ألف الصلاة والسلااااااام عليك ياحبيب الله محمد

بعد يوم حافل بالاحداث العجيبة
وبخطوات سريعة دخلت الصالة
وبشكل أسرع قمت بإلقاء التحية على أمها وأختها
ريلاكس : فلانة عادي اصعد ألحين والا معاها أحد ؟
أختها : صعدي انتي المفروض اول وحده تصعد
ريلاكس : ابتسامة شقاقية ;p

كالمعتاد تعرض خدماتها الكتكوته الصغيرة
يمه آنه بروح وياها !!!؟
ريلاكس : يالله آخذها وياي وانزل معاها :)




- بالأسنسير -
الكتكوته الخدومة : تصدقين ريلاكس أول ماشفتج ماعرفتج ؟ ماشالله حلو مكياجج
ريلاكس : مشكورة حبيبتي
الكتكوته الخدومة : وهدومج بعد حلوة
ريلاكس : حتى هدومج حلوة انتي وفلانه --> اختها الصغيره
الكتكوته الخدومة : اهيا زينة بس مساع بغيت اطيح !؟
ريلاكس : رفعي النفنوف وانتي ماشيه عشان ماتطيحين :)





- وصلنا -



لميتها ودموعي متعلقة بس الحمدلله ماانزلت جان صارت مناحة
;p وهم خايفة يخترب مكياجي

ريلاكس : مبروووووك اسمااااالله عليج تباااااارك الرحمن اشحلوج
العروسه الجميله : شرايج بشــكلي ؟
ريلاكس : أحلىىىى عروووسه
لحظة لحظة اشووووف مكياجج بو .... د.ك
--> ترى وايد بس مالا داعي اسايق ;p

ريلاكس: فلانه تكفين المعوذات الله يخليج .. والله قاعده اقرى عليج
وقعدي الله يخليج باقي ساعه الا ربع ان شالله بتظلين واقفة على ماتنزلين ؟

العروس - متوترة - : الناس وايد والا شوية .. انزل الحين والا بعد شوي ؟
ريلاكس : تو الناااااس شفيج !؟
العروس : عشان اخلص .. تعبت من المحاتاة .. والله خايفة

وبلقافة معتادة من المصورة : لما تكونو مش مستعدين للجواز بتتزوجو ليه ؟
نظرة مني خليتها تســــــــكت ;p
البنية مخترعة وهذي تخرعها ازيادة ليش !!!!!؟؟؟؟
- أصلاً لو آنه من العروسه جان فنقرت المصورة ولا عاد لما تقولها شتسوي عشان اللقطات العجييييييبة اشوه بعد مايابت معاها ريش وكبابيس -


بقمزة من ريلاكس نزلت حق اختها عشان أجيك متى تنزل بالضبط
اختها : يالله قوليلها الحين وكاني ياية
ريلاكس والكشرة شاقة الحلج : يالله تزهبي الحين بتيي اختج
-صج صج نو كومنت على تعابير ويه العروسه اكسرت خاطري -
الكتكوته الخدومة : خالتي فلانة ( على فكرة ماتقول خالتي الا جدام الناس وكانت توها داشه خالة العروسة تشجعها يعني ) ، تخيلي انج بعرس أحد .. مو انتي العروس وماعليج من الناس .. وبس ماراح تخافين !؟






- دخلة العروس -

ألف الصلاااااااااااااة والسلاااااااااااام عليك ياحبيب الله محمااااااااااااد
كلولولولوليييييييييش

.

.

.

تميزت ( ____ ) أحلى عروسة بهاليوم ومر شريط الذكريات من الجااااامعة
إلى هاليووووم .. طلعاتنا .. عبطنا .. ثوالتنا .. مواقفنا اللي لانحسد عليها

تذكرت جملة ماتفارقني خصوصاً إذا سمعت هرنها بره
وعقب ماتقولي : ترى آنه بره طلعي بنروح المكان الفلاني --> غالباً تكون توها داشه المنطقة بس لأن اسمالله عليها ماتبي تضيع وقت واهيا تنطر فتدق بالطريج وبس توصل عند فريجنا تبدي سنفونيتها
ريلاكس - عقب ماترقع باب السيارة - الله يرزقج بريل مثلج يلبح عليج ويحن على راسج
اهيا : لاااااء تكفين .. كافي آنه بالبيت وأبوي واخواني .. ماغير هالمقرودة اللي متحملتنا--> قصدها امها
ريلاكس : مسكينة هالام الله يعين قلبها .. بعدين آنه دعيت خلصت وماني مغيرة دعوتي :p

إيه صج من الصفات اللي يتميز فيها ريلها الحنة ... رب لك الحمد ;) طلعت مو هينة









بارك الله لك وبارك لك وجمع بينكما في خير
تستاهلين يا ( ______ ) كل خير
وعسى الله يوفقج ويبارك لج ويتمم عليج



***

P.S
أدري ان مالكم شغل بالموضوع بس حبيت اسجل شصار بالتاريخ وبعض الاحداث