( لنا عودة للتعليق على الصورة .. نأسف لعدم الوضوح كنت مستعيلة ومالي خلق اعيد الصورة )
***
(( العبقريات ))
أكيد كلنا عندنا نبذه عن هذه العبقريات
وكنت أدورهم بمعرض الكتاب وماحصلت أحد يبيع لي أي شي من كتاباته
وفي يوم من الأيام .. كنت أسأل اللي معاي بالدوام ليش ماحصلت شي للعقاد بمعرض الكتاب ؟
معقولة خلاص الكل صار عنده كتبه والا محد يبي يشتري كتبه والا شسالفة ؟
جان تشهق وحده
.
.
(كعادتها تسوي روحها ببداية كل موضوع إنها لاهية بعدين تمثل إنها مخترعه ! لازلت ماني عارفة السر في ذلك )
.
.
بعد الشهقة : تبين عبقريات العقااااااااااد !!!!!؟ ( استفهام استنكاري )
آنا : إيه .. ماحصلتهم عيزت وآنا أدورهم
اهيا : أي عبقرية فيهم ؟
آنا : اللي يصير المهم أحصل عليهم
اهيا : شتبين فيهم ؟
آنا ( مشكلتي ويهي يفضحني !!! فكانت ردة الفعل بالويه أكثر من التعبير :p )
اهيا : عاد تقرين ؟
آنا ( بكل براءة) : إيه !
اهيا : يعني عادي عندج تقرين ؟
آنا : no comment مع نص ابتسامة
اهيا : بس اهما هالكبرهم ( مع الإشاره على أن حجم الكتاب الواحد يتراوح مابين 400 إلى 500 صفحة )
آنا ( حسيت باحباط ومالي خلق اكمل حواري معاها )
بعد لحظة الصمت .. !
.
.
.
اهيا : تبينهم ؟
آنا : انتي من وين شاريتهم ؟
اهيا : من مكتبة كانت مسوية جرد وكانت هذي آخر نسخة عندهم .. بس تصدقين من شريتهم مافكرت إني اقراهم
عطيتها نظرة حلوة جذي وابتسمت ومشيت
صج الجدل لا يأتي بخير !!!
***
(( نعود للصورة ))
بعد فترة لقيتهم بمكتبة جرير وفصلت من الضحك .. وشايفين معاي حجم الكتب أول البوست !
يعني مهما كانت الطبعة اللي تتكلم عنها مستحيل تكون مثل الحجم اللي تقول ان هالكبر !!!!؟
آنا بفهم لييييش يعني ليش تظهولين؟ ياربي اش هاليــور ؟
***
(( أنا والعقاد ))
على طاري أنا والعقاد .. أبي كتاب اسمه ( أنــا للعقاد )
عيزت وآنا أدوره ولا حصلته .. من يقولي وين ألاقيه ؟
عموماً كتبه وين نحصلها ؟
أنا والعقاد !
22 التعليقات:
مساء الخير,
أنا اقتنيت قبل فترة عبقرية محمد (ص), وما قرأته إلى الآن لأني سمعت أن الكتاب متعلق بدحض شبهات كبيرة إلى النبي عليه الصلاة والسلام وهي أنه نشر دينه بالسلاح وثانياً مسألة زواجه بإحدى عشر زوجه (أمهات المؤمنين) وجارية (مارية القبطية) .. بس إذا قريتيه عطينا نبذه عنه, وشكراً
:)
ههه, كل واحد له نظرته للأشياء
يمكن اهيا حسب نظرها هذا كتاب كبير لان اللي تعودت ما تقرا غير الجريدة مثلاً...
;P
Enjoy reading!
السلام عليكم
عندي كتاب شامل للمجموعة اسمه عبقريات اسلامية يعني مو كل عبقرية لها كتاب منفصل , وبصراحة قريت عبقرية الرسول صلى الله عليه وسلم وعبقرية ابوبكر وعمر رضي الله عنهم , وبس باقي لي عبقرية علي رضي الله عنه وعبقرية خالد لضيق الوقت , وطبعا اسلوب العقاد وااااايد جميل وطريقة طرحه للمواضيع اللي تتعلق بكل شخصية ممتعهة بحيث تقرين شيء يديد وليس فيه رتابة في السرد
بالنسبة لكتاب ( أنا ) للعقاد فا دورته لج بالنت ما لقيته للأسف لكن ما يمنع انج اتدورين بموقع مكتبة النيل والفرات لاني ما جربت ادور فيه
كنت اتمنى أقرأ شيء للعقاد و ماكنت أدري بشنو ابتدي فيه ..
شكلي راح اقرأ الاصدارات اللي حطيتيهم ..
ثانكس :)
كل عام وأنتي بخير
happy new year
تقبلوا مروري الاول
والعقاد
كانت اصداراته في معرض الكتاب في مجموعة متكاملة فاخرة 26 مؤلف ب70 دينار
واظن المكتبة مصرية
بس اوقع تلاقينه في مكتبات حولي
لا لا لا .. العقاد .. انتي جذي يبتييني يييب !!!
مسكتيني من الايد الي تعورني !!
كم اعشق هذا المفكر والاديب .. عملاق الادب العربي ..
اللللللللللللللللللللله ... عليك يالعقاد اللللللله ..
عموما .. شلون مالقيتي كتبه بالمعرض !!!
انا لقيتهم شكثرهم بعد .. في مكتبة نهضة مصر - في القسم المصري .. وشرييت الي كان ودي فيه ..
ومنهم كتاب " انا " للعقاد الي يتكلم فيه عن نفسه وحياته ... وغيره من الكتب حقه .. شكثرهم وخوش طبعة بعد ..
روووووووووووووووووووووعه :)
حدي قاعد احرج صح :):):)
في بمكتبة العجيري بحولي كتاب اسمه " مجموعة العبقريات الاسلامية " فيه العبقريات ال 6 الي ألفهم العقاد ..وراح تلقين بعد بعض الكتب حق دار نهضة مصر ..وان شاءالله عاد موجود كتاب " انا " بس مو متاكد ..
واذا كلش كلش اسلفج اياه .. تستاهلينه :)
كم انت كبييييييييير يالعقاد :)
وتحياتي ..
ويسلموااااااااااااااااااااااا :)
mate
......
مساء النوور
امممم احتمال عيل أبلش فيه قبلهم :))
seema
......
يمكن ! نفس الفكره اللي طرت على بالي ;p
شكرااااااان ;**
انسان كويتي
...........
عليكم السلام ورحمة الله وبركاته
شي جميل يكون فيه كتاب شامل .. بس نقاشنا كان عن ( كل كتاب فيهم ) هالشي اللي خلاني استغرب :)
قواك الله وماتقصر ..بشوف النيل والفرات جان فيها
وبمر مره وحده العجيري اشوف جود الله ورحمته اييبونه لي :)
eng
....
يالله عقب ماتاخذينهم قوليلي عشان تبلشين وياي بعبقرية محمد اللهم صلي وسلم عليه ونشوف كل وحده شستفادت
:))
faith
.......
وانتي بخير وفرح وسعاده :) --> ماادري من وين اطلعو :)
خالف تعرف
..........
حسااااااااااافه
عاد اول ركن بديت فيه المصري .. وكل ماسألت واحد قالي : واللهي مااعرفش ؟ والا واللهي مافيش ؟
:/
عموماً إن شالله عندي أمل إني أحصلهم .. وياينا بعد معرض الكتاب الاسلامي ان شالله احصلهم فيه :))
شاكرة مرورك أخي الكريم
كويت الخير
................
أكيد عملاق الأدب العربي :)))
وبما إني معلوماتي بالجانب الأدبي ضئيلة نوعت بشرائي وزدت شوي من الكتب الأدبية
وحق عمالقة الأدب بالذات
والله مالقيت .. والمكاتب المصرية سألت كذا مكتبة
حتى مايقولون ان عند المكتبة الفلانية !!!؟ يعني نحاسة وعلى حسبي :/
كلللللللللش ماحريتني على هالوصف الله يغربل ابليسك
يعني إذا خالص منه بعد تبرع فيه تنقذ مسلماً ;p
لا عندي أمل إني راح أحصله إن شالله
شكرااااان على الاضافة القيمة
رجاءا ريلاكس لا تنرفزيني ..
عملاق الادب العربي هو العقاد ولاغير .. وهذا اللقب لقب به .. وحده !!
لاتنرفزيني .. ترى انا عقادي لي النخاع !
loooooooooooooooooooool :)
لايبه شنو اتبرع فيه .. هذا كتاب حق العقاد .. اموت دون تبرعه !!
وتحياتي ..
ويسلمواااااااااااااااا :)
كويت الخير
..........
لااااا غلطااان على هالاعصاب ;p
اوكي عملاق من عمالقة الأدب العربي ماقلت شي !
بعدين بالله الرافعي مو عمالقة الأدب ؟ والمنفلوطي ؟
من جذي قلت لك عمالقة الأدب .. والا عندك حجي ثاني ؟ :))
صج ما عتدها سالفة هذي
كل هالاسئلة و التفلسف و ما تعرف شي
-----------------------------
اقتراح
لا تسالنها عن شي اذا اجابتها شغل مصريين كل شي ايعرفونه :)
هي صدقتك أختي فالكتاب الذي عندي في 500 صفحة أسمة مجموعة العبقريات كاملة ومنشور المكتبة العصرية في لبنان وهو عبارة عن 6 عبقريات:) كتاب رائع جدا للعقاد
بالنسبة لكتاب أنا فهذا هو رابطة الالكتروني http://www.al-mostafa.info/data/arabic/depot2/gap.php?file=009662.pdf
إن كنتي من قراء الكتب الالكترونية وربما تجدينة عن مكتبة ابن كثير في شارع المثنى بمنطقة حولي أو المكتبة العامرية في نفس الشارع
شكرا لك أختي :)
عزيزتي
كثير هم من يبحثون عن التميز .. وإن كان قشواً ... وهالإنسانه اعتقد وما اظلم .. إنها من هالصنف .. يعني ليش تلمح إلى إن الكتاب شكبرة واهوا عادي ما يتعدى 200 صفحة او اقل !!
هالنمونه تحب تراوي الناس انها تراني مثقفه واهيا ماتدري وين الله قاطها
عالعموم شوقتيني عالكتب .. بس خن اخلص اللي عندي وتالي اييبهم .. بس عن شنو مواضيعهم؟ هيدلاينز يعني :)
ملاحظه: مدونة جميلة سعدت باكتشافها مع بداية السنه :>
كنت هنا
أم كومنت
..........
هذا اللي قمت اسويه :))
عادي فيه ناس جذي .. بس هذي مشكلتها مو مشكلتها :p
رجل يحمل مشاعر
...............
نقاشي معاها كان على الأجزاء وليس الكتاب الشامل .. ماحبيت منها الحركة صراحة .. ولو على افتراض ان الكلام صحيح وكل كتاب فيها هالكبر ؟ استغربت منها احتكار الخير !
عموماً اخي الفاضل .. يزاك الله خير .. لازلت احاول بتنزيل الكتاب مو راضي بس بإذن الواحد الأحد بشوف مكاتب حولي جود الله ورحمته :)))
الوتين
......
حالياً ماقريت شي تصفحتهم .. بس مثل ماقالو اخواننا ان عباره عن تاريخهم بأسلوب أدبي رائع بالاضافة إلى الرد على بعض الشبهات
اسعدتني زيارتج وان شالله ماتكون الأخيره :)
إرسال تعليق