باختصار نومتي معفوسه من نص الكورس الثاني اللي طاف لي يومكم ، وكل يوم في تردي مستمر .. وصلت مرحله ماانام الا الساعه 7 الصبح ومرات 10 .. على حسب المود !!!!؟
تعبت
الناس يبدي يومهم الصبح وانا العصر !؟ اذا مو المغرب !!!؟
ومشكلتي مااعرف اسوي شي مفيد عقب المغرب ، يعني الاشيا اللي اسويها ماتحتاج تركيز .. وانا حاطة لي خطة بمشي عليها :((((( بس متى !!؟
الأيام قاعده تركض .. وآنه كل يوم أأجل لأن أصلاً أقوم وباقي لي نص يوم !؟
جربت اكل بندول نايت .. انام بس الساعه 1 او 2 قاعده مافيني النوم
والا اواصل وادوخ مبجر وانام عقب العشا على طول .. وهم نفس الحاله
وهم صار لي فتره موقفه القهوه .. وصدعني راسي وهم ماكو فايده
والله تعبت بعدل نووووومتي ياااااااااابشر .. أبي حل شسوي ؟
المشكله ماكو شي شاغل تفكيري !!!؟ يعني قبل من الانتخابات والشغل النقابي يالله من فضلك !!!؟ بس الحين تخرجت !!!؟ وهم قبل كنت اعاني من مخلوقه مأزمتني .. الحمدلله قدرت احط حدود حق علاقتي معاها وارتحت .. والحمدلله آنه راضيه عن تصرفاتي مع الاوادم ..!!؟ وهم الحمدلله علاقتي زينه من الناس باستثناء الطفيليين فلهم
معاملة خاصة .. ترضي الطرفين.
.
.
وبس .. ابي اناااام مثل خلق الله شسوي بعمري ؟
لاتبخلون علي بنصايحكم النيّرة .. وبشكثر أقدر أعدل نومتي ؟
40 التعليقات:
itha legaitee 7al, arjooch khabreeny. aneh a3anee min nafs el meshkila! :/
الله يكون بعونكم
احسن علاج للنوم الهادئ المطمئن
قلاصين لبن خاثر
وكلها دقائق معدودات ولا في عالم الاحلام السعيدة
بس بصراحة ما اضمن انها تكون سعيدة
ومثل ما قال الخيام
افق خفيف الظل هذا السحر.. نادى دع النوم وناغ الوتر
فما اطار النوم عمرا ولا ... قصر بالاعمار طول السهر
ودمتم
والله اذا لقيتي حل قوليلي =)
اعاني على ما انام معاناة القطوة الي تبي تاخذ اللحمة من الجدر عالنار =\
وعلى قولة الشاعر الي ما اعرف اسمه :
مالي ارى النوم من عيني قد نفر .. أأنت علمت طرفي بعدك السهر ..
وسلامتج =)
انشالله تنحل مشكلتج ومشاكل الوطن العربي خصوصا النوم المتأرق !
اول شى
لازم مجهووووووووووووووود
مجهوووووووووووود
مجهوووووووووووود
لازم تسوين شى يخليج تتعبين يعنى روحى امشة ساعة ونص مثلا
بعدين اكلى وجبة تترس ثلاث ارباع المعدة
ووغلفيها بلبن
وداعييييييييييلى :)
walaa e6la3aw wayed nafs al7alaa welcome to the club ;)
walaa anaa meen zemaan chethee maaa atheker enee yoom nemt gabl alsa3aa 3 a9lan 7eta 3 ey9eer enjaaz al7ean bs abee gabl al 5 mo wayed 6albaaty
yalaa shofelnaa 7al oo golelnaa shenoo ensawee ;)
oo goodluck
وي وي وي حالتج كسيفة يا بعد قلبي والله انتي
انا اذا كنت بحالتج قبل الدوامات عادة بأسبوع اتبهلل ما ادري ليش
!
اعذب نفسي بالنومة .. الهدف اني ما اتهنى فيها .. شوفي انتي وين الازعاج وين المكان اللي يضايقج و نامي فيه
راح تقومين تعبانة .. و تعيشين الساعات الباجية فيج النوووم .. عاد شغلي نفسج بأي شي لين وقت نوم الناس الطبيعين
;Pp
w sleep tight .. ;***
واصلي يوميـن في اليوم الثاني مايصير الليل إلا و إنتي موصله حدج خلاص و بتنامين و بس انحلت المشكلة بلاش تعئيــد
Good luck =P
صراحة ..
صرت خبيره بداء النومة المعفوسه هذا !!
قعدت سنتين و انا احاول اعدل نومتي !!
مااافيييش فااايده !!
الا هالصيف ..
اول شي اشتركت بالمخيم .. و كنت مسؤوله فيعني لويه من اول ما تقعدين ..
تقعدين اول وحده و تنامين اخر وحده !!
اسبوعين كان .. فخلاص تعودت على القعده الصبح ..
و لما رديت البيت ..
اول ما كنت انام الا و حنة الاب توب فوق راسي .. و اذا احد من زمان ما كلمته اقعد ابسط و اسهر !
بعدين مادري وين قريت انه عشان تنامين عدل .. الفراش خلي بس حق النوم !
يعني مو دراسه و اكل و قعده و لويه !
نوم لاغير !
فشلت الاب توب و غيرت مكانه .. و صرت اسكره بالليل .. لاني اذا خليته شغال كل شوي بقوم اطل و ما انام!!
على اخر العطله اعتفست !
بس بعدين غصبت نفسي و عدلتها !!
المشكله .. عشر الاواخر مافي دوام !
نوم بعد الصلاة !
اليوم بطلعة الروح داومت !
و بالاخير تعبت و رديت !
الموضوع يبيله اراده و عززززم ..
يعني اذا صج تبين تعدلين نومتج .. اقل شي اسبوع راح تتعبين وايد .. بس بعدها ان شاء الله النتيجه مضمونه ..
وخري عن سوالف الادوية !
ما تفيد !
خلي احد يقعدج الصبح !
حتى لو نايمه جم ساعه !
و رافجي وحده تقعد الصبح وطلعي معاها !
لا تنامين الظهر !
نامي بالليل على ال11
و ردي قعدي الصبح !
خليلج وقت محدد للنوم و القعده ..
يعني الساعه 11 مثلا ..
سكري ليتات ادار و بطلي الاباجورات حتى لو ما فيج النوم و سكري كل شي و قعدي اقري كتاب لما اييج النوم !!
اذا قعدتي 20 دقيقه بالفراش و مانمتي .. قومي سوي شي ..
شربي ماي .. ييبي الجريده .. سوي اي حركه بسيطه و بعدين ردي نامي ..
تمي اسبوع على هالحال .. خلاص راح تتعودين من نفسج !!
الحل الوحيد و الي يساعد.. انه اطلعيلج شي تسوينه الصبح هذا اهمممم شي ;p
ريلاكس تكفين عدلي نومتج.. تكفين لما اقعدج الصبح قبل مااروح قولي قعدت وقومي صج.. ابي مره اخلص محاظراتي وارد القاج قاعده ترى عندي وايد مشاوير بقضيها معاج
بس عفيا عدلي نومتج
:")
جربي اللي قالولج عليه.. واذا كلش كلش نامي بالصاله.. ترى لي نمتي بقارة افريقيا تقومين مبجر لانج تخيسين من درجة الحراره الفظيييعه
LoL;P
MSB
مايصير خاطرج الا طيب :)
وان شالله تتعدل نومتنا وننام بالليل ونقوم الصبح والله احس اني صرت خفاش !!؟
sologa-bologa
ماحب اللبن :(
يالله ياحيل الله بحاول انام مطمئنة ^_^
والله شحليلاتي مرات اقول اذكاري .. بس مادري النومه شفيها علي
kitty
اي والله زيييين اتسووون
وشكلي بقلدكم .. اليوم بديت بهالخطه .. بس نطرته أذن العشا صليت وفخيت .. بس قعدوني وطارت النومه :)
جربي تطلعين ..لاتقعدين بالبيت..
خليج بمكان لا يمكن انج تنامين فيه..
ونطري لي صار بالليل ردي
وحاولي تنامين.. وقعدي من باجر مبجر يعني 10 الضحى مثلا..
ان شاء الله تتعدل نومتج ..
انا باقرا التعليقات جود الاقي الحل لأني نفسج أعاني من نفس المشكلة
لا ويايني الدوام اللي اييب اليهد يعني مو مال اداوم وانا مواصلة كللللللللللللللللش
على قولتج عاد لو سهرانين انفكر بشي يسوى جان قلنا اوكي
لا عندنا عيال ما تعشوا
ولا مركبنا طبع
ولا انحب
شالسالفة مادري
Manooya
حلو بيت الشعر يبيله ينحط نك نيم بالمسنجر ;)
والله ياحبيبتي بحاول .. واذا لقيت حل ماراح ابخل عليكم فيه
mishari
انا شكلي بختم يومي بمشي وشور واحط ارويسي وانام
:) ماااااااااااااحب اللبن
استغفرالله ياربي نعمة الله
cosimfree911
وانا كنت محتاره شنو اختار موضوع حق رسالتي مستقبلاً -->شفيها
المزاجي ومايعانيه من نوم طياري عنوان الاطروحه
خلاص اذا لقيت لكم حل ببلغ باجي القروب ان شالله :))
a7La eNG
اختي السخيفه يت اليوم وقعدتني :( والحين مافيني النوم بس مخي مجيم مااستوعب شي
واقول شغله وانا ابي شغلة ثانيه ;p
الحاله تتدهور وانا اختج
KeChie-ChaN
مافيش فايده واللهي ... برد احاول باجر -->حاول مرة أخرى
:)))
QiYaDiYa
يااااااااااااااااااابعد قلبي والله ياقياديه ... صح .. يبيلها اراده
والله يعيين .. وبنرد نحاول .. وربج كريم ياوخيتي .. جود الله ورحمته
وكنت اتبع طريقة ان لي وقت محدد حق النومه وكانت تماااام .. بس كااااااااااانت .. وزالت للأسف
الله يعييين :)
Nescaf?
شعرفج انتي جنوب افريقيا جوها بارد مساءاً ومعتدل السرعه .. والدرجة المتوقعه لهذه الليلة 70 بدون تقصير مادري تطويل للستنرال ؟ صدق او لاتصدق ؟
تهقين انام بالصاله؟ انزين الثرووو وديته فوق .. مالي خلق استمرض بسم الله توني طايبه
امممم شوفي بفكر بالموضوع والا ماكو الا انطر دانوه .. وانام في دارها على الاقل اكون يم الصاله واسمع الازعاج .. وكاااااااااااااااافي اخفيفة المنقل لي ييت اتسنع يالله من فضلك ;p
Alather
على قولت وحده لما اواصل اصير مينونه .. صج توصلين مرحله السانه يقول غير عن اللي بتقولينه لوووول
وطمنينا على امتحانج ;)
ToTo
اي والله صاجه ياوخيتي .. ولازال البحث جاري .. لعل وعسى القى طريقة انام فيها طبيعية واقوم منها طبيعيه
:)
lol shay ey9'a7ek ma7ad mn eli radaw ma3a mn hal mushkela ;p
ana lyoum gayma mn elsa3a 7 :D o eli ey3rfne 3adel ra7 yen9dem hehe , bs kelha youmain o noumti tekhtreb ma3ref anam embacher la2na ;/
maku ghair 7al nescafe ehya 3arfa system elbait , golelna sh9ar 3ad ;P
وااااي هذي مأساتي هالايام
برمضان النومه اعتفست و الحين مو راضيه تتعدل ابد
الدوام نص نايمه و لا لي خلق اسوي شي
ارد اقول بنام بس ساعه ساعتين اقعد اخلص شغلي و العشرتعش الف شي اللي ابي اسويهم بحياتي و انام بوقت معقول و اعدل النومه و اطقها نومه لي 8 و 9 بالليل !!! اقوم مالي خلق عمري
و هااات يا سهر لي الفير
اروح مواصله و الا نايمه ساعتين
و هلماااا جرا :|
احسن حل هو انج تتحملين و تواصليين الى الساعه اللي تبين تنامين فيها
بس يبيلها اراده :p
انا و كم واحد اعرفهم هالايام ماينامون عدل .. انا انام بس 4 ساعات و اقوم !!! مع اني اكون تعبان
الظاهر في فيروس منتشر بالجو :P
ريلاكسووووووووو
سوي مثلي هههههههههه انا رحت الطبيب امس لان سدري كان ذابحني وكحه مو طبيعيه المهم عطاني دواء وقالي هذا راح يخفف عليج بس راح يخليج تنامن وايد هههههههههههه
انا خذيته بليل والله العظيم ما قمنت الا الساعه 11 ونص الصبح هههههههههههههههه عند اذان الظهر تقريبا عاد رحت له اليوم قلت له انت شنو معطيني ههههههههههههه قالي يعتمد انتي متى شربتيه لو شاربته الساعه 10 بليل راح تنامين عدل لوووووووووووووووووووول
مت ظحك على نفسي والطبيبه اللي معاه تقولي بشربه مثلج عشان انام لانها ما تنام ههههههههههههه
يقولي هذا الدواء اليابانيين والمصريين يشربونه عشان يعدل دماغهم عشان المزاج هههههههههههههههههه ويطقونها اشخري ههههههههههههههه
اذا تبينه اييبه لج هههههههههههههههه
ابشرج ..:منتي ابروحج حبيبتي
عندج وعندي خير
هذي المرحلة المؤسفه وصلتها
اقولها لج وانا كلي أسى
ذاك اليوم شاترين انا وكيتي وسمتناها
ورحنا تريقنا ..
ماكو الا العافيه
الامتحان الحمدلله
انتي طنينا تعدلت نومتج ولا بعد..
ترى الحل اللي قلت لج اياه مجرب .. بس نسيت النتيجة..عني اهي ممكن تفيد معاج
اقولج سالفتي.. كنت سهرانة مواصلة
وكان عندي شغل .. احتاج السوق
طلعت ايضا مع اخت لي مواصلة مثلي..فتخيلي فرارة نقضي شغلنا من مكان لي مكان لما صار الليل.. وطبعا لا عزاء للعقل
خرناها عدل
لا تركيز
اقول زين الله حفظنا بالسيارة وسواقتها : ))
نوما هنيئا ليلا نتمناه لكم
uTMoST
والله تعبت وانا اختج ومليت لأن وضعي مو طبيعي .. اليوم دقيت على وحده من رفيجاتي .. قلت اقعدها تراجع .. اهيا مسكينه عبالها انا قايمه الصبح عشتاو .. قلت لها ماقلت لج صرت من فصيلة الخفافيش !!!؟
وبس سكرته منها سويتها مناحه .. ابي انام نومة طبيعية يعني لو نمت الحين بيضيع باجي اليوم !!!؟ يا إلهي ماذا أفعل :<
Cr8ivia
وااااي بعد قلبي والله انتي ... مادري شسالفتنا من صجي انا شاكة بالجو !!!!؟
او ان فيه مرض يديد اسمه تعفيس النومه !!!؟ ---> تخاريف من صباح الله خير
Enviro
اي والله فايرس !!!!؟
والله حاولت .. بس لازم استمر جم يوم لما صج تتعدل لأن بيوم واحد ماجني سويت شي .. بالضبط نفس حالتي من كتبت البوست ليليوم :(
الله كريم
Q8ya
يسلمج كتبي لي اسمه والا حطي لي صورته ,, استمرض اكل ثلج وامشي حافيه عشان ماحس بالذنب لي استخدمته .. بس اسعفيني
سالفة قلب
ايي لو يوم والا يومين ممكن اقول عادي .. بس مو دهر :(
مشكوره يابعد قلبي احب اشوف نك نيمج ~_~
الأثير
اي والله الله حفظكم ... وووو انا ويا هالمأساااااااااة الله يعيييييين :(
9ara7a ana 3endy 7al emjarbeta !! :P o0 maf3oola momtaz :P hehe !!
wa9lay .. o0 etha dekhtay la etnameeen !! khaleeech ga3da .. 6ab3an adri bet6egen e6waf o0 bet9eer 7altich o0 7alat el sakran ( allah ekafeech el shar ) wa7da :P heheh !!
bs ta7amelay .. wa9lay .. o0 shofay nafsich tegdereen etwa9leen laih meta ? TWO DAYS ?? 1 DAY .. entay o0 godretich ..
lama etdokheeen o0 etwa9leeen 7adich DON'T SLEEP .. ya3ny for example khalaa9 we9altay 7adich el 3a9ir or 7azat el e3sha .. LA ETNAMEEEN !! ne6reeha lain et9eer 11 o0 GE6AY ROO7ICH BEL BED !!!
ra7 etnameeeeeeeeeeeeeeeeeeeeeeeen o0 telgain nafsich ga3da embacher .. o0 hakatha :P ra7 et9ereen men rabi3 naam bakeer o0 e97a bakeer o0 shoof el 9a7a kaif et9eeer .. TRUST ME ;)
انا اكثر وحده تخرب نومتها بالعالم
بس بعطيج الحل المنير على وزن السراج المنير
احم احم
شوفي ياطويله العمر خصصيلج يوم ماتقعدين كلش ملش بالبيت
اول شي روحي السوق
تالي لاتردين بيتكم روحي مثلا بيت يدج يدتج خالتج عمتج يعني ناس تمونين عليهم على اساس تروحين اتبطحين بس مو تنامين يعني مجرد انبطااح حلوه انبطاح
وبعدها ردي بيتكم واخذيلج شور دافي وسمي بسم الله ونامي وياويلج اذا سهرتي
Breeze
حددددده في خاطري اسوي هالطريقة حرفياً بس هالايام صايره اصوم فكاسره خاطرة روحي :)
ان شالله اول مااخلص من ديني بفطر بينهم واقعد القعده اللي تقولين عنها الله يستر .. وجربتها اصلا وطلعت امبيه هسترت بالضحك .. جني مينونه الحمدلله والشكر
bintelq8
شرايج عيل انا من التعب اسهر زياده :)
الله كريم
Q8Lioness
ماينفع انبطاح الله يهديج انبطاح وانا مواصله = خمده لوووول
بس بحاول .. لايأس مع الحياة مادري لاحياة مع اليأس
إرسال تعليق