خلطات مجربينها :)

حلو نستفيد من الطبيعة --> شعندها مريم نور
والأحلى لما نشوف نتايجها الزينة علينا
وأحلى شي إن نقلل بهالشي استهلاكنا للأدوية --> هذي ترى طالعه من قلبي
لأن فعلاً هلكنا من الإنتي بايوتك !
وتعبنا من هالأدوية اللي صار عندنا خبرة بأكثرهم نفعاً وأي شركة أحسن ! :/
ماعلينا .. يبت لكم بعض من خلطاتي .. مع تمنياتي لكم بدوام الصحة والعافية :))
.
.
.

1. خلطة الـ :
فلونزا ( من خبير الأعشاب طيب الطيب )
بمقادير متساوية : حبة سودا + مسمار ( قرنفل ) + ينسون ( حبة حلوة )

الطريقة : بس تنخلط وتنلهم --> متعوب على الكلمة صراحة ;p
وبالنسبة لي طحنتهم تالي أخذت من كل واحد قفشه صغيرة وخلطتهم واخذت قفشة شكر ( حجم القفشة ما خلطت شكر وياه ) .. طبعاً ماقدرت أبلعها فشربت على طول الماي عشان يدزهم

من خلال تجربتي :
فادتني وايد وماحسيت بالتكسر المليق
بس لازم اول مانحس إن بتحوشنا .. يعني مو ننطر يوم والا يومين لأ تلاحقو على اعماركم وبتشوفون نتيجة حلوه



2. خلطة لـ :
تقوية الذاكرة ( خبير الأعشاب السعودي د. جابر القحطاني )
المقادير : ربع كيلو من ( العسل + حبة سودا )

الطريقة : تخلط وتوضع ببرطمان وتؤخذ بمقدار ملعقة يومياً لمدة شهر

من خلال تجربة وحدة :
وايد انفعتها حتى مرات تقول ياليتني مااخذتها لأنها مو قادرة تنسى بعض الأشياء
اللهم بارك لها وارزقنا :))




3. خلطة لـ :
الهضم ( خبيرة الأعشاب أمل الأنصاري )
المقادير : دارسين + زنجبيل

الطريقة : بالنسبة لي أحط حق القلاص عودين دارسين صغار + زنجبيل مبشور قد قفشتين أكل تقريباً

من خلال تجربتي :
ابشر الزنجبيل و احط معاه دارسين واصب فوقه ماي حار .. مااحب افوحه
ولي بغيت اشربه أشخل الماي عن الزنجبيل والدارسين

استغنيت عن البيريه والإينو .. هذا من فضل ربي :)

وبالنت مسمينها الخلطة الحارقة أو حارقة الدهون !
يمكن مع الوقت مايندرى .. بس بالنسبة لي فعلاً تهضم