مالي خلق !

1

بعد حنة سبيجة على رقية عشان يروحون مكان رقية تبي تروح له واموصيه المسيجية سباجة اتقولها

.

.

رقية : اوووو سبيجه خلاص قلت مالي خلق أروح

سبيجة : الشرهه مو عليج الشرهه على اللي يقولج !!!

2

نواره .. بأولى ابتدائي .. تتحلطم ليش يعطونا واجبات شكثر
.

.

الأبله : نواره ليش مو حالة الواجب !؟
نواره : أبلة مااااااااااااالي خلق .. شنو كل يوم كل يوم فيه واجبات ؟





3

فهووود .. ثالثة متوسط .. بيطرشونه مع السايق اييب لهم جم شغله من الجمعية

الأم : يمه فهوودي حبيبي شرايك أعطيك دينار وتشتري لي أغراض الحلو .. اليوم بتيي خالتك أم ناصر
فهوود : يممممممممه ! شنو هذا الاسبوع اللي طاف يايتنا شتبييييييييييي !؟
الأم : فهد يمه عيب هذي خالتك .. يالله عفيه اوليدي يالله قوووم عشان يمديني أسويه
فهد : يمه مالي خلق .. خل تيي باجر واييبهم --> هذا ويهي :p





4

تحوس الوكيلة تراكض ورا الأبلات .. تبي أحد يتكرم ياخذ الدرس النموذجي
أبد!!!!!!!!!!!! حالفين محد ياخذه ..

الوكيلة : أبلة مبروكة شرايج تاخذينه !!!؟
مبروكة : لا والله ما أقدر عطيه محظوظة ماشالله عليها مو تبون دماء جديدة !؟
الوكيلة : تهقين ؟
مبروكة : إي ماشالله عليها قدها وقدود
الوكيلة : خلاص توكلنا على الله
.
.
.
محظوظة المقرودة غايبة بهاليوم
وتدبست محظوظة فيه



جك بم .. محظوظة ترى الدرس عليج !!!!!
محظوظة عقب مادرت مسكينة : ليش يامبروكة ماخذيتيه إنتي ماشالله عندج خبرة بهالمجال وصار لج فوق السنتين ..
مبروكة : وييييه من صجج ! ماكو شغل آخذ الدرس النموذجي ؟
محظوظة : وليش ماتاخذينه ؟

مبروكة : بس مالي خلق !!!!





5

هيونه .. 4 سنين ونص حلوة ونص

هيون : مييييييرييييييييييي .. أبي ماي !
ميري قبل لا تييبه ( ميري يبي ماي .. ميري فجي باب .. ميري عطيني جريده .. كله ميري كله ميري .. فيه 2 خدامة لازم ميري )

الأم تشوف ميري تعطي هيون وعقب ماتروح ميري تكلم هيون : هيونه يمه ليش تقولين لها تييب لج ؟ عيب يايمه اهيا اكبر منج ؟
هيون : يمه مالي خلق اقوم !؟


.
.

--> وقمقاااااااااام ان شالله يقمقم ابليسج !



***


صج ما سألتكم
متى تقولون :
مالي خلق
وليش ؟