البيت بنظرة تفاؤلية

اللي يبينا عيت النفس تبغيه .. واللي نبيه ( جعل ربي ) يجيبه


.
.
.

الأبيات كامله ( بدون تحريف ;p )

ياعـين هِـلِّي صَـافي الدمع هِـلِّـيـه ... وإلْيَا انتهى صافِيْه هَاتي سِرِيـْبـِه

ياعـين شوفي زرع خلك وراعيه ... شوفي معَاوِيْدِهْ وشــــوفي قِليــــْبِه

مـــن أول .. دايــــم لرايه نماليه ... واليــــــوم جَـيَّـتْهُم علينا صعيبـــه

وان مرني بالدرب ما اقدر أحاكيه ... مصيـبــــة ياكـبرها مــــن مصيبه

يامن له الخاطر شفوق يراعيه ... اتبع هوانـــا وغيرنـــــا وش تبي به


اللــي يدارينا ترانا نداريــــــه ... واللي تنكر جعل ربـــــــي حســـــــيبه


اللي يبينا عيت النفس تبغـيه ... واللي نبي عـيا البخت لا يجيبه


***

قصة هذه الأبيات

هذه الأبيات للشاعرة نورة الحوشان حيث كانت تعيش مع زوجها عبود بن علي بن سويلم

وقد وقع بينهما خلاف ادى الى طلاقها طلاقا لا رجعة فيه وبعد الطلاق تقدم الكثير طالبين الزواج منها حيث انها

امرأة جميلة ومن عائلة معروفة وقد رفضت الزواج بعد زوجها عبود الذي كانت تحبه وترى فيه مواصفات الرجل المثالي

وذات يوم كانت تسير على طريق يمر بمزرعته وبصحبتها أولادها منه عندمامرت بمزرعته رأته فوقفت على ناحية المزرعة

وانطلق الاولاد للسلام على ابيهم وبقيت تنتظرهم الى ان رجعوا اليها فأخذتهم واكملت مسيرها

وقد تذكرت ايامها معه وتذكرت من تقدم الى خطبتها بعد طلاقها ورفضها لهم

وقالت الأبيات اللي طافت ^_^