أنا هكرز...!؟

1





طبعاً قبل امس صارت لي طرفه :P

وصلني على ايميلي شي مثل الانفايت بس بصيغة ثانية .. وآنه داااايماً احذف حتى مرات مااقرا .. هالمرة مادري ليش تسلطت على روحي وفجيته .. يمكن لأنه واصلني من اخت عزيزة على قلبي .. فيعني بما ان الثقة متبادلة بينا فجيته .. والكلام كان مفاجأه من ادارة منتدى 25 !!! و بما معنى الحجي ان فزتو مادري رشحوكم وللتأكد من اسماء الفائزين ... وحاطين لينك

قلت يمكن المقروده مسويتلي انفايت حق منتداهم فدشيت اشوف !!!؟


( نقطة وسطر يديد )


معلومة ايميلي كنت دازته مسج حق وحده لأنها بتدز لي شعارهم حق تصميم ما تصميم .. فتوقعت انها بتضيفني خلال هالايام .. فشي طبيعي اترقبها ^_^ وقوووومي ياريلاكس يافطينه وضيفيها !!!



( وابتدت طرفتي .. قصدي مأساتي )


طبعاً بحط مقتطفات منعاً للملل .. بس ابيكم تعيشون الجو معاي شوي








( تحليل شخصية )

مسكين وعباله ان فلتة زمانه !؟
- مادري شبايق بنك -


يشووف افلام مترجمة واااايد



فيه طبع حب التملك


نقص .. وخصوصاً



ماعنده هدف في الحياة





( الأضرار اللي تسبب فيها أخونا بالغ الشف أقصد الهكر مع اضافة ز ;P )

الحمدلله على كل حال

اضطريت لمسح فولدرات كامله باللي فيهم

[ فولدر خاص حق المنتديات _ فولدر خاص حق المناسبات رمضان والعيد وغيره _ فولدر حق الايميلات الحلوه ] غير الإيميلات اللي كنت بسويلها فورووردات .. حسبي الله ونعم الوكيل


اهم شي والحمدلله الايميل ماكان فيه صور أو اشياء رسمية جداً



( استفدت )

1

سويت لي ايميل خاص بس حق شغلي والمنتديات
^_^


2

ايميلي هذا غيرت باسوورده وخليته بأحرف وأرقام ورموز
وكتبته بورقة خو آنه نساية الحمدلله والشكر وخليتها يم ركني المقدس
=)


3

حطيت تحذير اخاف يندز حق اللي عندي شي من ايميلي وانا مادزيت
وبدز لهم من الايميل اليديد عشان يعتمدونه عندهم


4

ماافج أي شي يوصلني شاكة فيه .. كللللش كلللش أسأل صاحبة الايميل
عشان اتطمن .. وأي صيغة فيها انفايت حق أي موقع بالدنيا ماابطله


5

حمدت ربي على نعمة الصحة النفسية
.
.
رب لك الحمد


***

2




يمكن الواحد يحب يكتشف صح .. ويمكن يحب يتعلم شي يديد .. ووايد ناس من فضولهم الزايد يحبون يكتشفون كل شي حت لو غريب ومرات يكون خطر ..!


بس ماتوصل لدرجة التجسس على الأوادم أو تخريب شغلهم !!!؟

لأن هالشي أسمه مرض اللهم ياكافي

والله يشافيهم ويشافي مرضى المسلمين



***

3

وقفــــة ..!؟



قال تعالى : " يَا أَيُّهَا الَّذِينَ آمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا " [ الحجرات : 12 ] . قال الطبري : وَقَوْله : " وَلَا تَجَسَّسُوا " يَقُول : وَلَا يَتَتَبَّع بَعْضكُمْ عَوْرَة بَعْض , وَلَا يَبْحَث عَنْ سَرَائِره , لَا عَلَى مَا لَا تَعْلَمُونَهُ مِنْ سَرَائِره