استمتع بحياتك

طبعاً هذي صورة جماعية من اليمين :
سلسلة قصص الأنبياء
ش/عثمان الخميس

والكتاب اللي بالنص :
استمتع بحياتك
د.محمد العريفي

والكتاب الأخير:

أسئلة متنوعة على الأحرف الأبجدية
- نفعني وايد بالشاليه والبر -



***





طبعاً بالنسبة لي قبل استضافه أي كتاب لمكتبتي تهمني أمور منها

1. شكل الكتاب

• النسخة يديدة وإلا قديمة ؟

• جودة الطباعة ( الأوراق ماتكون خفيفة ويبين الكلام اللي بالصفحة اللي وراها يبين --> كتب مصر غالباً تكون جذي )

• حجم الخط لازم يكون مريح للعين

• تمييز الآيات أو العناوين --> مو كل مره تهمني :p

2. محتوى الكتاب والمادة العلمية

• فيه كتب تنفعني بمجالي فتكون مراجع لي أو كتب مساندة ( يمكن أحتاج أطل بويهها بيوم من الأيام ;)
  
• وفيه كتب تشدني عناوينها عاد آنا وحظي

• وفيه كتب مواضيعها تهمني وأكون محتاجة إني أقرى عنها شوي

3. المؤلف

• أحياناً يكون هالشي الفاصل بأخذي للكتاب أو تركه

• إذا ماكنت عارفة المؤلف اقرا مقتطفات عشان اعرف إذا اندمجت وإلا لأ

***

راح اتكلم عن الأخ اللطيف اللي بالنص ;p

ألا وهو كتاب
(( استمتع بحياتك ))



كان اختياري لأحد السفرات وكان اختيار موفق صراحة
لأن بعض الكتب تحتاج تركيز خصوصاً اللي يكون موضوع متسلسل وكل فصل متعلق باللي قبله

المميز بهالكتاب إن فيه مجموعة نصايح نقدر نسميهم مفرقين
ومع كل نصيحة فيه قصة او حدث تخدم النصيحة نفسها فتثبت المعلومة
وبنهاية كل نصيحة تكون فيه حكمة مختصرة


مصادر المؤلف منوعة مابين كتب السيرة وكتب ادارة الذات
واحلى شي إن كل قاعدة حياتية لها دليل من السيرة



باختصار : كتاب يستحق القراءة !
وحياه الله بين اخوانه وخواته بالمكتبة =)