه
مع ان اسمها ايذكرني باستيلا خدامة بيت يدي الاوليه .. مااااامااااا ويدتي الله يرحمها كانت تطفر من صوتها لأن حاااااااد .. فترد عليها بردها المفحم : و صمـه !؟
الخلطات والرشوش وهالسوالف
ماماتي حبيبجي
سوالف الطيب والبخور أبوي
وما أجازف أشتري له طيب أو بخور .. يمكن كلونيات إيه بس الأطياب
No WaY
لأن الله يحفظه خبرة .. وما أبي أحس إني ماأعرف انقي هالسوالف ^_^
وووو بعد شنو ياربي
*****
الأماكن
الديزل بالجو البارد يذكرني بلندن
ريحة المعمول عمووماً يذكرني بمركز مكة ...ياااااااع حاااارج والله حارج
فبريز + مخلط أصيل = داري حبيبتي
ريحة السبيرتو والاسيتون = مستشفى الأميري
ريحة السبيرتو والاسيتون = مستشفى الأميري
*****
المواقف
المواقف راح تاخذ مني وقت على مااذكرها وعلى مااكتبها
المواقف راح تاخذ مني وقت على مااذكرها وعلى مااكتبها
.
.
و أنتـــــــــــــو ؟
33 التعليقات:
eeeeeeeeeeeeeee
انا ما كنت ادري ان في دراسة علمية
تقول في ما معناه انج من و انتي رضيعة تميزين الروائح و تربطين
لين تكبرين .. لو تمر عليج الروائح نفسها راح اييي معاها الاحساس ذاته حتى لو ما تذكرين سبحان الله
waaaaaaaaaw
انا وايد وايد عندي علاقات بين الروائح و الناس
بس اللي يضحكني .. انه لي يومج
من كنت بزر .. من اشم عطر خالي اللي احبه اقوول الله خالي ناااصر
جاني بمطار .. سووق .. جمعية
من تمر هالريحة قلت خالي ناصر
!!
فطينة من يوم يومي هههههه
ما ادري اذا انقرضت كلونيته
( فهرنهايت )
تسلمين على الموضوع غرامي البخور و العطور
:***
uum hehe et9adgeen ana ma athebt il shay ilee ashema ela eb 7azat.haa .. bs sometimes .. agoul okh marat 3alai re7at flan or falanaa !!.. o il shalaaih laah ba3ad jaw o ham london laaaha jaw etha shamaaita eb mukan agoul alaah london or allaaah shalaaih !! . uum bukhour o hal sowalef ethakerni eb khalti ..
اخ ياقلبي على ريحة المطر مع الرمل
صارلي فوق ال 4 سنين موشامها
هني ريحة الطين مع البانزين كل يوم اشمها
وريحة المكيف الي مومنظفين فلتره كل يوم وانا رايح الجامعه
زين اهني مافي كدر ولا حزن والم مثل باجي قروبكم
استكانه واحلى انج
نكمل الباجي ونشوف
كيب قونق
اييييييه
اول لما كنت في المتوسط كان الوالد يرش من عطر و بعدين انقطع هذا العطر عن السوق وبعدها ببضع سنين "ركزوا على كلمة ببضع" :p
المهم .. وانا ادرس في امريكا شفت ان بالانترنت يبيعون العطر فا طلبت ثنتين وحده لي و وحده له .. المهم وصل العطر و رشيت منه والا اتذكر ايااااااام و مادري ليش والله قمت اغني اغنية رويشد "دمعة المقهور" و تحديدا المقطع اللي يقول فيه .. اشم رييييييييحة اهلييي .. والله الدمعه شوي و تنزل :p
المهم اسفين على الاطاله بس حبيت اشارك في هذه القصه :D
ريحة الرقي
اتذكرني بريحة ابلة الإقتصاد أيام الصيف
ويييييييييييع
.
.
.
ريحة المطر والرمل
اتذكرني بكشتات البر
أيام الطفولة
مو الحين حاكرينه بخياام
استغفر الله
.
.
.
العطور الرجالية عموماً
اتذكرني بعمي
الله يهداه يتسبح فيها
.
.
.
ريحة النفيش
بسهراتي فوق السطح
مع شلة الأنس
( عيال عمي واخوي وبنت عمي هههههههههههه )
WOOOOOOOOOOOOOOW 7addah mawthou3 3ajeeeeeb .. :))))) Chenech ana .. many things are in common :P heheh
Mmmmmmmmmm .. Let me see ..
ريحة البخور والحنة يذكروني بيدتي الله يرحمها ..
كلونية فهرنهايت تذكرني بخالي لأن هبّ فيها هبهّ
لوول
كريستين ديور .. سوالف عمتي
ESCADA ( MY BEST FOR EVER AND EVER ) :p
تذكرني بيوم تخرجي من الثانوية
ريحة المستشفيات تذكرني بكل موقف زرت فيه أحد مريض :(
ريحة المطر مع الطييييين أخييييييييييييييييه .. غرااااااااامي ..
ريحة التوست تذكرني أيام ماكنت بالروضة لووول
ريحة كريمات دووف تذكرني بأمي :\
ريحة glade
البرتقالي يذكرني بسيارتي العزيزة
إمممممممم.. وااااااايد روايح الصراحة ماراح أخلص
:))))
nICE POST ;)
Re7at dehen el3ood
et`thakernee eb 3ersee. athker yoom raylee yah ga3ad yame 3ala el koshah kan metsabe37 eb dehen 3ood. lol
el khal6at b2anwa3ha:
et`thakerne eb obooy allah ey6awel eb 3omrah oo eykhaleeh lee inshalla. 7ayatee mayta3ebnee bel tafkeer etha bashterelah hadeyah, eymoot 3ala el khal6at
el mo6ar:
eythakernee bayam emte7anat el final oo el ga3da bel student union yam el deresha wana a6ale3 el mo6ar oo a9om el kotob.
re7at el bo9al
eythakernee eb wa7da 3endena bel dawam la barak allah bel sa3a eli dawemat feha. sambosa bo9al men 9eba7 allah khair leissssssssh ????
re7at el kherfan
et`thakerne beghnetee wana sghera, kharofee kharofeee maaaaaaa2, bel9ofiiii malfoooofi maaaaaaa2. oo athker ba3ad yoom obooy theba7 el kharoof 7ag el 3eed shloon ta2azamt nafseyan.
جميع العطورات ذوات الروائح الشينه =P
تذكرني بأبلة الرياضيات اللي كانت تدرسني بثالثة ابتدائي .. كانت كل ما وحده تجاوب صح توقفها فوق الطاولة و ترش لها من العطر العجيب و ترسم على إيدها فكنت أتجنب إني أرفع إيدي .. أفضل صفر بالشفوي و لا ريحة العطر الحلوة اللي بتنرش لي =X
LOL
كل اللي يقلبون حرف الكاف قاف على طول مكدونلز لول الله يهاداهم ما عندهم أحد يتحجى عدل كيكيكي
el cotton candy = لندن .. صارلي شهر مشتهيته ماعرف وين يبيعونه رحت حولي بارك أشوف إذا عندهم و إلا مسكر المكينه =/
وو كل ما أشرب نيسكافيه أذكر miss nescafe =))
أشياء وايد ببالي ماراح أخلص طلعتي المستخبي يا ريلاكسيه hehe =)
احب ريحة الطين "الماي و الرمل" و احب المطر
بشكل عام .. ترد الروح
ريحة الشاي بالشتا و خاصة مع دق المطر
تذكرني بابوي الله يرحمه لأن كان يحب يشرب
الشاي من ايدي
^
^
حده كاسر بالوالدة هههههههههههه
و بشكل عام في كم عطر مرتبط باشخاص
و من اشم عطر معين اذكر صاحبه
القاز و البانزين!
بايام البر و المخيمات قبل ..
الذره المفيوح بايام معرض الكتاب و الرحلات و نطلع نشتري من راعي الذره برا لول
هذا اللي في بالي ههه
a7La eNG
loooool
صح تذكرت كلونية بو بنت بعد يدي الله يرحمه كان يحط لنا اياها حق الجرووح .. والله مااحبها الحين اشوفها بحقد بالجمعيات ;p
طبعاً جمعيتنا تحافظ على التراث فتلقين ليلحين كلونية بو بنت موجوده .. وبشوف مره وحده فهرنهايت :)))
يااااحلوج وياحلو فطانتج ^_^
le2o
اييي بالضبط .. الله لندن الله شاليه :)
الحمدلله فيه منا نماين وايد ;p
أروى
هلااااااا بالطش والرش .. والماي مادري شسالفته بالغرش
صح حتى الاماكن مرات تذكرني بناس معينين
Q8LoVeR
يالله ان شالله جريب تنتعش بريحة الرمل والمطر
سحابة حزن ومرت علينا شنسوي .. لا وبعد انا من قريت البوست مالها وانا مغلقه .. بس لازم الواحد يسوي حق روحة رفرش ويقط الدنيا باللي فيها ورا ظهره
مانقول غير الحمدلله ياربي كل حال
Enviro
ياسلام على اللانقوج .. بضع سنين .. صكيت على سيبويه الله يرحمه
اييييه والله أيااااام
--> يعني متأثره :)
نون النساء
ايييه انا ريحة الخيار استغفرالله ماحبها
اما عاد شلة الانس .. المشكله مايطاوعونج لو بتنادينهم يقعدون مره ثانيه
Breeze
thaaaaaaaaaaaanx sis
الحنه صح صاجه .. وكانت تحطها بعد لما نروح معاها الشاليه ونطفر محد يسبح يمها وتقعد تضحك علينا ليش تلوع جبودنا عشتاااو .. عسى الله يرحم يدتي ويدتج ويدات المسلمين والمسلمات
اييييييييييي التوست ايييييييي الروضه :)
لا عيل انا خالتي بس اشم نيفيا اتذكرها :p
اخذي راحتج افا عليج
3eShTaw
واااااي صج ذكريااااات :)
اما سمبوسه البصل عجييييب .. يحليلها من كثر ماهي غاثتج تذكرتيها .. اهم شي عقب ماتاكل تبخر المكان عقبها والا اتبطل الدرايش مو تحكركم
:) اسعدني تواجدج
KeChie-ChaN
واااااااااااااااااي سلاااااااااااااااطه
زين واللي ماتحب كلونيتها شتسوي .. يالله تخرجتي الحين والا جان رحت اشتكيت عليها --->فيها شر
ماق جيقين ؟ :p
واهم شي النسكافيه
لا طلعي طلعي اخذي راحتج ياوخيتي
طائر بلا وطن
الله يرحم الوالد ويغمد روحه الجنه
وخنت حيلي الوالده ليش ماتصب لها جاي ياخلاف ؟
:)
اسعدنا مروركم الكريم
Cr8ivia
ماشالله عليج بالضبط ..
والذره إي إي إي إي -->سعد الفرج بمسرحية حامي الديار لما يقول :إي إي فيه فيه فيه
شوفي انا اليوم خشمي مسدود ويحكني وفيني حساسيه من المطر وتغيير الجو
اليوم الصبح اول ما دشيت الاداره جان اقول حق صديقتي
وااااي اشم ريحت ديودرانت معطب مو حلوه ريحته .. مع ان ادارتنا على طول يشبون بخوور ويرشرشون عطورات اشكال والوان .. وبعد انه حاطين المعطر اللي يعطر الجو .. في كل زاويه بالاداره
يعني ما ادري من وين يبت هالريحه
هههههههه
Smile
وعووووه واي الله يعينج ياشين النشلة او الحساسية استغفرالله تحسين بضيقه ماتقدرين تتنفسين او تشمين او تستطعمين الاكل
يالله ياربي تشافينا وتبعد عنا الامراض
اذكر باستقبال همم و لا شعوريا حطيت واحد من العطور الي كله تحطه !
حتى كله بجنطتها ;p
مادري شسمه .. بس على شكل زيتونه مرت باباي ;p
رديت البيت .. اكلم وحده من ربعي اقولها قاعده اشم ريحة همم !!
تقولي صديقتي ليش ولهتي عليها قاعده تشمين ريحتها !!
اقولها والله وين ما اروح اشمها !!
و الكل يضحك علي !!
لانه يومها كانت همم مسافرة !!
بعديين استوعبت اني كنت حاطه من عطرها و كنت حاطته على شعري فوين ما اروح اشمها ;p
و احس انه الانسان اهو الي يعطي للريحه معنى .. مهما كانت ;)
قيادية
وينج ياقيادية عيزنا واحنا ننطر
:p
صح الشخص اهوا اللي يعطي الريحة معنى
me sorry ;p
بس انا سويتلج ادد بس مادري ليش مو قاعد يصير ! ;p
فانتي سويلي ادد احسن ;p
ياعيني
وبعد ريحة البنزين المحطات تذكرني بطريق السفر
...
وريحة المطر تذكرني بايام الجامعة
..
وريحة الحليب والهيل تذكرني بصباح المدارس
ووووووو
لا فعلا الريحة ترتبط دايم بذكرى معينة
وترجع هالذكرى اول ما نشم هالرائحة مرة ثانية
:))
موضوع كثير حلووووووووو
موضووع عجييب .. :D :D
ممم مادري ليش بس تذكرت الروايح ال ( مو زينة) هيهيههيهي
:P:P
ريحة الفول و الفلافل تذكرني بقسم العربي بثانويتي العزيزة
ماشاءالله ابلات العربي يمووتوون على الفول و الفلافل و اذا صارت حزة الريوووق لا تمرين يم قسمهم ..؟
مأسااااااة
:P:P
هذا اللي يا على بالي و شكرا على الموضوووع
ياااحلو ستيلااا والله
^_^
هاي ريلاكسيوو اي مس يو =)
اممم الروائح سالفتها سالفه وياي يعني العطور تذكرني باشخاص وريحه حالات الطقس تذكرني باماكن وريحة الاكل تذكرني بمطاعم او مواقف وريحة وريحة الحمامات الي بالبحر تذكرنمي بحمامات المدرسة -___-"
الله يلوع جبدي لوول
جولة سريعة :)
الروائح تذكرني باشياء
ومرات الاصوات
وكثيرة الذكريات
اكو ريحة غريبة اهي حلوة بس انا اكرهها
ماذكرها الحين :)
بس دايما تذكرني بفترة من الفترات اللي كنت مادري شفيني
لدرجة حاولت بشتى الوسائل لكن
ضيقة الخلق موجودة ما اتناساها
ريحة كريم معين
دايما اتذكر سفرة النمسا :)
ريحة كلونيا تذكرني بوحدة اعرفها
امم يمكن بس :)
إرسال تعليق