اسمجتنا المينونه ماتت..!؟
بقت الصورة من نسكافيه - بعد اذنج اختي حبيبتي
الله يرحمها ،، والله فقدناها صراحه أول اسمجه تمر علي من فصيلة الدلافين ;p
يعني عادي فجأة تنط بالحوض !؟ وقبل هالحوض اللي بالصورة كانت بالحوض الأسود الكبير .. وكنا عازلينها عن باجي السمج .. ونشوفها كل يوم اتنط وتطابش يحليلها .. فجأة مع هالمحاولات العجيبه طبت صوب المقاريد اللي يمها !!!!!؟
واللي سماها مينونه بنت خالتي العزيزة اللي مجابلتها بالصورة الموضحه آنفاً --> جني صدقت انها اخبار ^_^
وبس ! مسكينة الظاهر افقدتنا ياحياتي وماتت .. توني استوعب انها كانت مسوية جو
.
.
.
لا لكائنات حية في بيتنا .. مع ان في خاطري عصافير .. بس حرام محسوبين علينا ارواح :(
***
مبروك انقبلتي !
دزت لي مسج أم أحمد - غنية عن التعريف - عبالها اتبشرني مسكينة !؟ طبعاً قبل الجرايد بيوم ^_^
وثاني مسج بعد وصلني من أم وحده من البنات يحليلها كل ماحطو الاسامي تقراهم كلهم اتدور اسمي بينهم
وثالث مسج من رفيجتي اللي لوعت جبدي واهيا تلبح !؟
صراحه ليلحين ماأدري شنو السر بحنة الأوادم على الوظيفة !!؟ ترى ماهو السر !!؟ هذا ما سنعرفه في الحلقة القادمة :)
***
مسج 2007
ملاحظة / المسج من قطر .. فنلاحظ بعض الكلمات مثل : مب راضي = موراضي ..واتوقع كلمة متي = ماتيي
وسلامتكم وتعيشون :)
***
كتاب / افعل شيئاً مختلفاً
كتاب أقل مايقال عنه أنه رائع
طريقة عرض المادة العلمية مشوقه
واسلوب المؤلف البسيط يحمس على الاستمرار بالقراءة
باختصار : لاتتردد باقتناءه
اعجبني : اهتمام المؤلف بذكر المصادر التي رجع لها في تأليف الكتاب
ذكر نبذ عن الشخصيات التي أخذ منها بعض المقولات التي تؤيد طرحه
التنويع في ذكر الامثله والقصص وعدم الاقتصار على حقبة زمنية معينة
تلخيص ماذكر في نهاية الكتاب
الكتاب متوفر في المكتبات التالية:
1) المملكة العربية السعودية: (العبيكان - جرير - تهامة - الأندلس الخضراء - قرطبة).
2) الإمارات العربية المتحدة: (مكتبة دبي).
3) دولة الكويت: (دار اقرأ).
4) سوريا: (بيت الدعوة).
5) الأردن: (دار النفائس - مركز الفرسان).
26 التعليقات:
الله يرحم سمجتنا كانت خوش وحده
انزين سمعي ترى صورة المسج موواضح الكلام .. لقطت بس جم كلمة صار عندي فضول اعرف الباجي
;P
لوسمحتي اختي .. صوريها بكاميرتي وحطيها
يعني لازم اقولج اني مااعرف ;p
صوريلي اياها وحطيها ماعليج امر
مرت علي هالنوعية من السمج
اتوقع انها من فصيلة الدلافين
او كانت فيها حالة اكتئاب لانها كانت تنتحر
تنط من الحوض
ليش وشحقه مادري
نسكافيوووه ترى عدلتها :)))
***
PearL
اييي اتصدقين يمكن فيها اكتئاب ليش غيرنا حوضها !؟ بس حرام مقاريد السمج الثانين تنط وتروح صوبهم تخيلي ! ايام الحوض الكبير
الله يرحمها
:(
كسرت خاطري و الله
شنو أسباب الوفاة ؟
كآبة
وإلا توقف مفاجيء للقلب و إرتفاع بالضغط
..
محد قالنا جان يينا عزاها
الله يرحمها
---------
مبروك على الوظيفة
موفقه إن شاء الله
^_^
"متى نفرح فيج عروس"
^
^
^
^
هذا أهو سر الحنّه على الوظيفة
!
ناس ما عندها غير التساؤلات
..
---------
وايد حلو المسج
^_*
---------
شوقتيني على الكتاب
ولو إني شاريه كتب تكفيني لمدة سنه
لكن بشتريه
شكراً على الإعلان عنه
:)
----------
عوداً حميداً غاليتي
:*
الله يرحم سمجتكم
ويا حب الحريم حق سوالف الزواج ومسجات الرياييل
يبه انشاء الله تتزوجون بس اللى تتزوج فيكم وتدخل البلوغ راح اعلم ريلها :P :))))
شريير
انا ما احب الحيوانات
عمري ما ربيت حيوان و عاش اسبوع
و حتى النباتات
ما ادري ليش ما اعتني فيهم
78o8eYa
والله مايندرى .. تهقين انوديها انشرح جثتها ؟ ;p
----
الله يباااارك بحياتج
ونفرح فيكم كلكم ياربي قولي آمين
----
لووول عيل طافج اللي دزيت لهم اياه كلهم اتفقو على آمين ;)
بس وحده قالت لي الله يكملج بعقلج! الظاهر كانت معصبه وطلعت حرتها فيني :))
----
والله الكتااااب عجييييب وناوية ان شالله اشتري منه نسخ للاهداء ^_^
----
شكراً حبيبتي :)
mishari
اي والله فقدناها :(
وبعدين المسجات لتلطيف الجو ليس إلا :)
لا عادي لازم يكون ديموقراطي ويرضى باللي أكتبه ^_^
lawyer
لا حطيهم بالصاله عشان الخدام يساعدونج اذا لهيتي عنهم :)
هاردلك السمجه ومبروك الوضيفه
الله يرحم اسمجتكم
ومبروووووك
الوظيفه
ياليت اتوظفين عندنتا
:)
غريب
الله يبارك فيك .. شكراً اخوي
سالفة قلب
ماعندي مانع اهم شي مو التربية ;p
وي عظم الله اجركم واحسن الله عزاكم
مبين كانت خوش سمجة طيبه ومرحه
:(
الف مبروك على الوظيفه وما كو سر للحنه،من عرفنا الناس وعرفونا واهم يحنون علينا ونحن عليهم
:D~
المسج وصلني ودقيت على اللي دازته
لو سمحتي انتي دازة حق كل رفيجاتج ولا منقيتني نقوة؟
:Pp~
يعني شي غريب صار لي تقريبا خمس سنين كل اول سنه اييني هالمسج بس بمعنى مختلف
تهقين بدينا نصير عاله على المجتمع؟
:pPpP~
مبـــــرووووووك الوظيفة :)))
الله يبارك لج فيها و يهنيج يا رب ..
--
ضحكتيني بسالفة إسمجتكم .. لوووول
لما قلتي من فصيلة الدلافين كيّفت حدي .. صدّقت حسبالي صج
:\ :Pp
محد يموت إلا بيومه .. ;/
الله يعوضكمـ بحوت أحسن منها =P
-------
وو ألف مبروك الوظيفة =]
الله يرحمها...^___^
ومبرووك حبيبتي الله يوفقج...:)
الكتاب شكله قيَم...^___*
السمجة .. عظم الله أجركم ..
تنصحون أشتري سمجة ؟؟
ولا يعني بسرعة يموتون من غير أسرار واضحة ؟
أم أحمد .. اللي تعرف كل شي :D
لول
مبروووك
شوفي يا اختي.. السر هو المعاش ..
ينطرووونه صدقيني ينطروونه
سواء انه بيحوشهم بشكل مباشر ..
او بعضهم ينطرون الوحدة تتوظف عشان يطرشون معاريس :s
مو تدرين موضة ما يتزوجون الا موظفات : )
المسج خطيير
والزواج بكل مكان داعس نفسه
:s
شكرا على الكتاب وشكرا على النصيحة
:)
الله يرحمها مسكينه =(
والف مبروك عالوظيفة وانشالله يكون فيها الخير حقج
ريلااااكس شفيييج الناس اذا ما تمت تتسائل وتحش شلون تقضي حياتها الطبيعيه !!
لوول والله فراغه هالناس ساعات احنا نقوم نسأل مثلهم من الفراغه ما ندري شيسولفون وياهم !!
المشكلة احنا نستحي في ناس ويهها منجب تفصل تاريخ حياتج من اول قعدة -__-"
المسج خطيير لوول
والكتاب حده دعاية وية مسويتله شغل عدل -__^
سكيننه
تعالي ياسكيننه وروحي ياسكيننه ==> مسرحية ريا وسكينة اذا تذكرينها :)
هلا بالطش والرش
يزاج الله خير -->مصدقه انها بعزا
والمسج ياوخيتي مادري شسالفته :)
Breeze
حسافه ماصورت لج اياها قبل لا تموت عشان تصدقيني
الله يبارك بحياتج :)
KeChie-ChaN
اي والله صاجه ...
الله يبارك فيج
Q8ya
الله يبارك بعمرج :)
ووو الكتاب صراحه لايطوفج
Alather
حيالله من يانا هلا بالطش والرش ..
والله ياوخيتي مايندرى عنهم اهما وبلاغة شفهم الغير محتمله
العفو ولو =)
Manooya
هلا والله هلا
لوووول اسمجتنا هذي مايكرر التاريخ مثلها
اي والله صااااجه ^_^ شلون يعيشون !!؟بدون بلاغة شف
والكتاااب ترى ثمين
المسج افا عليج =)
إرسال تعليق