1 --> 8

1
:/

ماااااااااااات الأرنب الثاني :/
آنا اقوووول شفيني متخسبقة هاليومين

ياقليبي شوفو الوفى ؟
ماتت أرنوبه قبله بجم يوم
وماقدر يتحمل الدنيا عقبها

ترى من صجي متضايقه ليش مات






2
من الغزو !

قبل كنا نقول : اوووووله من سنة الطفحة
الف واميه وحطبة ..الخ

في يوم من الايام كان عندي شغله موموجوده الا في كاست
ومضطرة أكتب الكلمات .. وسألت اللي معاي جان عندهم مسجل
فماعطوني الا مسجل ناشنل الاحمر .. أثناء معابلي فيه

إلا هاللي تقولي :
.
.
.
أوووووووووله هذي من الغزو

( البنيه مواليد 2002 تقريباً يعني من امه ما لحقت على الغزو بس شوفو اختلاف الاجيال وشكثر الغزو صار بعيد)




3
تساؤل

أم 44 عندها 40 رجل !
ليش يسمونها أم 44 ؟





4
فكرة مينونة




مع إني أكثر وحده تحب تبتسم
والحمدلله والشكر لما ابتسم لازم شاقة الحلج

للأسف سبب لي هالشي خط على قولتهم
الـ Smile line

مرات تييني أفكار مينونة
وأشوف شلون راح يصير شكلي لو جربت البوتكس
وانفردت هالمنطقة
بس أخاف أجرب صراحة !

- عموما ماراح أسويها حتى لو اصك الـ 60 يقولون الشباب شباب القلب ;p -




5
مستوصفنا الساعة 11


رايحة حق المرضية صراحة .. أشوف الا ماشالله تبارك الرحمن!
متجمعين عند النبي ان شاءا الله ;p
دوانية من نوع آخر ..!

وأم محمد لو تنزل بالانتخابات كل عيايز المنطقة بيصوتون لها :p
ماشالله عليها .. لها شعبية عجيبة .. كل ماشفت عيوز مرت يمها سلمت عليها .. وإلا اهيا تسلم عليها
وتسلم على الدكاتره

اقعدت يمها وحده عقب ماسلمت عليها اطلعت ريولها منعفته .. ماقصرت ام محمد عطتها العلاج وشنو بيسوون لها

ليش يحبون العيايز روحة الطبيب ؟



6
bubble


أيون : ماتعرفون شنو ببل بالانجليزي !
بس آنا أعرف شنو ببل بالانجليزي

الظاهر ببل لها أصل عربي :p





7
شخصيات كارتونيه

فيه ناس أصادفهم بحياتي يشابهون شخصيات كارتونيه .. أو انهم يذكروني بشخصية كارتونية معينة ..!
مثلاً : وحدة من خالات أمي تشابه العيوز اللي بتويتي !
ووحدة تذكرني بفلونة !


فيه أحد مثلي وإلا بس آنا ؟

8
فضل قراءة الكهف يوم اليمعة

(من قرأ سورة الكهف يوم الجمعة أضاء له من النور ما بينه وبين البيت العتيق )










سؤال خارج الموضوع
شنو أحسن علاج لحالات الربو ؟
غير الفنتولين سواء بخاخ أو كمام
وغير الكورتيزون :/