صباح الخير !

مبروووك للفايزين ومنها للأعلى

وهاردلك للي مافازوا ..

وعسى هالمجلس يستمر لأن خلااااص ملينا وطقت جبودنا

كل سنة قاعدين ننتخب عوووووع طلع هالتصويت من عيوننا !




1
حاشتني حالة زهايمر عقب ماطلعت من اللجنة أجيك الجنسية
أخاف بعد يعطوني جنسية أحد ثاني والا شي لأن شفت جنسيتين جدامي
المهم ما أوعى إلا ختمين قبل هالختم!!!!!؟

بسم الله !؟ آنا متى صوت المرة الأولى ( 2006 ) ؟
عسى ماشر ريلاكس ؟
ممسووووووووحة هالسنة من مخي !

مو قادرة أذكر منو اللي كان نازل
ومن عطيت أصلاً !!!! ;p

.
.
.
مرحلة خطيرة قاعدة أمر فيها ياجماعة

















2
وحدة اعرفها شخصياً .. ياقليبي تقول يايه بدرعم مالقيت أحد
إلا هاللي تقولي تعرفين رقم قيدج ؟
قلت لها يعني رقم الصندوق
جان تقولها إي !!!

تقول عاد قاعده اتذكر رقم صندوقي من صجي
عبالي بيطلبون منا أرقام صناديقنا

ردت تقول الموقف جدام اختها
جان تسألها ليش يطلبون رقم صندوقج ؟

جان تقول : هاو انتخبنا السنة المرة اللي طافت واطلبو رقم صندوقنا
.
.
.
رقعت الموقف وقلت لها إن قصدها انتخابات الجمعية :p

3
وحدة يت تصوت
ونست جم صوت يحق لها انها تصوت فيه

تقول التفت على المستشار مادري القاضي .. إلا مشغول
جان أطالع المندوبات وأقولهم جم واحد نصوت له 4 مهو ؟

جان تهز لها وحده راسها ايجاباً .. والباجي ساكتين ويطالعونها
.
.
.
عااااادي الحياة حلوة

4
مرة عودة ياقليبي يايبة اليهدة مع مرشح من المرشحين ( بسميها سبيجة ) : ماوصيج عفيا الله هالله بـ ..........
المرة اللي اعرفها ( بسميها رقية ) : إن شالله

سبيجة : عاد مو بس كلام ان شالله نبي فعل !
رقية : ابتسامة صفراء

دشت رقية صوتت وخلصت
اطلعت الا نفس اللي موصيتها حافظة شكلها

جان تقول لها سبيجة : مشكوووووورة مشكووووورة
بس ماتعرفنا عليج ؟

رقية : فلانه الفلاني
سبيجة : والنعم والله ....... الخ
- حوار ابتعد عن نصه لأني بروح البيت -



المضحك بالموضوع
ان الشخص هذا كللللش مو نفس توجه فلانه
وأصلاً ماعندها فايض أصوات عشان تعطيه حتى لو مجاملة !


كملنا طريجنا لي السيارة ..


وحدة ثالثة معانا ( خنسميها قماشة ) : صج عاد عطيته ؟
رقية : لا من صجج .. بس جذي أمشي وأقول ان شالله
.
.
.



والله طلعتي منتهي هينه يارقية ;p

5

ليلة السبت

وحدة من خالاتي أسمعها تكلم وحدة .. وعقبها إن شالله يوصل
والله يعافي الانتخابات اللي خلتنا نسمع صوتج --> تعجبيني أموووت بالنغزات الذربة
جك .. سكرت السماعة وجاء البيان التالي :

يابنات ترى فلانة ( بنت عمة أبوهم ) توصيكم على حماها
آنا بلغتكم .. وانتو كيفكم :) --> أحلى شي فيج الديموقراطية

.
.
.
.

ليش وفلانة ماتعرفكم إلا بالمناسبات ؟
لاااااااا وحزة الحزة عقب ماتوزعت التركة
:p

6
أيضاً خالتي بس وحدة ثانية


خالتي : ماااااااايصير بس ننتخب 4 نواب لازم يزيدونهم !
آنا : ليش 4 وكنت متوهقة بالرابع ..!

خالتي : مايكفي تكفين جم وحدة ليلحين موصيتنا يا على أخوها يا على حماها يا على رفيج ريلها ؟

.
.
.

حتى بالانتخابات بنجامل ! @@

7
صراااااحة

الفوضى كانت بس عند الحريم !
سواء بالمقرات أو حتى اللوية !

.
.

وتوزيع العصير غصب @@