منو ماحط له خطة حق هالسنة ؟

1

طبعاً كل واحد فينا له اهدافه وله طموحات يبي يحققها

وآنه متفائله بهالسنة إن شالله بتكون سنة انجازات لنا كلنا

=)


2

مابي أتفلسف وأسوي روحي فهيمة من خلال تجربتي الشخصية
جربت طريقة ان الواحد يمشي على البركة وتتحقق بعض الأهداف
بس تكون يا بالصدفه ! أو بالحلم ! ^_^ شيين لا ثالث لهما ;p

.

وجربت الطريقة الثانية .. يكون لي أهداف السنة او الشهر وتحققت
ماااااقولكم كــــــل أهدافي لكن أقدر أقول دبل الطريقة الأولى
والانجاز كان أكبر دليل على كلامي ولله الحمـــد

.

فحبيت أفيدكم وياي ببعض الأشيا اللي استفدتها
من واقع تجربتي .. احم احم .. وهم من خلال معاناتي في انجاز أهدافي
ومن بعض الدورات - الأشرطة - الكتب - وماأبخس حق بعض السايتات =)


3

نبدي ببعض الاقتراحات اللي ممكن تساعدكم في وضع خططكم
.

.

أولاً : تحديد الهدف

تحديد الهدف مو بهالصعوبة ترى بس يحتاج منا
جلسة عصف ذهني ، وتكون مخوخنا صافية ، ونقعد مع انفسنا
ونكتب كل اللي في خاطرنا من أهداف بورقة مع مراعاة
.
.

الوضووووح
(( بالضبط آنه شنو أبي ))

+

المرووونة

يعني لو احتجنا لتبديل أو الغاء مايضر
في استمرارنا بخطتنا

=

خطة ناجحة بإذن الله



ثانياً : تقسيم الأهداف

تقسيم الأهداف --> أكيد فيه أهداف كبيرة وفيه أهداف صغيرة .. الصغيرة ماتحتاج إلى تقسيمها أو مرحلتها .. والكبيرة لتبسيطها والقدرة على انجازها نقسمها ونخليها على مراحل لحد مانوصل لها بإذن الواحد الأحد :)


ثالثاً : تقدير فترة إنجازها

وضع فترة زمنية معقووولة لتحقيق الهدف .. وهالخطوة مااتصير إلا عقب الخطوة الثانية .. لأن عقب تقسيمنا للأهداف الكبيرة والصغيرة راح يسهل علينا تقدير الفترة اللي اتكفي عشان انخلص منها

- فاصل إعلاني : يااااازين لغتنا بس مادري ليش هاجرينها -

.
.
.

ينصح باختيار الأهداف الأسهل والاسرع بالانجاز .. للتشجيع على الاستمرار في الخطة


رابعاً : التنويع بالأهداف

بمعنى عدم انغماسنا بجانب واحد والغفلة عن البقية .. أمثلة لبعض الأهداف
هناك اهداف اجتماعية كصلة الرحم مثلاً .. وهناك أهداف إيمانية كحفظ سورة الكهف مثلاً .. وهناك أهداف نفسية كترك صفة التحلطم ;p
..الخ
ولااااااااتهملون الجانب الترفيهي .. حتى لو ترك مفتوحاً لحينه --> تأثرت بالفاصل الاعلاني


4

CaLaNDeR

بحط لكم لينك فيه نماذج اختاروا اللي يعجبكم .. وحددو عليها اهدافكم

http://office.microsoft.com/ar-sa/templates/CT101425251025.aspx

شكراً قياديـــة .. لأنها ساعدتني وعطتني اياه
=)


والشكر موصول أيضاً لـ


5

Mamloo7a Q8ia
.
.
شكـــراً
.
.
لأنهـــا ســــاعدت عقلي بكتـــابة هالبوســــت =)

+

بوريج خطتي لترميم نفسي --> شرايج بإسمها ;p

طبعاً هالخطة بس فيها الأشيا اللي أحتاجها بشكل مستمر
اللي حددته الأشيا الأسبوعية - الشهرية - السنوية تقريباً
ولأني نساية راح اضطر أحطها بكلندر موبايلي عشان اتذكر

^_^


أما أهدافي الكبيرة واللي تحتاج فترة من الوقت والأشهر فطبعت لي
كل شهر بروحه وكتبت بالفراغات الهدف الكبير ومدته تقريباً جم يوم /شهر
.

.

.

وعسى الله يوفقنا وييسر لنا تحقيق أهدافنا
ويبعد عنا التأجيل والتسويف ياربي ذابحنا!؟