1
سعاد تصادف حصة المقرودة بإحدى الزيارات
سعاد : حصــــــة!؟ ماعرفتج شحلوج صايره
حصـــة : عيونج اللي حلوة تســــــ ( طبعاً قبل لا تكمل )
سعاد : هااااااا ماكو شي بالطريج ؟
حصة : لاء ! :)
سعاد : شتنطرين ؟ ياخذ عليج ثانية ؟
حصة : بســــــــــم الله !
سعاد : يالمينونه دبسيه ألحين بالعيال لايطير من ايدج
( حصة صار لها 6 أشهر متزوجه فقط )
No CoMMeNT !
2
دلال رفيجة مريم من عمر وبعرسها محد راكض ودابج معاها من أهلها ولا من رفيجاتها كثر مريم
بعد سنة تقريباً يطلعون يتغدون وتبدي دلال تتذمر من عيشتها وتتحلطم وماااااكو شي عاجبها بهالريل
ومريم المسيجينيه تسمعها وقد ماتقدر تركز بالمحاور اللي تكلمت عنها دلال وتحاول تساعدها بالحلول
دلال : يعني شسوي ؟
مريم : تعوذي من ابليس وماكو الا العافيه إنتي بس لاتكبرين السالفة
وصدقيني كل مشكلة ولها حل بس لأنج الحين معصبه وأعصابج شاده
دلال : مريــــــــــــــــــــــم !!!!!!! ( واهيا معصبه )
مريم : نعـــم ؟ ( اخترعت )
دلال : انتي ليش ماتفهميني ؟
مريم : آنا شقلت ! عطيتج حلول !
دلال : وانتي شعرفج بالله ؟ لا تزوجتي تعالي حاجيني
( ماني شرهانه على هالعوبه آنا أشره على مريم اللي مجابلتها )
3
مااااااااااتدري عنها من الجامعة بس اتشوفها اون لاين
بدرية : من زمااااان مادري عنج يالقاطعه
مااااااااااتدري عنها من الجامعة بس اتشوفها اون لاين
بدرية : من زمااااان مادري عنج يالقاطعه
شيخة : شنسوي يختج هذي الدنيا واشدعوه عاد انتي اللي مقصره :)
بدرية : اي والله صااااجه .. اقول شيخة أبيج تسوين لي الشغلة الفلانية وامر اخذها منج باجر !
شيخة : سامحيني بدرية حدددي مشغولة
بدرية : هاو ليش بالله شعندج ؟ ريل والا عيال عشان تقولين لي مشغولة ؟
شيخة : @@ !
( ليكون بس شيخة تشتغل عندج؟ )
4
أم وحدة من البنات باستقبال بنتها .. وأماااااااام الملأ !
أم لسان : منووووور !!!
شحلووووج اليــوم !
لا وجنج ضااااعفة ؟
شحلووووج اليــوم !
لا وجنج ضااااعفة ؟
بس ناااقصج ريل !!!!!!!!!!!
( وانتي ناقصج كيلو أدب )
5
أمينة مع آمنه بالدوام وأمينة مايبقى أحد بالدنيا ماشكت فيه
وبيوم من الأيام داشة أمينة معصبة
آمنه : عسى ماشر أمينة شفيج اليوم ؟
أمينة : شفيني بعد ؟ فيه علة غير هالعلة !
آمنه : شعلته ؟ منو ؟
أمينة : ريلي ! بعد منو؟
آمنه : مقرووود هالريل أمس كان شزينه شحلاته اليوم صار علة !
أمينة : انتي ليش تدافعين عنه؟ لايكون بس حاطة عينج عليه ؟
آمنه : @@ ؟
أمينة : مقيوله : خاويني وأخاويج وآخذ ريلج وأخليج
6
6
تررررررن ( متعوب عليها تررن ) تدق أم محمد الملقووووبه
أم محمد : أم فهد شلوونج ؟
أم فهد : بخير عساج بخير
أم محمد : أم فهد شلوونج ؟
أم فهد : بخير عساج بخير
أم محمد : زينه الحمدلله و شلون اعييلج شلون بو فهد وشلونكم كلكم ؟
أم فهد : والله الحمدلله كلنا بخير
أم محمد : نوال شلوونها ؟
أم فهد : الحمدلله زينه
أم محمد : ليلحين ماحملت ؟
أم فهد : لا والله الحمدلله
أم محمد : أخاف فيهم شي ؟
أم فهد : لا والله مافيهم الا العافيه بس ما الله كاتب
أم محمد : الله يرزقها ان شالله الذرية الصالحة
أم فهد : يزاج الله خير
أم محمد : و ليلى شلونها ؟
أم فهد : بخير الله يسلمج
أم محمد : ماتزوجت ؟
أم فهد : لأ
أم محمد : جم عمرها ؟
أم فهد : طعش سنة --> متعوب عليها ;p
أم محمد : مسيجينة آنا بنتي هبه يابت ديمه واهيا بعمرها !
شلون فهد ؟ ماخطبتوا له ليلحين ؟
أم فهد : والله ليلحين ندور له
أم محمد : و صالح شلونه .. ومرته ليلحين مايابلته صبي !
وسلوى متى تتوظف ؟
.
.
.
.
( وتتوالى أسئلة أم محمد الغير متنااااهية متقمصة دور الحرص وحب ابناء أم فهد وليس لبلاغة شفها وتقصيها لأخبار الآخرين )
.
.
.
( وتتوالى أسئلة أم محمد الغير متنااااهية متقمصة دور الحرص وحب ابناء أم فهد وليس لبلاغة شفها وتقصيها لأخبار الآخرين )
---
ملاحظة : هذي بعض الحوارات من بنات أفكاري وعيالهم ;p
لبعض المواقف التي مررنا ببعضها إذا مو كلها
بشخصيات خيالية وحوارات تأليفية
سؤالي :
سؤالي :
.
.
.
.
.
.
.
اش هاللقااااااااااااابه ؟
20 التعليقات:
اوووووووووو انا تقريبا مريت فيهم كلهم
حااااااااااله يااختي بس وش نسوي
عالم تعبان
//
تسلم الأيادي
سبحان الله
مع كل إنسان كويتي
لابد و يطلع له إنسان مثله آخر
بنفس المواصفات هذي بحياته
عادي
بدينا نتعود.. أو بالأحرى تعودنا
ناقصات عقل وأدب ، ماذا تتوقعين منهم
أما سالفة ما حملت وهي توها متزوجة
يا ربي شعليكم، يمكن يبون يعيشون فترة بالبداية بدون عيال،،
لا اعلم سر عقلية انه الطفل هو ما يربط الاثنين!
ريلاكس
صج صج صج
خووووش بوست
عاد لو انا اللي كاتبه جان صار طق مطاقق عندي .. جان الحريم كلهم يقولون اني عدو المرأة
بس الحمد لله .. هذي ريلاكس
شيخة الحريم اطلعت تأيدني بكلامي
:)
ريلاكس
بدعتي جدا
يبتيها على الجرح
ياربي هالحريم صج عقولهم فاضية
ما يدرون من راقب الناس مات هماً
بس بدعتي ريلاكس
تسلمين انتي وبنات افكارج:)
نايس بوست
سؤالي .. هل كل حالات الزواج تمر بنفس المراحل ؟؟
بصراحه حاشني احباط وشد عضلي في قلبي بالتالي حاشني تشنج في عواطف قلبي وخلاني اعيد النظر في موضوع الزواج اللي كنت نوعا ما متجه صوبه ؟
بنت أحمـد
•• •• ••
حبيبتي والله :/
ناس ماتسحتي ياختج شنسوي باعمارنا ؟
عــــذوب
•• •• ••
اي والله !
لا ترى فيه بعد صارتلي شخصياً بس ماني ذاكرتها عشان مااعور راسي ومااصدمكم ;p
اسعدني مرورج :)
قصة خيال
•• •• ••
قل السنع والتربية وآنا اختج
لو اهاليهم معلمينهم ان عيب يتدخلون بحياة الناس جان احنا بخير !
وسالفة الياهل ترى وايد اكو عقول نفس عقل هالمسكينة !!!!!
لا وتبين اضحكج زيادة فيه ناس عندهم ان كل مازاد التعداد السكاني بالبيت كل مازادت المصاريف مما يؤدي إلى عدم التفكير مجرد التفكير بوحدة ثانية
مع العلم ان الريال متى ما بغى يتزوج ثانيه بيتزوج لو مرته يايبلته كوكش عيال :))
عثــماني
•• •• ••
لااااااااا ماقصرت ببوست الآنسة والسيدة ماشالله عليك ;p
عموماً ترى احنا نحب الديموقراطيه :))
وهذي فئة موجودة ، بس مو معناته كل الحريم جذي :) يظل فيه ناس تعرف السنع
حياك اخيي
كبرياء وردة
•• •• ••
هلا والله وغلا
الله يسلمج من الشر :)
والله هذي بعض المواقف مو كلها لأني طقت جبدي وآنا اكتب فاكتفيت ببعض المواقف :)))
كـــووول
•• •• ••
لاااااا هذي مو مراحل مواقف
(قد) تمر و(قد) لا تمر على الانسان :)
لاتحاتي مو الكل يمر بهالمراحل على قولتك :p
ريلاااكس بدعتي حدج
ولا سااالفة اللي تشكي من ريلها وبعدين تقول إنتي شعرفج مو متزوجه
واااي حزتها ودي أفجر فيهاا :/
أما هالحريم ولقاافتهم .. استغفر الله
ريلاكس يبتي موااقف حية وموجوودة فعلا ومتأذييين منها واايد
:)))))
واقع .. واقع .. واقع .. بالثلاث :)
يعطيج ألف عافية أخيتي :)
امبييييييييييييه الصوره الاخيره تحححححفة
هههههههه
اتصدقين ريلاكس
كل هالمواقف اللي ذكرتيهم يصيرون عندنا وجنه العيد
كللللللهم من الواقع
ازيدج من الشعر بيت
في ملجه وحده قريبه دشت مرت عمها القاعة
اول شيء وقبل لا تبوس وتسلم
تهقييييييييييييين شقالت
قالت حق ام العروس اللي تصير مرت حماها
وااااااااااااااااااااااااااي
ما بقينا فلااااانه تعرس ?????
ترى فلانه عمرها 22 سننننننننننه بس
تخيلي الاسلوب والتوقيت الخايس
ام العروس بعد قلبي تكدررررررت والسبه هالملقوفه
وياااااااكثرهم هالايام
قطيعة
حبيبتي ريلاكس
مشكوره على التحديث والبحث في الموضوع السابق
صرت اكثر اقتناعا بانه الانثبار من الثبور
يعني كلمه كلللللللللللش مو شيء
:\\
شـــهــد
•• •• ••
لا مايحتاج إنج تفجرين فيها فقط فهميها انج مو الوحيدة اللي بالدنيا تصير لها هالمواقف ومرت عليج نماين من قبلها يعني اكتسبتي خبره من غير لاتتزوجين :))
المواقف الحية فيه اجيد منها بس خشيتها احتراماً لمشاعركم وترفعاً عن هالاشكال :)
الحيـــدر
•• •• ••
هذي نبذ والله احتراماً لمشاعركم ولأني اعلى من المواقف اللي اجيد امتنع عن زيادة المواقف :)
الله يعافيــك
فانكوفــر
•• •• ••
ماتنلام حبيبتي يوم تكدرت يعل اللي كدرتها الحين اقول !
مابي أدعي على هالعوبه ، بس بدون لا ادعي الدنيا دواااااره
وارد اعيد إن صارت لي مواقف كسيفه بس والله يعورني قلبي لا ذكرتها :/
تصدقين عاد انثبر صارت لها اكثر من معنى وطلعت بحل ان على حسب نية اللي يقولها
;p
شرايج فيني ؟
لا بس قمت اخاف اقولها كله منج;)
إرسال تعليق