رحلتي العجيبة

من حظي السعيد آنا أبله بنادي صيفي

وكان عندنا رحلة حق أحواض سباحة
الحمدلله إن المكان مسكر لأن مافيني شدة أهايل ورا اليهال بهالشمس الحنانية
كانت كل ابله منا مسؤولة عن 5 بنات تاخذ أساميهم ولازم تحفظ أشكالهم
لأنها بتجابلهم هناك وبيصيرون تحت مسؤوليتها

قلت 5 سهاله ماشالله علي .. وشفتهم واخذت اساميهم
حاولت أحفظهم بس اول مره صراحة اشوفهم شلون احفظ؟

ماعليه قلت ان شالله سهالات خو كلهم 5

ركبنا الباص طليت مره ثانيه وأجيك كل وحده بمكانها ؟
والمفروض في باصنا 20 فعديتهم الحمدلله العدد كامل



***

(( اركبي ياجماعة الخير ))


وحده من البنات إلا بتقعد يم خواتها مادري بنات خالاتها
والباص فيها 3 كراسي وواحد منهم يتبطل آنا يايه بقوم عشان تقعد
توني يايه بقوم إلا هالكرسي الزايد




طاااااااااااااااااااخ طق بركبي :/

ألحين آنا أبله عيب ابجي جدام البنات واهما بالابتدائي
( ياحبيبتي آنا أفجه لج شكو فاجته )

صراحة كان ودي أشلع الكرسي واكفخ راسها فيه
لأن ركبي قامت تندح علي
بس حاولت اتمالك أعصابي
واهم شي ماابجي جدامهم !
.
.
.
رديت كرسيي مغورقه عيوني واقرا على ركبي ;p

ماعليه كل شي بأجره


[ طبعاً الرضة اليوم شحلاتها خضّيريه تلق ]




***

(( وصلنا ))

أخيراً

وصلنا بالسلامة


يالله بناتي امشو نبدل
وديتهم يبدلون


بنوته من بنوتاتي : أبله !
ريلاكس : نعم حبيبتي ؟
البنوته : فجي لي سحابي
ريلاكس : إن شالله


جان تركض وحده ثانيه ( مو تبعي يعني ) : أبله حتى آنا
ريلاكس : @@؟ إن شالله



***


(( عقب التبديل ))


طلعنا إلا بس آنا و 2
@@

زين وين الباجي ؟ مااااااااااااادري !
زين شلون اشابييههم ؟ هم ماااااااادري !

حاولت أدور ؟ المكان كله يهالووه
وشكلهم غير بالبونيهات آنا شايفتهم مع شعورهم
ياربي شهبب بعمري ؟


اوكي هدي ياريلاكس
ورحت وديت الثنتين اللي صفيت عليهم
أحسن من ماميش

وهم باجي الأبلات إن شالله مايقصرون

وبالهده أشوف اللي ماعندهم ابله اكيد هذول بناتي ;p

طبعاً ضميري أنبني سألت المسؤولة

جان تقولي : عادي قبل لا نمشي نيمعهم كلهم

ارتحت شوي وجابلت الحوض

[ طبعاً الحوض اللي مجابلته حوض يهال لأني مو مستعده اطب اطلع وحده منهم إذا اغرقت ] ;p

لا والله صج مسؤوليه .. وبعدين البنات اللي آنا ماسكتهم صغار يعني هالحوض يصلح لهم

***

(( فاصل اعلاني ))


أبله .. حصراااااااانه !
ريلاكس ( علامة تعجب كبر راس الياهل الحصرانه )
بنص انصدامي
.
.
أبله وديني الحمام !



آنا وديتها وأثناء توديي لها --> الفعل متعوب عليه .. كنت قاعده اراجع نفسي اهيا شكبرها وهالعمر يغسلون بروحهم !؟
مابي اغسلهااااااااااااااا آنا مو أمهااااااااااا
يااااااااربي تغسل بروحها وإن نادتني بسوي روحي ماسمعتها



[ وديتها أشوه الحمدلله اطلعت كبيره مانادتني ;p ]



***

(( لقيتها ))

لححححححححححححححظه
لقيتهااااااااااااااا

( آنا طبعاً قبل لا ابدي لازم ابتسامه شقاقية )

:)))))))

ريلاكس : حبيبتي شمسج ؟
البنوته الحلوه : شيخه
ريلاكس : وينج كنت ادورج مساع انتي واختج
شيخه ( ابتسمت )
ريلاكس : زين شيوخه وين اختج ؟
شيخه : كاهي بالحوض الثاني

( اختها اكبر منها فعادي تروح الحوض اللي اكبر )
ريلاكس : وريني إياها
شيخه : أبله كاهي



[ واااااااااااااي الحمدلله .. ماحب المسؤولية مااحب المسؤولية ]




***


(( بقت وحده ))
.
.
.
.
لقيتها مع بنات خالاتها
( رب لك الحمد )
ريلاكس : حبيبتي تعالي سبحي وياهم بهالحوض




***

(( وقت السناك ))

طبعاً أفر على وحده وحده من بناتي
وماقصروا كلهم أبله مانبي !؟
وأبله عقب مانخلص !؟
حاولت اقنعهم يعني بيطلعون شوي وبيرجعون !؟
أبد حالفين يردوني ;p


***

(( أختي يوعانه ))



البنيه : أبله اختي تقول انها يوعانه

ريلاكس : وانتي مو يوعانه ؟
البنيه : لا ابله

ريلاكس : زين نادي اختج خل تاخذ اكلها

[ طلعت وزهبت اكلها ! انطر انطر .. محد !!! ]


ريلاكس : ماتبين تاكلين ؟
البنيه اليوعانه : لاااااااااااااااء أبله ماااابي ( بنزر يعني شتبين )

[ بقلبي : الشرهه على اللي يسئلج ! جيل ماينتحاجى ]



***

(( وقت تيمع البنات ))

ريلاكس : يالله بنااااااااااااااااااات يالله امشو نبدل
ماتبون تاكلون قبل لا تبدلون ؟
( بالشيني بجيس فيه أكل حق البنات فلازم اخلصه )
البنات : لا ابله عقب مانبدل

ريلاكس : على هواكم


***


(( غرفة التبديل ))

ريلاكس : بنااااتي يالله عفيا بسرعه
بنيه : ابله آنا بغسل بعدين أبدل
ريلاكس : أوكي
البنيه : ابله امي ماترضى
ريلاكس ( حاجب مرتفع وحاجب نازل )
خلاص عيل تعالي بدلي
البنيه : انزين
( طبعاً في كل حركه اختها وراها !! دشت غرفة التبديل جان تطلع .. )

البنيه : ابله أمي ترضى بس نغسل جسمنا ماترضى نغسل شعورنا
ريلاكس ( والله بغيت ابجي لأن البنيه فاااااااااااااجه اهيا اللي مأخرتني )
لاااااااء حبيبتي الحين تبدلين انتي واختج وتتسبحون بالبيت يالله يمه بسرعه



***

(( مااتنفس ))



وآنا انطر البنات واحوس ورا وحده وحده
أبيها ترأف بحالي وتعطف علي وتخلصني

والمكان مقموت !

ومعاي ابله تبنجح على عيالها عشان يلبسون
( عيالها بالصج يعني مو بناتها اللي تدرسهم )

مادري شقالت لي تسألني
.
.
.
.
فجأة قمت اشاهق ;p

الابله ام بلعوم مدعاب : هاااااااااااااااو شفييييييييييييييج !


آنا مادري شلون طلعت بره قعدت شوي اشم هوا صجي
إلا هاللي لاحقتني ..!!!!


ام مدعاب : شفييييج ؟
ريلاكس :)))))))) .. أبد سلامتج بس ماقدرت اتنفس
ام مدعاب : كلنا مانتنفس .. اصلا المفروض نموت
ريلاكس بقلبي ( موتي بروحج )



***


(( استعداد قبل الروحه ))


بنيه : ابله خلصت
ريلاكس : تعالي قعدي يمي ننطر الباجي
البنيه الفاجه تتمخطر
ريلاكس : تعاااااااااالي نسيت اسمج ;p

( افج الورقه اقول اسم من الاسامي عشان تلتفت .. تشييري قريب يمكن كانت اختها مو اهيا المهم التفتت )
ريلاكس : وين اختج ؟
الفاجه : آآآآآآآآبلاااااااااااااه الحييييييييييين تييييييييييييييييييي
ريلاكس ( أشك في ذلك )

اطلعت اخت الثانيه وهذي ليلحين اختها داخل

قلولولوليييييييييييش اطلعت العروس

يالله بنااااااااااات



***


(( الزهيوي والبيت ))


تعالي طقي الزهيوي

ريلاكس : شكو ؟

( طبعاً نسيت لا اقولكم ان هذي ام صوت اللي قالت لي طقي الزهيوي )

ريلاكس : لااااااء اخاف
ام صوت : شتخافين تعالي طقيه @@؟
ريلاكس : أخاااااااف شفيج ؟ نطري أناديلج احد
وفعلاً لقيت احد يطقه لها
جك إلا يمي

( ناقزت لين قلت بس ووخرت عنها وعن ازهيويها )


ريلاكس : قلت لج اخاف يعني يايه لازقه بجبدي ليش ؟
أم صوت : انتو مادري شلون فاتحين بيوت !!! وتمشي وتتحلطم
ريلاكس : والله مادري شلون آنا اعرف بس اصك بيوت !

[ يعني ياجماعة الخير اللي بيفتح بيت لازم يدش دوره يتعلم يطق الزهيويه بعدين يتزوج موتقولون ماقلت لكم ]



***

(( بنروح الباص ))

بجرب حظي للمره الاخيره
ريلاكس : بناتي محد يبي وجبته ؟
بنيه : أبله ماطلبتيلي
ريلاكس : كروسان وعصير !
البنيه : عبالي وجبة من مطعم

[ اللهم طولك ياروح ]


***


(( الباص ))



ريلاكس : يالله بنات صعدو
[ الباب مسكر @@ .. يرحم امك مو وقتك .. رحت ادور سايق الباص قلت له يفتح الباب ]

توني لافه إلا هاللي صاك عليها الباب @@ ؟
كفخت عليه الجامه : فج الباااااااااااااااااااااب صاك على ريل البنيه ---> اهنيه خلاص فقدت
عقب مازفيته جان تستوعب البنيه انها تبجي
( تكفيييييييييين سكتي ! آنا ادري مقروده يمكن من الخرعه بجت )
ريلاكس : بس حبيبتي بس .. فيه شي يعورج ؟

البنيه : لاء
ريلاكس : @@؟

.
.
.
.

انتهت الرحلة بسلام :)
صج مسؤولية :/
وصج عوار راس :/

وعوار قلب :/
وكرهت اليهال ( مؤقتاً )

بس لما اذكر وناستهم واهما يطابشون انسى هالمدابج










بس صراحه تجربه ماراح افكر إني اعيدها !