سالفة + اجوبة

1



وســــــــــــــــــــــام
لكل خادم / خادمة .. طباخ/طباخة

اليوم سبحان الله شفت موقف يمكن يتكرر وايد .. بس اول مره اقعد افوكر فيهم ياقليبي
عقب الكرااااااااااف من تنظيف وترتيب وتكنس وطبخ ونفخ وفزعة من صباح الله خير
غير وقت الاستنفار اللي قبل الفطور وكلشي لازم يكون جاااهز ...؟!!!!؟
وتقعد تتفطر وتصلي وعقبها لازم الجاي والقهوة .. ووو ياقردها إذا تعرف تسوي اللقيمات
فيه ناس تنتهي مهمة خدمهم إلى هالحد .. وفيه ناس لا ماشالله عليهم طلباتهم ماتخلص
الحمدلله بيتنا من النوع الرحومين وننزف احنا عشان هالخدم من كثر مايصفون معاهم :)
يالله الحمدلله .. شنسوي بعد .. بس احسن من نظلمهم وباجر يصيرون برقبتنا

ماعلينا مو هذا موضوعنا .. اليوم صليت يم جالية من الجاليات .. ماشالله عليهم
مـــادري اهما ربع .. مادري اهما من هالبيـــــــوت اللي يم المســـــــــــــيد ؟؟؟؟
قعدت افوكر استغفرالله ياربي بالصـــــلاة وعقب الصلاة بعد .. الله يعينهم ..!!!؟

عقب كل هالكراف مع اختلاف درجات الكراف مثل ماذكرنا .. يايه المســــيد؟؟؟؟


والله عفيا عليها .. وعفيه عليهم كلهم .. وااااااااااااي والله العظيم شعور مادري شنو اهوا
غير اني فرحت بهالدين .. يااااااااااربي اعز الاسلام والمسلمين يارب العالميــــــــــــــــن


شي حاز بخاطري هناك ..!!!؟

ان محد كان صاف يم هالجالية مع ان كان فيه مكان حق شخصين تقريباً .. يعني الصفا ناقص وباجي الصفوف قبلهم وعقبهم تمام !!!!؟ حدي استغربت ؟


يعني بفهم ليش ؟ راح يعادونا بلونهم ؟ مثلا ؟ او يعادونا ونتكلم مثلهم ؟ او يعادونا ونلبس مثلهم ؟ او يفشلونا لما نصف يمهم ؟ والا شنو بالضبط ؟ ودي افهم ليش السطر فاضي .. وخلصت الصلاة وراحت كل وحده فيهم لي بيتها
وليلحين مافهمت ليش المكان كان فاضي .. على فكرة انا توقعت اني بشم شي خصوصاً ان هالجالية تحب تتكلين
- نسبة الى الكلونيا -
بريحة الفل او الياسمين .. وغالباً تخنق الريحة .. وقفت وماشميت شي .. هم توقعت اشم ريحة طباخ او ريحة كريهة !!! وربي اللي خلقني ولا شي ... كانو نظاف يعني !!!!؟

؟

ماقول الا : إن الله لا ينظر إلى أجسادكم ولا إلى صوركم، ولكن ينظر إلى قلوبكم أو كما حبيبي صلى الله عليه وسلم

*****
2

أشكر عزيزتي مولكت جوكا ... واقولها ترى حليت الـ
HoMe WoRK ;p

.

.

about me .. ^_^



إذا مستانسة
أحــب الكل يستانس وياي :)وإذا عاجبني الشـــي : أمبيه عجيييب / حده عجيب



نفسيتي تعبانة
قهوتي ولازم اكل شي في خاطري ومن زمان ماكليته =)
واسمع نشيدة يارجائي 3 مشاري العرادة .. وحنيني حق العفاسي
يتعدل المود شـــوي .. وأرد اكمل حياتي عادي



اذا قامته شي بقلبي وساكته
مااعرف غالباً أفصح عما في قلبي وإذا اضطريت إني اقمت شي بقلبي مثلاً موقف غبي صار مع وحده غبيه .. تلاقيني من اتفه موقف يصير بالبيت أبجي!؟



اذا صمت
اقعد احد وياي مااحب اقعد بروحيوإذا مالقيت احد تلاقيني بسرعه تنسد نفسي وانطر العشى واقعد وياهم



اذا اندقرت
اطــخ .. واطالع اللي دقرني بطرف عين .. توحي بشكلي ان الله يسامحك/ج



اذا حسيت بظغط
اسوي لي قهوة وعلى قولت اخوانا السعوديين (( وأروّق )) .. واييب نوتي العزيزة وأكتب الأشيا اللي تحتاج إنجاز لأن الضغط غالباً يكون من كثرة الشغل اللي لازم أسـويه واحط النوته ، واقعد اريح مخي شوي .. يا أقعد بالصالة أو اجيك إيميلي .. المهم شي مريح



اذا عصبت
احاول اني مااغلط على اللي جدامي .. لأني مابي اقول شي اندم عليه .. واذا الشخص جدامي خليته ومشيت أو اني اتجاهله اذا مثلاً بمكالمة أحاول إني أنهيها بأي طريقة .. واصعد داري إذا منهاره يعني عشان اخذ راحتي وآنه أبجي :)



إذا زعلت --> هذي اضافيه ;p
اسنع داري :D



اذا بنحاش من امر
أحط راســـي وأنام .. وأوصيهم مابي أحد يقعدني



اذا مفلسه
شســوي بعد هذي حال الدنيا يوم لك ويوم عليك :) اقعد مااسوي شي واتكيّف مع الوضع وإذا عندي طلعه كنسلتها ^_^



اذا امي دقت تليفون
- قبل لايتفرمت موبايلي كنت حاطة -
أحبج يابعد نـاســـي .. يامعنى نبضي واحساسي حقيقة أنتي يا أمي .. عظيمة ورافعة راســـــي



إذا دق أبوي
بصراحه كانت من الرنة العادية اللي انا حاطتها



اذا بجذب
اضحـــك .. حـدددي مااصلح حق التأليف



اذا توهقت
أسأل شنو يعني موعيب الواحد مايفهم ^_^
وإذا ماعرفت الجواب اقول مادري :)



اذا استحيت
ليش الفضايح يعني لوووول بعد الواحد لما يستحي شيسوي :)
وووو احاول إني مااحط عيني بعين الشخص المعني -->حلوه الشخص المعني



اذا انظلمت
اوضح حق الشخص إني مظلومة :( وطبعاً مع الحجي راح تخنقني العبرة وابجي :)



اذا احد تقدملي
أشوف راي السلطات العليا ;) واعيش يومي عادي متبلدة المشاعر أصلاً



ليلة العيد
أجهز هدومي والجوتي -تكرمون- والجنطة حتى الميكب ^_^ --> الله والميكب : كحل وماسكرا وقلوس ;p



((اضـافي))
إذا متضايقة
دقيت على وحده من زمان ماادري عنها واكيد بتقرق على راسي أو ادق على وحده ادري انها قراقه واخليها تقرق على راسي عشان انسى :) ...او ادش منتديات معينه قسم المشاكل الاجتماعية واحط لهم حلول احس بالرضى عن نفسي لما اساعد الناس ^_^



اذا حسيت ان احد متضايق مني
يمكن يمر يوم افكر فيه عدل باللي سويته .. وثاني يوم اعتذر طبعاً لو كنت غلطانه



اذا تضايقت من مكان
نفس الاجابة : مااحب اروح له مره ثانية .. وهذا اللي قاعده اعانيه الحين من جامعة الكويت بالتحديد الشويخ املق مكان بالدنيا !!!



اذا ضايقتني امي
اقولها إنها مضايقتني .. طبعاً مع استغلال الوقت المناسب :)



اذا ضايقني ابوي
مادري ليش كلنا نفس هالاجابة : ابتعد .. إيه ابتعد بنفس الوقت .. بس بنهاية اليوم مااسكت ولازم توضح له الصوره اني تضايقت



اذا صادفتني بليغة شف
ادقــــــــــــرها .. خصوصاً إذا تدخلت بمواضيع مالها شغل فيها


*****

وحقوق الاسئلة لجميع البلوقرز ^_^
ونشكر عتوجه عليهــا

إنجازاتي المطبخية

شلون رمضان معاكـــم ؟
وشسويتو وشماسويتو؟
وعسى مشيتو بختمتكم؟

ووين تصلون التراويح؟
ماشالله تناصفنــــا!!!؟
.

.

.

يالله عسى ربي يقدرنا نكمل الباجي بلا كلل ولا ملل --> يعني بكتب بالعربي


*****

إنجازاتي المطبخية

أول اسبوع تمـااااام .. وكل يوم وترك تقريباً من شغل إيدي .. ثاني أسبوع ^_^ كسّلت

وووو اتحفتهم اليوم بحلو الشيف / كيــتــي
مادري ليش طالع شكله عبيط .. يستظرف دمه
:p



يــاسلااااااام مع الكابتشينو ...!!؟





عقبها حســيت في حالة طيشــــــــان :p


******

ننتقل الآن إلى : اليريش وهو طبق كويتي قديم مشهور


احتجت حق : دهن عداني

و حشو عبارة عن : بصل مفروم + بقدونس مطحون + لومي مطحون















.












.











.


ويريش من جمعية الســـــــرة







ورشو دهن العداني على الويه وزينو الماعون بالحشــــــو .. يطلع لكم نفس اللي بالصورة بالضبط ;p




ودزو الماعــــــون حق البيت اللي كانو دازين لكم نقصــة .. وخلصت القصة وملصت

** ملاحظــــة

هالحركة تنفع حق الناس اللي ماعندها وقت والناس تنقصو لها شي بماعون :))) وخصوصاً إذا الماعون نفس اللي بالصورة .. كلش مو مال تسوون فيه حلـــو !!!؟

^_^ هنيئاً مريئاً

ومضات رمضانية - 2

1
من القلب إلـى القلب

مر الأسبوع الأول من رمضان ، ماشالله الأيام تركض ، أتمنى ان انجزنا شي يسوى =)وهم فيه فرصه نستغل وقتنا بطريقة صح ، باقي 23 يوم ! ياربي تعيننا وتييسر لنا صيامنا وقيامنايقول الله في الحديث القدسي : كل عمل ابن آدم له إلا الصوم فإنه لي وأنا أجزي به ...!!!!
[رواه الإمام البخاري في صحيحه ج2 ص226 من حديث أبي هريرة رضي الله عنه. بنحوه ]
سبحان الله! هالاسبوع راجعنا انفسنا شلون صمناه ؟ هل كان صوم بس عن الاكل والشرب ؟ ياربي ما نكون قارضين ( حاشين ) بخلق الله واحنا ماندري .. يبيلنا وقفه نراجع ونحاسب نفسنا ونقيّم صيامنا بينا وبين أنفسنا ، هل فعلاً نعتبر صيّام؟ أسأل الله أن يعفو ويغفر لي ولكم إنه هو الغفور الرحيم ، والحمدلله ليلحين فيه فرصه نعدّل ونسنّع انفسنا بمدرسة الصيام ^_^



2
الوجيـز

اخترت اليوم اسمين من أسماء الله الحسنى ، عشان لما ندعي فيهم نكون مستوعبينهم عدل ، ومستشعرين معانيهم..

الجبّار
قال الله تعالى ( العزيز الجبار المتكبر ) الحشر 23
الجبار هو الذي يقهر الجبابرة، ويغلبهم بجبروته وعظمته، وكل جبار وإن عظم فهو تحت قهر الله وجبروته، والجبار الذي يجبر القلوب المنكسرة والضعفاء العجزة، وكل من لاذبه ولجأ إليه، والجبار العلي على كل شيء، والجبار هو المتكبر عن كل سوء ونقص وأن يكون له ند ومثيل وشريك. فعلى العبد أن يحذر من التجبر ومن طاعة كل جبار عنيد..

~ سبحان الله ! من معاني الجبّار : الذي يجبر القلوب المنكسرة ؟ فيا جبّار اجبر ضعفنا ~


الوهّاب

قال الله تعالى ( أم عندهم خزائن رحمة ربك العزيز الوهاب ) ص 9
الوهاب هو مستمر الإحسان متواتر الفضل لم يزل ولا يزال محسناً متفضلاً، دائم الهبات كثير الخيرات جزيل العطايا، لا يخلو مخلوق عن رحمته وإحسانه طرفة عين. أهل السماوات والأرض لا ينفكون عن جوده وإحسانه.

~ سبحان الله ! من معاني الوهّاب: دائم الهبات ، كثير الخيراااات ..! فما ظننا بالوهّاب ؟!! ~



3
فقـط فـي رمضان ..!

1- يعتق الله من يشاء من عباده كل ليلة من ليالي رمضان .
2- والصدقة في رمضان من أفضل الصدقات .
3- أن الأجور في هذا الشهر الفضيل مضاعفة ، وأن صلاة السنة فيه كالفريضة ، فما بالك بالفريضة نفسها

4
فاسـألوا أهل الذكر

س - هل لقيام رمضان عدد معين أم لا ؟
ج - ليس لقيام رمضان عدد معين على سبيل الوجوب,فلو أن الإنسان قام الليل كله فلا حرج , ولو قام بعشرين ركعة أو خمسين ركعة فلا حرج ,ولكن العدد الأفضل ما كان النبي ,صلى الله عليه وسلم ,يفعله وهو إحدى عشرة ركعة أو ثلاث عشرة ركعة
فإن أم المؤمنين ، عائشة سُئلت :كيف كان النبي يصلي في رمضان ؟ فقالت : لا يزيد في رمضان ولا في غيره على إحدى عشرة ركعة .
ولكن يجب أن تكون هذه الركعات على الوجه المشروع , وينبغي أن يطيل فيها القراءة والركوع والسجود والقيام بعد الركوع والجلوس بين السجدتين , خلاف ما يفعله الناس اليوم , يصليها بسرعة تمنع المأمومين أن يفعلوا ما ينبغي أن يفعلوه , والإمامة ولاية , والوالي يجب عليه أن يفعل ما هو أنفع وأصلح .
وكون الأمام لا يهتم إلا أن يخرج مبكراً هذا خطأ , بل الذي ينبغي أن يفعل ما كان النبي , صلى الله عليه وسلم يفعله , من إطالة القيام والركوع و السجود و القعود حسب الوارد, ونكثر من الدعاء والقراءة و التسبيح وغير ذلك .

[ الشيخ محمد بن عثيمين]

5
نقصـه
[ بالعاميّة = مايتنقصه الانسان لشخص يعزه ;) ]


بيتزا الخبز الإيراني DuMoo3?s PizZa

اليوم طبقنا حلو وسهل وما ياخذ 10 دقايق

المقادير :

خبزة ايرانية جبن مازارولا
مشروم ( فطر )فلفل أخضر باردزيتون مقطع
صلصة البيتزا العلالي

أو صلصة الطماط
( بصل مقطع صغيرونات + ماجي + ثوم + معجون طماط )


الطريقة :

1 / إذا نبي نسوي صلصة الطماط نحمس البصل وبعدين نضيف له الماجي والثوم ومعجون الطماط .
2 / ندهن الخبزة بالصلصة بعدين نضيف المشروم والفلفل البارد والزيتون .
3 / المازارولا على ويه الخبزه وندخلها الفرن لحد ماتتحمر .







6
ومضـتي الأخيـرة ..!
.
.
.






إن شا الله باقي لنا ومضتين ^_^
3
4
وسلامتكم

ومضات رمضانية -1

1
من القلب إلى القلب

قبل لا أبدي أحب أعطيكم نبذه عن اللي راح ينكتب ، بما إن بشهر فضيل ، والكل منا شاد حيله إن يستغل وقته فيه باللي يقدر عليه ، وخصوصاً إن شهر واحد من سنه كامله .. بس اقدر اسميه شهر الفرص يعني اللي نيمعه بهالشهر مااتوقع نقدر انيمعه بشهر ثاني ، خصوصاً ان الاجر فيه مضاعف فحبيت نستفيد ونيّمع لنا حصيلة حلوة تفيدنا يوم لاينفع مال ولا بنون ..
.

.

.

ومبارك عليكم الشهر =))



2
الوجيز

كتيّب فيه شرح لمعاني أسماء الله الحسنى من اسمه وجيز ، وطريقته سهله وبسيطة ، راح اختار جم اسم اللي ربي يقدرني عليهم واحطهم ..

قريت بالمقدمة شي أول مره أعرفه فبحطه قبل لا ابدي بالأسماء ^_^

أسماء الله تعالى غير محصورة

يرى جمهور العلماء أن أسماء الله تعالى غير محصورة في تسعة وتسعين اسما، قال الإمام النووي رحمه الله تعليقاً على قول النبي صلى الله عليه وسلم " إن لله تسعة وتسعين اسماً مائة إلا واحداً، من أحصاها دخل الجنة، وهو وتر يحب الوتر" متفق عليه.

قال رحمه الله : " اتفق العلماء على أن هذا الحديث ليس فيه حصر لأسمائه سبحانه وتعالى، فليس معناه أنه ليس له أسماء غير هذه التسعة والتسعين، وإنما مقصود الحديث أن هذه التسعة والتسعين من أحصاها دخل الجنة، فالمراد الإخبار بإحصائها لا الإخبار بحصر الأسماء" أهـ. من شرح صحيح مسلم.

ويؤيد كلام الإمام النووي رحمه الله قول الرسول صلى الله عليه وسلم في دعاء الحزن : " ... أسألك بكل اسم هو لك، سميت به نفسك، أو أنزلته في كتابك ، أو علمته الغيب عندك". رواه أحمد وهو حديث صحيح.

فهذا الحديث يدل على أن لله أسماء أكثر من تسعة وتسعين، وعلى هذا جرينا في رسالتنا هذه، والله تعالى أعلم.

** ملاحظة : اسم الشيخ اللي مألف الكتيب / محمد الكوس

3
فقط في رمضان ..!

1- تصفد فيه الشياطين ، وهم مردة الجن .
2- تفتح فيه أبواب الجنة وتغلق أبواب النار .
3- ليلة القدر والتي هي خير من ألف شهر .



4
فاسألوا أهل الذكر

س - خروج الدم من الصائم هل يفطر ؟
ج - النزيف الذي يحصل على الأسنان لا يؤثر على الصوم ما دام يحترز من ابتلاعه ما أمكن , لأن خروج الدم بغير إرادة الإنسان لا يعد مفطرا ولا يلزم من أصابه ذلك أن يقضي , وكذلك لو رعف أنفه واحترز ما يمكنه عن ابتلاعه فإنه ليس عليه في شيء ولا يلزمه قضاء .

[ الشيخ محمد بن عثيمين]

5
نقصه
[ بالعاميّة = مايتنقصه الانسان لشخص يعزه ;) ]

MiSHaRi?s CaKe
- بتصرف -


**المقادير :
1 كيكة باكيت ( روبن هود ) ChoCo
(( حبذا لو يتم تبديل الماي اللي بالمقادير بحليب ))

4 آرو
2 كادبوري ساده
2 كادبوري ببندق فقط

1 قيمر

** الطريقة :
1. طريقة الكيكة مكتوبة على العلبة ( 3 بيضات + كوب حليب سائل + 2 آرو + الكادبوري السادة )
2. بعد ماتخلص الكيكة وتبرد شوية نخلط ( 2 آرو + 2 كادبوري بالبندق + قيمر ) ونلقمط فيه الكيكة
3. بالعافيه .. لاتنسون تسمون


لم يتم اضافة الصور مراعاة لمشاعركم ^_^



6
ومضتي الأخيرة ..!
.

.

.

إذا لم تزد شيئاً على الحياة كنت زائداً عليها

مصطفى الرافعي

مبارك عليكم الشهر

** ترى لقيت التصميم وحطيته يعني مو تصميمي :)

مقتطفات من سفرتنا

1

الافتتاحية

لعبة لعبت الحيلة .. يااااااااني مااحب هالحركه
لما الانسان يحاول ان ايوخر عن الناس ويروح يمين الا اهما رايحين يمين يروح يسار الا اهما رايحين يسار شيسوي بعمره ؟
.
.
.
بالنسبة لي وقفت انطر اللي جدامي يحدد مصيره


2

مقققققلب

مادري ليش نسمع كلام الناس لي سوو روحهم ينصحونّا
رحنا سوق مرشد ؟ صراحه يوم نزلت اخنقتني العبرة .. مع هذا كملت خطاي بكل ثقه مابين الجاليات المتنوعه

أحلى شي سويته إني حاولت أأدب الناس اللي جدامي وأقولهم إذا تبون تمرون قولو شويه وآنه أوخر .. طفارتي آدمي يمشي وبيني وبينه شبر !!!

الحمدلله ياربي ان ماطولنا والا جان صج قعدت بنص سوقهم وبجيت .. صراحه ! حسافة العنوة .. والله يسامح اللي امدحو لنا اياه .. الظاهر يبون يسوون فينا دقه او ان الوضع عندهم عادي هناك بالجو العليل والمكان الجميل!


3

على قولت بعض ناس : إنتي لو تشوفين نملة منكسره ريولها تكسر خاطرج

دشت ريلاكس تشطب على المحلات آخر يوم واعجبتني بدياتهم واخطط مع شنو البسهم .. رحت احاسب .. اتطقطق المره تبي تدخل السعر موراضي ؟! تحاول مره ثانيه !!!!! أبد موراضيه ونسكافيه تقنع فيني إن خلاص مو لازم .. أبد السالفة صارت سالفة عناد وأبي البديات شسوي؟ المهم دقت على رفيجتها والحمدلله حاسبتها وعقب ماخلصت تشكي لي الحال ياقليبي واقعد اسمعها .. وتقولي إنها توها توظفت بقالها خمسطعشر يوم .. الخ والمختصر المفيد إن القروب اللي معاها مو خوش ناس .. فشسويت ؟ لازم اقدم لها مشورتي :)))

قلت لها غيري شغلج شمقعدج وياهم ؟

قالت لي هيّا الشركه كويسه بس اللي معايا .... --> ترى ماسبّت مسكينه بس عفست ويهها


4

الكويتي أنفع :)

دشيت محل ملافع وواثقه حضرتي ماجيكت البوك قبل لا أدش المحل .. المهم عجبني ملفع تحاسبت مع الاخ .. مسويه روحي اكاسر قلت له شوف ماعندي ترى الباجي الا كويتي أعطيك كويتي؟ ( صج عاد ما معاي الا كويتي مادري وين راحت الفلوس وشلون طارت .. بعدين هالمحل ماعنده كي نت شسوي بعمري ).. قال : جيب كويتي
عطيته نص لأن اللي باقيلي 5 دراهم .. شاف النص مااعجبه ...!؟؟؟ سنو هدا ؟
قلت له روح الصرّاف يعطيك مكانه 5 درهم لا وبعد اكثر
فيعني تخيلو الفلوس بيده اماراتي والخمسة درهم نص دينار :p

خذيت ملفعي وطلعت ^_^ وادعي ربي يعطيه اكثر من الـ5 دراهم لا يدعي علي

5

يقولون بالسفر تعرف طبع الشخص اكثر أو بالأحرى ماتعرف طبع الشخص الا بالسفر

صح اللي سافرو معاي أسرتي حبيبتي .. بس اكتشفت اطباع يمكن كنت غافله عنها!؟
أو ماحسيت فيها عدل إلا بالسفر .. أو يمكن ماشفتها بوضوح إلا بالسفر

عموماً أخواني بدون تفصيل اكتشفت فيهم الصفات الزينه والشينه

بدون دخول بالتفاصيل :

عجبني .. على فكرة ..... = الذكر / الانثى

عجبني .. صبــر ((...)) وطولة البال اللي عنده

عجبني .. تواضع ((...)) و تكيّفه مع الوضع اياً كان

اعجبتني .. يمعتنا اللي صج نحتاج لها في زمن
صار معنى الاجتماع فيه = القعده بالصاله
وكل من لاهي يا بتفكيره يا بشغله

عجبني.. تحمّل ((...)) لمسؤولية لو كنا بالكويت ماتحملها

عجبني ..التعاون الواضح بالسفره ولله الحمد ^_^


ماراح اذكر اللي ضايقني لأن يعتبر 2,5 من 10 :) فتترجح نسبة مااعجبني
عؤبال باجي الســـــــــفرات

أحبكم وعسى الله لايحرمني منكم


6

وخير جليس

صديقي الصدوق في السفرة كان :
عقل مثل الماء
الاحتفاظ بتوازنك في عالم مشوش

تناصفت تقريبا .. بس الحين لهيت وناويه اخلصه قبل رمضان عشان اتفرغ حق الختمه


تعليقي على اللي قريته ..

لحد الحين اللي استفدته :
1. ما اشغل نفسي بالتفكير بشي مستقبلي ماصار ليلحين
ولا في شي صار وخلص ومن الماضي .. خصوصاً المواقف اللي موحلوه :)

2. تمرين تعويد العقل الباطن على الاستيقاظ بدون ساعه
لووول مره تضبط ومره لأ .. وفي الكتاب يقول مشكلتنا في بالنا دايماً ان احنا موقاعدين ناخذ الوقت الكافي وفعلاً كل ماقعدت قلت حرام توني نايمه والا اقعد احسب جم ساعه جنه فرض علي انام 8 ساعات ومافوق ;p

3. تخمين : صاحب الكتاب متين
لأن وايد امثله ضربها عن الوزن وان المهم الجوهر و و و ^_^


واذا خلصت منه قلت لكم شستفدت

7

صيد الكاميرا

ترى موبايلي ليلحين ماحاشتني تكنلوجية نسكافيه ودانه يالله من فضلك ..!؟



دخلنا المجمع حزة صلاة .. فرحنا نصلي عشان نتسوق على راحتنا
.
.




تمنيت على كبر هالمجمعات اللي عندنا يكون للمصلى نصيب حلو مقارنة مع حجم المجمع .. حدددي كيّفت ماشالله شرح



اهنيه صعدنا فوق انتغدا .. والا مجابلني
.
.




سلم والله اللي مجابل المنيو



وختي وسينه والله العنونو

اهنيه الاخت دانه مرتبه التجوري
.
.



جنطة الجوازات - بيت هامتارو - كاكاو - عايلة هامتارو




لقطة جماعية .. اثنين شاريتهم من الكويت ومسفرتهم معاها والباجي مالقتهم الا في توي ار اس
= 2 كويتين
2 اماراتيين

لمّت الشمل الاخت .. واجمعت بينهم بالحلال .. هاذي دانه صل على النبي




مثل ماقالو ناس الله يذكرهم بالخير :
الواحد مايعيش الا مره وحده .. ليش نحرم روحنا




والله كنت معطيه نفسي ايحاءات قبل السفر ان ماكو تخريب
إلا في الحالات الاضطراريه .. وماشالله اغلب الوقت كان اضطراري
ومحد زادني هالكيلوين إلا هالوجبة .. لا وبعد ياينا رمضان ياحلو لو



ps

UTMoST
عدلت البوست للتوضيح :)
وين ياخلاف ملفع بخمسة درهم

HosNo
وكبرنا الخط

ودّعتك الله يانظير عيوني .. وهلا بالطيب الغالي

إلى من لامس حبه شغاف قلبي


اكتشفت انك صبووور

واكتشفت إن عندك قوة تحمل
تحملت عسارتي ودعالتي

واكتشفت إنك صديقي الصدوق

وياقليبي مادريت إنك كنت تحتضر وقت اللي تطفي وارد اشغلك ;p

باختصار
.
.
.

أحبــــــــــــــــــك ،،

ولازال عندي أمل في لقياك

- لأن ماهان علي اخليه جذيه .. فجاري التفكير في شراء مذر بورد بس الخطة الخمسية الياية ;) -

هالبوست تكريم لجهودك اللامنتهيه معاي ^_^

(( ودّعتك الله يانظير عيوني ))


***

واحب ارحب باللابتوب اليديد


عسى تدخل قلبي مثل مادخل قلبي الحبيب الأولي


لحد الحين ماكو مشاعر .. بس اذا استجد شي راح اكتب عنه


:)))



p.s

أمبيه أحس إني هبله وآنه اكتب حق لابتوباتي
لوووول وياحبيبي ياكومباك أصلاً يبيله بوست بروحهه
بس اشوفي لي يوم اتذكرهم فيه يميع .. بتاريخ ميلادهم الياي
;p



____________________________________

تم اضافة صورة لموديل اللابتوب مبيوقه من حبيبتي نسكافيه بعد اذنها يعني =)

شــــــــوروووو علـــــــــــي

اكتب وكلي اسى على فرقاك
رااااااااااااااااح خلااااااااص

:(

خلاني بروحي .. الله يسامحه
.
.

من الصدمة ماكو ردة فعل أصلاً

المذر بورد بااااااح .. وتبديلها ب150؟؟

وآنه بحيرة مابين اشتري يديد أشرف لي
والا أكون وفيه وأبدل المذر بورد ؟


***

و إليكم أول مقروده قلت لها عن الخبر
عليه العوض : حضرتي
أجمل جميله : المقروده
.
.

عليه العوض ومِنّو العوض says:
والله مشكله
عليه العوض ومِنّو العوض says:
يعني انا بديت اشك بنفسي
::أجمل جميلة:: says:
لا لاتشكين بنفسج
عليه العوض ومِنّو العوض says:
لا والله صج
عليه العوض ومِنّو العوض says:
ايدي فيها شي
::أجمل جميلة:: says:
اقري عليها المعوذات
عليه العوض ومِنّو العوض says:
ياربي ياحبيبي شسوي
:: أجمل جميلة:: says:
وغسليها بالماي 6 مرات والسابعه بالتراب..
::أجمل جميلة:: says:
اييه مصختها آسفة
عليه العوض ومِنّو العوض says:
لا مو عن انا مصدومه الحين
عليه العوض ومِنّو العوض says:
لو تسبيني ماقول شي
::أجمل جميلة:: says:
لا حشااج..
عليه العوض ومِنّو العوض says:
كل جذيه
::أجمل جميلة:: says:
فوووئي ياختي من الصدمة دي..
عليه العوض ومِنّو العوض says:
لما احب شي واخلص له يخليني
عليه العوض ومِنّو العوض says:
ااااااااااااااااااااااااااااااه ياقلبي اه
::أجمل جميلة:: says:
طالعه بحجي يديد أشووف..
::أجمل جميلة:: says:
شنو احب شي واخلص يخليني..آدمي!؟
عليه العوض ومِنّو العوض says:
لوووووووووول
::أجمل جميلة:: says:
اهوا الصراحة احسن من الأوادم
عليه العوض ومِنّو العوض says:
والله احبه اكثر من الاوادم
::أجمل جميلة:: says:
لول ويه بعض..
::أجمل جميلة:: says:
زين نفس الراي آنا وياج
عليه العوض ومِنّو العوض says:
شفتي
عليه العوض ومِنّو العوض says:
والله احبه
عليه العوض ومِنّو العوض says:
وفراقه صعب علي
عليه العوض ومِنّو العوض says:
بس لازم اشوف لي حل
عليه العوض ومِنّو العوض says:
يعني حلو الانسان يكون مخلص
::أجمل جميلة:: says:
اي والله اشتاق له لما ابعد عنه..
عليه العوض ومِنّو العوض says:
بس هم لازم يفكر بعقله

***

انتو شرايكم بالموضوع ؟
أفكر بقلبي والا بعقلي ؟

اخليه واشتري يديد ؟ وأخليه انتيك؟
والا اغير المذر بورد ؟ ويقوم من الغيبوبه؟

***

P.S

راح احزّن على فراقه جم يوم .. استقبل العزاء فوق سطحنا .. مقري الانتخابي سابقاً :)

عدنــــــــــــا والعود حضرتي

الحمدلله ردينا سالمين
.
.
.
غانميـــــــــــــــــن ;p


***

i'LL B BaCK eNSHaLLaH

مع النوادر اللي صادفتها

^_^

حللونـــــــــــــــي

استودعكم الله الذي لا تضيع ودائعه


رايحة فترة نقاهة ورادة بإذن الله

=)))

حللونـــــــــــــي

وتسلو بموضوع دانه

TaKe CaRe
.
.
.

YouR SiS

ReLaaaX

يادعالتج وياعسارتج ... يااااا دندش

المعروف لدى الجميع ان آخر العنقود داااااائماً مدلل وعين السيح
واللي اعرفه ان لما تكون بنيه عنونه تكون دلووووعه أو دعله مو أثنينهم..!؟
اللي عندنا بالبيت كائن بشري طفيلي الى حد كبير صاحب لسان طويل
.
.
.
حل هاللغز : أختي العزيزة // دانـــــــــــه

ياربــــــــــــــــي ملسوووووونه هالبنت بشكل فظييييييييييع ؟
والمشكله مو هينه اتعيّب واتطنز .. لا واتقول امثال مقلوبه ؟

ومشكلتها عبالها انها كبيــــــــــــــــــــــــره ؟
واااااااااي طفارتي لما يصير عندي مناسبة و لابسه وخالصه
وادور الكعب الاقيها لابسته واتمخطـــــــــــر فيه واتمنظر
واااااااااي شسوي بعمري ياربي ياحبيبي لاحقه على الشقى
ماتدري شتســـــــــــــــــــــــوي بعمرها ..!!!!

وبما إنها كبيره فهي تعرف كل شي .. الله يحفظها فلتة زمانها
مادري من صجها مادري تستعبط ؟

***

ياحبها حق اللقااااااافه ياربي

يعني عاااااااااادي اقوم اسوي لي قهوه والا اصعد دراري وأرد
إلا الأخت مجابلة الاكسبلورر واتصفح بالمنتديات
والا اشوفها مجابله المسنجر وتسولف ويا اللي عندي اون لاين
لا واتطقها صحبه واتضيفهم عندها بالمسنجر لوووول
والمنتديات تقولي شنو اخر المواضيع وشنو احلى موضوع
وتقترح علي اشارك بموضوع دش خاطرها

يعني مرات لو مااتعوذ من ابليس افكر اني اكمشها واعلقها بالسقف

لا وأبشركم ذاك اليوم مجابلة موضوع كل يرى الناس بعين وحده
وتقولي .. بعد حاطة عني؟ وحاطه مارد وشوشني ؟ لا ورادين عليج بعد...؟!!!!
لحد الحين البلوق عند دانه = المنتدى.. فمن جذيه ماراح اقولها لا باجر تسوي لها بلوق وانتحر

***

كلكجيه ويوّاره بشكل شنييييع .. آآآخر مواقفها اليوم مع الكلك واليور


مع تشردي مابين لابتوب نسكافيه والرئيسي لأن النت وورك كراااااب :P
:pالمهم اني دشيت من كمبيوتر ابوي والا الاخت عندها فلودر فااستأذنت منها
إني اخذ من صورها اللي بالفولدر عشان احطها بالمسنجر وقالت لي انزين
شوي الا الاخت يايه تشوف اي صوره حاطتها ... !!!! لووول وتقولي ليش حاطه هالصوره ؟
قلت لها استأذنتج !!!؟ تقولي إيه بس ماادري ان بتحطين هاذي!!!؟
المهم سمعنا أبوي جان تقوله
يبه انا ابي اعرف اي صوره عشان ادور لها صوره أحلى...؟؟؟؟
.
.
وااااااااااااااااااااااااااااااي يمه ياليور !!! لأ لأ بس خاني التعبير

***

أدري إن معطينها ويه زياده عن اللزوم بس
SuuuuuuuuuuuuuuuuuuRe
لأنها الجعده يامال الدقم اللي يدقم شقول ياربي شقول


***

اللي فاقع مرارتي بالموضوع إن دااااااااانة الدنيا :P
.
.

سبحان الله فيها اطباعنا المليقة لوووول

.
.

يعني لما تصير دعله واتنهوص اتذكرني بعمري سابقاً
والله أيام الطفولة البريئة ومادري صراحه شلون كانو متحمليني اهلي

ولما تصير نحيسه .. تذكرني بنسكافيه لوووول .. وهم أول مو الحين
الحين صارت زينة البنات اسمالله عليها الله يحفظها

ولما ترادد واللسان الطويل = اختي العوده
واي كانت دلاّله .. الله يحفظهــــــــــــا


فتخيلو لما تكون الاطباع في شخص واحد ....!!!؟؟
.
.
.
تصير مركــــــــزة ^_^


بس هذا مافي جعبتي لهذا اليوم
آه يادانه آه .. آه ياعلت قلبي يادانه


وتظل أختي وأظل أحبها .. وإن شالله تكبر وتعقل .. ونعايرها بسوالفها

MY DeaR LaPToP ...!!!!!

MY DeaR LaPToP ...!!!!!
I STiLL MiSSiNG uuuuuuuu

ياحبيبي يالابتوبي ... ليش جذيه تخليني بروحي :(

مابين اللابتوب السبيل والكمبيوتر العبيط ليييييييييييش


آآآآآآآآآآآآآآآآآآآآه ياقلبي آآآآآآآآآآآآآآآآآآآآه


والله فاقدته .. ماتوقعت إن بيدخل قلبي ويتربع فيه :(((((


الله يسامحك خليتني مشرده

***



لابتوبي موراضي يشتغل مادري شفيـه فجأة قرر إن يطفي ومايشتغل

والله ماتوقعت إن مرحلة الولع راح تكون هالكثــــــر :))))

توقعت إن كومباك راح يصير حبي الأول والأخيــــر ..

بس مادري وصل حب هالاج بي إلى شغاف قلبي ^_^

ومحد بالبيت راضي يشفق علي ويرحم حالي ويوديه ورشتــه

أخاف أروح بروحي :( ونسكافيه مومطاوعتني نروح الفروانية لووول

فرأفة بحالها .. راح أروح الشويخ .. بس الله يخليج ارضي الله يخليج

وطبعاً آنه متوقعه يقولون لي ان خلاص انتقل إلى مثواه الأخير
heheheheفمقرره ان اللابتوب اليديد راح يكون بعد HP

خلاص بس تولعت فيه .. وووو صراحه وااااايد صبور لأن كان يوم من الأيام سبيل : ))

بس اللي حارني ليلحين إن أبوي يقولي شمعنى جهازج اللي اخترب من بينهم؟

يعني لو من كهربا جان اخترب لابتوب نسكافيه .. ولو من الكهربا جان طفى كمبيوتره

والله ماااااادري والله والله والله .. ومومن برامجي لأني حافظتهم واللي عندي إياهم من سي ديات برامج صجيه --> حلوه صجيه

يعني مانزلت شي من النت اللهم ثيم ويني ذا بو حق موبايلي ^_^

ليش إذا اختربت أشيائي يحب يبين لي ان من سوء استخدامي ؟؟؟؟ واللهي دنا غلباااااااناااااا

اعترف قد أكون دفشه مع الموبايلات .. بس والله مااتعمد هالدفاشه وبروحه يطيح الموبايل بالارض ؟ والا بروحه يتشمخ !!!

اعترف ان الماوسات هم تطيح بروحها .. وتخترب بروحها ..!!!

اعترف ان الالكترونيات بالذات ماتحبني وحاطه دوبها دوبي :< مادري شمسوية لها ....!!!!!




بس والله احب اللابتوب غييييييييييييييييييييييييييييييييييير والله غير واداريه أصلاً مرات من كثر ما أوله عليه أصعده واجابله واحط له طاولته بعد : ))) ومااتعبث فيه وايد .. وماحب يشتغل طول اليوم اخاف يصير فيه شي .. واراعي مشاعره والله في السراء والضراء .. وبعدين احب افرز شغلي اللي فيه حتى اللابتوب مابيه يتعب من التفكير

ذكريـــــــــــــااااات

باختصار صعدت داري كنت ناوية أنام
ولازلت في صراع من نومتـــــــــي
قلت دامها طايره خلتطمش على شي
على ماتييني النومه وافخ :)
فجيت صندوق الذكريات
طبعــــــــاً قسم الصور ..
لأن صناديق الذكريات شكثرها
تقريباً جميع المراحل الدراسيه
وايد أقدس ذكرياتي



طالعت الصوره اللي فوق .. حاولت اتذكر جم اسم

التوينز اللي بلايزهم فيهم فيونكه مادري شسمها
واحد قاعد يم أم العجايف والثاني واقف على اليسار
شيااااااااطين وماحبهم :)))


ووو باجي اليهال علاقتي وياهم زينه


طبعاً البدي قارد مالي اسمه فهد
بس مادري ياربي أي واحد فيهم
نسيييت ;P


وحده منهم صديقـة الطفولـــة

جميع مراحلي العمرية معاي ..
روضه
ابتدائي
متوسط
ثنوي
جامعة

الحمدلله مو نفس التخصص
جان اشوفها بعد مكملة معاي :p


وتذكرت جم اسم .. المشكله اذكر اساميهم بدون عوايلهم


وسرحت
.
.
.
.

شلون صارت اشكالهم الحين ؟


تغيرت ملامحهم والا نفسها بس على اكبر ؟


شلووووووون صارو ؟


والشياطين منهم اعقلو والا ليلحين ؟


كملو دراستهم والا بعد؟


تخرجو ؟


توظفو؟


تزوجو؟


ماتو ؟--->مادري ليش ماتو.. بس الموت حق ^_^

وبس (( وآمت وخالصت ))على قولت : دنيا اسعد سعيد - أمل عرفة


.
.
.

امممم .. تذكرون أصدقاء الطفولة - بمرحلة الروضه؟

وبأي روضـــــــــــــــة كنتو ؟

شياطين وملاسين والا عجّال ؟

4 DaYz LeFT

إييييه يــــــااااازمـــن

كبّرتنا غصبن علينا


الله يرحمج ياماما عواشه
كل ماتحنّت (تحط حنّه) تقول



ألا ليت الشباب يعود يوماً
فأخبره بما فعل المشيبُ



عقب 4 أيام بودع الـ22
.:.
.
.

وأصير 23 ربيعاً

آنه يوم كملت 20 ماكنت مصدقه ألحين فوق العشرين 3 سنين !!!!

آآآآه ياقلبـــي

كبرنا والكبر شيـــن

الله يطول أعمارنا بالطاعات


اللهم أحيني ماعلمت الحياة خير لي
وتوفني إذا كـــــــانت الوفاة خير لي


*****


ماشالله تبارك الرحمن


لاحظت ملاحظة عجيبة

إن جم بلوقــــــــــــــــــــر

تاريخ ميلادهم بشهر 8


يااااااامحاااااسن الصدف


^_^


بس محد مثل تاريخي .. الذهبي
.
.
.
.

2 888 3


أدري إن نورت الكويت بهاليوم واحترقت لمبات البيوت

MaLaQa's TiMe

اول شي بتكلم عن انجازاتي :)

الحمدلله خلال هالاسبوع جربت لي جم خلطة وكانت النتيجة كالتالي

صبّار + كوكونت
الظاهر خدامتنا الجميلة حطته بالبلندر مع شوكه لأن قرصني لين قلت بس
النتيجة / ازويـــن واللي بيجرب يجرب بس اللي داخل + دهن .. والكوكونت تمام

حمام زيت
من حواي النزهه الحرامي .. حمام الزيت هاذا حليب مع عسل .. بس ريحته مشمش مادري خوخ .. المهم ان ريحته فاكهه مادري شلون ..!
النتيجة / حللللوه .. احس مسيجين شعري ردت لمعته ياقليبي وصار نوعاً ما صحــي

الحننننه
والله كنت ماحبها .. بس سبحااااااااان اللي حببني فيها وبريحتها اللي تفوتخ كل التفت يمنة ً ويسرةً

.. حطيت
نسكافيه + خمطة بابونج + قرف الرمان + جلي أحمر .. وعينتها بجاي فلّــه كوب ونص مع قفشتين كبار جاي فله مو tea Bag
بس البابونج المره اليايه بحط بس ماي البابونج
النتيجة / ممتااااازه .. بس البابونج المره اليايه بحط بس ماي البابونج

طبعاً يوم حطيت الحنا سموني بالبيت نبويه الله يسامحهم لأني عقب البونيه لفيت راسي بملفع قديم عندي ولبست دراعه الدهن loool كنت صج نبويــه

*****

اممم ثاني شي بتكلم عن النصايح اللي على خطتي للكورس الياي

اشكككككككر كل من أدلى بدلوه .. واخص بالذكر اوخيتي عتيجوه .. راح احطه بعين الاعتبار --> شفيها ؟
لا صج .. ان شالله بضبط وقتي مع اقتراحاتج :))))

والحين بادية بقراءة كتاب اسماء الله الحسنى .. ياربي تعيشين بجو عجيييييييييييييييييييب
الحلو بالكتاب ان مختصر .. ويعطيج الزبدة وشلون تستفيدين من هالاسماء في حياتج اليومية

اسم الكتاب / مختصر النهج الاسنى في شرح اسماء الله الحسنى .. اسم الشيخ محمد الحمود النجدي

*****

الحين عااااااااااد صج صج
MaLaQa's TiMe ;p

اعترف ان من تخرجت وآنه صايره انسانه مليقه .. والملاقة كل يوم في ازدياد مستمر.. خصوصاً لما اتذكر ان الناس بترجع دواماتها وحضرتي بجابل 5 طوف ودريشة وباب -->يعني داري ..

اييييييييييييييييييييييي ياداااااااااااااااااري ايييييييييييييييييييي
عمااااااااااااااااااااار يابيتنا عمااااااااااااااااااااار

اففففففففففففف زييييييييييين افففففففففففففففففف

اليوم نزلت اعصر عليهم --> من العصر يعني .. سلمت عليهم .. وسويت لي صمون بالشوايه .. ليش صمون هذا اللي موجود او بالاحرى لأني عسرة وماعجبني غداهم .. فقعدت وياهم مع صموني وهوت جوكلتي .. جاااااااااااان افاتح اميمتي بموضوع صبغ الدااااااااااااااار .. اهما بيسوون شي حق سقف داري .. لأن باختصار ودّرني بالمطر مادري من التانكي .. نسيت لا اقولكم البيت اللي احنا فيه اسميه البيت المسكون وماحبه .. وادري الحين نسكافيه بتكفخني ..

كيـــــــــــــــــــــــــــــــــــــــــــــــــــــــــفي
داشه افضفض
واقول اللي في خاطري
بعدين اقولكم سالفة البيت
لأن الحين تحلطمي عن الصبغ
المـــــــــــهم نعود لمحور حديثنا

دار الحوار التـــــالي :

آنه : متى بتييبون البني آدم اللي بيسوي سقف داري ؟ عشان بصبغ دااااري ..!!!!
أمـــــــــي : ليلحين مانشف الســــــــــــــقف !!!!
آنه : ترى الصبغ صار له اكثر من 3 اشهر !!!!! وابوي كل عباله توووه .. والله نشف الماي وخلص
أمــــــــــي : تشوفينه ناشف بس اكيد السقف متشرب المـــاي وعلى ماينشف !!!!
آنه : يمه مع جو الكويت ماينشف !!!!!! اكيد نشف .. !!!
أمـــــي : يبيله 6 اشهر او سنه !!!!!

جان اقعد اناقز على الكرسي واقعد ابجي :~~(
لا وفوق شيني قوات عيني شايله صحني بو الصمون مع الهوت جوكليت .. وانثبرت بالصاله واقرا الجريده بعد .. لووووووول امبيه ادري كان شكلي يضحك بس انقهرت شنو 6 اشهر او سنه إذا اهما ناويين يطلعون من هالبيت عقب سنة !!!! مايسوى اصبغ الدار ... واغراضي اللي كرتنتها!!!! مالي خلق اردهااااااااااااااااااااااااااااااااا لالالالالالالالالالالالالالالالالاء مستحيييييييييييييييييييييييل ..
.
.
.
.

بس بروح اتعشـــى .. وداعـــية
FaST FOOOOOOOOOOOD

ولي عودة بموضوع ثاني ان شالله عن سالفة هالبيت .. اسمحيلي نسكافيه بس والله مااقدر اخش هالشي بقلبي بس جذيه راح انتحر او ادش مستشفى الميانين او اروح جزيرتي ... ضروري اكتب عن جزيرتي ... خو سعفتي موجوده بس ماخذه اجازه هاليومين

QuizZzZz ;p

1- مــــن أنـــــــت ...؟؟
2- مــــــــــــــــا هو الحبـــــــــــــــــــــ.....؟؟
3- بـــــــاقـــــــــة ورد لمن تهديــــــــها ...؟؟
4- باقـــــــــة شوكـ لمــــــــن تهديـــــها ...؟؟
5- أسوأ خبـــر سمعـــتــــــــــــــــــــــــــه...؟؟
6- شخــــص لاتـــــــــرفض لـــــــــه طلبــــــا ..؟؟
7- هلــــــــــ تؤمن بالحب في الشـــات وهل من الممكنـــ أن ينتهي بزواج ؟؟
8- ماهي التجربـــــــه التـي تتمنــــــــى تكـــــــــرارها ...؟؟
9- منـــ هو تــــــــــــــوأم روحـــــــــــكـ ...؟؟
10- مـاهو أكثــــــــــــــــر شئ تخشــــــــــــــــــــاهـ...؟؟
11-حمامة زاجل إستـــقرت على نافــذتـــكـ تـــحمل رسالـــة من مجهــــــــــــــول فممن تتمنـــــــــــــى أن تكــــــــون...؟؟
12- جريــــــــــــــــــــمه تتمنــى أرتكابــــــــها...؟؟
13- قطعــة فحــم صغيـــــــــرة وجــدار نظــيفـــ مـــاذا سترسمـــ عليـــه ...؟؟
14- ماذا ستكــتبــــــــــــــــــ ....تحت الصــــــــــورهـ الي رسمتــها ..؟؟؟؟؟؟

MY MoooooooooooD iS NoT GoooooooooD

مودي حاليـــــاً ..

مللللللللللللل يااااااااااابشر ملللللللللللل

الشاليه جارية التصليحات فيه .. المطاعم شطبنا عليها ولله الحمد

الأسوقه مافيها شي زين ينشرى .. وسلطاتنا العليا موناوين يسافرون السنه

وحبكت بيت يدي كله مسافرين .. ورفيجاتي كلهم واللي ماسافرو بيسافرون

هالاسبوع وحاعود لوحدي ... آآآآه ياألبي

****

الاكتئاااااب ..

آنه شاكــه إن اعاني من الاكتئـــــــــــــااااااب
المشــــكله إني طينتها عقب ماقريت موضــــوع
شطوله شعرضه بجريدة ومن عقبها وآنه اوسوس
المشكلة لقيت بعض الاعراض تنطبق علي .. الله يستر
حسبي الله عليهم على قولت يدتي سبع تحاسيب - الله يرحمها

****

ها ما قدمتي على وظيفه؟

السؤال اللي سمعته أكثر من 7 مرات من شمو ريحة تخرجي

وكملتها أم خالد .. وإليكم هذه الأمثل اليديدة ^_^

um^khaled says:
ها ما قدمتي على وظيفه؟

إذا لم تزد شيئا على الحياة فأنت زائد عليها says:
لاع

um^khaled says:
احسن لج لاحقة على الشغل
um^khaled says :
صار لنا 23 سنه ندرس بس ليمتى

إذا لم تزد شيئا على الحياة فأنت زائد عليها says:
لا وانتي الصاجه 18 سنه بس آنه سبيشل
إذا لم تزد شيئا على الحياة فأنت زائد عليها says:
19 سنة لزوم الدكتوراة الفخرية

um^khaled says :
لووول .. ايي صح

مقطع آخر ..

ترررن ترررن -->يعني تلفون

آنه : يمه هاج أم أحمد
(( صراحه ماكلفت نفسي أرد بس شفت رقمهم ))

أمي : الو هلا أم احمد ......إلى أن وصلت إلى
لا والله ليلحين ....... إلى أن وصلت مع السلامة

آنه جابلت اللابتوب وركبت الهيدفون اسوي روحي ماادري

مر هاليوم .. واستغلت أمي الفرصه بما إن بروحنا

أمي : تدرين إن الوظيفه يقدرون يقدمون عليها بالمسج ؟
آنه : إييييي أكيد أم احمد قالت لج ؟ وإن لطوفه قدمت ! وبتداوم الكورس الياي
أمي : - مخترعه - لوووول حبيبتي والله

بس لأن هالمره (( أم أحمد )) تبط جبدي
على بو رفيجة أمي مدخلة خشمها بكل شي ماشالله عليهاااا
ولطوفــــــــــه بنتها .. ودايماً تقارن بيني وبينها
او بين لطوفه وأختي العودة إذا بمواضيع الزواج
...لوووووووول
والله لدرجة انها تحسب جم سنة فرق بين زواج لطوفه وزواج اختي!!!!

****

الشي اللي مو مستوعبينه بيتنا ^_^

إني مارحت كملت مستلزمات التخرج مثل مايقولون
ماااااااابي اتخرج مااااااااااابي .. ألا ليت أيام الجامعة تعود يوماً

والشي الثاني مابي اخرعهم بس قررت إني أداوم كورس أول بالجامعه
لزوم الانتخابات وودي أسأل عن الماستر لو في مجال يفجون تخصصي
وبفكر اودي أوراقي جود الله ورحمته أكون خريجة صجية لووووول

وعشان عيونهم راح اقدم أوراقي الكورس الثاني :( وإلا موناوية اتوظف


****

الفضاوة وماتسوي

بما إني مصممة إني مااتوظف قبل الكورس الأول قررت أحدد لي يوم اجتماع مع نفسي أهم بنوده مايلي :

أولاً : بند الترميم
ترميم مايمكن ترميمه من نفسي وهذا الترميم يشمل

البشرة
وتجربة الماسكات الطبيعية .. وزيارة دورية لطبيبة الجلدية

الشعر
هم راح اهتم بسوالف الزيوت وحنه اسبوعياً ضروري-->طل أبويهي

الأسنان
لاااااااااازم اروح حق طبيبة أسنان شاطرة .. بس والله أخااااف
والزيارة بعد لازم تكون دورية عشان مايغرز السوس

ثانياً : بند الثقافة
ويجب تحديد لستة تحتوي على أسماء الكتب المطلوب الانتهاء من قراءتها

ثالثاً : بند الغرفة - داري
تغيير جذري للدار يشمل تغيير الصبغ + الأثاث

رابعاً : بند تحديد المصير
لووووول وفي هذا البند يجب تحديد المكان المطلوب لتقديم أوراق الوظيفة

خامساً : بند الماما
من أهم البنود المذكورة آنفاً --> وايد أقراها ;p
وفي هذا البند يجب ملازمة الست الوالدة في المناسبات والطلعات والتسييورات والمواجيب ...ألخ
وكل هذا عشان خاطر عيون الغاليــة ومو عشان سواد عيون اللي بروح لهم heheheheeh
مشكلة هذا البند الاضطرار إلى أخذ دورات في فن التملق في الزيارات الاجتماعية والمناسبات السعيدة والتعيسة .. ومع البروفات المكثفة لاتقانها :)))

بس والله عشـــــــــــــــــااااااااااااااانج ياماما ياحبيبتي


هذه أهم البنود .. وقابلة للتعديل أو الإضافة في جلسة عصف ذهني التاريخ المقرر لجلسة العصف الذهني منتصف الشهر الحالي بإذن الله

نرحب باقتراحاتكم وانتقاداكم

فيه أحد مثلي؟

بقولكم شي بس لحد يضحك علي ..


أيام الطفولة كنت ألعب بالألعاب بروي وباربي ...الخ وفيه كراتين حق الالعاب كانت في ازدياد مستمر


وقبلها كنت ألعب بالعرايس -->العروسه تطلق على اللعبة اللي تكون رموشها طوال وعيونها زرق :p


وشعرها غالباً اشقر وتلبس كبوس :)))


المهم والأهم هالعروسه بالذات من ضمن الألعاب ماأحبها .. أو بالأحرى أخااااف منها !؟


والله صج


الحمدلله كبرت وهالالعاب انقطت :)


بس المشكله مع دانوه من شرت بيبي بورن :D


وآنه مخترعة .. مااحب اقعد يمها وإذا شفتها قلبتها وماارتحت إلا يوم قطيتها بكرتونها مال الألعاب .. لوووول


والله صج مااحب اللعبة


فيه أحد مثلي؟

باقي 23 يوم

:)



الله يستر ،،

باقي 23


يوم



^_^

كل يرى الناس ...؟

اخر طرائف اختي عزيزتي دانوووه أم كشه

طبعاً بايجاز هالاخت دايماً اتدخل خشمها بكل شي

ملقوووووفه وبالغة شف .. لووول

نعود لمحور حديثنا


***

أخر طرائفها

: اخوي قط عليها نغزة يقول لنا عنها طبعاً
كلٍ يرى الناس


: الاخت دانه ماتعرف تسكت جان تقول

بعين وحده !!!!


--> مادري ليش طرى على بالي مارد وشوشني؟