1
عيدكم مبارك ولو انها متأخرة
وقرت عينكم برجعة حجاجكم
وعسى الله يتقبل منهم
ويكتب لنا وياكم حجة السنة الياية
.
.
2
بما إن احنا كويتين إذن نحن ناقدين ;)
(( عبدالعزيز الحشاش ))
اسم كان يتكرر بجريدة آفاق الجامعية
زاوية ننتظرها دائماً همس القناديل
مابين مقالات هادفة ومواضيع متنوعة
.
.
تخرجنا ولهينا .. وقريت ( بالمصادفة )*
قصة رعب من تأليفه كانت تحفه
- كل ماذكرتها تصروعت -
.
.
أيضاً ( بالمصادفة )
ومن خلال تصفحي لمجلة بازار
وجدت مقالة أيضاً تحت عنوان همس القناديل
وأن أول طبعة سترى النور بمعرض الكتاب
مع أنني أصنف نفسي من الناس غير المحظوظين في هذه السنة
لعدم ذهابي لمعرض الكتاب هذه السنة أو بالأحرى ( طاااافني بسبب تأجيلي )
بطريقة ما استطعت قراءة قصص الحشاش
( مشكوووورة حبيبتي اللي سلفتني القصة يومين :p )
.
.
.
حلوة!
بس توقعتها أحلى ..!
يمكن لأن فيه بعضهم مكررين بالسايت والمجموعة القصصية !؟؟
ويمكن لأني تعودت على الأسلوب القوي بالكتابة !؟؟
ويمكن لأني ناطرتها من زمااان .. فطاب خاطري :p
عموماً كان اختياري موفق لتكون رفيقتي بالشاليه ^_^
لأني احترت بين القصة وبين الكتاب
---
* المصادفة أصح لغوياً وعقدياً لحد يسألني ليش بس هالعبارة أذكرها ;)
14 التعليقات:
:)
ماعرف الكاتب
للاسف ماقريت شي له
وايامج سعيده وانا هم متأخره
جم مره قلت لج نروح معرض الكتاب عييتي
عبالج اتعطل؟؟ رحت بروحي وخلصت
:P
على فكرة اول امس كنت بمرينا ماره فيرجن
ولقيت اغلب كتب واصدارات مكتبة دايموند اللي قلت لج عنها
وترى شريت شغلات يديده اذا تبين شي يعني
بس هالمره مااسلف ابلاش.. بفلووس
وكل ما طول الكتاب عندج اخذ زياده
loooooool
عساج من عواده يالغالية :)
صباحج الورد
ان شاء الله تعوضينها السنة الياية،
وبعدين الكتب تنزل بعد فترة بالمكتبات
او روحي فيرجن،،
ما قريت للحشاش شي
بس تابعت مسلسله برمضان (عيون الحب) وعجبني وايد
2
عن شنو الرواية وشنو تحليلج لها وماذا تنصحين عنها؟
يتهيأ لي أكثر واحد متأخر انا .. بس عيدكم مبارك :))
بالنسبة للزميل عبد العزيز الحشاش أسلوبه مميز وأفكاره جميلة .. وهذا مو غريب نظرا لكون والده مؤلف تلفزيوني معروف ..
بس كنت حاب أعرف شنو القصص المكررة ووين إن أمكن ؟
مع بالغ التحية والتقدير على المجدونة الجميلة :)
شوشو
خلاص اييب لج القصه اقريها ;p
نسكافيه
ضروووووري ضروووري توديني .. خبرج هالايام بطاليه ياختج
لا لا السلف تلف يبا مانبي نتسلف خلاص توووبه ;p
kazmawy
عساك من العايدين والفايزين :)
كبرياء وردة
انسان مبــــــدع
وواقعــــــي
ضروري تشوفين لج شي له تقرينه :))
-mate
اهيا عباره عن قصص متنوعه مو رواية متكاملة :)
وكل قصة لها قصتها ;p
بس بشكل عام استمتعت بالقصص .. وعموماً الكاتب يتمتع باسلوب مشوق
أحمد الحيدر
ايامك سعيدة :)
بالنسبة للقصص المكررة آخر قصتين إذا ماني غلطانة ... أشوف اساميهم وبرد اكتبهم ان شالله :))
لأني قاريتهم بالموقع ورديت شفتهم بالمجموعة القصصية
--
النقد الياي للنساء من الوفرة والرجال من العبدلي ;p
اهلييين ريلاكس
ما عندي سالفة ترى بس يايه اسلم
والعب مع سلحفاتج
زوووووووووووووغة ههههههه
اخليها تنط فوق وتنزل تحت
واطفرها تخاف وتنخش بالصدفة
لووووووول
ياحلوج وياحلوها
:)
هلا بالطش والرش ،،
الله يسلمج من الشـــر :)
لا خلاص كرهت السلاحف بشوف لي شي ثاني :p
إرسال تعليق